|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
09-12-2010, 01:17 PM
|
||||
|
||||
سوس بنكهة "ميسي الاسباني"
النتائج المتوقعة بعد قراءة الموضوع :-
1- تحكوا عني مجنونة وبدقّر على التوافه بهالحياة ... 2- تحكوا عن المعلمة بلا ضمير وتتعاطفوا معي ومع مبدئي... 3- البرشلونية منكم رح يحكوا : بيستاهل هالسوس يكون حقوا 10000000 ليرة .. J بس بدي أنوّه انه الموضوع مش المقصود فيه السوس .. المقصود فيه مبدأ .. وأكثر من مبدأ . القصة وما فيها طلبت سوس ( فعليا السوستين بشلن ) بس المدرسة بتبيعها الوحدة بشلن ( الشلن يعني 5 قروش ) . فانا استغربت ليش المدرسة بتبيعوا غالي يعني مش محرزة ,, والدكاكين ببيعوه ارخص من هيك ومع العلم انهم ربحانين فيه . المهم : رحت لمعلمة المقصف ( مس متدينه + لابسة نقاب + معلمة الثقافة الاسلامية عنا ) طبعا دار الحوار الاتي بيننا : أنا " بطريقة لبقة " : يا مس يمكن انتو ملخبطين وعم بتبيعوا السوس الوحدة بشلن , في غلط بالموضوع صح ؟ المس " وهيّ رايقة " : لا يا مس مش ملخبطين . أنا " بابتسامه عريضة " : عفوا بس برا بيبيعوها التنتين بشلن . !!!! المس " وبدأت علامات الانزعاج تظهر على محيّاها " : آه يا مس بنعرف بس ( هاد السوس اسباني ) . أنا " مزبهلّــة " : طيب يا مس وإذا يعني اسباني ؟؟؟؟؟؟!!!!!!!!!! المس " وقد بدأت بالصيااااح " : يا مس الطعمة بتفرق والله بتفرق يعني هاد اسباني .. هلاء انتي فوتي على krb ( وهو سوبر ماركت مشهور عنا ) لما تطلبي منه Gum ( طبعا حكتها بالانجلش اوه لا لا ) ما بيعطيكي التنتين بشلن . بيعطيكي الوحده بشلن . أنا " مع الانفجار وزيادة في الازبهلال " : عن جد اسباني ؟؟ وين فرجيني العلبة ؟؟.. والله لو انه ميسي حاطط اصبعته فيها ما بعتوه بهالـأد + ازا يعني KRB نصاب انتو كمان تنصبوا علينا ؟؟ مش منطق . المس " وقد انفجرت تماما " : يا بنتي روحي اتأكدي من الدكاكين ازا اسباني ولا لاء . نحنا هون اسباني . أنـــــــا : حاضر رح اتأكد .. + ليش في سوس مصري وفي سوس اسباني يعني موصيين عليه من اسبانيا خصوصا النا ؟ انتوا بتشجعونا ع الصناعه الوطنيه ,, وين الصناعه الوطنية هون ؟ المــــس : يلاا روحي ع صفك .. جد جيل آخر زمن ,, أنــــــــا " بابتسامة هدوء ومودة " : اوك حاضر ,, لنا لقاء يا مس ,, باي ... ورجعت شيماء يلي هيي أنا وراحت للمس على أمل بعد ان تأكدت بأن السوس في كل دكانه هو سوس اسباني والتنتين بشلن .. وكان رد المعلمة كالتالي : المــــس : خلص احنا نصابين ما تشتري من هون روحي اشتريه من برا .,,. انا " بكل هدوء " : اصلا انا ما بشتري اشي من هون J . شكرا لحسن تعاونكم يا مس .. .... ... ... انتهت المسرحية ,,( ملّيتوا ؟ ) وكان هالشي واضح عليها لانها عصبت وأنهت الجدال وزي مبنعرف انه الانسان يلي على خطأ ما بيجادل وبينهي الحوار وهو معصب ومقهور .. ( انا حسيت انه هي عارفه انها غلطانه ) .. بس كابرت وما حاولت تغيّر السعر .. السؤال الحين هو : ليش دايما في ناس بيظهروا بمظهر الاسلام وهمّ بعيدين كل البعد عنه ؟؟ ليش بنكابر وما بنعترف بالغلط ؟؟ وشو فيها لو حكتلي : اه يمكن نحنا ملخبطين وشكرا لتنبيهك يا بنتي !! ليش ؟؟ ليش ما بنكون أمينين كل الامانه لانو نحنا مسلمين .؟؟ ليش بيعاملونا نحنا الطلاب خاصة متل خرفاااااااان .. روح روح تعال تعال .. ؟؟؟؟ نحنا بنعتبر المعلم قدوة .. فليش هيك بيتصرف ؟؟ مش بس المعلمين ! نسبة كبيرة من الناس .. + أنا عندي مبدأ .. والشغلة شغلة مبدأ مش أكتر ,, ولا حتى أقل , انا مبدئي بيحكيلي : ما أقبل بأي حدا بينصب عليي حتى لو كان بتعريفة . لأنو انا إنسانه .. فيك تتفاهم معي بكل احترام وتحترمني كإنسانه وما تتجاهل وجودي أو تنصب عليي وتستغفلني ,, انتوا شو رايكم يا كتاكيت ؟؟؟ ولا رح تستحملوا مشان ابو الميس ( ميسي ) ؟؟ هع تحياتي : زيزو - شيماء 
_______________________________
 ما أجمل الحياة عندما تتخلص من كل قذارتها برداء أبيض تعب المشواااار .. من خطواتي وخطواتك 
|
| عدد 4 عضو بقولولك شكرأ يا ~{{ZiZoU~ على هالموضوع المرتب: | ||
|
#2
14-12-2010, 08:27 PM
|
||||
|
||||
ضحكتيني عارفة الردود قبل ما تنقال ... شي طبيعي يكون واحد من هالتلاتة اللي زكرتيهم اقتباس:
أنا كمان عندي مبدأ انو في النقاش ما يعلى الا صوت ضعيف الحجة .... ويمكن غلطها كان متعمد يعني بقصد رافعيين السعر ... او هي كمان هالانسة مضحوك عليها ومفهمينها انو اسباني ويفرق عن اللي برا ف طبيعي انو ترد بالرد اللي سمعتيه .. بس ع فكرة انتي كمان كانت ردودك مستفز ثانياً :قصة انو المتدينين ملائكة انا محيت هالفكرة من راسي .... انا كمان مريت بمواقف مع بنات من قسم الدراسات الاسلامية وخريجات مدارس تحفيظ .. مالقيت تعاملهم افضل من الاقسام الثانية زيهم زي غيرهم ... في النهاية هما بشر ان التزموا بجانب من العبادة وقصروا بجانب ثاني يبقوا بشر .. بس كل هفوة محسوبة عليهم
_______________________________
Lolia © Photographer زوّار ............. جينا عالدني I believe I can fly ~ I believe I can touch the sky ,, .
|
|
#3
14-12-2010, 08:55 PM
|
||||
|
||||
|
موضــــوووع بيجنن  زكرتيني اليوم لسة شريت من المقصف بعد ما قفلت بوشي و رحت متأخرة بدون اكل احنا عنا بالمدرسة و كل المدارس لازم يزيدو على كل شي يا 100 يا 50 فلس كويتي يعني تقريبا 10 قروش أو 15 قرش أردني الـــمهم يعني من الأخر بس تشتري من المقصف بقدر معين من الفلوس و تشتري نفس الأشيا من الدكانة بتلاقي انو الفلوس اللي بتدفعيها بتكون الضعف بالمدرسة و هو هادا الشي ما الو دخل من الدين هو يعني مصدر دخل زيادة للمدرسة ___ أما التعليق عن الموقف هادا موقف تقليدي من المدرسات  يخرب شرهم عنجد أتوقع ردها كان عليكي انو اسباني بتحاول تضحك عليكي و انو يلا اي شي حتى تسكتك و هما عنجد ماخدين الموقف انو احنا خرفان اشي بيحزن كتير بيخربو صورة المعلم أدام الطلاب و مش عارفين انو هادا ما بيأدي للأحسن .. بل بالعكس رح يزود التمرد  كل شوي يا دفتر العلمات يهديدونا فيه او عالأخصائية يا بنت بس هالأسلوب البدائي كان في المتوسط و الابتدائي اكتر بالثانوي بعاملوكي باحترام  بهنوكي .. استطعتي البقاء رغم كل الآفات يسلمو عالموضوع الحلو يعطيكي العافية سلملم 
_______________________________
. .  .Dima ~
|
|
#4
14-12-2010, 09:27 PM
|
|||
|
|||
|
ما عشان ميسي حاطط اصبعو فيه ما بشترريه
قال ميسي قال برغوث اصلا هالبني ادم
|
|
#5
14-12-2010, 09:29 PM
|
||||
|
||||
|
