|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
| عرض نتائج الإستفتاء: اختار \ي اللي بيطابق رأيك : | |||
| أنا ( مع ) تعليم المرأة و ( ضد ) عملها خارج المنزل بدون ضرورة |
  
|
10 | 35.71% |
| لم تقنعني فكرة عمل المرأة ( داخل المنزل ) .. |
  
|
2 | 7.14% |
| من إحدى أسباب البطالة عمل المرأة بالخارج |
  
|
0 | 0% |
| ( تستطيع ) المرأة في الغالب التوفيق ما بين العمل خارج المنزل دون وجود آثار سلبية نفسية |
  
|
11 | 39.29% |
| ( لا تستطيع ) المرأة في الغالب التوفيق مابين واجباتها المنزلية و عملها في الخارج |
  
|
6 | 21.43% |
| استفتاء متعدد الإختيارات. المصوتون: 28. مصوتش هنا.. | |||
 |
|
|
أدوات الموضوع | طرق مشاهدة الموضوع |
|
#1
10-10-2010, 02:37 AM
|
||||
|
||||
(( علاقة عمل المرأة داخل المنزل بالـ ... )) شاركوني بآراءكم :)
السلام عليكم و رحمة الله و بركاته كيف الحال زمان ما نزلت موضوع بالشخر في شغلة لفتت نظري و بصراحة غيرت رأيي كتير مو شوي بعد ما فكرت بالموضوع في حكي عم بسمع فيو و تكرر من شباب كتير و هو .. انو لو البنات قعدو في البيوت .. كان نحنا لقينا شغل ! الواقع اللي حولينا انو البنت بس تتخرج سهل تلاقيلها وظيفة او عدة وظائف أحيانا للبعض و سهل تتوظف حتى و هي خريجة اكتر من الشباب احيانا .. بالوقت اللي فيه شباب معبيييين بيقعدو سنين ليلاقو شغل هللأ من الاشيا الاساسية لتوظيف البنات قصة الرواتب و انو بدل ما يجيبو واحد يدفعولو راتب كبير بوظفو فيهم تنتين تلات و بشكل عام البنات بيقبلو .. الشغلة اللي دارت في بالي انو : - كل وحدة بتتمنى تكون مرتاحة نفسيا و ما تحس حالها مضغوطة وتشتغل فوء طاقتها - و كل وحدة بنفس الوقت حابة تكون زوجة حلوة دايما و مبتسمة و تقدر تلبي طلبات زوجهاو ما تقصر معو تكون زي ما بدو - و برضو كل بنت رح تحب انها تشوف ولادها مربيين و متعلمين واحسن ناس و مع انا بدنا كل هاد .. بس فعليا نحنا ما منقدر انا نعملو بسبب الشغل برة البيت .. لمجرد انو .. بدنا نعبي وقتنا .. بدنا راتب .. بدي أجرب كيف الشغل برة .. (( نحنا رح نستثني بالموضوع النساء اللي بيشتغلو للضرورة او اللي ما عندهم ولاد و زوجها دوامو طويل مسلا )) تخيلت ل لحظة لو البنات أو النسوان لو بطلو يشتغلو برة البيت و ضلهم بالبيوت .. يديرو بالهم ع زواجهم و ولادهم و ع حالهم .. بنفس الوقت يستغللو وقتهم بال ( العمل جوة البيت ) يعني في كتار بيشتغلو في بيوتهم عند ولادهم بدون دوام رسمي إلزامي و بيقبضو رواتب عادي زيهم زي أي عاملات برة و رح أحب أعطي بعض الاقتراحات من اللي منشوفها حولينا لانو في اشيا بجد حلوة كتير .. 1- منشوف ناس عم تتعاقد مع شركات تصميم مواقع بس العمل بيكون جوة البيوت 2- و منشوف صبايا ممكن يتعاقدو مع طلاب جامعة او مدارس او معلمات و يطبعو ورق عالوورد أبحاث و غيرو او يعملو عروض باوار بوينت و الآي سيدي إل أو تصميم مغلفات 3- مجالات الخياطة و العمل اليدوي 4- مجالات تأليف الكتيبات او الكتب ع حسب الثقافة و غيرو 5- مجالات الطبخ المنزلي بوقت العزايم و بوفيهات الأعراس أحيانا 6- مجالات المكياج و التجميل صالون بيتي ! 