|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
09-01-2011, 05:08 PM
|
||||
|
||||
انا لا أريد قبله فقط !! معآ للنهوض بجيل يحمل هويه ..
استيقظ في السابعة صباحاً , أيقظ والدته... لم تستيقظ , وأنقلبت على جنبها وتغطت بلحافها .. بكى ( ماما بدي افطر ) , صرخت في وجهه : فطور هسع ؟؟ انقلع وروح نام !.. هرب الطفل من أمه وقد أخافته بصوتها المرعب ! فتح التلفاز .. نعم .. كيف له أن ينام وقد أستيقظ جوعآ ؟ جلس ليصبر نفسه قليلآ .. انتظر وانتظر ولكن بدون جدوى .. أسرع إلى المطبخ وقد غلبه الجوع .. أراد أن يصل إلى الرف العلوي من الدولاب لكي يصنع لنفسه الفطور ! سقط وأسقط معه بضعة ! أكواب وصحون ! استيقظت والدته وسارت بسرعة لترى ... مالذي حدث اختبأ تحت طاولة الطعام أمسكت بتلابيب قميصه و أشبعته ضرباً وهي تكرر : ليش ما قلت لي إنك بدك تفطر ! ... هرب من الخوف ولم يأكل .. الساعة الثانية عشرة ظهرا أعدت الوالدة الإفطار ! ومن شدة جوعه أكل بشراهة .. واتسخت ملابسه .. نظرت إليه وصرخت : أنت غبي ما بتعرف تأكل , شوف محمد ابن خالتك كبرك وأعقل منك؟ اغرورقت عيناه بالدموع وهرب إلى فناء المنزل ولم يكمل إفطاره الساعة الثالثة ظهراً عاد والده من عمله .. وكعادة الصغار فرِح الصغير واستبشر بقدوم والده الحضن الآخر الذي قد يلجأ إليه ويستمع إلى حكمته , وأخذ يحدث والده عن ابن الجيران وعن فيلم رآه في قناة كذا.. وعن مسلسل حدث فيه كذا وكذا.. كان الوالد مستلقياً على السرير... قال الطفل بهدوء : بابا .. بابا مالك ما بترد عليّ؟! حرّك رأس والده بيديه الصغيرتين فإذا به (يغط في نومه) الخامسة عصراً .. اجتمعت صديقات الوالدة في المنزل !.. وقد تأنق الصغير ولبس أجمل ثيابه... وعندما همّ بدخول غرفة الضيافة سحبته والدته... من يده بشدة وقالت له أمام صديقاتها : ما قلت لك يا .... لا تدخل ...بدك تفشلني ! روح عند التلفزيون , ولاّ روح العب مع ولاد الجيران . الثامنة مساءً .. عاد الصغير وقد اتسخت ثيابه الجديدة .. وعلا صوته بالبكاء .. رأته الأم ورفعت صوتها : (الله لا يعطيك العافيةيا غبي ) ! شو اللي عاملو في باواعيك ؟.. أراد أن يشكو لها من أحمد ابن الجيران الذي ضربه وقال له كلام (قليل أدب) ! لكنها ضربته قبل أن يتحدث .. التاسعة مساءً .. جاء الوالد , واجتمع مع عائلته للعشاء .. أراد الصغير أن يحدثه عن ابن الجيران ..