تحياتي للجميع!!

انا عنجد ملدنت معي ... هذا يا سيدي انت واياه ويا ستي انتي واياها واياها كندا تتدعي انها اكثر بلاد الارض تحررا وحفاظا على النفس البشرية وحرية الرأي والفكر والتعبير وكل هالشغلات هادي اللي نصها فارط ههههههههه .. المهم من اكم من يوم كان فيه برنامج على قناة ال cbc هادي هيا قناة كندا الرئيسة (اه غلط الواحد يحكي رئيسية - يللا درس عربي بنص الموضوع هههههههه) المهم وكان الموضوع بيحكي عن المخدرات....

طبعا بكندا ممنوع تبيع حشيش ، بس مسموح تشربو ، ممنوع تهرب مخدرات بس معلش تتعاطاه (قال لانو المخدرات بتعطيك في بعض الاحيان شعور بالارتياح - اه هذا الرأي العام فيها) المهم والحكومة هنا بتصرف مزبوط على الناس وعلى المستشفيات وعلى التاهيل الصحي وعلى مراكز علاج الادمان الخ الخ الخ.... المهم في نهاية المطاف خلاصة البرنامج كانت انو هل لازم الحكومة توفر ابر (حقن) للي بيتعاطو مخدرات؟؟ شوف بالله عنجد بدهم شخرة ، وجابو لقاء مع اعضاء من البرلمان الكندي وقال هذا القرار سوف يتم مناقشته بالبرلمان للحفاظ على ارواح الكنديين اللي بيتعاطو مخدرات ، قال وايش كمان الناس تتصل وبتأيد الفكرة ، قال عشان الدراسات اثبتت انو كتير ناس من اللي بتتعاطى مخدرات بتموت بسبب تلوث في الابر او بيتسبب بانتشار امراض بين المتعاطين عشان هيك الحكومة بدها توفر ابر نضيفة ومختومة للمدمنين عشان تضمن سلامتهم الصحية هههههههههههههههه .... وحياة ربي اشي قمة في الهبل!!

انتو عارفين انو عنا بكندا بيوزعو كوندومز (يعني واقي) في المدارس؟؟ والسن المسموح به لممارسة الجنس (14 سنة) ويعني لو بنت عمرها 14 سنة مسموح تروح تشتري كوندوم وممنوع باي شكل من الاشكال اهلها يحكو معها لو كان عمرها فوق (ال 16 سنة) ، وممكن تقاضيهم لاهلها او الولد قصدي الطفل يقاضي اهلو لو منعو عنو حقو الطبيعي بممارسة الجنس ... بس الصراحة انا لحد الان ما شفت مشاكل مع اي من اصحابي الكنديين مع اهلهم انهم بيمنعوهم او اشي ، بالعكس واللهي باعرف ناس لمنو بنت صارت 16 ولسة ما فقدت عذريتها كان بدو يعرضها على طبيب نفسي ، قال ايش البنت مش طبيعية؟؟ ههههههههههه ، وحياة ربي اشياء بتفطس من الضحك .... يللا هادي هيك زيادة عشان الشخرة تطلع على المزبوط ... بس الصراحة الحكومة والاهل شادين على اولادهم في موضوع الشرب (يعني الخمرة) لحد 19 سنة ....

يللا يا شباب قوليلو شو رايكم؟؟ قال وايش ما هو وحياة ربي انا عدي فقدت ، لا انا عنجد ملدنت على الاخر ، يعني مسحت معي عالجنط ، بعدين الناس بتقولك ليش انت هيك؟؟ يعني اني ملطوش هههههههههه ، ما هو انا مولود بليبيا هناك اصلا قوانين البشرية لا وجود لها ، بعدين عشت بغزة ، يا سلاااااااااااااااااام قمة التقدم والحضارة ، بعدين جيت على كندا ، هنا قوانين الكون والطبيعة كلها معكوسة هههههههه ، يعني كل اشي انا كان بمخي غلط هنا صرت الاقيه صح وكل اشي كان بمخي صح هنا صرت الاقيه غلط ، فتخيلو انتو عاد الماساة اللي انا فيها ههههههههههههههههه ،،،، اخريتي راح انتحر!! ههههههههههههه