7- مجالات الكمبيوتر 8 - الدروس الخصوصية 9- تعليم السباحة و مجال الآيروبيكس و داياتشن وغيرو 10 - مصورة حفلات أو للدي جي 11 - ترجمة نصوص أدبية بأي لغة 12 - عمل فيديوهات لأي موضوع بالتعاقد مع أي حدا 13- تصميم ديكور أو اكسسوار أو أزياء .. إلخ * كتير اشيا .. قصدي انو في كتير مجالات ممكن الواحد يشتغل فيها بالبيت و ما حبكت بالزات تلتزم ابنت بدوام رسمي مدتو طويلة بالاضافة للاختلاط و تحمل أعباء الشغل و تحمل سوء المعاملة و غيرو حابة أعطيكم بعض الاحصائيات اللي قريتها .. - بأميركا عملو احصائية للعاملات داخل المنازل و لاقو النسبة بما يعادل 3 ملايين امرأة عاملة جوة البيت .. ف مو الكل بيشتغل برة زي ما منفكر - قد تصل نسبة زيادة الراتب جراء العمل المنزلي بنسبة 28 % من العمل خارج المنزل غير الفوائد التانية ^_^ - تعترف النساء المتعلمات في المدن بنسبة 27 % بعدم قدرتهن على التوفيق ما بين البيت و العمل .. و بيني و بينكم نوادر اللي بيقدرو يوفقو .. و بكونو كتير مضغوطين انو اكيد النسبة أضعاف هيك عالواقع - يتم صرف ما نسبته 40 % على الملابس و وسائل المواصلات من الدخل الشهري ! غير طبعا ازا في شغالة او اشيا تانية بصفي معاها يادوب نص الراتب ع حساب كتير اشيا .. تعتبر من وظيفة المرأة الأساسية .. غير الأعداد الهائلة من العنف الأسري و تشرد الأولاد و انتشار الفساد بين الشباب و غييرو و غيرو نتيجة الاهمال في التربية و متابعة الأولاد و الاعتماد عالخادمات و الحضانات و غيرو .. كتار بنات رح يقولو شو فايدة الشهادة لو ما اشتغلت و الجواب بسيط وهو .. (( إذا علمت رجلا فإنك تعلم فردا ، وإذا علمت امرأة فأنت تعلم جيلا و أمة .. )) بالاضافة لانو المرأة ما بتكون اهتماماتها تافهة لو حرصت على التعلم المستمر و الثقافة .. ولو فكرنا فيها .. الشي اللي رح ننسأل عنو يوم القيامة هي وظيفتنا كنساء من ناحية تعاملنا مع ازواجنا بالاضافة للتربية مو انو ليش ضلليتي بالبيت و ما اشتغلتي ! و رح أختم بشغلة كانت رايحة عن بالي من قبل .. لما وصى سيدنا محمد صلى الله عليه و سلم بالأم وقت ما قال : أمك ثم أمك ثم أمك ما كانت هالكلام بسبب تعب المرأة بوقت الحمل و الولادة و بس .. كان كل هالتركيز لانها هي المربية اللي عم بتدير بالها ع ولادها طول هالسنين ف كانت أحق الناس بالاحسان و الأجر العظيم عند الله .. وهاد من جديد .. صار رأيي الشخصي و رأي كتير شباب بكرهو عمل المرأة ! بس فكرت فيها فعليا نحنا رح نقلل نسبة البطالة بعملنا في بيوتنا بأقل أضرار و بفوائد أكبر من العمل برة البيت و بهيك منساهم في تطوير المجتمع و تعليم الناس أو مساعدتهم .. (ع حسب الشغل ) و بنفس الوقت بيكون في راحة نفسية اكتر جوة البيوت .. و طبعا ربنا بيسرلنا نساء محتاجة للعمل أو عندهم ظروف بتلائم انهم يقدرو يشتغلو برة بأريحية نوعا ما .. ليكونو ممرضات و كوافيرات و شو ما بدنا ^^ حابة تعطوني آراءكم و تعليقكم عالموضوع و لو كلام تاني أو إضافات ف رح يكون شي حلو و مقبول بالنهاية هادي أراء بس حبيت نطرح فكرة العمل جوة البيوت ^_^ تحيتي للكل و سوري عالإطالة 
