|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
26-12-2010, 08:07 PM
|
||||
|
||||
قضية الشباب عديمة المسؤولية
 السلام عليكم جميعاً نفراً نفراً كيفكم يا جماعة الخير أخباركم ... والله منا عارفة كيف أبدأ بالموضوع وكيف أنهي ومش جاي عبالي أعمل مقدمات و قصص ...  جد في شغلات كتير بتزعجني بس أسمع فيها و بتخلي الواحد يخاف على حالو بالزمن هاد .. كتير بنسمع بحالات طلاق ... وكتير منسمع بشباب ضايعة مش عارفين شو بدهم .. وكتير منسمع بلاوي بهالدنيا... هلأ هبدأ نقطة نقطة وجد صار الإشي وخصوصاً بجيلنا وزمانا كتيير منتشر ... و بيخزي صراحة .. يمكن تقولو مالها هاي أو شو الموضوع بالزبط بس جاياكو بالموضوع .. أول شي شيء واقعي الشباب إلي بدخنو و بشيشو و بحششو هدول ليش هيك يعني مثلاً أكتر من مرة سارت حوارات ومناقشات على هالإشي ... هاد المناقشات سارت بالجامعة ... لم تيجي بتسأل الشب إنتة ليش بتدخن أو ليش بتشيش أو ليش بتسوي بحالك هيك ... برد عليك بكل بساطة و برود عشان أنسى همومي ... يعني هلأ الدخان و الحشيش و الشيشة بتنسي الهموم وبتريح الشخص !!!!! جد بتعجب أنا ولما تيجي تحكيلو طب ما الهم و الضغط و النكد هيرجع مرة تانية هتدخن وتحشش تاني مرة وتضلك على هالحالة كل شوي ... بروح برد بقلك مهو أكيد مش بتنسي بس بتريح الواحد و بتخلي ينسى جزء من الهموم ... طب وصحتك يا ابن الحلال ... بقلك لأ إحنا ما بنفكر هيك ... إحنا بس بدنا نرَوء و ننسى و نكيف و نكون مبسوطين ..   ولما تقلو تب فكر بعقلانية و اقعد مع حالك و فكر إنه هالشي إلي بتسوي لا بريح ولا شي .. أبداً كنك بتحكي مع حيط أو بقلك والله أنا نفسي أبطل بس بقدرش هاي أول شغلة ... تاني شغلة ... كنا منتحدث أنا وماماتي ومنحكي عن هالدنيا لهيا بتقلي بنت فلانة اتطلقت و ابصر مين اتطلقت و ما بعرف مين كمان اتطلق أوووف لا إله إلا الله  معقول ألأد كتير منتشر حالات الطلاق ..والله هاي بدها موضوع و استفتاء لحالو ... بس خلينا إناقش هالقضايا بهالموضوع لأن كلها متعلقة عالشباب ... نرجع مرة تانية عن الطلاق ... طبعاً مافي طلاق بدون سبب ... بس والله وربنا يشهد بكلامي أغلب حالات الطلاق إلي سمعتها سببها الرجل وليس المرأة .. يعني لما واحد يضرب مرتو هاد شو !!! ولا واحد ما يتحمل مسؤولية بيتو من متطلبات و أشياء إبنو من حفاظات و غيرو وغيراتو وقللها خلي أهلك يجيبولك هاد شو !!!! ولا واحد مالوش شخصية و بسمع لإمو وأخته ويكونو هما سبب لخراب بيتو هاد شو !!! ولا واحد اتزوج وحدة عشان راتبها ولما ترفض انها تصرف أو تعطي الراتب بتسير إنسانة مش بنت عيشة وبتبدأ المشاكل ..