|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
14-01-2011, 08:07 PM
|
|||
|
|||
** شغل نسوان **
السلام عليكم .. انا ما نزلت الموضوع هاد الا من خلال بعض المواقف الي شفتها شخصيا .. ومع شباب معارفي وحكولي ياها .. مع التطور الضخم والسريع في حياتنا ما ضل مجال عمل الا وشغلته المرأة .. لكن هل كل مرأة تصلح للعمل؟و هل كل عمل يصلح للمرأة؟ اول موقف .. من فترة اجانا عالاستقبال عامل مصري غلبان ومعاه ابنه عمره 4 سنين .. عنده جرح في راسه طوله تقريبا 9 سم والزلمة جاي بركض وابنه دمه بتصفى على ايده .. كان المتواجد فالمكان وفاضي ساعتها دكتورتين امتياز .. اول حاجة بعلمونا ياها لما نبتدي نتواصل مع المرضى خصوصا في الطوارىء .. انو لازم تفهم ايش الموضوع في اقل وقت ممكن وماتسمح لظروف المكان بالتأثير على شغلك.. اضرب اقلب الثنتين ضربو لخمة واتوترن وماعرفو يوقفو النزيف بسرعة للولد.. ولولا ستر ربنا ولحقوه الدكاترة المناوبين في اخر لحظة كان صار معاه هبوط حاد فالدورة الدموية وفطس .. يعني مش دكتورة لا ثنتين وماقدرو يتعاملو مع جرح بده اكم غرزة.. لانهم ما قدرو يتحملو الضغط المحيط فيهم.. ثاني موقف .. شب صاحبي خريج اعلام بعمل ماجستير في جامعة القاهرة .. المهم انا مش عارف المبدء بالضبط ايش.. بس انو الدكتور طلب من كل اثنين يعملو برنامج صحفي ميداني مصور عن موضوع معين .. هو كان موضوعه عن تعاطي المخدرات بين اطفال الشوارع .. وكانت مشتركة معاه في نفس الموضوع زميلة اله .. راح اخونا بالله زي المحترم يلفلف فالشوارع ويصور ويقابل ويسئل وقرف سماي اله اسبوع طالع نازل ههههه بتفاجىء فيوم بحكيلي انو البنت وهي بتلفلف وبتعمل شغلها .. لولا ستر ربنا كان انخطفت بعد ما اتهجمو عليها وحاولو يعتدو عليها.. لكن ولاد الحلال نجدوها في اخر لحظة .. آخر موقف .. كلمت واحد صاحبي من الامارات عالمسن الي فترة ماكنت شايفه وقعدنا نسولف وندردش .. سيرة جابت سيرة وصلنا لقصة طلاق اخوه .. خير يا فلان ليش هيك ؟ قال الله يسامحها هي السبب .. بتشتغل سكرتيرة في شركة خاصة وبداوم شفتين الصبح وبعد العصر .. واغلب الايام بتروح عالساعة 12 بالليل عالبيت .. اخوي طلب منها اكثر من مرة انها توضح للمدير وضعها وانو بنفعش تتاخر وهي فعلا حكت للمدير وطلبت منه .. لكن المدير قلها Take it or Leave it وهي رافضة مبدء انها تقعد فالبيت وتبطل شغل .. صبر عليها وحاول معاها لكن فش سبيل انو الوضع يتغير راح طلقها .. بالاخر قلي الشب انا لو بفكر اتزوج وحدة بتشتغل .. مش رح اخد وحدة شغلها بخلص بعد الساعة 3 الظهر .. طبعا انا هدفي من الموضوع مو انو اشكك او اقلل من دور اي امراة عاملة مهما كان نوع عملها .. كل الاحترام والتقدير الهم وانا امي ست بتشتغل بالمناسبة .. لكن هدفي انو نتناقش حول هالفكرة .. هل فعلا ليس كل عمل يصلح للمرأة؟ وليست كل امراة تصلح للعمل ؟ ام انو هاد الطرح فيه اجحاف وظلم لقدرات المراة؟ بانتظار ردودكم ومشاركاتكم واحترامي للجميع ..
