موضوع للصبايا , الشباب يعطوني رأيُن - الصفحة 3

لمحة حب · #21 22-08-2010, 12:54 AM

والله أنا أختــي تزوجت و كفت دراستهاآ و جاآبت ولد و هي بتدرس و ما أثر على مستواهاآ ..

.. يعني الحمدلله جاآبت امتياآز ..

.. الشغلة بتعتمد على شطاآرة البنت .. يعني لو هي قاآدرة توفق بين البيت و الجاآمعة .. ليش لأ ؟!!

.. و لو كاآن الإنساآن منيح .. تتوكل على الله ..

.. و غير هيك في صلاة الإستخاآرة .. يعني ممكن البنت اللي بتنحط بهالموقف تصلي استخاآرة واللي بيختارو الها ربناآ منيح

.. و تسلمي ناآدين عالموضوع الحلو متلك حبيبتي ..

^نــاديــن^ · #22 22-08-2010, 03:43 AM

اقتباس:

المشاركة الأصلية كتبت بواسطة القيْصر

والله انا رايي تتجوز وتخلص حالها من قصص العلم والطموح والكلام الفاضي

لانه هذا شعارات وكلام مسلسلات بس

ازا العلم والطموح بالنسبة الك كلام فاضي هذا بيدل على انك بايعها متل ما بحكو

العلم بعمرو ما كان كلام فاضي العلم اسمى رسالة بالدنيا

ولولاه الواحد بيعيش مرمطون عند الي يسوى والي ما يسوى

ويسلمو على ردك

^نــاديــن^ · #23 22-08-2010, 03:48 AM

اقتباس:

المشاركة الأصلية كتبت بواسطة moon prince

يا حبزا طموحها ما يطلعش عن سقف المطبخ

لانو فش غيرو هيكون صاحبها

هي مشكلة العرب , الكيف والكرش

لهيك ما شالله العرب كلّن عباقره !!

القيْصر · #24 22-08-2010, 03:51 AM

اقتباس:

المشاركة الأصلية كتبت بواسطة ^نــاديــن^

ازا العلم والطموح بالنسبة الك كلام فاضي هذا بيدل على انك بايعها متل ما بحكو

العلم بعمرو ما كان كلام فاضي العلم اسمى رسالة بالدنيا

ولولاه الواحد بيعيش مرمطون عند الي يسوى والي ما يسوى

ويسلمو على ردك

ههه في ناس معهم شهادات ومتعلمين ومع هيك مرمطون

وفي ناس ما اليها علاقة بالعلم بس الكل بيحترمها

شو السبب ؟؟

^نــاديــن^ · #25 22-08-2010, 03:52 AM

اقتباس:

المشاركة الأصلية كتبت بواسطة *مس قلق*

انا مش فاهمة نقطة تكفي دراستها منك

و عندها طموح

يعني دراسة فوق الدراسة الطبيعية اللي هي البكالوريس ؟؟

ولا تكمل دراستها قصدك بعد توجيهي

دي تفرق اوي

من ناحيني ضروري البكالوريس بأي مجال طبعا

بس ازا تكمل دراستها لماجستير و لأعلي و عندها طموح و إجالها المحروس كويس و منيح

نصيحة تروح للمحروس

هو اللي حيفيدها بالآخر و أولا و اخيرا حيكون هو

لو دراسات عليا و تضيع عمرها فيها

و بالآخر تخلص دراسة و هي فوق الـ 25

ليش والله ما إلها داعي

تكون درست بكالويس و خلفت اكم من عيّل و كان زوجها مرتاح و مقتدر و إبن ناس احسنلها من هالطموح

يسلمو ع الموضوع

تكفي دراستا يعني ماجستير و دكتوراه , وبعدين هلاء ازا هيي وافئت على المحروس على ئولتك

كيف رح توافئ بينو وبين دراستا ؟؟ , ماشي انو في ناس جابو امتياز وهيك

لكن برضو الحياه الزوجية متعبه فيعني ما رح يكون كل نشاطها لدراستا رح يكون للبيت كلو

وبعض منو لدراستا , هاد كيف ولما تلد وما بعرف شو وشو الي رح يسير بعد هيك

بجد شي كبير يلي عم تحكي فيو منو هيّن

^نــاديــن^ · #26 22-08-2010, 03:54 AM

اقتباس:

المشاركة الأصلية كتبت بواسطة فلسطينية على طول

انا بختلف معك هلق انا بعرف بنات تجوزوا وخلفـوا وهم بيدرسوا طـب

ولحتـى الآن من أوائل الدفعـه ودايما امتيــاز !
فيعني مش شرط انو الزواج يأثر على تعليمها .. فهاد الشي بيعتمد عليها
وانا عن نفسي ازا كنت شايفة اني لو تزوجت رح اقدر اكفـي بالجامعة بنفس مستوايا
العادي .. فرح اوافق عالزواج
اما لو حاسة اني مش حقدر أضـل ع نفس المســتوى .. طبعا برفض
لانو طمـوحي أهم وحياتي العلمية أهم بنظري
والإنسان بلا شهادة ما بيسوى شي

يسـلمو نادين عالموضوع

ويسلمو الك كمان بيبتي حكيك كتير موزون وحلو

ان شالله الله يئدم الي فيّو الخير يا رب

يسلمو بيبتي على مشاركتك الحلوي

^نــاديــن^ · #27 22-08-2010, 03:59 AM

اقتباس:

المشاركة الأصلية كتبت بواسطة سوسة فلسطيــــــــن

والله ياندوووش الآراااء هيي هيي مابتتغير

يعني يا..
1- إما انها تتجوز وتترك دراستها

2- ياإما تكفي دراستها ..