وغيرو وغيرو .... ولا فوق هيك كمان عشان ميدفعوش المؤخر بروحو بكره الوحدة عيشيتها عشان تتنازل عن المؤخرة و و و ...إلخ ... وأنا بسميها هاي ندالة يعني جد ألأد إنعدمت الرجولة و المسؤولية ... وين الضمير ومش حرام يتعمل هيك ببنات الناس و الطفل الصغير شو زنبو حسبيا الله ونعم الوكيل ... ليش هيك الشباب سايرين همل ... حتى مسؤولية نفسهم مش متحملينها ...  والله أنا من قهري بحكي هالكلام لأن بجد أنا صرت شايفة بعيني وسامعة بوداني مصايب الدنيا إلي ما بتتنتهي .. وسار الواحد يخاف من هالدنيا إلي مخبية ... حتى الأهالي سارو يخافو يزوجو بناتهم لأن بنتهم بتكون غالية عليهم كتير و لما يسمعو بهيك قصص شيء طبيعي يخافو .... وعموضوع عمل المرأة وراتبها مدام الموضوع انفتح خلي الحوار يكمل ... هلأ أنا إلي بعرفو و إلي بقولو دينا الإسلامي إنو المرأة حرة براتبها هيا مش ملزمة تصرف عالبيت أو جوزها ياخد منها هيا حرة فيه تحرقو .. تشتري في إلي بدها إياه هيا حرة .. ليش هلأ بالزمن هاد إذا الوحدة كانت تشتغل وما أعطت زوجها راتبها أو صرفت عالبيت بتسير عاطلة ومش كويسة ومش بنت عيشة وناس ... الموضوع هاد كتبتو عشان بجد مدايقة ومخنوقة وحبيت أفضفض شوي
_______________________________
  كتكوتي يتفقد الأحوال ويبحث عن المفقودين ويراقب الخارجين عن القانون  وياويلو إلي بهوب ناحيت كتكوتي     
|
| عدد 2 عضو بقولولك شكرأ يا ReD^^RoSe على هالموضوع المرتب: | ||
|
#2
27-12-2010, 11:52 AM
|
||||
|
||||
انتى حكيتى 3 مشكلات وكل مشكلة بدها موضوع لحالو بالنسبة للتدخين انحكى فيه كتير هالموضوع الشباب وكمان البنات التدخين عندهم اما موضة وتقليد او تسلية وتضييع وقت .. بالنسبة للطلاق وانو كله بسبب الرجل ما اظن انه الرجل لوحده السبب لان الزواج شركة بين اتنين ازا حد غلط التانى لازم يصححه ازا الزوج عنده سلبيات زوجته لازم تحتويه مو على اقل مشكلة البنت تركض لعند اهلها وتشكى عنه البيوت اسرار وماحدا ملاك بالدنيا الكل بيغلط بس فى مشكلة وهى انه الشباب لما بتزوجوا بفكروا انهم ح يعيشوا العمر كلو شهر عسل لاء طبعا الحياة الزوجية مسؤولية والتزام عشان هيك بتلاقى الطرفين زهقوا بسرعة وبلاقوا ان الحل الوحيد هو الطلاق اريح واحسن لهم اما بالنسبة لراتب الزوجة طالما رضيت انها تطلع من بيتها من الصبح للعصر لازم تساهم فى مصاريف البيت لانها طالعة من بيتها على حساب زوجها واولادها هو اكيد حقها الشرعى بس مو معنى هالحكى انها تقضى نص نهار برا البيت وبالاخر ما تساهم بمصروف البيت ..وازا ما بدها تساهم الاحسن تقعد بالبيت وخلص . يسلمو ع الموضوع الطويل هههههه .