_______________________________
سبحان الله وبحمده .. سبحان الله العظيم ^_^ اللهم ارزقنا الخير كله في الدين و الدنيا و الآخرة .. ونعوذ بك من الشر كله في الدين و الدنيا و الآخرة اللهم حسِّن الفاسد منا واجعلنا كما تحب و ترضى .. من مواضيعي: * (( علاقة عمل المرأة داخل المنزل بالـ ... )) شاركوني بآراءكم  * حقيقة نبوة نبينا محمد في الإنجيل ..(فيديو ) راااااااائع و مؤثر ..^^ * كن ناجحا وابدأ حياتك من جديد ..(في الصفحة الأخيرة ملخص الموضوع)
التعديل الأخير تم بواسطة : السندريلا بتاريخ 11-10-2010 الساعة 08:41 AM. |
| عدد 10 عضو بقولولك شكرأ يا B.easy على هالموضوع المرتب: | ||
|
#2
11-10-2010, 02:37 AM
|
||||
|
||||
تحيه مكلبزه لموضوعك حجه B.easy من لي بتربية النساء فإنها في الشرق علة ذلك الإخفاق الأم مدرسة إذا أعددتها أعددت شعبا طيب الأعراق الأم روض إن تعهده الحيا بالسري أورق أيما إيراق اللأم أستاذ الأساتذة الألى شغلت مآثرهم مدى الآفاق أنا لا أقول دعوا النساء سوافرا بين الرجال يجلن في الأسواق يدرجن حيث أرَدن لا من وازع يحذرن رقبته ولا من واقي يفعلن أفعال الرجال لواهيا عن واجبات نواعس الأحداق في دورهن شؤونهن كثيرة كشؤون رب السيف والمزراق تتشكّل الأزمان في أدوارها دولا وهن على الجمود بواقي فتوسطوا في الحالتيسن وأنصفوا فالشر في التّقييد والإطلاق ربوا البنات على الفضيلة إنها في الموقفين لهن خير وثاق وعليكم أن تستبين بناتكم نور الهدى وعلى الحياء الباقي حافظ ابراهيم للقصيدة معاني كثير منها العطاء والتضحية واهمية تعليم الأناث والستر عليهم لكني شايف انها افضل رد علي موضوعك منوره
_______________________________
التعديل الأخير تم بواسطة : السندريلا بتاريخ 11-10-2010 الساعة 08:46 AM. ليش؟: تنسيق |
|
#3
11-10-2010, 02:54 AM
|
||||
|
||||
|
ممممممممم مش عارفه شو قصدك مش عارفه مالي مش قادره استوعب بس انا ححكي راي عحسب مافهمت انا بشوف انو الوحده بمجرد ماصارت مسئولة عن زوج فهي واجب عليها تاطر حياتها مش لخدمتو لا بس كيف احكيلك انو تكون زوجة تقدر تقوم بواجباتها على اكمل اكمل اكمل وجه هلا انا وحده من الناس اللي مستحييييييل اشتغل بعد الزواج ليش؟ لانو وبكل بساطه بنظري لو قد ماحاولت الوحده مننا توفق مابين البيت والزوج والاولاد فمش حتقدر وحتظلم نفسها بالاول بتحميل حالها عبء هي بغنى عنو تانيا حتظلم زوجها واولادها لانها مارح تقدر تقوم بواجباتها اتجاههم على اكمل وجه بالنسبه للشغل داخل البيت انا وحده من الناس اللي يعتبر شغلي 60% هيك اكتر التحقيقات والاخبار بعملها بالبيت وببعتلها للماغازين عالايميل وبنزل ميداني مره او مرتين بالشهر اذا صارت يعني وبخصوص انو هيك رح نترك مجال للشباب بجوووز لانو وبصراحة في كتير وظائف النساء استحوذو عليها بسبب الراتب متل ماتفضلتي وبسبب انو وجه نسائي بيجلب للمؤسسة كوستمور وهيك فانو موضوع الشغل بالبيت حلو مع اني ضد فكرة شغل المرأة كلها وهي متزوجة ويسلموا بيبتي يارب اكون فهمت المغزى من الموضوع صح
