|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
25-11-2010, 01:09 PM
|
||||
|
||||
المدرسة انتهاك لحقوق الانسان
العنوان واضح
يعني صارت المدرسة عبء على كل الطلاب . ونحنا بغنى عن تضييع 12 سنة من حياتنا لحتى نحصل على معلومات وثقافة بامكاننا نحصل عليها بشوية سنين . صاروا يعطوا الطالب كمية لا نهائية من المعلومات وكأنه الطالب آلة خارقة عن العادة من اختراعاليابانيين . صرنا ندحوش المعلومات دحوشه في مخنا الصغير الأمور . اشي مقتنعين فيه واشي لا ,, ويجعلنا لستين عمرينّا ما فهمنا . يعني متل الثقافة العامة ( أقصد السخافة العامة ) والفيزيا والكيميا والاحياء والبطيخ والطبيخ .. وغيرو وغيراتو ,, بحجة الارتقاء والتطور بس جد تقليد أعمى مجرد برستيج تافه وتضييع وقت .. لحتى شو ( قدام الغرب يحكوا انو والله العرب بيدرسوا فيزيا والكتاب أد المابعرف شو ... والله ما في شي بيوصفه ) انا ببصملكم باصابعين الخمسين انو الطالب بيتخرج وهو فستق فاضي .. والحمد لله انا ما بعني انو ما ندرس وما نتعلم ,,, و ما بحكي انو هالشي مو مفيد .. بس جد المناهج مسخرة من حيث الكم والنوع والمادة الهائلة يلي نيوتن بحد ذاته رح يغمى عليه لما يشوفها هههه واللي بيضحّك اكتر من هيك .. انو الوقت بالتوجيهي خاصة وبباقي الصفوف عامة ,, ما بيكفي لحجم المادة ,, كأننا الات تسابق الزمن, والله عشنا وشفنا ( الله يزكرك بالخير يا ياسر العظمة وااااااااع ) .. يعني مقلدين الغرب ومقلدينهم ,, طيب يقلدوهم بالغاء التوجيهي J .. مش حبايبهم الغرب بيعملوا هيك ؟؟؟!! ( والله كلام منطقي ) أنا صار شعاري بصرراحة ... ( هدفي أن أتثقف .. لا أن أتخرج وأنا طبل أجوف ) شو رايكم ... ؟! وبليز بعيدا عن الدجل وتمسيح الجوخ ههه ملاحظة 1: بعرف انو هاد الواقع والحال بس لمتى رح نضل خرفان ؟ ملاحظة 2 : ما رح اقدر ارد ع ارائكم بحكم الظروف .. سوري .. بس رح أقراها ازا قدرت ( حوار و فضفضة مش مش مش مش منقولة ) تحياتي .. وبليز خالص دعواتكم .:. زيزو ميزو 
_______________________________
 ما أجمل الحياة عندما تتخلص من كل قذارتها برداء أبيض تعب المشواااار .. من خطواتي وخطواتك 
|
| عدد 5 عضو بقولولك شكرأ يا ~{{ZiZoU~ على هالموضوع المرتب: | ||
|
#2
25-11-2010, 07:43 PM
|
||||
|
||||
انا اللي فهمتو انو ازدك عالمناهج وكتير حكينا فيها بجد الله يكون بعون الطلاب خاصة بالمرحلة الابتدائية والله انو شي بيقهر،، لما بشوف منهجهم خاصة الرياضيات بغيب ثوابي.. ولاد اخوي شي بصف تاني واخوه بصف رابع(واحد منهم شاطر وبستوعب عطول والتاني بحفز الكتاب كلو بس من غير فهم  ) يعني والله بياخدو شغلاتبتزكر كنا ناخدها ب تاني ثانوي ض3 بقعد اقول اي هما مخهم كمبيوتر ايش بدهم يستوعبو ليستوعبو يعني شي بالعقل مخ طفل عمرو 7 سنين شو بدو يتحمل هيك منهج لساتو بصف تاني وبياخد العدد المليون 1000000 اي بس بلاش بهيك منهج زبالة واللي عملو زبالة :@ قبعت معي  يعني شغلة وحدة يلي استفدناها من المصريين هيا منهجهم وتخرج من ورا هيك منهج دكاترة ومهندسين ومحاسبين والخ وسار معهم مجستير ودكتوراه وعدهم وصلو القمر اما مع المنهج هاد معتقدشيكمل توجييهي من اصلو وحيات الله بعرف كتير تركو المدرسة كلها السنة بسنتين طب ملاحزة : في إميات تزوجو زغار وما بفهمو بهيك منهج عالاقل ام الطالب كانت حافزة المنهج يلي مر عليها كيف بدهم يدرسو ولادهم بهاد المنهج العجيب ؟؟  يشيخة وكلها لربك شي بيقهر :@ بنحب نتفلسف زي الحمار اخريتنا بنرفس 
_______________________________
. . . 