_______________________________
كل الطيور تعود فى ذيل النهار الا انا يا قدس اخطانى القطار
|
|
#3
27-12-2010, 12:17 PM
|
|||
|
|||
|
يعني انتي هلا ركزتي على قصة الشباب ونسيتي البنات حكتي الشباب همل ونسيتي همل البنات بديش احكي مواقف صار معي ومع ناس بعرفهم لانها بتخدش الحياء وبالاخر سببها بنات. اما بالنسبة لقصة الدخان الدخان صار شي عادي يعني هلا حلينا مشاكل العالم وضلت مشاكل الدخان انا لما كنت بالجامعة كنت اسئل الشباب ليش بتدخنو حكولي ما راح تعرف ليش الا لما تجرب. وبتلاقي احيانا ناس بتحكيلك الشباب بتتدخن عشان تثبت روجولتها ,,شو يعني الشب ساب كل الدنيا وصار بدو يثبت رجولتو بالدخان مثلا. اعتقد قصة الدخان امر مفروغ منو لانو ما حد بيعرف شو هو الدخان الا لما يجربو. بالنسبة لقصة الطلاق اللى سببها الرجال لما تكون عايش ببلد غير بلدك وتيجي مرتك تطلب وتتشرط وتحسسك انك مليردير هاد شي غلط يعني هلا انا كزوج مرتبي مبلغ وقدره ولا تنسي انو الحياة هون غالية وغالية كتير يعني انا شب ولما حسبت لقيت انو مصروفي رزم يكون 5000 وانا شب عزابي وعايش لحالي فمال بالك بواحد بيصرف على عيلة كاملة ولا تنسي مصاريف المدارس كيف يعني انا بعرف واحد وضعو المالي ممتاز بيدرس ابنو بمدرسة الشويفات بتكلفو كل 3 شهور 15 الف درهم فما بالك لما يصيرو ولادو بالجامعات واحنا بنعرف شو لما يصيرو بالجامعات يعني جامعتي اللى ما بسميها جامعة بتكلف 30 الف بالسنة والامريكية بدبي بتكلف 100 الف بالسنة وبالاخر بتجي حضرتها بتطلب وبدي هاي ولا هاي مش ماركة وهاي ابصر شو والله اعيش عازبي طلو عمري احسنلي بدل كل هالمصاريف ولما تصير الاخت تشتغل تبحكيلك مصروفي الي والشرع حكى انو انا حرة فيه طيب ما هو الزوج بياكل هوا وبالاخر هاد اللى بيطلع من الزوجة وبتروح الاخت بتضيع مصروفها في اشيا تافه. طبعا الكلام بشكل عام على بعض النساء ومو كلهم متل الحالة اللى ذكرتها فوق,,, وبالنسبة انو الشباب همل ليش الشباب همل عشان بتلاقي الشب بيحكي مثلا مع عشر بنات انا امبارح والله هالمنظر صار قدامي ومع صاحبي بنت كانت تحكي معاه وجه لوجه انا فكرتها حبيبتو بعد 10 دقايق مشينا من جنبها كانت تحكي مع كمان شب بعد ساعة لقيناها بتحكي مع كمان شب وبالاخر لما اجينا نروح كانت بتحكي مع حبيبها على الموبايل وبتحكيلو والله ما حكيت مع شباب  هاي مش هاملة مثلا يعني فهميني ليش الشباب همل ,,,,,, وعفكرة البنات الهمل الله مكتر منهم بالامارات وبالاخر بدي احكيلك شي ما حد بيعرف كيف الشباب بيفكرو الا لما يصير شب متلهم.
|
|
#4
27-12-2010, 01:01 PM
|
||||
|
||||
|
التدخين مشكلة كبيرة والي بدايق منها مو بس الشخص الي بدخن كمان الناس الي حواليه يعني هيا مخسر من كل النواحي من صحته ومن فلوسه وكمان من صحة الناس المحيطين فيه لانو بنعرف طبعا تاثير التدخين السلبي،وهاد الكلام الكل بيعرفه بس مين يطبق المشكلة انو بتلاقي مقتنع كتير بالكلام بس ما عندو الارادة ليترك الدخان بالنسبة للطلاق فعلا كتير صرنا نسمع عنو وهون بالدوحة اكبر نسبة طلاق في الجاليه الفلسطينية والاسباب كتيرة يعني هلا في كتير من حالات الطلاق الي بتصير بيكون الشب مو دافع ولا ريال فتكاليف زواجه وكله على اهله فما هيحس بقيمة مرته متل الشخص الي تحمل كل المصاريف لحاله وطبعا الي بيجي بسهولة بيروح بسرعة وغير هيك انو بسبب الاجارات المرتفعة كتير من الشباب رجعو يعيشو مع اهلهم بنفس البيت وطبعا هاد سبب لاغلب المشاكل وفي كتير اسباب تانية بالنسبة لراتب البنت ازا كان وضع زوجها المادي منيح مش رح تدفع منه للبيت بس ازا كان زوجها وضعه عقده لازم تساعد يعني الزواج شركة ولازم هما التنين يعملو كل شي لحتى حياتهم تستمر باحسن شكل
_______________________________
لــم تـشقى أمـي تـسعةَ أشـهرِ لأخـراج لعـبةَ فـي أيـادي سـافلة
التعديل الأخير تم بواسطة : ما بيوصفني لقب بتاريخ 27-12-2010 الساعة 01:06 PM.
