المشاركة الأصلية كتبت بواسطة عاصفة فلسطين النفاق والكيل بمكيالين يا دكتورة بيلخص الموضوع المنافقين موجودين بكل زمان ومكان والنفاق اشكالو كتيرة بيستترو من الناس ممكن بس من رب العالمين لاء ! الي بيعمل هيك عالمسنجر والفيس بوك نفس الي بيعمل اكتر عالواقع بس ان سمع انو بنت بتحب فلان بخليها رقاصة باعت حالها ومن مبدأ حلال علي حرام عليك الاتنين غلط اكيد بس هو ما بيشوف غلطه وغلط غيره بيضخمه ليوقعه بنفس المستنقع الي هو فيه المسنجر والفيس بوك وغيرها جابت "الدور " للناس لأنها عرفت في كتير من الأحيان تطلع اسؤا ما في نفس الانسان بما انو بواقع غير واقعو وحياة رقمية بعيدة عن حياته الواقعية ممكن ينسى حاله وكل اشي مؤمن فيه ! عمرها الثقافة والعلم ما كانت مقياس اخلاق الانسان الي بيفصل الخوف من رب العالمين في التعامل فعلا في قيم بدأت تندثر وثقة بتروح من الناس لأنو الصالح بيروح بعروة الطالح ما بنقدر انقول غير الله يهدينا ويهدي جميع شباب المسلمين يعطيكي العافية دكتورة

فعلا وجهة نظرك في منها يا عواصف
ممكن يكونوا منهم منافقين وعاملين مؤدبين وهمه قلوبهم بتخفي اشياء تانيه
بينظّروا عل الناس وبيمثلو الشرف والمصداقيه وهمه كزابين للاسف..
مرورك بيسعدني
نورتي يا عسل

المشاركة الأصلية كتبت بواسطة whisper الـسلام عليكم ورحمة الله وبـركاته مـساءك سـكر مفيش فايده ^^ خلينا نتفق انه لاالعلم ولا الثقافه بالضروره تعمل انسان محترم وذو اخلاق رفيعه مسائك ورد يا ويسبر نورتي الموضوع انا مابقول انو العلم والثقافه بتصنع انسان محترم انا اللي مستغربالو انو الواحد لما بيكون هيك كيف بيرضى على صورتو انها تتشوه ويبين بهالشكل عالفيس او المسنجر؟؟! يعني بقصد وبشكل اوضح انو يعمللو حساب تاني باسم تاني ويخبص براحتو مهو محدش عارفو اما يكون فايت باسمو وباسم عيلتو اللي الواحد بيفتخر فيها ومن الحساب اللي ضايف فيه اخواتو واهلو وعلى فكره ممكن يكون دكتور او مهندس او مدرس بيربي اجيال او حتى طالب جامعي جاي يهل البلد وجاي وامو بتطنطن ..ابني وابني ومش عارفه مصايب ابنها عالنت يعني بقصد خبص يا اخي مقلناش لا بس اعملك حساب تاني باسم تامر او فوفو او بسطاويسي وضيف اللي بدك اياه وخبص براحتك بس .. تفضحش الناس اللي بتحبك وتخليش منظرك قدام اهلك بيعرّ!! واقرب مثال قدامي بنات الجامعه الي انا فيها .. متعلمات اه صاحبات شهادات اه طيب في رقي في اسلوب التفكير والمعامله لا مش موضوعـنا هدول انتـي حكتيها يادكتوره " ان لم تستح فاصنع مـاشئت " المشكله ماصارت محصوره بشب واحد مشكلة ثقافة جيل كامل بااعمار مختلفه وصدقا لهلا مش عارفه ايش الـسبب .. هما الاهل بطلو يربو .. هو في نظره الي بيعملش هيك بيكون عقد ومكلكع هي تفاهه وسفاهه هي نظام تعليم خربان مابيساهم في تربية هي فضاوة وقلة اشغال هما الشلل الخربانه .. مرض نفسي هي كل هدول الاسباب بعرفش والحمد لله هالاشي صار يبدأ من أعمار زغيره حـال يبعث على الاشمئزاز تحيتي يادكتوره

حاله تبعث على الاشمئزاز والقرف كمان
منوره يا ويسبر

قبل ما اطرح رأيي في الموضوع المطروح ..




بداية موضوعكـــ ياا دكتورة متشعبــــ ..
و بمس اكتر من نقطة .. حسااســة ..




النقطة الاولي ..


التعليمــ و الوعي و الثقافة و الخ ..
و العلاقة مع البنااتـــ ..