_______________________________
____ __________________________________________ ____________________________________  |
|
#4
11-10-2010, 07:51 AM
|
||||
|
||||
|
عالعافية بي ايزي ويسعدلي صباحك منورة الشخر من جديد  بس الله يهديكي شو هالموضوع ههههههههه هلأ الشباب ما بيصدقوا هههههههههه المهم.. ما علينا  أنا مع قعدة المرأة في البيت ومع شغلها خارج المنزل وما بظن انه هالشي راح يأثر على تربية الأولاد بدرجة كبيرة لأنه مش كل النسوان اللي بيشتغلوا مهملين في تربية الأولاد ولا كل اللي قاعدين في بيوتهم ممتازين في تربية الأولاد الهامل هامل والحريص حريص مهما اختفت الظروف والواقع شاهد على هيك فئة كتيرة في المجتمع بتتخيل انه المرأة العاملة بترمي ولادها من الصبح عشان تروح الدوام! إطلاقا.. إلا ما تدبر طريقة يكونوا الولاد فيها مرتاحين وهالايام الطرق متوفرة وبكثرة ابتداء من الحضانات اللي بتكون في الشغل وخاصة باطفال النساء العاملات.. إلى وجود اهل الزوج او الزوجة أو الروضة او او بعدين مجتمعنا بيناقض حاله كتير كتير بنقول بدنا نعلم البنات... مين اللي حيدرسهم؟ خصوصا مرحلة الروضة والتمهيدي والابتدائي حتى الثانوي؟؟ المدرسات هدول مش برضو نساء وعندهم عيلة وأطفال ولا بدنا مدرسين يدرسوا بناتنا ؟؟ مرحلة الطفولة بدها طولة بال في التدريس والرجال معروف ما عندهم طولة البال والمراهقة محلانا وكل بنت ماسكة في استازة وقصص الحب والغرام تطلع في مدارسنا ساعتها بتكون المدرسة اكتر مكان بنأمن على بناتنا فيه! هاد واحد تنين.. شغل المستشفيات.. اكتر دوام ممكن يكون تقيل على الدكتورة او الممرضة شوفي مجتمعنا العربي... بتلاقيه يشترط انه اللي تعالج مرته او بنته او اخته دكتورة مو دكتور خصوصا المتدينين هدلو تبعين وقرن في بيوتكن  وبده ممرضة تتابع حالة امه العجوز في البيت (ممرضة منزلية) وفي مجال النسا والولادة بالزات اغلب الناس ازا مش كلهم بيفضلوا دكتورات وطاقم نسائي مش ذكوري مع انه مش حرام شرعا انه يكون دكتور هاد اللي في بالي لهلقيت لو طلع اشي تاني توقعي زيارة اخرى هههههههه منورة بي ايزي
_______________________________
 يا رب كُــــن لهم ناصراً ومعيناً |
|
#5
11-10-2010, 08:38 PM
|
||||
|
||||
|
مرحبا بي ايزي يعني معلش بلاحظ سرت بالاونه الاخيره كيمه مواضيع واعتراضات بكل مكان ع شغل البنت او المرأه موش فاهمه يعني شو بدهم خلصت المشاكل تبعتنا الي بالدنيا عشان يتركوها ويلزقو بهالموضوع بالزات طبعا الحكي موش ع موضوعك تفهمنيش غلط  س الي بدي احكي انو في نسوان بتوفق بين التنين صحيح بتكون ضحت كتييير وتعبت بحيتها لتوفق بين كل هالشغلات لكن بالنهايه قدرو يوفقو وعمرهم ما حسسو ولادهم ولا زواجهم بأي تقصير وانا بشوف داائما امي قدوه الي بهالموضوع حمد لله عمرها ما قصرت بحق بتيتها ولا زوجها او اني بتزكر مره بابا اعترض ع شي بالبيت او حكالها شغلك وما شغلك وبالنهايه هيه بلسانه بتحكي انا صحيح اتعبت وطلعت عيني بس مبسوطه مبسوطه انو حققت الي