|
|
#5
27-12-2010, 03:27 PM
|
||||
|
||||
|
عقول الناس صايره زغير  وما حدن عندو طولت بال على حاجهو نسبه التفاهه والتفكير المتخلف و الجهل زايد و الأبتعاد عن دينا ومبادئنا والتمسك بشي متخلف اسمو عادات وتقاليد و كمان سبب مهم جدا ً فضاوة النسوان و نقلهم للحكي ومشاكل الناس وتكبيرهم للمواضيع .. بطلت زي زمان البيوت اسرار زمان كانت تسير بلاوي أكتر من هلأ بس ما حدا كان يطلع كلمه من بيتو فكانو الناس يحسو انو الدنيا لسه بخير اما هلأ الواحد ما بيسمع عن الناس الا مشاكلها فبيحس انو الدنيا سواد وهالشي بيأثر بطريقه سلبيه على نفسيتو يعني هادي شوية اسباب هيك على السريع لل شغلات الي زكرتيها فوق بعين الله يسلمو هالديات على هالموضوع
_______________________________
متفآئلونَ .. مآ دَآمْ من يرعَى أروَآحنآ ربٌّ كريمٌ رَحيم ../
|
|
#6
27-12-2010, 04:54 PM
|
||||
|
||||
|
اقتباس:
إيه هلأ بالنسبة للتدخين زي محكيتي إنو موضة , تقليد , تسلية , وتضييع وقت مهون المصيبة إنهم ماخدين هالشي هيك بس هاي الشغلة مضرة لإلهم و لغيرهم وللي حواليهم كمان ... هاي الأشياء بتدمر العقل تدريجياً بدون ميحس الشخص وبتسير إدمان أكتر مإنها بتسير عادة إتعوَد عليها ... وبتسير كجزء من حياته إذا ما دخن أو شيش أو حشش بحس في شيء ناقص و بتخلي يعصب و و و و .... هوا صحيح في بنات كمان بدخنو و بشيشو بس مش بنسبة الشباب قليل بنات ليدخنو وهيك ... وهاي البنت ما بتكون طبيعية في خلل ما بكون فيها ... أما الشباب هما إلي كتيييييييييييير كتيير منهم هيك .. بالنسبة للطلاق كلامك صحيح مية بالمية الزواج مو مجرد حفل زفاف و شهر عسل الزواج مسؤولية و تكوبن أسرة مبنية على أساسات أولها الدين والمودة والرحمة ... والتنين الزوج و زوجته مكملين لبعضهم يعني لازم يكونو متفهمين وفاهمين بعض وظروف بعض و لو تخانقو يتفاهمو التنين مع بعض دون تدخل من طرف تالت سواء أهلها أو أهلو وهيك ... بس هاد الكلام متى !!!! شوفي يا لونة الرجال قوامون على النساء والراجل لازم يتحمل مسؤولية المرأة من جميع النواحي وحتى نفرض مثلاً زوجته كانت غلطانة هوا راجل بتعرفي شو يعني راجل يعني والله مو إنو مرته مثلاً عصبته يروح يضربها .. الراجل إلي بمد إيده على إمرأة هاد شو !!! ولا وحدة بتقبل على حالها يضربها جوزها أنا عن نفسي إذا ربنا كاتب واتزوجت على سبيل المثال إذا مد إيدو علي لا سمح الله ...خلص لو يعمل ال لِلي ما برجعلو مرة تانية إلى لما يحس بغلطو ويقدرني عشان ما يرفع ايده مرة تانية علي أما إذا الوحدة سكتت بتعود بعدين و هوا لازم يكون عندو تمالك أعصاب أنا ما بقول المرأة ملاك .. في بعض الأحيان المرأة بتكون بتجنن ... وهوا لو راجل بتركها تحكي إلي بدها إياه مثلاً وبطلع برة وما يرد عليها هيا ساعتها هتندم عالجنينة غلي طلعتلها و هتحس بغلطها و تتأسف أو تصالحو... وأبل كل هالحكي قدوتنا وحبيبنا المصطفى الرسول صلى الله عليه وسلم ... كيف كان تعامله مع زوجاته وفي قصة لعائشة رضي الله عنها كانت تغار على الرسول صلى الله عليه وسلم في يومٍ من الأيّام كان النبي - صلى الله عليه وسلم - عندها ، فأرسلت إحدى أمهات المؤمنين بوعاء فيه طعام ، فقامت عائشة رضي الله عنها إلى الوعاء فكسرته ، فجعل النبي - صلى الله عليه وسلم - يجمع الطعام وهو يقول : ( غارت أمكم ) ... هلأ تخيلي إنتي وحدة تكسر شغلة أدام جوزها هيعمللها اقل إشي بهدلة طويلة عريضة ...