تكملة لقصة الصديق وقت الضيق................
للاخوان اللي تابعونا في السابق و اللي بيحب يتابع القصة من الاول هذا رابط بداية القصة الجزء الاول...
http://www.g4z4.com/vb/showthread.php?t=18152
_____________________________________________
المهم

في يوم من الايام كان السيد وائل قاعد في بيته مع رشا و بيتفرجو علي التلفزيون و بنتهم تغريد بتلعب بالصلصال علي طاولتها الصغيرة في زاوية الغرفة البعيدة.....

في لحظة من الاوقات جاء اتصال هاتفي " يعني رن التلفون" ترن ترن ترن ترن....
وائل : مين ياترى اللي بيتصل فينا بها الساعة المتأخرة.
رشا: قوم شوف مين يازلمة يمكن تلفون من الاهل و يمكن في ايش ... خير اللهم اجعلو خير
وائل: رفع سماعة التلفون و قال الو بصوت المرتبك كأنو ينتظر خبر حزين.... ألووو
المتصل: مرحبا .
وائل : اهلين مين معي؟
المتصل: مش عارفني يازلمة؟
وائل : الصوت مش غريب علي "طبعا نفسو يقتلو"
المتصل : طيب حزر مين انا " مع ضحكة خفيفة"
وائل: يا ابن الجلال مش عارف مين انت , قو ل انت مين و شو بدك , الوقت متأخر يا ابن الحلال.
المتصل : والله زعلتني منك يا زلمة.... اهييي... مش عرفني... نسيتني....أهي....معقولة
وائل : فش في مخة ولا حبة من هالتلفون و بدا ينرفز علي الاخر
المتصل : يلا قول انا مين ولا بسكر السماعة وما عاد بتصل فيك مرة ثانية
وائل : "قلك هاي فرصة و بخلص منو علي ها المسا" والله للاسف ما عرفتك
المتصل : خلاص راح اقربها عليك ...
وائل : بدو يفقع.....
المتصل: و لك انا صاحبك من زمان و امبارح كنّا سوى قاعدين عند ثامر صاحبك الوفي.
وائل : أه .... هو انت نائل؟ بصوت مخيب للامل.
نائل: اه .. ان هو كيف ما عرفني يا زلمة و الله هاي فيها قعدة رجال
وائل: بدو يداري الموضوع و ينهيه بسرعة ... بسيطة يازلمة شو اخبارك ان شاء الله تمام؟
نائل : بخير والله... و بدو يكمل... طبعا سكتو وائل و ما خلاه يكمل
وائل : خير شو في ليش متصل في هذا الوقت؟
نائل : ولا ايش و حشتني و حبيت اسولف معك لاني طفشان و المرة طلعت علي عرس جيرانا و انا قاعد لحالي زهقان و قلت لحالي اتصل فيك و اسولف معك لحد ما تيجي المودام.
وائل طبعا فاقع و مش عارف شو يعمل و مش عارف كيف يتصرف .... و بدو يخترع طريقة انه يطخ نائل من التليفون او يمد ايدو من سلك التليفون و يخنقو المهم يخلص منو.
وائل: ..... ساكت
نائل: و طبعا زي ما انت عارف الفرح و الناس اللي بترقص و ....
وائل : .... ساكت
نائل : ان عارف انو سعر الذهب هالايام في ارتفاع ... و البترول سعرو صار في السما.... و الاسهم في السعودية مولعةو الناس كلها خسرانه...
وائل : ..... ساكت.... ساكت ... ساكت
نائل: هذيك اليوم طلعت مع شوفير تكسي بنت .. و كانت اول مرة في حياتي اشوف فيها وحدة بتسوق تكسي و ... ,و .... , , و .... و مريت انا و المدام من قدام بياعة الورد بس ما اشتريت لانو غالي.... و موضوع ورا موضوع.....
وائل : ساكت.....ساكت... ساكت....
نائل : طيب ايش رايع نفتح مشروع نسرح فيه الولاد عند اشارات المرور و نعطي كل واحد ضمة ورد و يبيعها ,, و الله تجارة جميلة

صارت الساعة متأخرة و وائل نام و هو ماسك السماعة في ايدو بيسمع صديقة الغلس شو بيحكي

المهم :
افتكر وائل انو نائل الغلس قالو انه مرتو في العرس ...
وائل : مش انت مرتك في العرس.. ما بدك تروح تجيبها.
نائل : له يا زلمة والله نسيت... خلاص انا الحين بروح بدي اجيبها و بس ارجع باتصل فيك و نكمل الموضوع.
وائل : لا... انا بدي انام .. .لانو صار الوقت متأخر
نائل : يا زلمة شكلك لسة صاحي من النوم .. خليك بس استناني شوية لحد ما ارجع و باتصل فيك.
وائل : بقولك دي انام .. علي العموم انت اتصل بكرة العصر بكون قاعد و فاضي
نائل : بكرة العصر انا مشغول و عندي شوية مشاوير بدي اخلصها

مع السلامة ..... مع السلامة .
و انتهت المحادثة بين الاثنين

رشا: مين هذا يا وائل
وائل : هذا نائل
رشا: شو بدو؟
وائل : ما بعرف!

وائل : قومي تنام يا بنت و ين تغريد؟
رشا : تغريد نامت من زمان وانت بتحكي في التليفون.
وائل : يالله بسيطة ما النا نصيب اليوم نبوس البنت قبل ما تنام.
رشا: يلا نروح ننام
و قام الاثنان الي غرفة النوم
وفجئة رن الهاتف ... ترن ... ترن .. ترن

رشا راحت تجري ترد علي التليفون
وائل: استني عندك يا بنت
رشا : التليفون بيرن
وائل : اذا بتردي علي التليفون بتكوني طالق
رشا : سحبت حالها و راحت قدامو علي غرفة النوم و التليفون برن .... ترن ترن ترن ترن

و نام الجميع بعد عناء من رنات متواصلة من السيد الصديق الغلس نائل
و بعدها حلف وائل ما يرد علي التليفون بعد الساعة 10 في الليل
و كمان بدو يركب كاشف رقمي علشان ما يرد علي نائل بعد هيك

و انتهى الجزء الثاني من القصة


تعليقاتكم الجميلة

_______________________________

ههههههههههههههههههههههههههه
ههههههههههههههههههههههههههه
يقطع نائل تتلحق لوائل

على فكرة
مرة اتصلت بصاحبي على الساعة تنتين

معقول قعد هيك يقول

بس اللي انا متاكد منو
انو ابوه لو شافي حيطخني
عشان رنة التلفون على الساعة تنتين

بس كنت عايز صاحبي بموضوع مهم
كنت مدايق ونفسي اطلع يلي في قلبي لحد
المسكين لقيتش غير هو والساعة تنيتن بالليل
منيح ما اجا ابوه او هو وطخوني بالدار

تحياتي .............