بدي اياه بشغلي ولو اشتغل العمر كلو ما بشبع من الشغل وبنفس الوقت ربيت ولادي صح ... يعني فيها المرا اتوفق بين التنين وعنا كتير مدرسات معي بالشغل بشتغلو بالمدرسه كلهم بروحو بطبخو وبدرسو ولادهم وبنضفو بيوتهم وفي منهم كمان بتدرس جامعه وزوجها مبسوووط فيها وطيران وبشجعها كمان ع الشي الي بتعملو وهيه بتتعب بس مبسوطه انها قادره تعمل كل هاد وحده بعرفها بتعمل كل هدول وبتجيب امتياز بالجامعه كمان . طالما انا قررت اشتغل معنها ربنا راح يعطيني طاقه اكمل الي بديتو وموش حتعب واحنا ماانخلقنا بس لنام وناكل ونشرب بالنهايه احنا بشر والبشر عامه مخلوقين وعندهم حب ليتعلمو وليشتغلو ويكونو اعضاء مفيده بالحياه وكل انسان بشوف انو مفيد بالحياه اذا عمل الشي الي بحبو الي بدها تدرس والي بدها اتربي ولادها وتكون بس لخدمه زوجها وولادها ..وطالما شريك حياتي المستقبلي راضي بهالشي راح يتحمل مني ايا تقصير بسيط . وع رأي ابوي يسلملي ان شا بقلي انا ما شقيت واتعبت كل هالتعب عشان يجي واحد ويقلك اقعدي بالبيت فش شغل واتروح دراستك وتعبك كل هالعمر ..بدي اياكي اتكوني قويه وتشتغلي وتثبتي حالك بهالحياه(طبعا اعتراضو عدم الاختلاط ) وبنفس الوقت اتكوني زوجه منيحه يعني مو كل الرجال مخهم واحد . نيجي لقصه انو رجال وما رجال وانو النسوان بتاخد وظايهم والله يا حبيبتي بهمهمش رجال ولا نسوان مهم عندهم يكون الي حنوظفو بفهم والشركه الي بتفهم بهمها موظف يمشي الشغل صح الا اذا بوظفو البنات لانو المدير حابب يكون حوالي كوم مزز يتغالس ع اهليهم فهاد شي تاني  ..وححكي ع الاغلب بعطو البنت متل الرجال يعني موش زي ما بتحكي بوظفو تلت بنات براتب واحد هاي اول مره اسمع فيها نيجي لشغل بالبيت زي الامثله الي طرحتيها اولا ازا بدي اشتغل بشركه تصميم مثلا منا هالشي حيطلب مني قعده بالسعات ع الكمبيوتر هاد موش تقصير بنظر الرافضين عمل المرأه ... وغيرو غيراتو وبعدين ع مستوى الون العربي هيك شغل بمشيش حالو لانو حينطلك زوجك ويحكيلك جايبالي غرب ع بيتنا بديش كل هالقصه كل من هب ودب معو تلفونك عشان الدروس الخصوصي وتعمليلي البيت مضافي والرغي الفاضي هاد كلو ويعطيكي العافيه من الاخر 
_______________________________
 يـْا حَ’ـلِمْ « ● وٍينْ ( آلمُشكِلَهْ ) لُوٍ تِحَ’ـقَقَتْ [ ؟ ]  |
|
#6
11-10-2010, 09:07 PM
|
||||
|
||||
|
موضوع حلو يا بي ايزي انا في وجهة نظري انو المرأه لازم تقعد بالبيت وتلتزم ببيتها وولادها وتربيتهم لانو ربنا خلقها لهالشغله (وقرن في بيوتكن) الاصل انو المرأه خلقت بطبعتها رقيقه وضعيفه صعب عليها انو تطلع برا وتتعامل مع الاغراب .. فالافضل الها من كل النواحي انو تقعد بالبيت وحقها في الانفاق عليها حرص عليه الدين سواء ببيت اهلها او ببيت الزوج.. وكويسه فكرة انو تشتغل بالبيت اللي طرحتيها فوق سواء كوافيره او مصممه ازياء او اشي زي هيك مناسب.. وعلى راحتها بيكون الاشي. في وظائف بلاقي انو كويس تكون فيها الست..زي مدرسه..دكتوره..ممرضه مثلا.. اما في وظائف بلاقي انو افضل يكون فيها رجال.. الموضوع كبير وانا تعبت من الحكي بس فهمتي يعني وجهة نظري موضوع حلو بصراحه |