هاد أولاً ... تانياً لما يكون الشب متزوج وحدة عشان راتبها يعني هوا اصلاً مش متزوج والله محبة فيها .... !!!! بالنسبة لإنها بتقضي نص نهار برا بيتها فعشان هيك لازم تصرف .. شوفي في فرق بين لما وحدة هيا من حالها تحط جزء من راتبها عمصاريف البيت وهيك برضاها وإقتاعها هيا ومشاركة لزوجها ... يعني هيا تكون هيا راضية ومرتاحة ومن حالها هالشي ... من إنو والله تحس إنو هاد الشي إجباري عليها وغصبن عنها برضاها ولا مو برضاها لازم تعمل هيك فرق شاسع .. وأكيد أي تنين متفهمين و علاقتهم مبنية على حب وإحترام فلوسهم هتكون وحدة مش فارقة ..(بس مش الكل هيك) في عيني عينك بتكون باينة وواضحة الشغلة ومش حلوة للوحدة لما تاخد هيك إحساس أكيد فاهمة عليا .. والبنت مش مجبرة على هالشغلة ما درست وتعبت عشان شهادتها تتعلق عالحيط بالأخير بعد تعب سنين ... في ناس بعرفهم وضع جيزانهم ما شاء الله كتير منيح .. بس خلص هيا ما بتقدر الوحدة ما تشتغل بمهنتا إلي درستها أو تشتغل بشكل عام ... أنا من رأيي عمل المرأة بخلي حياة الاسرة أنظم من ناحية الوقت و العيشة وهيك .. بس مش أصدي إنو إلي ما بتشتغل حياتها بتكون مكركبة مثلاً بس زهق ... وممل يعني لما يكون جوزها بالشغل و هيا ما وراها شي وآعدة أي والله بتمل هيا ممكن تاخد إجازة متلاً فترة الحمل والولادة وهيك والتربية بس لما ولادها كمان يسيرو بمدارس هيسير الولاد بالمدارس وزوجها بالشغل و رجعت كمان آعدة لحالها بتستنا يرجعو وهيك ... ما بعرف بس أنا هيك بحس بجوز لأن إنولدت واتربيت مش بفلسطين ... الله يسلمك يا رب لونة ومنورة الموضوع بوجودك والله ...
_______________________________
كتكوتي يتفقد الأحوال ويبحث عن المفقودين ويراقب الخارجين عن القانون وياويلو إلي بهوب ناحيت كتكوتي
|
|
#7
27-12-2010, 07:45 PM
|
||||
|
||||
|
اقتباس:
أويك أنا معاك يا لِوَرَنْس إلي كنت فليم آكشن خلينا نقول زي مإنتة بتحكي ونتناقش المسألة للطرفين لبنات و شباب عشان ما تقول إنو ليش شباب بس ...بالنسبة لمشاكل صارت معك أو صحابك أو لأي شب تاني و سببها البنات ... ماشي أنا معك أغلب المشاكل بكون سببها البنات ... بس يا لورنس ما في دخان بدون نار ... يعني مثلاً ... طبعاً المشاكل لا تعد ولا تحصى وكتيرة ما شاء الله ومختلفة ومتنوعة وكل قصة مشكلة أو حكاية بتكون أهبل من التانية ... وزي ما البنات مو قلال كمان الشباب مو قلال ... مش إنو والله هوا شب يعني خلص بيغلط و ما بتحاسب في ناس هيك بقولو شب خلص شب ما بنعاب و لا بنحكالو إشي لو شو ما سوى بس هاد تفكير خاطئ ... زي ما البنت بتتحاسب الشب كمان بيتحاسب ... ولما