|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
27-08-2010, 03:15 PM
|
||||
|
||||
إذا لم تستح فاصنع ما تشاء
اقتباس:
اقتباس:
اقتباس:
يمكن بكيت ييجي ساعه بعد هالمحادثه! فار دمّي..ومقدرتش اصبر اكتر.. وقلت لازم انزل هالموضوع اللي فالقني من زمان بس مراعاة لشعور اكتر من تلترباع شبابنا مكنتش راضيه أنزلو! بس الضرورات تبيح المحظورات! وزوّدتوها كتير يا شبابنا..  بديت الموضوع تاعي بجمله روعه لابو غضب قريتها بموضوع نازل هون بحبيبي يا حج.. جمله عالجرح بصراحه.. وكررتها تلت مرات عشان اللي مش حاسس ... يحس!!! موضوع الشخر تاعي اليوم هوه الو اكتر من عنوان عشان هيك معرفتش واحترت ايش احط عنوانو.. العناوين هيها هنا.. كنّو بطلنا نستحي؟ كنّو بطّل في رجال عن صحيح وحقيقيين؟ زوّدتوها يا شباب المسلمين.. استحوا عاد .. حسّوا على دمكم يا جماعه.. وهلم جرا من العناوين.. موضوعي اليوم.. بستحيش الشب منكم لما يكون انسان متعلم وفهمان وواعي ومثقف و..و..و..ألخ ونلاقيه في بروفايلو عالمسنجر ضايف عندو بنات (.....) وممكن يكونوا كمان اجنبيات والحلاوه لما يكون في بروفايلها هيه لهال(.....) فش غير اسمو هوه واسم تنين تلاته من العرب الحلوين اللي زيو.. والحلاوه الاكتر لما تكون صورتها الرمزيه اشي (......).. وبيستحيش الواحد لما يكون برضو زي ما زكرنا فوق وبيكون فهمان ومتعلم وبيرفع الراس..سواء بعلمو او ثقافتو او شخصيتو..طبعا برا عالم النت! ويكون عالفيس الو حسابين تلاته وبإسمو واسم عيلتو طبعا.. ويكون ضايف (......) ويكون اخواتو البنات عندو عالفيس.. وممكن عمتو او خالتو او عمو او خالو حتى! بجد بسأل انو بيستحيش؟؟؟ لما حد قريبو يكون بيحترمو وبيقدرو ويلاقيه ضايف زي هيك اشكال لا... وتكون كاتبالها اكم كلمه هيك ولا هيك.. وحاطه صورها وهيه بأوضاع مشينه!! بدي افهم.. هل في تفسير لهالاشي انا مش فاهماه؟؟!! هل الزمن تطور وانا مش مواكبه التطور هدا؟؟  اليوم كبرتت معي الشغله بصراحه عشان خاطر هالبنت.. مره زمان انا كان الي قريب ضايفني عالفيس.. ولقيتو ضاف بنت زي هيك.. فتحت بروفايلها.. لقيتو هوه واكم شب زيو ضايفينها.. والباقي كلهم اجانب زباله أعزكم الله.. من يومها حذفتو من الفيس.. وحذفت احترامي الو من عقلي.. ومضلش الو معزّه بقلبي والله! بلاقي الكل ما بيسدق تيجي باب الحاره بلاقيش ولا حد في الشارع وقتها.. طب ليش؟ محدش فكر ليش؟ لانو فيه قيم مفقوده في زمننا ..بس هيه في دمنا موجوده.. في دمنا كلنا.. الحماشه تاعة العرب.. معتز وابوشهاب وحماشتهم ..اندثرت في زمننا.. عشان هيك بنتهافت نشوف هالمسلسل.. بنحس بقيمنا الاصيله موجوده فيه.. وبتقولوا بناتنا صاروا ما يستحيوو وراح منهم الخجل.. طب مهمه بدهم يعجبوا شبابنا اللي بطل يعجبهم غير ال(.....).. صوره رمزيه لبنت ملهاش اخلاق ولابسه من غير هدوم بتبعتلو اضافه بتخلي ريالتو تشط ويضيف!!! مش الكل طبعا هيك ..والحمدلله.. لسه الدنيا بخير والله في شباب ما شاء الله عنهم الله يحميهم لشبابهم محافظين على ادبهم .. انا بقولش انو الشب يكون اهبل.. لا!! انا بقصد عن اللي بيضيفو بنات مش ولا بد.. على فكره انا مش ضد انو الواحد يضيف بنات .. مع انو في شيوخ حرموها .. بس انا بحكي انو الزمن كلو تغير.. بس مش انو الواحد يصير مسخ! يصير نسخه من الاجانب.. استحو عاد.. حكت كتير..معلش من حرقة قلبي.. بس بدي اعرف الجواب لسؤالي... بيستحيش الواحد لما يكون عالمسن او الفيس حاطط اسمو واسم عيلتو وهوه ابن ناس ومتعلم ومثقف.. وفي بروفايلو ضايف بنات زباله؟ طبعا اللي بيشوف بروفايلك بيعرف انك بتحكي معهم ومصاحبهم.. والمرء على دين خليله.. بتحسش انو هدا الاشي حيأثر على نظرة اللي بيعرفوك الك؟ بيستحيش الواحد لما يكونوا خواتو وقرايبو عندو عالفيس وضايف هيك اشكال؟؟ ولما يحط لايك على صورتها او تكتبلها كلمتين الو ؟؟ بيكفي.. لانو بجد دموعي نزلو وانا بكتب الموضوع هدا... 