لكنه كلما همّ بالكلام قال له أبوه : أنا تعبان مش فاضي لخرابيطك ! العاشرة مساءً .. أكتفى هذا الصغير بما وجده من أحداث قاسيه قد تكون جديده عليه في حياته ويصعب عليه التعامل معها بقلبه النظيف وعقله الصغير .. نام الصغير أمام ألعابه .. فأتت الوالده لتحمله , وأمطرته بقبلاتها الحارة , ثم تمتمت : أحبك يا أشقى طفل في العالم ! ضحك الأب وقال هاهاها صح... فيه شقاوه مو طبيعية الله يعينا عليه. أهــلآ وسـهـلآ بـكـم وحـيـاكـم الـلـه لكل أب ولكل أم لديهم أطفال .. لكل أخ ولكل أخت لديهم أخوان يصغرونهم .. لكل من يهمه الأمر .. هل هذه هي التربية في نظركم ؟ إلى متى ونحن نكرر الأخطاء ؟! جيل يتبعه جيل .. إلى متى ؟ متى سنستفيد من الدراسات النفسية والتربوية ؟ وإلى متى سنظل نربي أبناءنا بهذا الإهمال والتساهل ؟! مافائدة أن ينشأ جيل بدون هويه ؟ كيف نريد أن ننتصر ؟ متى ستـنتصـر أمة لا إله إلا الله ! وهم لايطبقون أوامر الله ولا سنة رسوله؟ ألم يكن المعلم الرسول عليه الصلاة والسلام خير البشر .. يمزح مع الصغار!! ويتحمل هفواتهم وغلطاتهم الصغيره؟! هل منكم أحد يستطيع ذكر قصه ورد فيها أن النبي آذى طفلآ ؟! أو حتى شتمه؟ أو حتى قلل من شأنه وهمشه؟ ألم يكفينا أمثلته في التربيه ؟ يمزح مع صغار الصحابه ويكنيهم بأسماء تؤثر في نفوسهم وعقولهم فتصنع منهم أسود ! وهم لايزالوا أطفالآ ؟! ألا يكفينا أنه أخرج شابا ( أسامة بن زيد ) وهو لايتجاوز 18 ربيعآ ليقود جيشآ كامل يجر وراءه أقوى وأشجع رجال عرفهم التاريخ كان من بينهم أبو بكر وعمر ؟! والشاب اليوم قد يصل عمره 20 عام وهو لايعرف أن يتحدث أو يدافع عن نفسه وعن مبادئه كالرجال ..! هذا إذا كان له مبادىء أصلآ .. - ماهو الحل بنظركم ؟ - هل من أحد يؤيد الشده والغلاظه بمفهومها المعروف في التربيه ؟ - أم هل تؤيدون التدليل الزائد وميوعة التعامل في التربية ؟ ماهي الأساليب الأفضل .. هل تكون بتجاهلنا لأخطاء الأطفال ؟ أم بإحتوائهم وتصحيح الخطأ ؟! أرجو أن يكون هذا الموضوع .. هو موضوع إثراء بالمعلومات والإفاده بغض النظر عن كونه نقآشآ .. في إنتظار تفاعلكم أعزآئي .. م.ق
_______________________________
 كلها دفشـِي بس  
|
| عدد 3 عضو بقولولك شكرأ يا ^كت كات^ على هالموضوع المرتب: | ||
|
#2
10-01-2011, 04:02 AM
|
||||
|
||||
بصراحة وللأسف عنا معظم الناس هيك بتعاملو مع اولادهم زى ما بنحكى بالعامية وبالشوارع بخلفو وبكبو بالشارع هادى الها اسباب كتيرة منها انه الاب جاهل والام جاهلة ومش متحملين مسؤولية بروحو يخلفو وبرمى بالشارع طيب مش قد التربية والخلفة ليش بتخلف يعنى عنا جارنا مثلا بيته كله غرفتين وصالة صغيرة الوكالة بنتله بيته مع العلم انه هالزلمة عنده اعاقة برجله وما بشتغل وجاهل ومرته زيه مخلف 11 نفر ومش عارف وين يحطهم 24 