تنين صحاب يتخانقو أو تخرب علاقتهم عشان بنت .. هاد شو بتسميها مش همالة مش عيب عليهم يخسرو صحوبيتهم عشان بنت هاد على رأيك لما قلت (بالآخر سببها بنات ) مجبتش إشي من عندي ... يعني يا آكشن بالمختصر الحق ما بكون لا عالبنت لحال ولا عالشب لحال الحق عليهم هما التنين طبعاً عشان مجتمعنا فبروحو بحطو الغلط عالبنت لحالها .. بس الصح والمفروض التنين بتحاسبو على تصرفاتهم .. نيجي على قضية الدخان إلي على رأيك أمر مفروغ منه لا يا آكشن مو أمر مفروغ منو لأن بإيد كل شب أو بنت تهدي أو تنصح شخص مدخن أو بشيش ونخلي يبطل دخان أو شيشة هتقلي صعب أو مستحيل .. لأ مو صعب وما في شيء إسمو مستحيل إلى لما ربنا سبحانه وتعالى ياخد روحنا ونموت بعد منموت بسير الإشي مستحيل ... بس طلامة إحنا عايشين فشي إشي اسمو صعب أو مستحيل ... في إشي إسمو عدم إرادة و إستسلام ... يعني إنتة كشب مثلاً بأسلوبك و بطريقة مناقشة حلوة وكلام عقلاني مع شباب مدخن مرة مرتين تلاتة سبحان الله ممكن ربنا يهديهم على إيدك وساعتها شوف أكم حسنة أخدت ... أو مسلاً آعد مع شباب بدخنه أدن تروح تقلهم يلا يا شباب حيى على الصلاة وبعد متصلو تحكي معهم ... هتقلي ما راح يسمعوني أو هيتمسخرو علي .. إنتة حاول وسبحان الله ما بتعرف ... هاد كحل للمشكلة .. هلأ إنتة حكيت إنك سألت شباب ليش بتدخنو وحكولك ما تعرف ليش إلى لما تجرب أقل ليش قلك هيك لأن ما عندو جواب لأن هوا نفسه مش عارف ليش بدخن ... وطبعاً لو جربت بسيرو يتمسخرو عليك شوفو هاد لسة ابصر شو وهاهاها ومن هالحكي ومش عارف ياخد نفس ومن الخرابيط هاي ومن هان بتبدا الفساد ... عشان عقولتك يثبت رجولته ... أو يكون شب موديرن عايش ...ويا أرض إهتزي ما حدا أدي ... أغلب الشباب هيك ... وبعدين كيف يعني ما حد هيعرف الدخان إلى لما يجربه وحط قدام هالرمز مليون وحدة زيه ...ليش هيا حلاوة ولا شوكولاته ولا أكلة بتتخرب والله عجبني طعمها بستمر عليها ما عجبني خلص كوخة ما بجربها مرة تانية !!! ما الشي السيئ والمضر معروف وسلبياته معروفة وآثاره السيئة معروفة ... هاد بدل متحكي ليش ما انطلع حل لهالشغلة يا خسارة  متوقعتش كدة أبداً هلأ لقضية الطلاق ... كلامك مزبوط معك أنا بهاي  لما تكون الوحدة عارفة ضروف جوزها وفوق هاي تتطلب و تتشرط يعني هاي لازم تحس شوي وصحيح الأهالي بصرفو على ولادهم مبالغ كتيرة وخصوصاً لما يوصلو للجامعات أنا لا أتوقع أي أم يا آكشن  أصدي لورنس .. إنو ولادها بس يوصلو للجامعات إنها تطلب وتتطلب بل بالعكس هيا بتسير تساعد كمان من عندها مع جوزها عشان يغطو المصاريف ...