_______________________________

يا طارق انتا عضو شرف ، يعني الواحد بدو يكون حذر معك بكلامو لاحسن المخاتير تطيرو من المقعد ، بالنسبة للمأساة الي انتا فيها بعين الله شو بدك تعمل هيك قوانين كندا والناس هدول همي حرين بحالهم ، و في شغلة كمان في عندهم جواز المثلين متل بلجيكا (بدهاش توضيح)، ............و الله لو تعمل معروف خدلك شب عندك
ههههههههه
بعين الله أخي هيك آخر الزمان وقوانينه.....

_______________________________

حبيبي يا وطن بس... يا رجل شو هاللي بتحكيه ، عنجد ما الك حق ، شو اللي عضو شرف ما عضو شرف ، ولك انا زيي زي اقل عضو هنا ، وهادي عضو شرف ما الها دخل لا بمشركاتي ولا بعضويتي ، يعني احكي ودق وبراحتك يا كبير... انت وغيرك كمان!!

بيعين الله ، انا بس قلت يللا هيا نهفة وخللي الشباب هيك تضحك شوية على هالهبل !! هه

_______________________________

الله يعينك
هدا انت عنجد معذور
بس هده الحياه الطبيعيه علي الوجه الاخر من الارض
مش بس بكندا وغيرهابعدين حبيبي هدا غزه ساقطه قيد
يعني ما الها اي علاقه باي مكان علي الارض
الناس هنا غير شكل وحوش اي والله وحوش
بس والله في عندهم شغلات مرتبه احنا ما بنلاقيها هنا او في اي مكان في الوطن العربي
بس بضل غزه
عشقي الاول
اكتر مكان بعشقه وبكرهه في ان واحد
بالزبط زي حبيبتك الي بتموت فيها بس نفسك تخنقها
ودمتم

_______________________________

... عزيــزيـــ ...

لا ترحـــــل ... فقلبـــــــــيــ وذكريــــــــــاتكــ وحبــــــــــكــ مـــــــاضــون إلى حيــثــ لا تعلــــمــ

هههههههههههه

والله بدهم شخر بجد يا مان

هاي عالم فارطة ولادعه

بس الكاز تبعهم لمن يخلص ما بيتعبي تاني

وهاي الفرق بينا وبينهم

حنا ريتشارج بس هم لع يابا

وحبيبي يا طارق والله يشفيك ويشفيهم مشان انته عندهم

_______________________________

إيـــــــــــــــــــه دنيا .............


شكرا على هذا الموضوع ....

_______________________________

هااااااي تارء


أنا كتير بأيدك بأنو كندا فيها قوانين عجيبه

اسمع هالئصه واعتيني رأيك

الماما ئالتلي انو لمن انا كنت زغيره 3 سنوات وكنا عايشين بكندا

نزلت تشتري شغله من الهيبر ماركت وتركتني بالسياره ... ولما رجعت بعد خمس دئايئ

لئت وحده شرتيه حملاني وبتئول تعي استلمي بنتك من عند لجنة حقوق التفل

وفعلا رفعو على ماما ئديه اهمال


بس بالاخر اخدتني



يعني والله انو هالبلد عوجبه



وثانكس اللوت على المودوع الحلو



باااايو

_______________________________

ضحكت فقالوا :ألا تحتشم ؟

بكيت فقالوا :ألا تبتسم ؟

بسمت فقالوا :يرائي بها

عبست فقالوا :بدا ما كتم

نطقت فقالوا :كتير الكلام

حلمت فقالوا :صنيع الجبان ولو كان مقتدرا لأنتقم

بسلت فقالوا : لطيش به , وما كان مجترئا لو حكم

يقول شد , إذ قلت لا

وإمعة حين وافقتهم

فأيقنت أني مهما أرد رضا الناس

لا بد ان أذم !!!!

