|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#21
10-01-2011, 05:57 PM
|
|||
|
|||
التربية الصحيحة اساس لبناء المجتمع ومهمة صعبة والله خاصة اطفال هالايام اللي كل شي متوفر قدامهم وكل شي سيف ذور حدين اله ايجابيات وسلبيات يعني انه نوفرله كل شي لازم نفهمه كيف يستخدم هالشي الموفر اله بالطريقة الصحيحة انه نعامله باحترام ونعلمه كيف يتعامل مع اللي حوله باحترام لازم نفهمه قيمة انه يكون الشخص محترم في المجتمع هادة بيبدا من اول عمره الطفل مش نستنا بس يصير بالروضة ولا المدرسة عشان نفهمه الصح من الغلط لا من اول مايبدا يوعى الطفل ويفهم ويدرك الاشيا حوله ممكن نعبر عن استياءنا من شغلات غلط عملها بتعابير الوجه مش نقول زغير مابيفهم ونستنى لما يصير يفهم والتعامل معه اصعب اصلا حيكون اتعود ع الغلط وكأنه شي عادي وصعب انه نمنعه من انه يعمله ممكن كمان بأنه نحرمه من شغلات بحبها لوقت معين كوسيلة عقاب اخر وسيلة الضرب ومش الضرب المهين او المؤلم نفسيا لكن ضرب خفيف والضرب نستخدمه عند خطأ كبير مش ع الحامي والبارد لانه ازا بدو ينضرب طول الوقت رح يوصل وقت يتمسح وتبطل تفرق معه ومش حنلاقي طرق عقاب تردعه شو ضل نموته وخلصنا  كمان لازم نستخدم اسلوب التشجيع والمكافآت المعنوية والمادية حتى يحس الطفل بالفرق لما يغلط ولما يعمل شي مميز نعامل الطفل انه لو خبي الغلط او كزب العقاب اكبر وانه الصدق المنجى الوحيد في التعامل وانه الحوار مفتوح وفي مين يسمعه ويفهم مشكلاته ويساعده بحلها بالتالي مارح يخبي ع اهله اي مشكلة من مشكلاته عن جد التربية صعبة ومهما عملنا لنربي اولادنا بالطريقة الصح البيئة الخارجية والاصحاب الهم دور كبير مشان هيك المهمة صعبة والله يقدرنا يارب <<< كاني تجوزت وخلفت وبربي بالاولاد قاعدة
_______________________________
 أنا لم أنسج خيوط الشمس ،، لم أصنع زناد البندقية .. غير أن الآآآه في أعماقي قد صنعت قضية  
|
|
#22
10-01-2011, 06:20 PM
|
||||
|
||||
|
بصراحه مااتوقعت تفاعلكم بالموضوع بس تفاعلكم دليل على انو في عنا ناس واعيه ومثقفه وبتمنى تضلو هيك بجد طول حياتكم وتحاولو تنصحو اللي حواليكم وطبعا للي بيقبل النصح اعطتوني امل لجيل واعي بجد انا كنت بعمل بحث وكنت حاطه نسبة 30% يكونو ايجابيين معي بس هلقيت حطيت اكتر من 50% بحييكم من كل قلبي وجد انا مبسوطه انو لسه في ناس بتفهم ووالله مافي احلى من الولاد الصغار صح بغلبو وبطفشو احيانا بس بكفي لما يطفش الواحد يلاقي حدا يلعب معو>>كبرتي خلص بلعب مع ابني كل يوم ساعه او ساعتين حسب فضاوتي واحيانا ابوه بيحكي انا عندي تنين صغار بالبيت مو واحد بس وطبعا مابيهمني لانو غيران مو صاححلو يلعب معنا..خخخخخخ وياااعيني بس تيجي الاغاني اللي بيحبها ع كراميش ولا طيرو الجنه اللي الله يهدهم لحسو عقول ولادنا بنرقص انا وابني مو عيب انو نلعب مع ولادنا ونعمل حركاتهم حتى لو كانت هبله احيانا بس شي حلو منا والاحلى لما ولادنا يحسو بقديش هما قراب منا مو عارفه شو اكتب بجد فرحتوني انو عنا مخاخ لسه مصحصحه تحياتي للجميع واحترامي
_______________________________
 كلها دفشـِي بس 
|
|
#23
10-01-2011, 08:21 PM
|
|||
|
|||
|
اقتباس:
عرفت لانو هي حكتلي بلسانها يا فالح كنت مروحة من مشوار وشفتو بالشارع والدنيا تلج وحافي اخدتو وانا عراس الشارع معي وبيتي وبيتهم ملزقين في بعض حكتلها شفت حمزة عراس الشارع اكيد شارد مرة تانية بضحك الا هي بتقولي لا والله انا طلعتو شوية وبديش اكمل الباقي ال اشاعات ال
|
|
#24
10-01-2011, 08:35 PM
|
||||
|
||||
|