|
|
#3
25-11-2010, 07:57 PM
|
||||
|
||||
|
اوافقك الرأي ع قد حبي لطلب العلم ما عمري حبيت المدرسة .. ونادراً اللي يدرس فينا لطلب العلم .. اكثرنا بس عشان ننجح عشان كذا في متعلمين بس ... الكفاءة رديئة والسبب المواد والحشو اللي فيها ... غير طريقة التدريس .. حلو الواحد ياخود من كل علم بطرف ... بس مو بالشكل اللي بمناهجنا وطريقة تدريسنا
_______________________________
Lolia © Photographer زوّار ............. جينا عالدني I believe I can fly ~ I believe I can touch the sky ,, .
|
|
#4
25-11-2010, 08:14 PM
|
||||
|
||||
|
أول شي مُوضوعك حلوُ ملامس للواقع ^_^ ، ثاني شي المدرسة .. إشي مُهم بحياة الأنسان من صغره لـ عند 12 سنة من عُمره لولا المدرسة كان ما عرفتي القسمة والضرب ، والحروف الإنجليزية ، والحروف العربية هُم أسلوبهُم مو حضاري بالتدريس ، وكله حش بنش .. يعني مُجرد فلسفة ليس إلا بالكتب ، وبالنهاية كل هالـ 12 سنة مش مُهمة بحياتك .. حَتى توجيهي ، توجيهي مُجرد أنه سلم لحتى تصعدي عليه .. غير هيك ملوش إي اهَتماام ، الجَامعة أهم حدث في حياتك !! أي نعم المنَاهج صعبة ، بس رح تفيدك كتير .. صدقيني كنا نحكي مثلك ، كنا نعيد ونزيد بغض النظر عن اساليبهُم ، وطريقة تدريسهُم يلي بتاخذيه حالياً بالمدرسة بغض النظر عن صعوبته ، بكرة راح تاخذيه بالجامعة بأصعب وبشكل أوسع مش ثقافة وبس ، وتمهيد كَمان للطالب ،، أحمدوا الله انتم بنعمة ومش حاسين فيها ^_^
_______________________________
.. .. .. .. .. .. أنا الذي هو عملت التوقيع .. مش سوسي
|
|
#5
25-11-2010, 08:32 PM
|
||||
|
||||
|
والله موضوعك ع الوجع لسا هديك المرة كنت بحكي بهالموضوع فعلا هم مفكرين مخنا كمبيوتر 7 حصص يوميا وكلو معلومات وبدك تفهمي وبدك تحفزي واشي مش طبيعي وحتى اغلبه كلام فاضي وغير ملامس للواقع هلا الشغلات يللي الانسان ما بيستفيد منها بحياته ليش ليحطوها بالمناهج !! بتعرفي لسا من فترة مخلصين وحدة كاملة بالاحياء كلها نظريات وحش وكلام وحفز وابسر شو وباخر صفحة بالوحدة بقولولك وهاذا الكلام خاطئ ومنافي للاسلام طيب ليش حاطينه ازا الكلام خاطئ بس بدهم يعبو الكتب هادا غير كتاب الرياضيات ال 300 او 200 صفحة والله لو دراسة للدكتوراه مو هيك الله يعيننا شو بدنا نعمل .. بهمهم السمعة ومغطيين عيونهم عن هالطلاب المساكين انا حاسة فيكي لانو عايشة بالاردن وشايفة المناهج اشي بهري الله يوفقك حبيبتي بالتوجيهي
|
|
#6
25-11-2010, 08:46 PM
|
||||
|
||||
|