سوااء عربية او اجنبية ..

,
,



النقطة الثانية ..

العاداتــ و التقاليد و القيمـــ و الخ ..
ما بين اليومــ و زماان ..

( بابــ الحاارة )

,
,




النقطة الثالثة ..


التكلنوجيا الحديثة و اساليبــ الاتصاال ..

,
,


النقطة الرابعة ..

نظرة الدين في الواقع اللي بنعيشهـــ ..




و بكل صرااحة و بعيد عن المثالية ..
رح اقولكــ ما رح توصلي .. لنتيجة ..




,\




هلقيتـــ انا رح احاول اجاوبكــ علي اسئلتكــ ..
بردو بكل .. صرااحة ..



لو كاان العلمــ بدون تقي شرفـــ ..
لكاان اشرفـــ خلق اللهــ ابليس ,.




طيبـــ كلامكــ اللي بالبداية ناتج عن شــو ؟!
ما بتلاقيلهــ تفسير الا التالي ..


افراز للنفااق و الازدواجية و مخرجااتــ مجتمعنا و ثقافتنا العريقة ..
بداية من العاداتــ و التقاليد ..


انتهاء بالمفاهيمــ الخطأ و التطبيق للاسفـــ بدون وعي و فهمــ ..
[ لانو شيخ القبيلة و امير المؤمنين لا ينطق عن الهوي ]




طبعا التعليمــ و الثقافة و الوعي ما في رابطــ مباشر ما بينها و بين الانحرافـــ الاخلاقي ..

الرابطــ ممكن يكون بشكل اكثر دقة ..

مقياس الصح و الغلطــ .,
و الوازع الديني ..
و اخيرا العرفــ السائد في البلد ..




طبعا العلمــ مش هوا الرادع للسلوكيااتــ غير سليمة ..
و قد يكون العرفــ السائد في بلد عربي غير مقبول في بلد عربي اخر ..




اجمالا كل الرجال قد يسااق خلفـــ شهواتهــ و نزواتهـــ ..
و لكن لا يسمح او يقبل بها داخل بيتهـــ ..

() مبدأ سي السيد .. ()



و بالتالي يجبــ علي المرأة ان تكون حريصة في علاقاتها ..
و لا تسمح للرجل بتجاوز .. حدوده ..


,\




سببــ نجاح مسلسل بااب الحارة ..


يمثل المسلسل الاخلاقيااتـــ التي يجبــ ان تسود المجتمعااتــ العربية

نخوة و رجولة اهل الحارة ..
احترامــ الصغير للكبير ..
احتضان الكبير للصغير ..
و الغني للفقير ..



التكافل بجميع صوره ..
صورة الرجل الشرقي الذي يحافظــ علي عرضهــ ووطنهــ ..

و يعتبر شرفــ بنتـــ حارتهــ كانهــ شرفهــ هو ..
و الغيرة علي العرض و الشرفـــ ..

( صورة الاخلاق كما رسمها الاسلامـــ بمعناها الصحيح )



الرجل الذي يحترمــ انوثة المرأة و يقدر زوجتهـــ ..
مع محافظتهــ علي رجولتهـــ و سيطرتهـــ علي بيتهــ ..


اضافة الي المرأة التي تقدر زوجها و تعتبره تاج راسها ..
تحترمـــ كلمة اخيها و تعرفـــ حق الجيرة ..
تحافظــ علي بلدها و تدافع عنها كالرجل ..

فاين مجتمعاتنا من تلكـــ السلوكياتــــ ..
و تلكــ الاخلاقيااتــــ ..

[ لا يؤمن احدكمـــ حتي يحبـــ لاخيهـــ ما يحبــ لنفسهــ ]


و بالمناسبة انا ما حضرتـــ المسلسل بجميع اجزاءه ..





قد نري نوعا من العلاقااتـــ التي تجمع ما بين الرجل و المرأة
في زمالة بالدراسة و في العمل و في المعارفـــ ..



بعضها يقومـــ علي الاحترامــ و تقدير الاراء و الافكار
لكن و الحمد للهــ في عقلية زبالة و نفوس .. مريضة ..





طبعا المسنجر من خلال سيااق كلامكـــ ..

تمـــ استخدامهــ استخدامــ سيئ و ما في تفسير
الا ان هذا الشخص خضع لنزاوتهــ .. و شهواتهـــ ..




كل وسائل الاتصال و العلاقاتـــ بتخضع لمبدأ
استخدامــ الشخص لهذه الوسيلة ..