|
#7
11-10-2010, 09:34 PM
|
||||
|
||||
|
موضوع حلو وحفوت بالرد عطول واللهي بعرف نسوان كتير كانت تشتغل برة البيت وولادها ما تربو التربية المطلوبة يعني ما عاشو متل باقي الاطفال ممكن انو تربيهم وتضل معهم وتحاول وتحاول بس الا يضل النقص عندهم متل حنان الام أكل الام وشغلات تانية والاهتمام الكامل حتى بتلاقيهم نفسهم يتغدو معها يفطرو معها وتعمللهم جو الام يلي بشوفوه عند ناس تانية حتى بعرف اطفال كبرو وسارو شباب و بعرفوش الطبيخ كيف شكلو كلو نواشف اكلهم خخخخ وبعرف كمان ولد تربى عند ستو وما بيتعرف ع إمو من قلة مبشوفها انو بحسها إم مؤقتة على اد ما تعطيه واجبها الكامل نحيتو بضلو ناقص انا برأيي تشتغل بحالة الضرورة القصوى متل انو يكون جوزها عاجز عن العمل وشغلات زي هيك ومحدا يكابر ويقول ما بيأثر بلى بيأثر ونص وخمسة 
_______________________________
. . .  |
|
#8
11-10-2010, 11:35 PM
|
||||
|
||||
|
ولاوني بنخنق من المواضيع الطويلة بس بقدرش اطنشلك موضوع يا ايزي انتي دايما بتجيبي مواضيع مهمه شوفي صلي عل نبي الحكي والنصائح الي انتي ذكرتيها ممتازة جدا لكن باعتقادي انها ممكن تزبط بمجتمع غير مجتمعنا الغزاوي ليش؟ اولا لانو الحياة عنا صارت اصعب مما تتصوري يعني الشب الحين بدور عل موظفه بغض النظر ازا كان هو موظف او عاطل وهادا صار اتجاه جماهيري مش حالات فردية وبامانه انا شايف انو هادا هو الصح لانو الحياة صارت مولعه نار كل شي اضربي حقو في 4 اقل شي يعني مثال تطبيقي من الواقع لو انا موظف وبقبض من 1200 - 2000 شيكل هادا بشكل متوسط لو جيت احسب المصاريف حلاقي انو راتبي ما حيكفيني ل20 الشهر وهادا باحسن الحالات طب شو الحل بالوضع هادا انو يكون في مصدر دخل تاني مهما كان اقل من راتبي فاسمها نوايا تسند الزير وهيك الحياة بتمشي نوعا ما بدون ديون وضغوطات رغم ان الضغوطات ما بتخلص لو كان راتب الواحد 5000 دولار بس اشي اهون من اشي تانيا موضوع عمل المرأة في بيتها عنا هادا مجالو محصور كتير يعني لو بدها تعتمد عليه كمصدر دخل مش حيزبط كحالات فردية بقلك ممكن بس ساعتها بتكون الست محظوظة انها لقت عمل وهي بالبيت بس انا بقدرش اجي اطبق المجالات الي انتي حكيتيها عل مجتمع كلو الناس عنا عندها اولويات اهم من هيك مجالات تتوجهلها يعني بدل ما ابعت اطبع انا نص او اخلي ست بالبيت تترجملي ياه بترجمو انا عشان اوفر بدل ما ابعت بنتي تروح لفلانه على بيتها تعملها كوافير بمصاري بخلي قريبتنا فلانة تعمللها وبوفر فهادي كمان ثقافة موجودة عنا بعدين لو جينا نتكلم على مجالات عمل المرأة عنا بالقطاع خارج البيت حنلاقيها برضو محصورة جدا اما تعليم او تمريض يعني هدول بنظري اوسع قطاعين بشملو مجالات عمل المراة ما في عنا هالشركات والمؤسسات الي تستوعب كم كبير من نساء مجتمعنا وبالمجالين المذكورين سابقا معروف انو وجود العنصر النسائي فيهن حاجة ملحة الخلاصة الكل حاليا محتاج يا ايزي حتى الموظف فعمل الزوجة خارج البيت اصبح شي ضروري طول ما هي قادرة وان ترتب عليه بعض التقصيرات بالحياة الزوجية هادي ضريبة اجبارية يعطيكي العافيه وامنورة بطرحك الجميل
