|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
15-03-2010, 10:20 PM
|
||||
|
||||
ابو سنينة بيضحك على ابو سنينتين
زمان عن الشخر والمواضيع وكالعادة بنقول عالعافية عليكم جميعا زي ما قريتو موضوع النكاش مكتوب فوق وهو مثل سوداني عجبني كتير وهو موازي لأمثال كتير بنعرفها زي جاي يبيع مية في حارة السقايين وجاي يعرج في حارة المكرسحين وبيقصد بيها لما واحد يحاول استغلال التاني محاولات مكشوفة وتدل على سذاجة وغباء الشخص الأول وكتير بنصادف هالمواقف في حياتنا اليومية بداية من الموقف البسيط لما تروح تشتري بضاعة معينة ويجيك البياع يحكيلك انو بيبيعها بكزا بس الك وعشانك خدها بكزا وهو بيبيعها بنص هالقيمة لحد مواقف اكبر من هيك ومش راح احدد وحترك لكل واحد حابب يرد يحكيلي موقف مر عليه قبل شهرين واحد بعتلي اوراق بالبريد الممتاز ولما اجا البريد لعند البيت الموضف دق الباب واعطاني البريد بعد شوي حكالي انو في رسوم مفروض ادفعها عشان وصلني البريد 14 دولار تقريبا قلتلو بطلت بديش استلم خد الرسالة وروح حكالي كيف يعني قلتلو بديش ادفع خد رسالتك وروح حكالي ماشي قلتلو بكرا بجيب المصاري وبروح ادفع في مكتب البريد الا هو اصفر واحمر وحكالي خلص مسامحك في الرسوم خد الرسالة محاور النقاش بتمر عليك المواقف هادي كتير؟؟ شو بيكون شعورك لما تنحط بهيك موقف؟؟ كيف بتكون ردة فعلك هل بتتخانق ولا بتاخدها بالسياسة والاقناع ولا بتنحرج وبتاكل المقلب وانت عارفو مقلب؟؟ طيب هل حصل حاولت تستغفل واحد؟؟ طيب كشفك ولا مشيت عليه؟؟ وشو كان شعورك وقتهاز منورين جميعا
_______________________________
البروفيسور مرق من هان
 ئلبي مش مرتاحلو.. في حاجة 
|
|
#2
16-03-2010, 04:22 AM
|
||||
|
||||
|
بتمر عليك المواقف هادي كتير؟؟ والله بتقدر تقول يوميا يا بروف .. يعني الشغله الها بالخضره والحجات هادي.. انا طبعا اللي لازم اشتري خضار وفاكهه وحجات للبيت .. فالبياعين اللي بيجوا عندنا كتار واشكال وانواع .. يعني مثلا باجي بشوفه ببيع البطاطا 4 كيلو بعشره شيكل.. الا لما اشتري منو بقوللي عشانك انت بس 5 بعشره شيكل.. بيجوا بياعين بعدين بيمرقوا بلاقيهم . ببيعوا 7 بعشره شيكل.. شو بيكون شعورك لما تنحط بهيك موقف؟؟ بفقد باولها.. بس بعدين خلص بعين الله مهو نوص الشعب زي هيك!! نصابين وحراميه.. بس ما بعاود اشتري من اللي استغلني بهيك شي!! الا لما يبيعني بشكل كويس.. كيف بتكون ردة فعلك هل بتتخانق ولا بتاخدها بالسياسة والاقناع ولا بتنحرج وبتاكل المقلب وانت عارفو مقلب؟؟ على حسب الاشخاص.. فيه بياعين مسلا بكونوا زي الحمير اللي ببيعوا عليهن.. هدول بتعامل معهم باكتر عقلانيه وبفهمهم.. او ممكن اني اعصب عليه واعمل مشكله.. بس اللي بكونوا فاهمانيين وبسم الله حولهم وحوليهم.. بحاول احكي معهم بعقل رزين وشسموا.. طيب هل حصل حاولت تستغفل واحد؟؟ طيب كشفك ولا مشيت عليه؟؟ وشو كان شعورك وقتهاز منورين جميعا اعوز بالله .. والله ولا عمري جربتها ولا راح اجربها يمكن يا بروف عشان لسا في البدايه ومفيش غير المسال هادا بس يمكن لما اتجوز ولما اشتغل اكيد هلاقي امسله غيرها كتيييير.. بس عجبتني والله حكمه الزودانيين .. ان شاء الله تكون عجبتك شخرتي.. ام نوووووووور تصبح على خير..
