|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
06-12-2010, 01:21 PM
|
||||
|
||||
بالغـزاوي ::: فاتهـا القطــــــــــار
في مثل كنت دايماً بسمعه من ستي ، هاي ستي اللي ماتت وهادا المثل بيقول :” فاتها القطار” ، وعلى علمي هادا المثل بينحكى لمّا البنت تكبر في العمر وما تتزوج يعني بالعربي لمّا ” تعنس” ، اللي بدي أحكي عنه ظاهرة مش بس موجودة بغزة ، بل بكل مكان وبكل دولة ، بس مكان عن مكان بيختلف ، وفكر عن فكر كمان بيختلف ، يعني بمعنى إنه ” عانس أجنبية” بتختلف عن ” عانس عربية” ،” وعانس غزّاوية” بتختلف عن ” عانس لبنانية” مثلاً ، يعني حسب المكان والفكر !!! [ سأُتهم بالتهجُّم على الغزازوة .. لا ضير ! ]
هلأ بدي أتناول وضع البنت الغزاوية لمّا ما يجي نصيبها ، وكيف إنه الناس بتصير تنظر إلها نظرة ” الشفقة” ، وكيف كمان إذا صار عمرها بس 25 فما فوق ” بتعتّق” وبتصير ” غير صالحة للإستعمال” ، طبعا هادا مش وجهة نظري أنا هاي ، وجهة نظر كتير ناس بغزة وأنا ” ما بعمم” ولكن الأغلبية العظمى بتفكر بهاي الطريقة ، والبنت المسكينة يا حرام بتكون مضغوطة نفسياً بسبب هاي الأفكار كمان ” البلهاء” . المهم ، غزة والظواهر المتخلفة الموجودة فيها كتيرة وما بتنتهي ، ومن بين هالظواهر ظاهرة “العنوسة” ، اللي ما بعرف ليش أصلا إحنا بنستخدم هيك مصطلح ” مُقرف” ويدفع ” للتقيؤ” ، يعني بس لو يصير عمر البنت 24 وقعتها سودة ، بتصير تفكر متى بدي أتزوج ، يا رب ابعتلي عريس.. ليش؟ هو انتي بتعنسي والشب يعني ما بيعنس؟ هو يعني على راسه ريشة ولا على راسه ريشة؟ ويا حبيبي على النسوان ، ما بيخلن حدا من شرهن ، وهما بيحكوا عن البنت وبيصيروا يطلعوا مبررات ليش لهلأ ما تزوجت ، ومن بين هالمبررات هاي : “يمكن عاملالها عملة” ، يعني شوفوا التفكير السطحي والمتخلف لوين؟ فسروا تأخر زاوج البنت بإنه عاملة عملة ، وفي كمان بعض النسوان بيحكوا إنه : ” بشعة كتير.. مين بدو يطلّع فيها؟ “.. إيش هالهبل هادا؟ لإيمتا بدنا نضل هيك؟ ليش إحنا ما نغيّر هالمصطلح ” المخزي” ليش ما نخلي الأمر عادي لو إنه البنت ما تزوجت؟ ضروري نحكي عنها عانس؟ بالمناسبة.. أنا زي ما قلت ما بعمم ، بس هاي موجودة بغزة بشكل كبير كتير وزي ما حكيت الأغلبية العظمى هيك بتفكر ، وأنا لمّا حكيت عن هيك ظاهرة حبيت أنه أحاول أغيّر نوعا ما ، مع إنه متأكد إنه التخلف عمره ما بيتصلح ، والهبل بيضل هبل لو شو ما حكينا ، لإنه إحنا رافضين نغير وحابين نضل غاطسين ” بالعته”. بدي أسأل : ليش البنت لما ما يجي نصيبها بيحكوا عنها عانس ؟ لكن لما الشب ما يتزوج ويتأخر بالزواج ما بيحكوا عنه عانس؟؟.. حداً يجاوبني !!!