_______________________________
 |
|
#9
11-10-2010, 11:51 PM
|
||||
|
||||
|
هلقيت الشباب بيبدعو بالكلام  انا بإختصار شديد رح احكي رأيي بالموضوع انا مع عمل المرأة خارج المنزل و لكن بعد مرحلة معينة و هي بعد مرحلة الخلفة و ترباية الاولاد الأولية يعني تستنى لحد ما ولادها يكبرو و يسير اصغر نفر فيهم صف خامس او سادس انو شوية يكتمل تربية الولاد و يتكمل معدنهم من جوا بعدين تروح تصرح تشتغل و هيك تمام بس مع العصر اللي احنا فيه و اكيد الشغل مش على قد إيد الواحد بقول بردو فش مشكلة تشتغل من اولها هادة مش معناه حتكون مهملة ببيتها و بترباية ولادها ابدا المرة الهاملة هاملة حتى لو قاعدة 24 ساعة بالدار مهيهم النساوين و شايفينهم كيف ما بشغتلو و قاعدين ... و ما بسيبو بيت إلا و بيدخلوه يعني كإنها موظفة ما شا الله  فـ عاد انا ما بربط ترباية الولاد و الإهتمام بالمنزل مع المرأة المش موظفة لإني زي مشفت بحياتي هادة الإشي ملوش علاقة ع العكس تماما انا اللي شفتو انو المرأة الموظفة و العاملة بيكونو ولادها احسن ترباية و احسن اخلاق و بيتها ما بيكون فيه انضف منو بس كتير شفت ناس قاعدين طول نهارهم بالبيوت  بس ولادهم بالشوارع و ألفاز موش تمام دونا عن البيت بيكون حالتو بالويل فـ عاد الكلام تبع الموظفة ما بتفضى للترباية و لكتير شغلات هادة كلام عفى عليه الزمن و بطل يفوت النفوخ هادة و انا بدي احكي قليل  يعطيكي العافية بي ايزي التعديل الأخير تم بواسطة : *مس قلق* بتاريخ 11-10-2010 الساعة 11:54 PM. |
|
#10
12-10-2010, 01:03 AM
|
||||
|
||||
|
يسعد صباحك ومساكي بي الاعضاء كفو ووفو بالرد وانا شايفة انو الاغلب بيقول انا مع شغل المراة الي بيقول انو شغل المرأة بيهضم فرص الشباب بالتوظيف بالعكس في كتير من العاملات والموظفات فاتحين بيوت وبيصرفو على اسرهم وازا ماكانت متزوجة بتكون دخل اساسي للاهلها وانا معك لمن قلتي البنات بيلاقو وظيفة بس صدقيني مو كل التخصصات انا اشتغلت عقود من قبل ماا خد شهادة تخصصي سكرتاريا وعلمك السكرتيرة الها مميزاتها الخاص فاشتغلت وكانت نسبة كمان من البنات تشتغل عكس الشباب ممكن بهاي الحالة تكون فيها ظلم للشباب بعدين اقولك شغلة الموظفة لازم تكون قد اسم كلمة موظفة اانا مش هتوظف الا لمن اكون قدها وقدود كل شئ بحياتي سواء من بيت زوج اطفال الا واكون معطية الحق بالنسبة للتوظيف داخل البيت الشئ السائد عنا هي شغلتين الخياطة والحضانه شعبنا او بالاحرى ظروف شعبنا بتختلف عن باقي الدول التانية لانو ممكن انو اوفر طلب من طلباتي واسد حاجتي فيه بقريبة الي وما ادفع مصاري متل ما قال سينجي لهيك بتلاقي انو بعض الامور بشعبنا خصوصا التوظيف الها استثناءات او لكل قاعدة شواز احنا بلدنا فيها كل شي شاز هههه لكن مع هيك بنقدر تعايش مع الواقع وبنلقطها من تم العصفورة يعطيكي العافية
_______________________________
 (●̮̮̃•̃) (●̮̮̃•̃) /█\♥ /█ |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