في اشياء بوافقك فيها الرأي و في اشياء لأ .. يعني صح المدرسة عبئ علينا .. و المواد و الكتب الدراسية كتير حجمها كبير .. و معبية معلومات .. في الاردن .. بس هاي مواد و علم بدنا ناخدو .. وتضييع وقت >> هاي العبارة انا مش معك فيها بالمرة .. لأنو احنا بنروح عالمدرسة ندرس .. و نكسب علم .. و انطور عقولنا .. مش رايحين نضيع وقت و نتهبل في المدرسة .. و كل اشي بناخدو اسمو علم .. و ما في اشي عالفاضي .. صح المواد صعبة .. و بتحسي حالك يا دوب فاهمة .. بس كلو اسمو علم .. و لازم يتاخد .. بس جد المناهج مسخرة من حيث الكم والنوع والمادة الهائلة يلي نيوتن بحد ذاته رح يغمى عليه لما يشوفها هههه >> انا بحكي انها مش مسخرة بالمرة .. بس المادة هائلة زي ما حكيتي .. و مفصلة .. هادة الاشي انا بحكي برجع للمعلمة .. ازا هي بتخفف عنك الاشياء المش مهمة و مش مطلوبة .. يعني مثلا احنا في الاحياء .. في وحدة حذفتلنا اياها المعلمة .. ليش ..! لأنها لا بتجي بالتوجيهي ولا حتى بالجامعة .. يعني حاطينها زيادة عدد .. نفس الاشي الرياضيات .. في وحدة لا بنشوفها بالتوجيهي ولا بالجامعة .. ف برأيي هادة الاشي برجع للمعلمة .. ( و الحأ على تبعون النماهج بالاول و بالاخير ) طيب يقلدوهم بالغاء التوجيهي J .. >> لا لا انت اكيد فاهمة المعلومة خطأ .. الغرب عندهم توجيهي .. اعطيكي مثال بسيط .. في سويسرا عندهم الصف التاسع بمثابة التوجيهي .. بس مش اسمو توجيهي .. اسمو صف تاسع .. بتعاملو معو زيو زي اي صف .. ما الو اهتمام زايد .. حتى عندهم التصنيف بكون من الصف السادس .. المشكلة فينا .. يعني هلا الغرب و الله بعطو مواد اكتر منا بكتيييييييير .. و الاشياء يلي اخدتها في سويسرا بصف تالت .. شفتها في الاردن في الصف السابع و التامن .. بس بعطوها بطريقة ممتعة و مسلية .. اما العرب بس دحش في مخ الطلاب .. ( هدفي أن أتثقف .. لا أن أتخرج وأنا طبل أجوف ) هاي العبارة كل يوم بسمعها ست مرات .. كل حصة .. من كل مس .. بجوز المشكلة في معلماتك .. و الله عنا بجو بحكولنا المعلمات .. ما تيجو عالمدرسة بس لتحصيل العلامات .. افهمو و اتثقفوا .. اهم من العلامات كلها .. هادة رأيي .. و شكرا الك .. و لموضعك الحلو .. تحياتي ..
_______________________________
. ..  ~..{ يــــــ رَبّ ــــــــآ}..~ اللهم انت اعلم بكل دعوة تحتبس في قلبي , ولا أعرف كيف أرفعها لــ تليق بك , فاستجب لي ما اعجز عن قوله ,
التعديل الأخير تم بواسطة : فراشة الوطن بتاريخ 25-11-2010 الساعة 08:51 PM.