والله عنا بالحارة بتصير مجازر هههههههههه عنا الولاد بداومو من الصبح بدري وبروحو اخر الليل لا تربيه ولا تعليم ولا حزن الواحد بشوف الولد فيهم الو خاطر يضرب والده عشان راميه الرمية السوده هادي والضرب اصلا مش اسلوب تربيه غير في حالات الي بكون فيها تعدي كبير المشكلة بتلاقيه دكتور ولا مهندس ولا شي بس تعال يتعامل مع الطفل .. لا حياة لمن تنادي السب سب والشتايم وكل الانواع وازا عمل حاجه بالغلط وقعتو سوده ومن شّب على شيء شاب عليه . ومنورة
_______________________________
 Coming Euro 2012 
|
|
#25
11-01-2011, 01:46 AM
|
||||
|
||||
|
مراحب عالكل .. وبتشكر جدا جدا صاحبة الموضوع لانو نادر لما تلاقي حد بيحكي عن تربايتو لاولادو كلو بيقوللك اولادي متربيين احسن ترباية .. طيب ها ولاد مين الدشر هدول اللي بالشارع !! طبعا بما اني ساكنة بالخليج كل حياتي فبحب احكيلكو انو الموضوع ما اختلف كتير هون .. بس هون برموهم لخداماتهم وبيطشو ينبسطو ..لا واللا اللي بتقوللي مرة انا جبت شغالة عشان تصحي الاولاد عالمدرسة وتطبخ لما يرجعو .. يعني لا تعليق !! الرمي موجود بكل مكان مش بس بغزة .. والخدامة احيانا بتكون اوسخ من الشارع لانو عالاقل بالشارع بتعلم عادات منيحة وعاطلة بس الخدامة شو بدها تعلم بالله ؟؟؟ بدي احكي عن تجربتي مع بنتي شهد ربي يحميها .. قبل ما اجيبها كان عندي آمال واسعة بس يوم ما عرفت انو انا حامل رميت هالامال كلها عجنب وعرفت انو بنتي هيا احلى امل بالدنيا واللي بس لو عرفت اني ابنيه صح انا راح ابني جيل كامل صح .. كتير من صحباتي كانو بيلوموني وبيقولولي عيشي حياتك وسيبك من هالبنت .. بس انا كنت عارفة انو انا هيك عايشة حياتي صح بالنسبة لموضوع الحزم واللين فانا حابة انصح كل الامهات نصيحة عمرك ما تكوني لينة جدا ..صدقيني بيضيع ابنك .. يعني انا متلا نوعا ما حازمة مع بنتي في امور الحياة الصح صح وبتتكافئ عليه مهما كان تافه والغلط غلط ولازم تتفهمو منيح بشرح عقد عمرها وبعدين ان تكرر بيصير العقاب وعادة ما بتكرر لانو العقاب عندي معظم الاحيان نفسي متل اني ما اكلمها يوم كامل او انو اصير ارمي حكي انو خاب املي فيها زي هيك .. نقطة كتير مهمة انو جوزي نوعا ما لين وهادا الحلو لانو الاب الشديد ما بيربي الا ولاد معقدين وهادي قاعدة معروفة .. فاللي بيصير عنا انو البنت لما بدها شوية تسهيلات عادة بتروح لابوها اللي هوا المفروض انو يكون صاحب القرار بالشغلات الكبيرة .. وبتهمل همي انو ازعل قد الدنيا وهاد اكتر اشي كنت حابب ازرعو فيها لانو الطفل المتبلد هو اسوأ انسان بس يكبر .. وبكرة هالبنت اللي بتخاف عمشاعري بتصير تخاف عمشاعر مدرساتها وصحباتها وبكرة ان شاء الله جوزها .. فانا بحكي عن مستقبل جيل بحالو بايدي لانو لو بتخيل انو هي واولادها واحفادها كم حيكونو يبقى هي جزء كبير من جيل المستقبل وانا بدي بكرة اللي يشوفها يدعيلي عالترباية المتعوب عليها وبتلاقيني طول النهار متعتي مع بنتي بنطبخ سوا .. بنلعب سوا بنجري ورا بعض .. بنعمل احيانا شغلات هبلة .. انو لازم الوحدة تصغر حالها عقد ولادها وتدخللهم البهجة عقلبهم احيانا .. بحب احكي لكل ام عن جد ديري بالك عولادك لانو هادي عن جد امانة وربنا امرك انو تكون هادي رسالتك في الحياة ترباية الولاد فاذا مقصرة بهاي كمان لشو عيشتك هادي .. وبعدين والله الولد المربى هو الولد الحنون عاهلو اللي بيضمهم الو باخر عمرو مش برميهم رمي الكلاب زي معظم الحالات اللي صايرة اليوم طولت بالحكي بس حبيت اوضح وجهة نظري وتقبلي تحياتي ويسلمو عالموضوع مرة تانية
_______________________________
|
|
#26
11-01-2011, 01:54 AM
|
|||
|
|||
|
اقتباس:
وانا زيك بهادي الشغلة كان في شغلات براسي نفسي نفسي موت اني احققها كان نفسي اطلع دكتورة او ممرضة وقلت عند جوزي بكمل مش مشكلة بس لما اجاني ابني حمود خلاني ابطل عن كل امالي الي نفسي فيها
|
|
#27
11-01-2011, 04:46 AM
|
||||
|
||||
|
اقتباس:
 بتعرفي منوله انو عنجد العقاب النفسي أشد أنواع العقاب يلي ممكن يتعاقب فيو الزغار ورح يكبرو ويكونو ناس حساسين مابعرف همى كل المنولات هيك أسلوبهم ولا شو ههههههههههههه بس عنجد حسيت عم برجع لزغري وانتِ عم تحكي هوى بالمجمل يعتبر الأسلوب يلي تربينا علي هوى اسلوب بيميل للدلع أكتر بس بعئلانيه مو الدلع يلي بيئلب ع تناحه الزغار وكلمتهم هيا يلي تمشي ع أهاليهم ماما حبيبتي حرمت حالها من كتير شغلات بس لحتى تربينا منيح وتكون معنا ومع إنو كتير ناس لاموها انو مابنشوفك وهيك بس بتحكي ضل مع ولادي أحسن عودتنا نرجع من المدرسه نحكيلها كل شي سار معنا وتشاركنا بالدحك أو بالأفكارات الغايبه عن بالنا ووئت الغلط تنبهنا وتعلمنا شو نعمل فربت فينا الحوار والمشاركه واخد رأي الآخر وئبل النوم كل يوم ئصه تئرالنا ياها وعند الشغلات المهمه تعملنا فقرة أسئله لحتى تخلينا منتبهين معها وآخر شي كل حدا يحكي شو استفاد من هالئصه ولليوم مابئدر استغني عن هالعاده أكتر عقاب كانت تعملو ماما ل يلي بيغلط إنو ئوم ائعد بأوضة لحالك وماحدا يحكي معو ولا حتى ماما  مع عبارات انو حكيت كبرتِ وفهمتِ وسرت ائرب الي من خالتو (****) ورح بعتمد عليكِ وهيك تعملي خسارتك وحكي ببكي أكتر من أئوى علئه ممكن ننضربها  فالواحد بيشل هم انو ماما ماتحكي معو والله والله كل يومي وأنا منكده بكون ازا سار هالشي  وهلأ يلي بيشوفنا مابيسدء انو ام وولادها من أسلوب تعاملنا ومابيحكي إلا خوات واخوه
_______________________________
/ // / تصرف كمن أضاع البوصلة
ولنصلح عطب قلوبنا (لنستدل الدروب) لا حزن يقتلنا ولا شجن~ كما لو أننا طائرين مهاجرين وكما لو أن الفرح ماثلا دائما في الصدر كـ ظنّ .. كـ نبض °.•¸¸•.°
|
|
#28
11-01-2011, 07:53 AM
|
||||
|
||||
|
كت كات بتشكرك كتير ع الموضوع الواقعي اللي طرحتيه مع إني شايفة إنو المثال اللي ذكرتيه و أمثلة الأعضاء اللي ردو قبلي كلها نماذج من غزة لإنو بجد أنا ما شفت ولاد بضلهم بالشوارع قد ولاد غزة ما بستغرب لانو في ظروف هيأت الولد انو يكون مستعد للطلعة بالشارع ليل نهار مهو ما في حدا سائل عنو..و يمكن الشارع ارحم من قعدة البيت ع الاقل بيعمل اللي بدو ياه ع كيفو بتزكر لما نزلنا غزة المرة الاولى و الوحيدة قبل أبصر كم عشرطعشر سنة كانو ولاد الحارة 24\24 بالشوارع..حتى أخوي صار على هواهم شاف هالولاد بالشارع عجبتو الشغلة صار كل ما لقى حالو فاضي يطلع ع هالشارع و إمي تولول..لانو مش حال هاد صحيح برضو بالبلد اللي احنا فيها كان طول نهارو بالشارع..بس شوارع غزة علمتو قلة الأدب نرجع لموضوعنا.. الطفل لازم ينقعد معو وينسمعلو و يتاخد برأيو كمان احنا هيك تعودنا..بنرجع من المدرسة بنعطي أهلنا تقرير مفصل شو صار اليوم و شو اخدنا و شو عملنا..و الى آخره..كنوع من التفريغ و هلا أخوي الزغير أول ما يرجع من المدرسة قرقرقرررررررر...بيبلش تقريرو واحنا كلنا بنسمعلو... فالاهتمام واجب..و الا ليش الواحد بيجيب ولاد و بيرميهم و لما يغلطو بيحاسبهم؟ ما بعتب عليهم تشكراات كتير لموضوعك ما شخرت كتير وراي دراسة 
|
|
#29
12-01-2011, 01:38 PM
|
||||
|
||||
|
منورين احلى صبايا والموضوع ماالو قيمه الا لانكم مريتو عليه تحياتي
_______________________________
كلها دفشـِي بس
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