قرأت الموضوع اكتر من مرة ودايما نفس النتيجة انتي مبالغة في ردة الفعل يعني ما إلها علاقة كتير انها متدينة وبتقول عن الخروب اسباني او انها بتحكي انجلش بنص الحكي!! عادي يعني المتدينين مش فضائيين ولا جايين من المريخ ولا مقدسين ومعصومين من الغلط وازا اجت على اشيا في هالمستوى... معانته الدنيا لسه بخير انتي لساتك صغيرة وهي يعطيها العافية انها طولت بالها عليكي والله بتزكر ايام المدرسة كان مرات نشحدهم يبيعونا وبين البايع والشاري يفتح الله بدها تبيعك خروب بشلن براحتها بدها تبيع بربع شلن برضو براحتها معلش حاساكي حتكرهيني وحاساني حنضرب ههههه بس هيك انا شايفة يعطيكي العافية
_______________________________
 يا رب كُــــن لهم ناصراً ومعيناً
|
|
#6
14-12-2010, 09:42 PM
|
||||
|
||||
|
للاسف مو بس معلمين الكل شغالين نصب في نصب معليش اعذروني من كلمه الكل بعتبروا النصب شطارة على قولت التجارة شطارة يضحكوا ع ناس وينصبوا بقوله هاي شطارة صار عادي انشوف نصب وعادي لانه صار روتين يعنى لو مانصب مابربح ومابرضا بربح القليل يا كون الربح 1000 في 100 يا بكون هاي خساره عليه ذكرتني باشغله صارت معي زمان انه اخدت اخي وهو مغترب اخي وصار له زمان ماأيجى عنا لما شاف اسعار كيف غاليه دخل محل ملابس في مول بقوله اخوي صناعه شو هاي ملابس بقوله بائع صناعه صينيه اخي رد عليه صيني وغالي هيك هداك بائع رد عليه بقوله صيني اصلي  عاد اخوي صار هيك  في حدا بقلد الصيني يعني مش عارفه في فرق بين صيني وصيني بتلاقي هاد غالي وفي محل راقي وفيه صيني في محل ع قد حاله بس ايش الفرق المكان بس ونفس المنتج يامعلم بس مشكله الناس بتظر بامظهر ديني وهم نصابين هاد اسمه تشويه والاسلام اصلن اتشوه في نظر العالم مو بس عنا الاسلام برئ من هيك عالم ياعيني في ناس بتصلي ومدينه ونقاب وذقن طويله بس رياااااااااء وبس لهيك لا تنغري بامظاهر
_______________________________
  علمني وطني بان دماء الشهداء هي التي ترسم حدود الوطن
|
|
#7
21-12-2010, 11:43 AM
|
||||
|
||||
|
اقتباس:
معك حق .. انا يمكن استفزيتها بس جد انا ما بحب اكون خروف .. كل كلمة حكيتيها صح ... مش كل الانس خير وبركة يسلمو حبي  منورة
_______________________________
ما أجمل الحياة عندما تتخلص من كل قذارتها برداء أبيض تعب المشواااار .. من خطواتي وخطواتك
|
|
#8
21-12-2010, 11:44 AM
|
||||
|
||||
|
اقتباس:
معك حق .. ليس كل ما يلمع ذهبا والله بعرف يسلمو حبيبتي
_______________________________
ما أجمل الحياة عندما تتخلص من كل قذارتها برداء أبيض تعب المشواااار .. من خطواتي وخطواتك
|
|
#9
21-12-2010, 11:46 AM
|
||||
|
||||
|
اقتباس:
ههههه لا ولو رايك بحترمه .. بس جد قهرتني لانو العزر أقبح من الزنب وما بيصير تغليه لانو نحنا طلاب ومجبروين نشتري يعني ماسكينا من ايدنا يلي بتوجع منوررررررة ولو .. يسلمو 
_______________________________
ما أجمل الحياة عندما تتخلص من كل قذارتها برداء أبيض تعب المشواااار .. من خطواتي وخطواتك
|
|
#10
21-12-2010, 11:47 AM
|
||||
|
||||
|
اقتباس:
ههههههههههههه بعدك متل ما انت يا فيلم .. كرهانهم كرهانهم اقتباس:
ههههههههههههههه يا عيني ع الطلاب لما تتقابل عيني يا ليل هههههههههه منورة وكلامك درر أكيد
_______________________________
ما أجمل الحياة عندما تتخلص من كل قذارتها برداء أبيض تعب المشواااار .. من خطواتي وخطواتك
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