|
|
#7
25-11-2010, 10:04 PM
|
||||
|
||||
|
اولا امنوره زيزو وين يا بنتي انتي مش ناويه ترجعي وتستقري معنا بعدين شو فايدته الموضوع ازا ما حتردي عليه وعلى كل حال لازم نرد عليه ولو اول شي الي لازم تعرفيه انو الي بيوضع المناهج هادي ناس خبرا متخصيين يعني مش واحد ماشي بالصدفه يعني بحاولو على قد ما يقدرو انهم يلبو احتياجات المجتمع وبرغم هيك انتي وكتير شايفين انو فاشل ليش؟ لانو الشغله ميول واهواء انتي مثلا شايفه انو مادة الثقافه العامه او الكيميا ملهاش لزمة وبتحبي مثلا اللغة العربية او الرياضيات وبتقولي يا ريت كل المواد رياضيات فهنا الشغله خضعت للميول بقدروش مصممين المناهج يحولك منهج على كيف ميولك انتي لوحدك لازم يراعو الفروق الفرديه وكمان حاجات المجتمع وثقافته لو كل الشعب بحب مادة او مادتين معينات كان وضعولك منهاج على هيك اساس وبعدين تعالي جاي انتي بتشكي من المنهج الاردني وهو منهجن الي واضعينو اردنيين يعني من نفس البلد شو نقول احنا الي درسنا المنهج المصري صرنا نعرف عن تاريخ وجغرافيا وحاية مصر اكتر من المصريين نفسهم بس كنا مجبرين بسبب وضعنا ورغم هيك درسناه وحفظناه واتميزنا كمان بدي احكيلك في الاخر انو كلو بلزم انتي الحين مش حتحسي بقيمة الي بتدرسيه لانو مكدس فوق راسك بس حبي ما تعملي حتى تعملي ما تحبي ما في قدامك خيار تاني لازم تذاكري وتجتهدي عشان لما تيجي ساعة اختيار التخصص تختاري المادة او التخصص الي مقتنعه فيه ساعتها حتحسي حالك وصلتيلو بجداره وما ينفرض عليكي اي تخصص والسلام وتقولي يا ريتني درست زمان بكفيكي دلع 
_______________________________
|
|
#8
26-11-2010, 03:31 AM
|
||||
|
||||
|
والله احيييييييييييييييك جدا وجدا وجدا على هيك موضوع واقعي وملموس والكل بشهد على مصداقيتو يعني انو 12 سنه بتروح من عمر الواحد وبالاخر بتخرج مش فاكر حتى طريق مدرستو الابتدائيه خصوصي هالايام كل ماتقدم الزمن صارو المعلمين من غير زمه وضمير والله كانو معلمات مايفهمو المنهج الجديد ويغلطو وبنات يقومو يصححولهم المعلومات انا وحده من الناس بعترف اني خلصت جامعه ومابعرف القسمه الله يخلي الاله الحاسبهفاانو بجد كل مانها الكتب بتكبر والمناهج بتزيد والمعلومات بتتعقد وكلها عراس الطالب الغلبان طيب احنا شو دخلنا بشي اخترعو نيوتن ولا فيثاغورس طب هو اخترعو على اي اساس لحتى يصير شي يدرس ويعتمر علي يشيخ حكي فاضي واشكرك مره اخرى
_______________________________
____ __________________________________________ ____________________________________ 
|
|
#9
26-11-2010, 12:02 PM
|
||||
|
||||
 إنتي لسة بمدسة و بتحكي هيك  وبالجامعة شو هتحكي إنتي مفكرة الجامعة حد بقلك وين إنتي ولا الدكتور بسأل درستي ولا ما درستي لسة المدرسة عندك كتب و ومعلومات إلي بدرسك إياها موجودة مش محتاجة إنك تروحي وتدوري عليها ..أما بالجامعة بدخل الدكتور بشرح المحاضرة و الطالب هوا عليه يدرس فالطالب بروح عمكتبت الجامعة و بسير يقرأ و يفهم و يتوسع من هالكتب  وغيرو وغيراتو .. وكتب الجامعة مش زي كتب المدارس إلي بتحكي عنها  هيهييييي و خصوصاً كتب الطب ...