هدول ما بدهم منا شخرة,, لازم كل واحد فينا يحمد ربنا على نعمة الاسلام
صحيح انو بهادا الزمن الاغلب مسلم بالديانة بس وما بعملو بالدين بس ما وصلنا للهدرجة في انحطاط الاخلاق وربنا يصبر كل المغتربين على غربتهم
مشكوور ع موضوعك لانو بيسقط الضوء على نقطة خطيرة(كيف هادي الجملة )هلئيت المعظم لما يتطلع ع الغرب بيطلع على التقدم والحضارة اللي همي فيها وما بيلتفتو للجانب المظلم عندهم متل القضايا اللي طرحتها
سلام

_______________________________

الصراحة ما بعرف الواحد قيمة غزة غير لمنو يتركها ... بس الصراحة الواحد يقول كلمة حق كندا بتضل كندا يعني والله ولا كل العالم عندي بيسوى شارع من كندا ، وكمان ازود واقول باحبها عنجد اكتر من اي مكان بالعالم ، بس نهفاتهم نهفات هالكنديين !! تسلم يا باشا على مرورك والا ما تفرج صدقني ان شاء الله قريبا!!



اهلين بس عنجد كندية الاخت؟؟ يا ستي ميت مليون اهلا وسهلا فيكي شو ما كنتي تكوني!! انتي نوارتو لهالمنتدى والله!!
احنا بس بنقول الله امتنا غير خزايا ولا مفتونين !!


ااااااااااااااااامييييييين .... حبيبي يا كبير!! ههههههههههههههه

اهلين حبيبي وجع اهلين!!


والله شكلك يا حلا مش مخلية بلد تعتب عليكي ههههههههههههههههههه ، بس انا اللي بدي افهمو اشي واحد انت كيف طلعتي دلوعة هيك كتير؟؟ يعني عنجد دبحتيني ههههههههه ، زي مابيقولو بالانجليزي I really can't handle this وحياة ربي مش قادر استطيع هههههههههه .... بس الله يعين اهل غزة عليكي!!
واه صحيح ... هادي صارت مع ناس اصحابنا كمان ، الام بعتت ابنها على المحل اللي جنب البيت يشتري لحالو ، وشافتو شرطية بالشارع لحالو ماشي (عمرو كان برضو 4 سنين او اشي زي هيك) وبعدين اخدتو الشرطية وبعدين راحت امو للولد اتصلت على امي وراحت امي ترجت الشرطية وهيك ومشتها الشرطية وقالو انو خلص اخر مرة .... عاد ولا واحدة فيهم بتعرف تحكي انجليزي لا امي ولا ام الولد ولا مرت عمو للولد (ما هيا دخلت بالقصة برضو) فانا قلت كنو الشرطية زهقت منهم وما فهمت عليهم اشي ولقتهم هجمو عليها هيك ، راحت خافت واعطتهم الولد هههههههههههههههههه والله اعلم!!
بس للعلم القانون بكندا ممنوع تترك اطفال تحت سن 16 سنة لحالهم بالبيت وممنوع تترك كلبك او بستك برضو لحالها لو سافرت او اشي ومليون الف قصة.... بس وحياة ربي بدهم يحافظو على البشر ، يعني امرار فيه قوانين كويسة هههههههههههههه

الحمد لله رب العالمين ... بس اه عنجد لسة كندا بالف مليون خير مقارنة بغيرها من بلاد الغرب!! بس صدقوني هما بس ما بيعرفو انو هذا غلط بيفكرو حالهم بيعملو خدمة للانسانية بهذا الطرح ، بس الله يهديهم عنجد هما طيبين بس ضايعين شوي!!

_______________________________