_______________________________
سبحانك اللهم وبحمدك لا اله الا انت استغفرك واتوب اليك  
|
| عدد 8 عضو بقولولك شكرأ يا رمــ RAMZY ــزي على هالموضوع المرتب: | ||
|
#2
14-01-2011, 09:18 PM
|
||||
|
||||
هل فعلا ليس كل عمل يصلح للمرأة؟ وليست كل امراة تصلح للعمل ؟ ام انو هاد الطرح فيه اجحاف وظلم لقدرات المراة؟ طبعا وهاد شي اكيد انو مو كل عمل بيصلح للمراة المفروض البنت لما تيجي تدرس تختار التخصص الي بناسبها كبنت وتكون حاطة بعين الاعتبار ضعف بنيتها وامكانيتها لتحمل بعض الزروف يعني في بعض انواع الشغل ما بناسب المراة مطلقا وفي بعضها ممكن يناسب بعض النسوان لانو في بنات اقوى من بنات واكتر قدرة على التحمل يعني مثلا الشغل الميداني متل الهندسة المعمارية مثلا بعتبرة ما بناسب البنت ابدا بالنسبة لشغلة الطب فهاد بيرجع لشخصية البنت وقوتها يعني هيا شغلة مش حكر على الشباب بس مو اي بنت بتقدر تقوم فيها لانو اغلب البنات صعب مثلا يتعاملو مع الدم والاصابات لانهم ارق من الشباب وبخافو من هيك شغلات وطبعا انا بعتبر ان الشغل باي بلد بالعالم بيختلف عن الشغل في مصر بخصوص الصحافة لانو بزن انو الموضوع هاد صار بمصر وطبعا معروف انو البلاد التانية اكتر امان من مصر وبالنسبة لشغلة السكرتارية مع احترامي لجميع البنات الي بهالمهنة ازا ما كان المدير رجال محترم وبخاف الله كتير غلط انو يشتغلو فيها لانو من صغرنا بنعرف انو السكرتيرة بمثابة مرة المدير العام التانية وبتكون معرضة لضغوطات كتير صعب البنت الي متربية تربايتنا تتقبلها وصراحة حق زوجها يعترض وقت دوامها ابدا مو مناسب لبنت عادية فكيف لوحدة متزوجة وعليها مسؤوليات
_______________________________
لــم تـشقى أمـي تـسعةَ أشـهرِ لأخـراج لعـبةَ فـي أيـادي سـافلة
|
|
#3
14-01-2011, 09:29 PM
|
||||
|
||||
|
بيرجع الاشي لطبيعة المرأة و قدرتها على التحمل
و هو فعلا المرأة ما بتصلح لكل الاعمال يعني البنت اللي بتختار طب مثلا لو ما كانت عارفة قدرتها منيح كان ما اختارت هالمجال الصعب المنهك يعني هو الود ود معظم النساء انهم يقعدوا بالبيت و ما يشتغلوا بس هل الزوج حيقدر يلبي مطالب البيت و الاولاد و يعيشهم حياة كريمة؟! بصراحة بعد المواقف للي حكيتها ما ضل مجال للحكي  الله يعطيك العافية
_______________________________
. . . 
|
|
#4
14-01-2011, 09:41 PM
|
|||
|
|||
|
وانا كمان بقول انو مش كل الشغل بيزبط للمراة وفي وجهة نظري وساقول رايي فقط انه ازا كان وضع العائلة جيد ولا يحتاج الى دخل اخر فلا لزوم الى المراة للعمل بالنسبة لي لو كانت ظروفنا كويسة وقادرين نصرف من دخل زوجي ابني ابدا بكل دقيقة ولا اخرج للعمل باي شي ولو كان العمل نصف ساعة فقط وليس لساعة متاخرة بالليل ابني ابدى فيها اما احيانا تظطر المراة للعمل بسبب الوضع المادي
|
|
#5
14-01-2011, 09:42 PM
|
||||
|
||||
|