أنا ما بحكي عن هاي الحالة أنا بحكب عن الناس إلي لسة بتكون متزوجا جديد و ما كملو سنتين زواج إلى وهما متطلقين .. يعني وحدة منعرفها إطلقت ليش عشان لما حملت وولدت طبعاً المولود الجديد محتاج مصاريف بارنبرز و ما بعرف شو والأشياءات هاي للطفل جوزها بخيل وكل شوي باعتها عند أهلها تخيل هوا إلي يبعتها عند أهلها وسار مرتاح على هيك إستحملت هيا هيك أسبوعين تلاتة أربعة بس مش إنها توصل خلص يقللها خلي أهلك يجيبولك طب هاد إبنو ومسؤول منو و هوا إلي لازم يلتزم في مو أهلها هيا اتزوجت والله عشان أهلها يصرفو عليها وعلى إبنها ... هاد مثال بسيط لسة في قصص أنيل من هيك بكتيييييييير ... وعن الراتب أنا حكيت فيها ل لونة فوق مش هرجع أعيد الحكي ... هلأ نيجي نحكي على ليش الشباب همل طبعاً مو كل الشباب في شباب ما شاء الله عليهم قمة بالاخلاق و تحمل المسؤولية ... الشب إلي بحكي مع بنات تسلاية و فريند هاد شب فاضي عقلياً و أشك إنو في مخ أصلاً والبنت نفس الشي ... أنا ما بقول إنو ما يحكو بالمرة لتقول عني معقدة بعدين ولا إشي لأ بس مثلاً بالجامعات مناقشات بين الشباب والبنات عادي زملاء دراسة وبحدود الدراسة وحتى إن طلعو عن نطاق الدراسة بيحكو بمواضيع و نقاشات بهالحياة أنا ما بحكي عن هاد الصنف لأ أنا بحكي عن الشب إلي بحكي مع إبصر كم بنت بدون أي هدف بس هيك مسخرة و تفاخر إنو ياي البنات بلاحقوني و بموتو فيي و نازل يرمي حكي على هاي و يعاكس هاي و يخوف هديك .. إلخ أنا بحكي عن هاد الصنف .. سواء للشب او البنت .. عشان هيك بحكيلك هالجيل وهالزمن سار بالمرة فش ولا زرة ولو حتى شوية ها الواحد يقول إنو والله مسؤول .. عارفة هالحكي أنا و معك بهاي النقطة منا عايشة بالإمارات وشايفة وعارفة كيف البنات بتصرفو والشباب بتصرفو والتنين أنيل من بعض .. بس انا ما قلتلك كيف الشباب أو البنات همل ... أقل شي لما ما يكونو متحملين مسؤولية دراستهم إنهم يقدرو تعب إبوهم و المبالغ المالية إلي دافعها عشان يتعلمو ويفيدو حالهم بالأخير لاهيين عن دراستهم بتوافه الأشياء ... هي مو همالة !!!! لما الشب ما يخاف على بنات الناس وكل غشي يسير عندو عادي الدخان عادي .. يمشي مع بنات وفهمك بكفي عادي وكل إشي بي إيزي وعادي هاي مو همالة !!! هترجع تقلي ما البنت السبب فرضاً لو كانت البنت السبب هوا ما عندو كرامة وعزة نفس !!! حتى لو الينت هاي مو محترمة حالها .. أو هيا إلي وصلت الشب لهالمواصيل هوا عقلو وشخصيتو وين راحت !!! وفي اشياء كتير بس لو أعدت أحكي مش هخلص من هان لبكرة ... وعلى آخر جملة حكيتها يا كريم ... مو من الضروري أسير شب عشان أفهم كيف بفكرو ... أنا إلي أربع سنين بالجامعة وجامعتي مختلطة وفيها كل جنسيات العالم أي جنسية تتوقعها موجودة بالجامعة ... وسارت مناقشات كتيير ومواقف و سمعات و شوفات كتيير خلال هالأربع سنين وعارفة كويس كيف البنات بفكرو وكيف الشباب بفكرو ... وأنا ما بعمم عالكل أو بقول والله كل الشباب هيك بفكرو أو كل البنات هيك بفكرو لأ بالعكس آراء و أفكار الناس بتختلف بس الغالبية العظمى تقريباً فيك تقول ماشيين على نفس المبدأ و إلي المعظم ماشيين عليه و نفس الفكر ولو حتى في ختلاف بنسبة ضئيلة.. ويكون بعلمك في ناس دارسين بمصر سنتين ولي داري إبصر وين تلت سنين وسارت ضروف و ما سمحتلهم الفرصة يكملو وإجو عالإمارات و درسو وهيبدئو مشوار الدراسة من أول وجديد هدول بس إقعد معاهم و تناقش معهم عن الفرق بين التفكير .. وساعتها هتفهمني ..