|
| عدد 11 عضو بقولولك شكرأ يا مفيش فايده على هالموضوع المرتب: | ||
|
#2
27-08-2010, 07:39 PM
|
||||
|
||||
مش دايما الثقافة والحضارة والتعلم بخلي الواحد محترم لانو هادي غريزة جوا كل واحد بس بدرجات والي بضيف بنات زبالة هوا اصلن زبالة  الواحد بستنظف اشخاص محترمه متعلمه يستفيد منها مش يتسخم ع عينو فوق ما هي زبالة معندهاش علم بلا مؤاخزة لطخه يعني بس هادي مشكلة شعب بآسره لما يشوف بنت حرانه وقليلة اواعي ببطل يجمع ربك بعين وبيهدي وبيشفي بردو إمنورة 
_______________________________
 These wounds won't seem to heal, This pain is just too real There's just too much that time cannot erase اقتباس:
|
|
#3
27-08-2010, 07:40 PM
|
||||
|
||||
|
هدي شوية يا د. مفيش فايدة ما تنزلي دموعك على ناس ما بتستحي و ما بتستاهل مش عارفة كيف بدي ارد عالموضوع و انا ما بعرف الفيس بوك بسمع فيه و بحثت عنه عالنت و ما عرفت شو هو عالعموم رح أجاوب على قد ما افهمت شخص زي اللي بتحكي عنه اكيد ما بهمه سمعته او سمعة عيلته و الله بجد الناس غريبة بتعرفي من اول ما بدا مسلسل باب الحارة و انا احكي لحالي ليش احنا مش عايشين زيهم ليش البنات و النسوان ما بيلبسوا هيك زي اللي في باب الحارة كان نفسي افوت في التلفزيون و اعيش معهم ليش الرجال صاروا تافهين و لا بيعرفوا رجولة و لا شهامة و لا اخلاق زي زمان كل هدفهم يقلدوا الاجانب و يمشوا ورا اتفه الامور الله بيعلم قديش ثأترت بكلامك و الشخص اللي بتحكي عنه بعتقد انه مجرد من العلم شو فايدة العلم اذا لم يعمل به الانسان المحترم بيضل محترم وين ما راح بس طبعا ما بننسى ثأثير البيئة اللي بنعيش فيها على تربيتنا لو واحد يتعرف على بنات من النوعية اللي بتحكي عنها بالله شو رح يستفيد غير الفساد و الانحلال و تشوه الافكار و اختلال المبادئ ,, آآآآه شو بدي احكي لأحكي الله يصلح الحال يعطيك العافية و ما تزعلي حالك
_______________________________
--- 00  ينتابني حزن شديد ,, يأخدني إلى الماضي  _____________
|
|
#4
27-08-2010, 07:49 PM
|
||||
|
||||
|
اقتباس:
يعني افهم أنو رايك يا مون انو اللي بيعمل هيك اكيد هوه بيكون زباله!! معقول؟ مفش اسباب تانيه يعني انا مش عارفاها؟؟!! والله انبسطت بمرورك ع الموضوع انت اللي منور ما بتبين صاير بالعنايه ومخصوم منك راتب شهرين مقدم
|
|
#5
27-08-2010, 07:54 PM
|
||||
|
||||
|
اقتباس:
نورتي يا زعلانه .. وعلى قولتك الله يصلح الحال
|
|
#6
27-08-2010, 08:01 PM
|
||||
|
||||
|
انا نزلت دموعي على البنت اول اشي.. وثانيا نزلت دموعي مش على شب واحد او اتنين.. نزلت دموعي على امه بحالها!! يمكن بتقولو هاي بتزودها لكن.. الله وحده يعلم قديش بزعل لما بشوف هيك اشي... من قلبي بزعل.. مش على اي حد.. بس ع الناس المنيحه اللي مش فاهمه ايش بتعمل... هو انا من قلة زعـــلانــة !!! الله بعين
_______________________________
--- 00 ينتابني حزن شديد ,, يأخدني إلى الماضي _____________
|
|
#7
27-08-2010, 08:01 PM
|
||||
|
||||
|