و عليكم السلام و رحمة الله و بركاته بتصور بالموقف الاول انه ما كان الحق عليهم .. يعني ممكن عشانهم دكتورات امتياز انلخمو و ما عرفو يعملو اشي توتر مش اكتر .. ومش المفروض اصلا ينتركو لحالهم !! بالنسبه لشغل المرأه بشكل عام .. انا بحترم انه المرأه تشتغل بس بشروط اولها .. انه العمل يكون مناسب لانوثتها و قيمتها الانسانيه .. يعني مش مطلوب من المرأه تروح تشتغل شوفيرة تاكسي " وهو اشي موجود هون عادي !!" و تانيا .. انه عملها ما يخرب عليها حياتها الأسريه .. يعني جوزها ما بحبها تشتغل لو شاف منها تقصير ببيتها .. المفروض لو بدها تشتغل تقدر تحافظ ع نظام بيتها و حياتها مع زوجها وتالتا .. انه ما تتأخر ع البيت .. انا ما بقبل اتجوز واحد بشتغل شفت ليل .. كيف لو شب مرته بتشتغل شفت ليل؟؟!!!! او حتى بتتأخر ع البيت لبعد ال 7 المغرب ان طاااارت ورابعا .. ممنوع تشتغل بشركات خاصه و مكاتب مغلقه !! انا مش بشك بالبنت بصراحه .. بس بشك بالناس المحيطين فيها .. و بخاف ع اي بنت بتشتغل بمكن مغلق .. لانه ما ضل فيها ثقه و الناس بتخوف و الله وخامسا .. ما بقبل انها تشتغل شغل ممكن يضطرها تسافر او تبعد عن البيت وسادسا .. مستحيل اقبل بشغل ممكن يعرضها للخطر .. زي القصه الي فيها الصحافيه الي بتشتغل بتقرير المخدرات .. انه مزبوط كل شغل اله مخاطر .. بس مش نروح للنار و نحكي انحرقنا !! و سابعا .. ما بقبل بشغل يفرض عليها لبس مكشوف او يخليها تتنازل عن اي قناعه دينيه جواتها زي مضيفات الطيران .. او الشغل بمطعم او اي محل اله يونيفورم مكشوف كل الاحترام
_______________________________
 
|
|
#6
14-01-2011, 09:55 PM
|
||||
|
||||
|
المرأة بطبيعتها إنسانة رقيقة ، تجهل التصرف في المواقف الصعبة لازم المرأة تخَتار عمل مُناسب إلهَاا يعني مثل ما قلت مثلاً الصحافة .. يعني للمرأة مُرهقة هالشغلانة ومُتعبة جداً ! وانا تعَبان
_______________________________
.. .. .. .. .. .. أنا الذي هو عملت التوقيع .. مش سوسي
|
|
#7
14-01-2011, 09:56 PM
|
||||
|
||||
|
المرأة هلأ صارت تشتغل بكل شي تقريبن وكل شغل الو مخاطرو..\\ بس برضوو في ظروف ممكن تخليها تشتغل شغل ما يلائمها هي ولا اسرتها.. يعني برضو الشي بيعتمد عظروف الحياة .. يسلمووو عالطرح
_______________________________
 .......
|
|
#8
14-01-2011, 10:04 PM
|
||||
|
||||
|
ههههههههههه ع فكرة العنوان مابيوحي نهائي عن المحتوى تبعو المهم بشوف إنو مافي شغله اسمها هاد الشغل مو للنسوانات وهاد الشغل مو للزلمات لأنو الإرادة بتعمل المستحيل إنما كل حدا وئدرتو مو تيجي وحده مابتتحمل منزر دم وبدها تشتغل بالئطاع الصحي ولا وحده نفسيتها متملله وماالها طولة بال وبدها تشتغل بالتدريس ومتل ماحكيت وحده مجوزه "والله ولو كانت بنت" وتشتغل لنص الليل ئدرة المرأة ماإلها حدود بس لازم الوحده وئت تختار مجال دراسة أو مجال شغل تراعي طبيعتها مو تخالف الخلئه يلي الله خلئها فيها وتعمل عنتر وشيخ الشباب والشغله التانيه إنها تشوف طبيعة الدراسة والشغل والزروف المحيطه فيها وشو الضغوطات يلي بدها تواجها بكرا يديك العافيه دوك
_______________________________
/ // / تصرف كمن أضاع البوصلة
ولنصلح عطب قلوبنا (لنستدل الدروب) لا حزن يقتلنا ولا شجن~ كما لو أننا طائرين مهاجرين وكما لو أن الفرح ماثلا دائما في الصدر كـ ظنّ .. كـ نبض °.•¸¸•.°
|
|
#9
14-01-2011, 10:40 PM
|
||||
|
||||
|
