السلام عليكم و رحمة الله
اخواني و اعزائ و قراء مجلة ماجد و كابتن بطبط و مشاهدين القنوات الفضائية و الارضية.
بعد التحية .... اوجه لعنايتكم اليوم انني سوف اتطرق الي موضوع مهم في حياة مؤلف عاش من اجل البقاء (<----- محدش يسئل كيف لاني مش عارف), و من اجل رغيف الخبز و من اجل الكتابة و الفلسفة.
في البداية احكيلكم الحكاية و انتو بتعرفو ايش الموضوع.

في يوم من الايام كنت قاعد في المكتبة كالعادة صدفة, لاني ما بروح علي المكتبة الا علشان اوصل الغاز, فقلت لحالي ليش ما اروح اطلع كتاب من هالكتب المصفوفة علي الرفوف و اشوف شو فيه , اتثقف يعني.

فكرت في كتاب اقرأه , بس انتم عارفين مليش في الكتب و لا المطالعة ولا حتى الاناشيد, فقلت خليني اخذ كتاب علي العميان, فرحت و اتناولات كتاب و طلع بالغلط كتاب بسمع عنو كثير و كان نفسي اقرأة منذ نعومة اظافيري (ايام ما كان عندي اظافير).

الكتاب اكيد انتو سمعتو عنو, و يمكن في كثير من الناس هون في المقعد قرأتو.
المهم , رحت و استعرت الكتاب من امينة المكتبة اللي كانت زي العسل و بتجنن, و كانت فوق الاربعين, انتو عارفين زوق ابو العبد في الحريم (شعارنا الخبرة دائما فوق الاربعين), سلمت علي امينه المكتبة و كان نفسي استعيرها بدل الكتاب , بس انا عارف انو ام العبد ما بترضي.

روحت علي البيت , و كانت ام العبد تنتظرني في البيت و كمان نزمية, و نسيت اقول لكم انه صار عندنا كمان بنت و سميناها (زريفة) ما شاء الله عليها طالعة لابوها في الصوت (صوتها عالي و ما بتسكت ابدا). اخذت الكتاب و رحت علي الغرفة الجوانية و قلت لام العبد روحي اعملي لي كاسة شاي غير شكل.

فتحت الكتاب , و بديت اتصفح محتوياته قبل ان ابدء في القراءة, و قلت في بالي يومين و بخلص قراءة الكتاب.

وصلت كاسة الشاي , و بديت في القراءة الفعلية للكتاب, و كان الوقت تقريبا الساعة اربعة العصر. و استمريت في القراءة الي الساعة السابعة و النصف مساءا , و انا منهمك في القراءة و مش شايف قدامي ابدا غير خطوط سوداء و بياض بينهم.

و طبعا الطامة الكبري , اني مش فاهم ولا شي, حاسس حالي طلطميس. قلت بكرة بكمل دراسة الكتاب بلكن بفهم شي.

ثاني يوم صحيت الصبح بدري مع كاسة قهوة من ايدين ام العبد الله يرضى عليها, و بلشت اقراء الكتاب من الاول علي امل اني افهم الكتاب من جديد, .......
و استمريت علي هذا الحال لمدة اسبوع يا اخوان و انا اجاهد و احاول افهم شو مكتوب , و ابدا لا حياة لمن تنادي , مش عارف هل هو مخي مقفول لاني لا اقرء ام ان الكتاب مش مفهوم.

و بعد عدة محاولات اكتشفت انه مش من الممكن لا شخص علي مستوي ابو العبد ان يستفيد من قراءة هذا الكتاب.

لانو لحتى الان لم افهم شي.


واعتقد انه ابن خلدون لما كتب هاي المقدمة يا اما كان انو:
+ بدو يعقد الناس اللي بدها تقراء الكتاب
+ كان هو كمان مش فاهم ايش بيكتب
+ كان سكران و محشش و طلع معاه كلام مصفوف
+ انه ابو العبد مخة لا يستوعب محتويات الكتاب ( مع العلم باني علي مستوى رفيع من العلم)
+ يا اما كانت الدنيا حر و مطر و الجو متكهرب في وقت كتابة المقدمة
+ يا اما كانت الدنيا حر و مطر و الجو متكهرب في وقت قراءة المقدمة

علي العموم هاي هي الخيارات قدامكم و بدي منكم تختارو الاجابة الصحيحة اللي انتم شايفينها.


و مع فاصل اعلاني مدفوع مقدما للمختار حسون ,,,,,
غاز غاز غاز غاز............غاز غازغاز.......غازغاز...غاز

و مع تحيات صاحب القلب الحنون , و الرموش القاتلة , و العيون الجريئة , و صاحب الضل الطويل , و صاحب المقام الرفيع, ابو العبد و مودامتو ام العبد و نزمية و زيرفة ( الطفلة الجديدة)

_______________________________

_______________________________

_______________________________

تسمحلي اضيف خيار مش بندوره من الخيارات.......
طب يمكن انت كنت ماسكه بالمئلوب ومش داري عن حالك

_______________________________

_______________________________

ههههههههههههههههههههههههههههههههههههههههههه

اول شي الف مبارك ما اجااااااااااااك يا عم ابو العبد

وتتربي في عزك هالزريفه يا عم ابو العبد

ثانيا اكييييييييييد هاده الي من دار خلدون كاين كاويها ومحشش مشان هيك

الف الكلام المصفوف صف هاده ... وانته غلطت يا كبيييييييير في شغله

المفروض عمرت الاستاذ بعدين بلشت في الكتاب وصدقني راح تلاقي حالك فهمت

وراح تلاقي الكلام لحاله بيدخل براسك وتبلش المواضيع زي شربه المي تدخل بعقلك

وقلي وين هي المكتبه بلكن رحنا استعرنا امينه المكتبه ....قصدي كتاب من المكتبه

وحبيبي يا عم ابو العبد والله قلق في موضوع المكتبه هاده

_______________________________

شكرا للخوان علي تواجدكم في الموضوع
بس اللي بدو يقرب علي امينه بيكون اخر يوم في عمرو
ديرو بالكو كلو لا امينة المكتبة

شكرا للجميع

_______________________________

_______________________________

يا بروف
الموضوع اكبر من انه ابن خلدون عاجبنا لا
الموضوع مين بيفهم مقدمة ابن خلدون
هاظا موضوع كبير و بيحتاج الي جلسات و اجتماعات لطرح هاظي القضية
تحياتي لكل من شاركونا بالردود

_______________________________

بس خمسة استفتو؟ مش معقولة
وين الغزازوة.!!!!!!!!!!!!!!

_______________________________