ساعة بالشوارع بسرقو وبضربو وبنضربو ودايما يقول لمرته حارمانى من الخلفة يخو شو بدك تعمل فيهم بدك تعمل فريق كورة مثلا للاسف مشكلة كبيرة هادى بغزة متفشية الها اسباب بعض الاسباب اولا انه زواج الاقارب بتلاقى ولد وبنت عمه صغار بالعمر جوزوهم بتجوزه وهما مش طايقين بعض بخلفو ولاد بشوفو جو البيت مشحون بطفشو للشارع تانيا انه اغلب الى بتزوجو شباب صغار انه مش متحملين مسؤولية نفسهم لحتى يتحملو مسؤولية ابناء تالتا انه اغلب الى بتزوجو جاهلين مش متعلمين مفكر انه ازا بدك ابنك يطلع زلمة ارميه بالشارع بصير خشن وبصير زلمة انه اغلب الشباب بصراحة بتزوجو وفرحانين مش للخلفة ولا للاستقرار ولا للنيلة لشغلة تانية الكل فاهمها وفى اسباب تانية كتيرة منها الوضع الاقتصادى والنفسى والاجتماعى بصراحة موضوع يطول النقاش فيه وما بخلص بتمنى من الكل يحسن علاقته مع ابناءه ويدير باله عليهم
_______________________________
● ●||● ● أعتذر" للسعادة" لاني عشقت الحزن وحملته شطرا من حياتي وعشقت البكاء لأني انفس به عن آلامى وعشقت قول الآآآآآآآآآآآآه لأنها تطفئ حرقة أناملي و عشقت الجراح لانها أصبحت قطعة أرقع بها ثغور ثيابي وعشقت الصمت في لحظة الألم لانها تحفظ لي كبريائي فعذرا أيتها السعادة لاني أبعدتك عن حياتي ● ●||● ●
|
|
#3
10-01-2011, 10:13 AM
|
||||
|
||||
|
شعرة معاوية هي الحل اذا أرخوها الأبناء شديها واذا شدوها ارخيها ودايما اعطيهم المجال يحكو ويعبرو عن رأيهم وما تسكتيهم حتى لو كلامهم تافه تسكيتهم وطمسهم بيخلي ثقتهم بنفسهم وآراءهم معدومة .. وبيضلو بهالشخصية المهزوزة لغاية ما يكبرو بالنسبة للعقاب في حالة الخطأ, تكون على مراحل وآخر مرحلة فيها الضرب !! فهو بيصير من حاله بيحاول يفهم من الحكي قبل ما يوصل للمرحلة الي ينضرب فيها هادا رأيي المتواضع لحتى الآن وأنا عزابي .. ابصر يضل زي مهو ولا يتغير لما يصير فيه ولاد شياطين بالموضوع 
_______________________________
لن أعطيك بيضة.. بل ساعلمك كيف تبيض
|
|
#4
10-01-2011, 11:45 AM
|
||||
|
||||
|
بتعرفي انا شفت اصناف من الناس قلت حرام يكون عندهم ولاد ومش بس اباء وامهات كمان تعاملت مع ناس المفروض من حملة شهادات وبالاخص التربية لا يفقهوا في اساليب التربية والتنشئة اشي المشكلة انو 80% من سكان غزة بالذات هيك وما بتقدري تحكي انو السبب الجهل بالعكس احنا المدرسين عنا بالمدارس ما بعرفوا يتعاملوا مع الاطفال ويمكن غزة اكتر بقعة في العالم فيها متعلمين ..