مش كل عمل بيزبط انو المرأة تشتغل فيه و حتى الأعمال اللي بتقدر المرأة تشتغل فيها مش الكل بيقدر يمشي فيها انو القدرات متفاوتة ممكن بنفس الشغل بنت تتميز و وحدة تانية ما تعرف اتدبر راسها ف بالنسبة لنظرتي الشخصية .. شخصية البنت و طبيعتها إلها دور كتيررر كبير ليتحدد هي مجالها وين بكون مناسب .. اللي قلبها ضعيف مو زي اللي قلبها قوي .. اللي شخصيتها قوية و قد حالها مش متل البنت اللي بسرعة بتنلخم و بتتلبك الخجولة مو متل الجريئة والمتحدثة .. في بنات بعرفهم بيشتغلو بشركات و مع هيك محافظة ع أنوثتها بالرغم من شخصيتها القوية مع انو أغلب النسوان أو البنات بس يشتغلو يا بفقدو أنوثتهم أو بيتمردو و بيقوو وببطل الدور الانثوي اللي فيو ضعف أنثوي (مو ذل طبعا ) ببطل موجود ف كل وحدة تعرف حالها وين مكانها بالضبط .. فنقطة رئيسية مهمة جدا جدا انو الواحد يعرف هو وين و شو بناسبو ليعرف وين يقدم شغل وشو مجالو و يعرف نقاط القوة و الضعف اللي فيه .. و التجربة بتعلم و مهاراتنا مختلفة و شغلة الجنس ذكر و أنثى ما بتقنعني كتير ياما نساء برزو عبر التاريخ و تفوقو ع رجال بمجالاتهم و من ضمنها الجوانب الرئاسية و في منهم تميزو بالجيش !! تحيتي الك رمزي موضوع مميز كالعادة ^_^ يعطيك العافية وسوري عالحكي الكتير ما بعرف أختصر ههههههههههههههههه 
_______________________________
سبحان الله وبحمده .. سبحان الله العظيم ^_^ اللهم ارزقنا الخير كله في الدين و الدنيا و الآخرة .. ونعوذ بك من الشر كله في الدين و الدنيا و الآخرة اللهم حسِّن الفاسد منا واجعلنا كما تحب و ترضى .. من مواضيعي: * (( علاقة عمل المرأة داخل المنزل بالـ ... )) شاركوني بآراءكم  * حقيقة نبوة نبينا محمد في الإنجيل ..(فيديو ) راااااااائع و مؤثر ..^^ * كن ناجحا وابدأ حياتك من جديد ..(في الصفحة الأخيرة ملخص الموضوع)
التعديل الأخير تم بواسطة : B.easy بتاريخ 14-01-2011 الساعة 10:43 PM.
|
|
#10
14-01-2011, 11:43 PM
|
||||
|
||||
|
منور يادك موضوع سو نايس فعلا كلامك صحيح ومليون بالمية انا بأكد ع هل الشي انو ليس كل عمل يصلح للمرأة؟ وليست كل امراة تصلح للعمل ؟ مين بيرضى ع حالة مرتو تضلها بالشغل بنصاص الليالي حتى لو انها بتقبض مال قارون وين وعدها بالحفاظ ع بيتو !!! الا ازا كان في شي غير سوي للاسف الشغل كلو صار واسطات خصوصا ببلدنا هان اول حاجة الكل عارفة التعليم كل من هب ودب اخدوه مسانده بعد وين وين لمن فرزو الي بيستحقو وفي منهم لهلأ ما بيصلحو ياخدو لقب استاز وشي تاني والاهم التحيـــــــــــــــــــــز للاسف ازا ماكنت منقبة ولا لابسة زيهم ممنوع التوظيف انا جبت بالامتحان ناقص علامة كاملة بس ماا خدوني عشان مش منبقة ولا من حزبهم وهيهم موظفين بالمكان الي كنت اشتغل فيه قبل هيك بنت مابتعرف الالف من كوز الدرة هي طبيعة الدنيا يا دك في ناس بينحطو مو بالمكان المناسب سواء كانو ذكور او اناث ومش لاني من جنس حوا حكون متحيزة الها لا طبعا شغل المراة بعد ال 3 غير مرغوب سواء متزوجة او غير متزوجة يعطيك الف عافية
_______________________________
 (●̮̮̃•̃) (●̮̮̃•̃) /█\♥ /█
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