النفاق والكيل بمكيالين يا دكتورة بيلخص الموضوع المنافقين موجودين بكل زمان ومكان والنفاق اشكالو كتيرة بيستترو من الناس ممكن بس من رب العالمين لاء ! الي بيعمل هيك عالمسنجر والفيس بوك نفس الي بيعمل اكتر عالواقع بس ان سمع انو بنت بتحب فلان بخليها رقاصة باعت حالها ومن مبدأ حلال علي حرام عليك الاتنين غلط اكيد بس هو ما بيشوف غلطه وغلط غيره بيضخمه ليوقعه بنفس المستنقع الي هو فيه المسنجر والفيس بوك وغيرها جابت "الدور " للناس لأنها عرفت في كتير من الأحيان تطلع اسؤا ما في نفس الانسان بما انو بواقع غير واقعو وحياة رقمية بعيدة عن حياته الواقعية ممكن ينسى حاله وكل اشي مؤمن فيه ! عمرها الثقافة والعلم ما كانت مقياس اخلاق الانسان الي بيفصل الخوف من رب العالمين في التعامل فعلا في قيم بدأت تندثر وثقة بتروح من الناس لأنو الصالح بيروح بعروة الطالح ما بنقدر انقول غير الله يهدينا ويهدي جميع شباب المسلمين يعطيكي العافية دكتورة
_______________________________
 عواصف   لا تستخدم فمك الا بـ شيئين فقط : هما الصمت و الإبتسامہ ! - الإبتسامہ : لحل المشكلات .. - الصَمت : لتجاوز المشكلات الشيخ الشعراوي رحمه الله
|
|
#8
27-08-2010, 08:37 PM
|
||||
|
||||
|
الـسلام عليكم ورحمة الله وبـركاته مـساءك سـكر مفيش فايده ^^ خلينا نتفق انه لاالعلم ولا الثقافه بالضروره تعمل انسان محترم وذو اخلاق رفيعه واقرب مثال قدامي بنات الجامعه الي انا فيها .. متعلمات اه صاحبات شهادات اه طيب في رقي في اسلوب التفكير والمعامله لا مش موضوعـنا هدول انتـي حكتيها يادكتوره " ان لم تستح فاصنع مـاشئت " المشكله ماصارت محصوره بشب واحد مشكلة ثقافة جيل كامل بااعمار مختلفه وصدقا لهلا مش عارفه ايش الـسبب .. هما الاهل بطلو يربو .. هو في نظره الي بيعملش هيك بيكون عقد ومكلكع هي تفاهه وسفاهه هي نظام تعليم خربان مابيساهم في تربية هي فضاوة وقلة اشغال هما الشلل الخربانه .. مرض نفسي هي كل هدول الاسباب بعرفش والحمد لله هالاشي صار يبدأ من أعمار زغيره حـال يبعث على الاشمئزاز تحيتي يادكتوره
_______________________________
|
|
#9
27-08-2010, 09:10 PM
|
||||
|
||||
|
اقتباس:
ليش في اسباب جمه يعني المعقد النفسي بعمل هيك الي عندو نقص واضح وكبير بشخصيتو بعمل هيك فضاوة الاشغال الي ملازمه الكل بتعمل اكتر من هيك يعني كتير اسباب بتلاقيها ملازمه نفس الشخص المنشود وحالين صارت تبدأ من عمر ال 9 سنين < يعني اكلتنا هوا من هان لاكم سنه يعني الوضع كرب وكربين وتلات اكراب واربع كمان عشان الحلال والحرام ولما تيجي تتابعي حدا .. " معلش سيبو براحته ... اهم اشي يعملو وهوا مبسوط " عذر اقبح من ذنب صحيح  بالنسبة للعناية كل ما اجي بلاقي زحمه وما بعرفش اقعد ع مكتبي
_______________________________
These wounds won't seem to heal, This pain is just too real There's just too much that time cannot erase اقتباس:
|
|
#10
27-08-2010, 09:17 PM
|
||||
|
||||
|
اقتباس:
 ربك بيعين
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