فا مش عارفة تحت اي بند بندرج هادا النوع من الجهل!! يمكن العنف والضغوطات بحياتنا بتلعب دور بس ما اظن انها السبب الرئيسي زكرتيني بشغلات وقصص شفتها وحابة احكيها بهادا الموضوع اول قصة شفتها قبل اسبوع ..كنت قاعدة في غرفة الانتظار عند دكتور الاسنان ووحدة قاعدة قبالي حاملة بايدها بيبي يمكن سنة او اقل بشوي بتهز في وبتلاعبه وبتقلوو هيييي يا حيواااان.. انت حيوااان يختييي هييي هييي!! وبتطلع في القاعدين ومبسوووطة ..بعدين قامت واعطته وردة بلاستيك من على الطاولة غصنها حديد زي صنانير الصوف والولد مسكهم وصار يلعب فيهم !انا اتعقدت ..بعد شوي امها ولا حماتها انتبهت عليها الا هي بتقلها ولييي ينعن تووووت ايميهم من ايدو لييجو بعنيه  ..لسه القصة الها تكملة بس السؤال اللي بطرح نفسه ايش راح نستنى من هادا الولد اللي تربى في بيئة زي هيك اللي بدل ما يسمع اسمه كان اول كلمة يسمعها حيوان!! قصة تانية عنا بالحارة ولد بالكتيير بالكتيير عمرو سنتين 24 ساعة بالحارة شتا صيف عواصف برة !لدرجة اني بفكرو يتيم المهم عنا مبنى من تلت طوابق لسه بيبنوا فيه هديك المرة كنت واقفة ع الشباك صار يلف يلف بالحارة بالاخر طلع ع درج هادا المبنى اللي من غير درابزين لحتى وصل ع السطح اللي مش مسور ..واخدلوا لفة لما صار يقرب على حفة المبنى بهديك اللحظة حضرت الجوال عشان يكونلي السبق في الكارثة اللي راح تصير بس يا خسارة طلع واحد في المبنى اللي قبالو وصار يصرخ عليه لما نزل قصة تالتة :في مرة كنت مع مدرسة بواحد من صفوف رابع..المعلمة طلبت من واحد من الطلاب يطلع يحل مسألة عاللوح..طلع الولد ولابس برجلو شبشب بلاستيك ..صارت تصرخ عليه وباستهزاء وقرف حكتلو ايش هادا اهلك ما معهم مصاري يشترولك شبشب !! :bee:الولد حل المسالة ورجع قعد في مكانه ضليت اطلع عليه لان الولد نابغة وبفهم وعارفة ايش تكون ردت فعله لقيتو حاطط راسه وفاقع من العياط..صاحبه اللي جمبو قال للمعلمة انطي محمد بعيط ..ردت قالتله يعيط ان شاء الله بموت  ..كنت مقهورة كتير بس ما اقدرت اتدخل بعد الحصة رحت للولد وحكيت معه شوي وعرفت انه ابوه شهيد!! والقصص كتير من هالنوع ولو راح اعدها مش حخلص من ناحية العنف بالتربية انا مش مع ابدا.. تقويم السلوك في التربية بعتمد على الجزاء والعقاب والعقاب ممكن يكون بطرق كتير غير القسوة والعنف !وقدوتي بهادا الموضوع الرسول عليه الصلاة والسلام لا بافلوف ولا روسو ولا غيرهم . ,, اول مرة اكتب اكتر من تلت اسطر في موضوع بالمقعد بس هادا الموضوع وسوء التربية طول عمرها شاغلة بالي وبتهمني موضوع حلو يعطيكي العافية
_______________________________
.. خُـــ بركَان الغَضب ـــوخَـة .'.  ..x Free as wind.x.