_______________________________
 لأني أحبهم ،، أحمل على كآهلي كل مآ يثقلهم فقط / ، لأني أحبهــم اللهم إمنحني شهادة في سبيلك .. ورضاء منك اللي لا يفنى   اقتباس:
|
|
#3
16-03-2010, 03:43 PM
|
||||
|
||||
|
بتسير كل يوم بنشوف هالناس بكل مكان وكلو بيحاول يكزب ويستكسب .. وكتير مريت بهيك شـغلات وكنت اخجل وامرقها بمزاجي ولما الواحد بيعمل هيك بيفكروه انو مضحكه وبيسير الكل بدو يستكسب منو .. شو الواحد بدو يحكي بعين الله
_______________________________
الحمد لله ع كل حآل
|
|
#4
16-03-2010, 06:07 PM
|
||||
|
||||
|
اقتباس:
مين ام نور  ما علينا والله لو اجت على خضار وبياعين خضرة مش محرزة شخر القصة في حاجات اكبر والمشكلة انو هالاصناف بتخلي الواحد يشك في الكل ويقدم سوء الظن اقتباس:
مزبوط كلامك اللي بيمشي بيحكو عليه اهبل ومضحكة وغشيم المشكلة انو اللي بخانق بيحكو عنو مشكلجي وبتخانق مع دبان وجهو ياما مرت عليا مواقف انا برضو ومشيتها بمزاجي لانو مش محرز الموضوع كلو كتر الحكي وحرقة الدم بس مرات خلص بكون الاستغلال والنصب عيني عينك بوقاحة
_______________________________
البروفيسور مرق من هان
ئلبي مش مرتاحلو.. في حاجة
|
|
#5
16-03-2010, 09:24 PM
|
||||
|
||||
|
والله مرة يا بروف ايام في دولة عربية مجيدة..
واحد طلب مني اكرامية (رشوة) عشان يمشي شغلتي.. وعلى اساس هالاكرامية هادي رسم من الدولة يعني.. قلتلو عيوني .. بس اعطيني فتورة  وبس اتذكر برجعلك..
_______________________________
 انا الغريق فما خوفي من البلل  Finito!
|
|
#6
17-03-2010, 07:37 PM
|
||||
|
||||
|
~يعطيك العافيه حبيب ~ومتل ماتفضلوا
الأخوه أنو هالشغلات شبه أسبوعي بتمز ويمكن شبه يومي ببعض البلدان ~ وخصوصا الغريب ولمسافر سياحه بياكلها هو ساكت عشان المشاكل ~يعني أحكيلك هالموقف كنت نازل عغزه ذات السفرات القديمه وبالمطار إحتاجت عجوز لدوره مياه أجلك الله وكنت قريب منها قالت يما أنا مريضه ومحتاجه... المهم تلفتت بالمكان وجدتها خلف مكاتب الأمن~والأبواب مغلقه دخلت عضابط مناوب وقلت من فضلك .... ضرب جرس إذ بالفراش فتح الباب فتحت الماسوره فش ميه ~كلمت الفراش قال ماشي يباشا المهم تيسرت أمور العجوز الطيبه مالقت الاالفراش ماخدني عجنب وقال 70..جنيه قلت عشان قال السرفيس قلت 5 جنيه ولا أشوف خلقتك أخدها وقال الضابط عاوزك .. شفت الموضوع راح يكبر أتصلت بأحد الزملاء وحكي أنو الفراش ضابط وزميلو الضابط بشتغلو هالشغله بعد المناوبه ~~ وقالي أزا خبصو قول بسلم عليكو المقدم ?من أمن الدوله جابولي شاي وعربه بفراش للعجوز~~ لو واحد تاني كان شو عمل??