3- أو إنو تجمع بين التنين تتجوز وتدرس

4- او إنو تخطب وبس تخلص بتتجوز ..

بس انا عارفة البنات ازا كانت بتحبو كتير وفي قصة حب بيناتهم بتترك الدنيا مشانو .. << بعرفهم مضحيات كتير

اما ازا كان واحد مابتعرفوو فالقرار بيرجع الها اولا واخرا

والطموح والاحلام شي حلوو والله ..

بس انا برأيي انو كل ما كبر الانسان بتزيد همومو ومشاكلو << " كبر بمركزو يعني مش بعمرو !!"

يعني خلينا على اد شهاده دبلوم او بكالوريوس تمشي حالنا فيها ازا احتجناها ..

وسدئني انا عن نفسي مش مسدئة ايمتى اخلص جامعة واصير دكتورة وارتاح بقا

ومابدي اتعلم بزياده لانو كتر الشهادات راح توجعلي راسي ..

يعني خليني متل هيك
" عالبساطة البساطة .. ياعيني عالبساطة .. يا الله شو مستحلية عيش جنبك يابو الداراويش .. تغديني خبزة وزيتونه وتعشيني بطاطا .."

وهاد رأيي .. يسلموو عالشخرة

===

حلوي هي مضحيات

لكن ماشي فرضا انو اصة حب متل ما بتحكي !!

هل انو الحب اهم من العلم ؟, ماشي انو العمر بيمشي

وانوهون بالمجتمع الفلسطيني ازا الصبيي ما اتجوزت على ال 20 وكبرت اكتر

بيحكو عنّا عانس او انو ما اتجوزت مشان فيها شي

بس انو لازم تسير تضحيه بكل شي , ازا الحب في ناس بيضحو مشانو

العلم ما بدو حدا يضحي مشانو ؟؟

يسلمو بيبتي على مرورك الحلو

^نــاديــن^ · #28 22-08-2010, 04:04 AM

اقتباس:

المشاركة الأصلية كتبت بواسطة sHqe ~

أنآ شفت كلمة { رأينُ } بإسم المُوضوع قلت هذا لنآدين

وعليو ومش عارف شو من وين إنتي ؟

ههههههههههههههههههههه يخرب عئلك

انا من هون من وين يعني

../

نفوت بالمُوضوع ..

مش البنت أخر شي لبيت جُوزهاا !!

يعني البنت مش بتدرس أو بتستنى بالبيت لحتَى يآجي نصيبها !!

طيب أجا نصيبها لليش ترفضه ،

يآ ستي تتجوز ولو وافق زوجهاا تكمل دراسة وطموح ..

لو ما وافق وهي بدها تكمل طموح

خلاص اذن تكمله في بيتهاا وهي عانس

الزواج اساسا بذاته طمووح ،

واللهُ على ما اقول لشهيد ،

{ فهمتي عليوُ } :$

هياتنا رجعنا لأول نئطة الي هيي رح يحكو عن الصبيي يلي بدا تكمل تعليما عانس :@

اول شي ازا العلم وازا الواحد بدو يكون شي كبير بالبلد طز بكل شي كرمال الطموح يلي هوي حاطو براسو

هيي الصبيي انخلئت لحتى تطبخ وتنفخ وتتزوجوتجيب اولاد وترمي بالشوارع ؟؟

لي ما يكون في نظرة احسن من هيك !!

بجد انا بستغرب كتير !!

وعلى العموم انا ابي غزاوي وإمي من سوريا وعليّو يلي كتبتا بالاخر غلط

منور يا شئي

^نــاديــن^ · #29 22-08-2010, 04:06 AM

اقتباس:

المشاركة الأصلية كتبت بواسطة عايشة هيك

هو صح كلامهم البنت اخريتها لبيت جوزها

بس البنت لو كانت شاطرة وطموحة تكمل درستها لانو لاسمح الله صار بالزلمة شي شو حينفعها

فلااازم اول شي يكون معها شهادات علشان بكرة ينفعوها لانه كل شي بينفع وبعدين علشان بكرة ما يعيرها

خاصة اذا كان التاني متعلم فالواحد يكمل بعدين يفكر بالجيزة لانه الحياة مش جيزة وجواز وبس والبنت الشاطرة بكون

طموحها اكبر من هيك كلام وهاد رأيي انا

صحيح هو انتي انحطيتي بالموقف هاد

يسعدلي ياكي بيبتي على حكياتك شو حلوين

حكي كتير حلو وموزون , انا اصلا بهاد الموئف مو لسه بدي انحط فيّو هههه

منورة بيبتي

^نــاديــن^ · #30 22-08-2010, 04:08 AM

اقتباس:

المشاركة الأصلية كتبت بواسطة تحشيش الزمن

أولـن ... خليهـا تتجوز وبعدين تكمل درآستها بعد الـ ـهـاني مون

والله يُستر عليها .. وعلينـا..

تسلم إيدينكـ يا ^نادين^

يسلمو كتير لرأيك يا تحشيش

انت صبيي ولا شب ؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)