|
|
#5
10-01-2011, 11:50 AM
|
||||
|
||||
|
,, موضع مُميز صراحةًَ .. التربية الخاطئة تجتاج بيوتنا ، جيل يتبعه جيل والفشل حليفنا ،!! مش قادر اشخر ، منخيري بيوجعوني  بس حبيت أسجل إعجابي 
|
|
#6
10-01-2011, 12:22 PM
|
||||
|
||||
|
مُوضوع كبير ومُهم جداً .. أطفالنا فلذات اكبادنا .. يجب أن نربيهُم أحسن تربية يجب أن نعاملهُم أجمل معاملة .. الأطفال لازم يثبتوا حالهُم .. بكونوا اشقياء كتيير .. مشاغبين يعني إشي طبيعي وعَادي الطفل لو ما كان مُشاغب ولو ما كَان بيعمل حركات مُزعجة بكوُن فيه شيء مش طبيعي ! لازم نسايس الطفل بشتى الأساليب .. وأبسطهَا وبنفس الوقت ما نهمل تربيتهُم يعني ونتركهُم على عَماهُم يعني الطفل لو عمل شيء غلط .. لازم الأب او الأم يصححله يلي عمله بطريقة جيدة لا تزعل الطفل ! وبهيك بنربيهُم وما بنزعلهُم ونضغط عليهُم .. يعطيكِ العَافية
_______________________________
.. .. .. .. .. .. أنا الذي هو عملت التوقيع .. مش سوسي
|
|
#7
10-01-2011, 03:36 PM
|
||||
|
||||
|
اولا بتشكرك عالموضوع القوي جدا .. المحزن جدا جدا لابعد حد .. بدي اعلق عالقصة التوضيحية .. رائعة وقطعت قلبي .. وكان نفسي احكي لاهلو يا سخافتكم .. .... المشكلة الاهل بكونو متربيين بنفس الطريقة اللي اهلهم متربيين عليها الللي اجدادهم كانوا تربو عليها .. والدائرة تدور .. لازم توعيه كبيرة بالمجتمع .. خاصة المتزوجين جديد .. اللي معهم جيل جديد .. الشهادات عمرها ما كانت مقياس بالتربية ابدا .. اصلا عنا بالعالم العربي الشهادة يعني الكتب اللي حفظناها وانسيناها وخلصنا .. لابنطبق بحياتنا ولا بغير حياتنا .. اهم شي التوعيه .. لازم الدولة تعلم الناس كيف يتعاملو مع اولادهم .. لانو صراحة الولاد بطلعو بالاخر اولاد شوارع يا اما معقدين نفسيا .. ومجتمعنا بالنتيجة بطلع مجتمع فاشل والحمدلله .. بحييكي عالموضوع مرة تانية ..
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
|
#8
10-01-2011, 03:38 PM
|
||||
|
||||
|
اقتباس:
الغزازوة بكل مكان مش بس بغزة بخلفو وبيرمو وقلللليل اللي بيربو  بس يمكن هاي سارت عاده انو يخلفو كتير  يمكن عندهم امل انو يحررو بلادهم او عندهم امل يرجعو لبلادهم ويعبو البلد منور ويسلمو اناملك
_______________________________
كلها دفشـِي بس
|
|
#9
10-01-2011, 03:42 PM
|
||||
|
||||
|
اقتباس:
منور ويعطيك العافيه وانا ضد وضد وضد فكرة الضرب  عندي احبسو بغرفه 5دقايق ولا ينضرب مهما كان السبب لانو الضرب بيكسر مابيبني وللاسف عنا مفهوم انو يابنضرب يابضل حمار بعيدن عنكم يعني ودايما بحكي الله يكسر ايدين اللي بيضرب والله يجوزك ياخالتو منورين
_______________________________
كلها دفشـِي بس
|
|
#10
10-01-2011, 03:49 PM
|
||||
|
||||
|
اقتباس:
ياحياتي كل هاد حاشريتو بقلبك الزغنون والله مع الاسف وللاسف انو هاد واقعنا بس مافي اي مبرر للضرب حتى لو كان السبب الضروف اللي بنمر فيها مو يعلقو اخطائهم ع هاي الشماعه لانو بالاخير راح توقع من كتر مابتحمل اخطاء بس حتى اللي عندهم شهادات والله يمكن 95% من شبابنا وشاباتنا مابيفقهو شي من شهادات يعني مو تحكيلي متعلمين ومثقفين بعرف ناس دارسين تربيه وماالهم بالتربه ولاذره علم حتى مابعرف شو احكي وشو اخلي بس جد شي بيفقع المراره بس لو انا مكانك مع المدرسه كان حكتلها انتي روحي اشتريلو بدل ماتتفلسفي عليه  نسوان اخر زمن<<مشكلجيه كتير بتلاقي الوحده مطفشها جوزها حياتها ولا ولادها بتتفشش بطلابها منوره ياعسل
_______________________________
كلها دفشـِي بس
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