_______________________________
|
|
#2
06-12-2010, 01:33 PM
|
||||
|
||||
|
مين حكالك انه ما بيحكوا عن الشب عانس !! وبلا مؤاخزة ايش بدك نحكي للبنت اللي ما اجاها نصيبها !! هاتلك مصطلح نتفق عليه ولعيونك ^_^ بالنسبة لعنوسه البنت أسبابها كتير .. ممكن يكونو الأهل وطلباتهُم يلي ما بتخلص ، وممكن تكون من البنت نفسها بدي ياه طويل بدي ياه مخلص بدي ياه بقبض بدي ياه بلبس قرفته وبدي وبدي وبتقعد تطلب وتتشرط ، بتضلها مش متزوجة وبعدين بتصير تنوح وتلوح ليش وليش ؟!! وفي بنات مش عبالهَن الزواج اساساً : D ومع هيك البنت يلي فاتها القطار { معنسة } .. مصطلح دولي لا انا ولا انتا بنغيره خخخ يعطيك العافية يا حليوه انتا
_______________________________
.. .. .. .. .. .. أنا الذي هو عملت التوقيع .. مش سوسي
|
|
#3
06-12-2010, 01:40 PM
|
||||
|
||||
|
اهلين يا شقاوة .. لو لاحظت إنه لو حكيت مصطلـح " عانس " بدون تحديد قدام شلة من صحابك .. ح تلاقي الرد من الشباب [ ميـن هـي ] مش [ مين هـو ] !!! يعني المصطلح لبس في البنت ومش راح ينزاح عنها صح بينحكى للشاب عانس لكن الأمر نسبي بينحكى للبنات أكثر بمليون مرة بالنسبة للمصطلحات في كثير مصطلحات أحلى ومتقبل لبنت .. ممكن نقول بكل بساطة ما صار نصيب وما تزوجت !! أحلى شقاوة .. بس ما تكون انت التاني عانس  هع هع
_______________________________
|
|
#4
06-12-2010, 02:17 PM
|
||||
|
||||
|
صح مصطلح العااانس عالبنت اكتر من الشب وماعمري بصراحه سمعت حد بحكي عن شب عانس!!! واسباب العنوسه طبعا معروفه من غباء البنت نفسها زي ما حكا شقي بدي اياه غني بدي اياه مخلص جامعه بدي اياها الو فيلا وسياره وبدي وبدي.. لما تخلل عن اهلها وبتكون هيا الي جابتو لنفسها طبعا وتستاهل .. والله والله بعرف بنااات هيك وهلاء كبرو وهيهم عند اهلهم شو استفادو ..!!ومين دايملهم بكرا لما يموتو امهم وابوهم ..!! انا عارفه الله يصلح الحال يارب
_______________________________
 •• مــابــئــتــش بحــلــم الا بــيــه..مابــئــتــش أفــكــر الا فــيــه.. مابــئــتـش مــحتـااج غــير اديــه مسكــاني او حضــنانــي. .••♥ ♥ ♥ يااااااااااااااااااااااارب  ••• ♥ Dodo 7abibt yoyo..♥ ••D&E••
|
|
#6
06-12-2010, 02:37 PM
|
||||
|
||||
|
عمرو كلام الناس ما قدم ولا اخر
وهاي عادات و اشياء متخلفه اجتماعيه بتفرضها علينا مجتمعاتنا العربيه الرجعيه  يعني البنت الي بتفهم مصلحتها بتفكر منيح قبل ما توافق على اي شي لارضاء الغير سواء كانو الاهل او المجتمع يعني تقبل و ترضى و ترضخ لاي حدا حتى لو ما كان مناسب ...والله ليش؟؟؟ عشان الناس ما يحكو عانس ...هدا هبل وهيا الخسرانه الوحيده لانه الحياه بدها تمشي فيها او بدونها لهدول الناس الي بتعملهم حساب وهيا فتره و بتنتسى وبتضطر تتعايش مع اي وضع بدها تنحط فيه لانه كلمه مطلقه راح تكون اصعب بكتير  اما بالنسبه للشب فالخيارات امامه اكتر ويحق له ما لا يحق لغيره كمان يقال  تحياااتي
_______________________________
 ممنوع الاقتراااااااااااب  ܓ♥ [ ..يفيوووفه..] ܓ♥
|
|
#7
06-12-2010, 02:47 PM
|
||||
|
||||
|
اقتباس:
شكراً على المشاركة
_______________________________
|
|
#8
06-12-2010, 02:52 PM
|
||||
|
||||
|
اقتباس:
وع فكرة تانية أنا شاب ومرتبط
_______________________________
|
|
#9
06-12-2010, 03:01 PM
|
||||
|
||||
|
اقتباس:
لا فض الله فوك خيتا
_______________________________
|
|
#10
06-12-2010, 07:09 PM
|
||||
|
||||
|
قصة انو يبرروا سبب عنوستها ويقولوا عاملة عملة او بشعة هاي انا معك فيها بس سؤالك بصراحة غريب بنسالش يعني  هيي كلمة عانس شتيمة ؟ عادي زي ما بقولو مخطوبة او متجوزة .. الخ هاي صفة لالهم يعني ما حدا بغلط لما يحكي هيك كيف يعني شب بدك تقوليلو عانس افهم انا بقى ؟؟ هو بصير ؟ ويعني مش عارفة ايش اقولك بصراحة السؤال جوابو واضح بنسالش اصلا مش عارفة كيف افهمك  بس في اشي عند البنت اسمو سن اليأس وفش عند الشب هاد السن بمعنى اخر فعلا الشب بضل صالح للزواج غير عن البنت  وشكلي هيك خبصت 
_______________________________
,  Loading...19% ||||||||||||||||||||||||||||||||||||||||||||||| التعديل الأخير تم بواسطة : * بيـــونة * بتاريخ 06-12-2010 الساعة 07:16 PM.
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