اشبهــ باستخدامــ الكأس ..
اما عصير او ممنوعااتـــ ..




طبعا الحل اانا بشوفهــ يعملو المسنجر الاسلامي ..


,.






بقولو ..


اللي ما رباه اهلهـــ ..
فالزمن كفيل بتربيتهـــ ..





طبعا انا بقدر اقول انو فلانهـــ بتعجبني او بتروق لالي ..
و ما في حدن بقدر يفتح تمهــ الا واحد .. سخيفـــ ..



لكن لما بنتــ تقول انو فلان بعجبها او بروق لالهاا ..
طبعا القياامة بتقومــ فوق راسهاا ..


و برتمي راسهاا في تنكة .. الزباالة ..


,\




بالعرفـــ يتمــ تجاوز ذلكــ للرجل ..
لكن لا يتمــ السماح بذلكــ للمرأة ..




السببـــ : سمعة البنتـــ و سمعة اهل البنتـــ
و شخصيا انا بحتقر هيكـــ .. عرفـــ ..




لانو هيكــ عرفـــ ما أخذ بالحيثيااتـــ للموضوع ..
لانهــ ما حدد سببــ .. الاعجابـــ ..



علي سبيل المثاال ..
كلامهــــ .. ردوده .. طريقة تفكيره و الخ ..


او بيئة و ثقافة البنتـــ ..
و الخ ..





لكن النقطة التي تلي ذلكـــ ..
الي اين سيذهبـــ ذلكــ الاعجابـــ ..




الخلافـــ يصبح اذا قلبــ الاعجاابـــ الي حبـــ ..
و علاقة في .. الظلامـــ ..



و تصبح وصمة عاار لتلكــ المرأة .,
رغمــ انهـــ شرعا ..


يتمـــ معاملة الرجل بنفس المكياال ..





,\





و بالنهاية بقلكـــ ..



3/4 اللي ساقو الشرفــــ ..
بدون .. شرفـــ ..

المشاركة الأصلية كتبت بواسطة مفيش فايده لانو فيه قيم مفقوده في زمننا ..بس هيه في دمنا موجوده.. في دمنا كلنا..

يضيف ناس زي هيك و بيعمل اللي بيعملو في الفيس بوك و في الماسنجر

الآنسان لازم يكون رقيب على نفسه و على تصرفاته

لأنه هوا المسؤول عن تصرفاته.....!

..♥ أدمنتك و انتهى الأمر ♥..

موضوعك بخلي الواحد يتعقد

عنجد والله هالايام بطل الها امان
وعنجد صار تعاملي مع النت هلأ مش زي زمان بالمرة
لانو ازا الواحد كان بامن لاي شخص بالنت ولو واحد بالمية هلأ صار صفر بالمية

شباب صاروا فاضيين كل همهم يعجبوا فلانة وعلتانة
وكل وحدة بحكولها كلام زي ما هيي بتحب

بالاخر لا بتلاقي اسماءهم صح ولا اعمارهم صح او بالاصح ولا كلمة من اللي بحكوها صح :|
زي كانو بفرغوا طاقاتهم عالم النت
لانو بنعمل فيه اللي ما بنعمل او مفقود بالحقيقة !

من الاخر يعني مجنون او مجنونة اللي بامن لاي شخص عالنت مين ما كان
حتى لو ردودو محترمة لو كلامو عاقل لو اي اشي لانو الحقيقة بتطلع غير
واي حدا فينا قادر يقعد يزين بردو لحد ما يبين انو زي كانو اكبر شيخ او دكتور اللي كاتبو وهو بالحقيقة كلامو لا يمت لشخصيتو باي صلة !

هم الناس قدام عينيكي ويللا يللا يطلعوا مناح هالايام
اكبر دليل مسلسل عايزة اتجوز اللي رسمي كل العرسان فيه زي كانهم عاهاتك يا وطن

حبيت كتير حكي قوي الشكيمة ,,
وان شا الله يرجعوا المسلمين زي ايام باب الحارة

يعطيكي العافية دكتورة موضوعك حساس بس للاسف ما الو حل الا نهضة كاملة للشباب والبنات والاسلام كلو !

ان شا الله تكون قرررررررربت

>To Be Or NoTTo Be

بضل عندو حاجز انو احنا عالم و هما عالم ، و مش مسترجي يدخل حالو بعالم تاني غير عن الي هوا عايشو !

حتى أصلا ما بجيد لغتو الام و الي هيا العربية كتابة و قراءة عشان يروح يتفاهم مع الغير بلغاتهم !