_______________________________
|
|
#7
17-03-2010, 09:18 PM
|
||||
|
||||
|
اقتباس:
شو هالوقاحة بدو اكرامية يقول بدو اكرامية مش يلزقها في الدولة اللي زيو كتار اقتباس:
ياما شفنا وسمعنا في السفر مواقف مرة في سفرة من السفرات بوقف تكسي هو فكرني اول مرة اجي هالبلد حكيتلو المكان اللي رايحلو المشوار بالكتير بياخد ما يعادل 10-15 دولار بالعملة المحلية هدا حكالي عشانك ضيفنا وجديدد في بلدنا حخدمك واوديك هالمشوار بسعر خاص اكيد ما معك عملة محلية بوديك هالمشوار ب 100 دولار
_______________________________
البروفيسور مرق من هان
ئلبي مش مرتاحلو.. في حاجة
|
|
#8
17-03-2010, 09:32 PM
|
||||
|
||||
|
انا بصراحة بحبوش ينضحك عليا ومش حكزب واقول انو ما عمرو انضحك عليا مر اكتر من موقف انضحك عليا فيهم خصوصن بكم شغلة شريتها ويعني مسلن لو شريت شغلة وانضحك عليك فيها ما الك حق تراجع فيها بين الشاري والبايع يفتح الله يعني قبل فترة روحت عن تبع بصريات وهوا صاحب والدي بكون فقعد يحكي عن التجارة بقوول مرات بتجي ست بدور على الغالي بكون في مخها انو الحلو هوا الغالي فبتسئلو عن سعر نضارة بقلها ب 300 فما بعجبها بتسلئو عن سعر نضارة تانية فبرووح بزود السعر ل 600 وهوا بيبعها ب 400 وبكون ربحان فيها كويس بس بطر يقولها هيك لانو لما تعرف حئها 600 رخ تشريها غير هيك لأ موضوع حلو منوور يا دكتور
_______________________________
|
|
#9
18-03-2010, 01:15 AM
|
||||
|
||||
|
دايماً تعجبني
صراحة وبكل أسف أنا غبي في مواقف كثير زي هذه خصوصاً في الشرى بحب أدفع وأريح راسي من الخناق والمفاصلة عندك حل تعلمني؟ XD
_______________________________
|
|
#10
19-03-2010, 02:12 PM
|
||||
|
||||
|
بتمر عليك المواقف هادي كتير؟؟ ومين فينا ما اتعرض بحياته لهيك مواقف...الحياة مليانة وياما تعرضنا لمواقف كتير وبكل مكان وبكذا بلد كمان... شو بيكون شعورك لما تنحط بهيك موقف؟؟ بكون حاسة حالي مقهورة ورح أموت من الغيظ والقرف ونفسي أرتكب جناية بالشخص اللي حاول يستهبلني .. كيف بتكون ردة فعلك هل بتتخانق ولا بتاخدها بالسياسة والاقناع ولا بتنحرج وبتاكل المقلب وانت عارفو مقلب؟؟ والله ردة فعلي حسب الموقف نفسه والشخص اللي قدامي ...لو كان الموقف مع شخص إلو رتبة وممكن يوديني بمصيبة بسكت وببلعها وجواتي بكون رح أنفجر .. (متل مواقف الإستغلال اللي بتصير بالمطارات والجمارك ودفع الضرائب وهيك قصص.. هون مو دايما فينا نحكي ..أحيانا بكون الأفضل إنو نمشي القصة).. وإذا الشغلة مع حدا ما إلو قيمة وما ممكن يضرني متل قصة يضحك علي ببيع وشراء وهيك أمور ما بسكت وبقلبها على راسه وبحكيله إنو يروح يستهبل على غيري... طيب هل حصل حاولت تستغفل واحد؟؟ طيب كشفك ولا مشيت عليه؟؟ وشو كان شعورك وقتها بصراحة من فترة قريبة جربت أستغفل حدا قريب مني كتير ولما شك بالموضوع قدرت أقنعه ..كانت أول مرة بعملها بس لأخد حقي منو وأحطه بنفس الموقف اللي حطني فيه لما حاول يستغفلني ومشيتها بكيفي حتى ما يزعل مني أو أصغره قدامي وقدام حاله... وشعوري كتير تدايقت من اللي عملته وندمت كتير وبالوقت المناسب رح أحكي لهاد الشخص عن اللي عملته وشو السبب اللي دفعني لأعمل هيك... يعطيك العافية بروف وبعتذر على الرد الطويل...
_______________________________
دع الأقدار تفعل ما تشاء...ولا تسأل عن غد...فإنه في علم رب السماء...  ننوسة الأمورة اللهم يا فارج الهم وكاشف الغم اجعل لي من كل هم وغم أصبحت فيه مخرجا ... 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| دخييييييييييييييييلو اللي بيضحك | غنيش | استخف دمك | 12 | 07-07-2009 05:07 AM |
| رحبوني ولا فقدتموني ....l ضl بيضحك !! | !!جارة القمر!! | إتفضل يخو | 49 | 26-05-2009 02:13 AM |
| مساطيل راكبين باص ..... ض بيضحك | فلفل شطه1 | سينما المقعد | 10 | 28-01-2009 06:53 PM |
| جوااااااااال شي بيضحك شو هوة ادخل بس طيب .... | مسطول جوح | استخف دمك | 9 | 09-03-2006 02:00 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