_______________________________
كتكوتي يتفقد الأحوال ويبحث عن المفقودين ويراقب الخارجين عن القانون وياويلو إلي بهوب ناحيت كتكوتي
|
|
#8
27-12-2010, 08:16 PM
|
||||
|
||||
|
موضوعك حلو يا دوكتور والحكي فيه كتير اول شي قصة التدخين والشيشة بتختلف عن الحشيش بنفعش تجمعيهن مع بعض معظم الناس يا بتدخن يا بتشيش بس نادر الي بحشش ازا ضلو عل دخان او الشيشة ساهله بس ما يروح للحشيش ساعتها انا بقولك انو مدمن وهامل وابن ..... شغلة الطلاق انا معك انو حالات الطلاق انتشرت بشكل كبير جدا بالفترة الاخيرة من وجهة نظري كشب انا بقلك انو الشباب مخنوقه لا شغل ولا ترفيه ولا كرامة ولا احترام بهل بلد بلاقيش الا مرته يتفشش فيها ازا كان هي عصبية ولا معرفتش تتعامل مع تعبه النفسي هادا حتوصل للطلاق وعلى فكرة انا مش معك ان الشباب دايما السبب كتير من القصص بتكون البنت مش تعت عيشة يا مفكرة الجواز راحة وتكبير .... وبعدين انا بصراحه بعتبرها سفاله من البنت الي بتقبض وبدهاش تساهم في بيتها وبيت جوزها يعني بالله جوزك سامحلك تروحي وتيجي وتغيبي عن البيت وتهملي جزأ لا بأس به من المسؤوليات الي بتخص البيت والزوج وتيجي بالاخر تحكيلو انتا الراجل وانتا الي لازم تصرف عل بيت انا مش مجبرة اوكي الراجل ملزم يصرف عل بيت بس كمان مش مجبر يروح عل بيت ميلاقيش لقمة زي الخلق ولا هدمة زي الخلق لانو المدام بالشغل وتيجيه اخر الشهر تقولي سوري انا ملزمة اصرف عل بيت ساعتها تستغربيش لو روحت عبيت اهلها وهو مورملها عينيها الجوز مش بس مطلقها بعدين انتي شايفه الحاية نار الي كان بشيكل صار ب4 ومش عيب ابدا بل هو الصح واللازم الحين انو المرة تساعد جوزها مهو في الاخر لراحتها وربحة جوزها وبيتها واولادها ولا بدك ياها تقبض وتصرفهن عل دهب واللبس والطشات مع صحباتها كل واحد مفروض يقف على مسؤولياته وخوووود واعطي وبالاخر لا يسعني الا اني اشكرك على تواجدك معنا بالشخر وبهديكي اغنيه عظيمة يا مصر 
_______________________________
|
|
#9
27-12-2010, 08:43 PM
|
|||
|
|||
|
اقتباس:
انَا الْكَلَام الّلِى فَوْق بَيْعَبَر عَن رَاي الْكَاتِب وَلَيْس لِلْمَوْقِع دَخَل فِيْه
|
|
#10
27-12-2010, 09:38 PM
|
||||
|
||||
|
اقتباس:
إيه صحيح أنا مو ضد إنو المرأة تساعد جوزها في بعض الإخوة فهموني غلط في فرق بين الوحدة لما هيا تساعد جوزها بدون مينحكالها إنو خلص هيا من حالها ومن نفسها يحطو راتبها على راتبو و يعيشو مع بعض عالحلوة والمرة هيك المفروض إلي يسير .. بس أنا بتكلم عالشب إلي بككون طمعان بفلوسها إنها موظفة ومتزوجها على طمع و هيا حست بهالشي .. هون المشكلة بتسير ... ونورتي الموضوع يا عسل وكتير حوارك عجبني خفيف و زريف يعطيكي العافية 
_______________________________
كتكوتي يتفقد الأحوال ويبحث عن المفقودين ويراقب الخارجين عن القانون وياويلو إلي بهوب ناحيت كتكوتي
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