أنا بعارضك 1000000% وبعدين أساساً علمياً مخ الطفل بستوعب وبفهم و بخزن كتير أكتر من الكبار .. وإذا الطفل إتعود من صغرو هيك مش هيتعب لما يكبر ... والطفل محتاج هيك لينمي قدراته و إستوعابه ويوسع مداركه ويخلو يفكر مش إنو والله ليعاقبو فيه و يكرهو بالدراسة ... ليش معزم الطلاب بياخدوها بهيك تفكير .. ال 12 سنة إلي مش عجباكي و المعلومات و الكتب إلي بتستهزئي و بتتمسخري عليها ...  بيطلعو منها جيل مثقف و مبتكر و يفيد منها وطنه و نفسه و أمته ..طبعاً كل شخص و حسب هوا شو بدو والله إلي بدو يتعلم و بدو يفيد نفسو ولو شو ما كان المنهج يكون هيستمتع فيه و يتعلم لأن هوا بدو هيك ... إنتي بدك تقنعينا إنو أسلوبهم للتطوير غلط ... وإنو المناهج الأديمة والأسلوب القديم هوا الأحسن لأ ... طبعاً (هاي وجهة نظري) ... وليش لأ ... لأن المناهج هاي الجديدة بدهم الطفل والطالب يفكر أبل ميحفظ و يستوعب المعلومة مش معلومة والسلام و سدئيني أثبتوها علماً أنو مخ الطفل بستوعب شو مكان ... وهاي مو تقليد أعمى للغرب يا عسل لأن الغرب إلي مش عاجبينك طريقتهم هيا الصح ... ولو ما كانت صحيحة كان ما غيرو المناهج لكل العالم مش بس عندكو المناهج وهالأسلوب تغير في كل المدارس و بكل الدول ... يعني كل الدول هلأ بتقلد تقليد أعمى..!!! و لو وزارة التربية و التعليم كانت شايفة إنو هالمناهج والكمية كبيرة و مش بفايدة كان غيروها .. !! وبكرة بتسيري جامعة و بتشوفي كيف و لما تكبري و تختلطي أكتر بالناس و تندعكي بهالدنيا و تشوفي العالم كيف هتفهمي ... تحياتي ..
_______________________________
  كتكوتي يتفقد الأحوال ويبحث عن المفقودين ويراقب الخارجين عن القانون وياويلو إلي بهوب ناحيت كتكوتي   
|
|
#10
26-11-2010, 01:54 PM
|
||||
|
||||
|
مـوضوووع جميـــل ,,
,, هبـداآ حكي بجمـلة حكيتها لمـس مرة و انا معصبـة ,, ,, " إحنا كنا أسياآد الغرب زمـاآآن ,. صارو الحين هما أسياآدنا " .. حكيتهاآ لإنو احنا صـح هون بمدرسة حكومية لكنها بطلت اسمها حكومية !!!! صاآرت شراكة !! يعني بين العرب و الأجانب .. ,, إدارة أجنبية و إدارة عربية ,, و كلو بيطبق عليـناآ اللي بدو اياه !! و ما بيراعو شعور الطالب و لا ضغوطو ! كلنا بشر و عنا مشاغل و هموم و ولو اختلف العمر بيناآ .. كل واحد بيشوف همومو و ضغوطو من منظورو !! .. يعني لما تحكيلهم احنا مضغوطين .. بيحكولك عـ 8 مواد و مضغوطين !!!! طب قولو والله ؟!!! يعني احنا خارقيـن .. كل مادة بنحفزهاآ بـ 10 دقاآيق !! . والله العلم بطــل علــم .. بـس بتروح المدرسة تقيس المساآفة و ترجع !! .. انا مو معترضة عالمدرســــة ,, بـس معترضة عالأنظمــــة !! .. و غيــر هيك .. كل المدرسات الاجانب .. مو كفؤ !! ولا وحدة معهاآ شهادة !! .. يعني مس الإنجلـش .. سألناها شو معك شهادة ؟!! حكتلنا انا بكندا كنت مدربة كرة سـلة !! وبس مخلصة توجيهي !!!! .. و سوبر فايسور الإنجلش كانت تبيع بالكانتين !!! يا ســلاآآآم ,, بالله هاد منطق .؟! نتعلم علـى ايد ناس جاهلة ؟!! ,, يعني اناا نفسي مش فاهمة .. نتخرج جاهليــن !! هماآ هيك بـس احتلو عقولناآ ,, و سدقيني نوعاآ ما نجحو لإنهم طبقو عليناآ أفكاآرهم ,, ,, ان شاء الله بتنلبص من الهم هاآآد ,, كلهاآ سنة !!! .. و تســلمي عالموضووع القلق .. ^^ .. فرغتيلي طاآقتي .. ** .. و السمــوحة عالرد الطـويل ^^
_______________________________
. . . تـــــوجيهـــــي ! ..  .. . . .
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
