** شغل نسوان ** - الصفحة 5

رمــ RAMZY ــزي · #41 22-01-2011, 01:51 AM

اقتباس:

المشاركة الأصلية كتبت بواسطة لجين***

ومش بردو ع العمل نفسه

ع ظروف البنت يعني وهيا بنت يمكن تناسبها هالوظيفة
لما تتزوج بيختلف الوضع خاصة التأخير بالدوام
لإنه ساعات العمل الطويلة حتاخدها من بيتها
بعدين بتيجي طبيعة العمل
بالنسبة للصحفية اللي بتنزل بتعمل تقارير بالشوارع
وخاصة عن المخدرات واطفال الشوارع فهي أصلا
حطت حالها بالخطر نفسه
يعني هيا المفروض متوقعة هالإشي

بصراحة بشوف المجال الطبي صعب ع البنت كتيير
هادا مابيمنع انو في بنات بيثبتوا كفائتهم بهالمجال
يمكن أنا عشاني خويفة مستصعباه
كل بنت من حقها تشتغل بالمجال اللي بترغبه
بس لازم يكون حافظلها كيانها كأنثى
محافظة ع دينها وضوابط مجتمعها
مابتختلط في ناس كتيير
وفي مجتمعنا أصلا مش أي مهنة بتقبلوها الناس للبنت
بفضلوا المهن اللي ساعات عملها قليلة واحتكاكها بالناس قليل
بس مستغربة من قصة الطلاق عشان الشغل
الله يصلح الحال

يعطيك العافية دوك

صحيح معاكي حق ..

ومنهم انا ما بفضل المهن الي ساعات عملها كثيرة ومرهقة للبنت ..

لانها رح تتعب وتزهق وتمل وما رح تأدي عملها بالشكل المطلوب وبذمة وضمير ..

ناهيك انها هتتاخر لفترات كبيرة برا البيت ..

كمان مسألة الاحتكاك المباشر بالناس ..

انا مرة نزلت موضوع خاص في هالنقطة ..

وبرضو انا ما بأيد الاختلاط المباشر في بعض المهن ..

يسلمو ع مرورك والله يعافيكي ..

رمــ RAMZY ــزي · #42 22-01-2011, 02:01 AM

اقتباس:

المشاركة الأصلية كتبت بواسطة منال ابو سلطان

مراحب اخوي رمزي .. موضوع كتير حلو

الحين بالنسبة لشغل المرأة بشكل عام فانا بعتقد انو حسب المجتمع والحالة الاجتماعية للمرأة وشو نوع الشغل بالضبط انو الشغل بيتخالف مع الشريعة واللا لأ .. وحجات كتير بس هاي اهمها ..

فاللي بتشتغل متلا في غزة غير اللي بجدة غير اللي بدبي .. هادي بدها مقومات وهاي مقومات مختلفة تماما ويمكن لنفس الشغل .. في شغل بدو من المرأة تنازلات للاسف بتلاقي بالاخير كتير من النسوان فعلا بيقدموها .. زي اللبس نوعه بنطلون واللا تنورة ومكياج وحتى لو كان عخفيف (هالحكي في حالة الشغل المختلط) وحجم الاختلاط بالجنس الاخر .. يعني مرت علي صاحبتي بدبي لما تركتها بالجامعة كانت بتعرفش تحكي كلمتين عبعض لا وتتصرف ولما شفتها بعد 4 سنين صلاة النبي بتحكي بطلاقة وسيارة وشخصية غييييييير .. وبتحكي مع الرجال بطلاقة تامة يمكن زيادة عن اللزوم .. فالشغل بيتاثر كمان عاخلاق المرأة خصوصي لو كان مختلط بيخليها تعطي تنازلات وتتعود عليهم بشكل مبالغ احيانا .. بس ما بنكر انو شفت نماذج بشتغلو بشغل مختلط بس والله من احسن ما شفت من ترباية واخلاق وحاطة حدود معينة للجنس الاخر من غير تشدد ولا رخيان للحبل .. بالمعقول يعني

بالنسبة لفكرة الشغل المختلط فانا بفضل انو الوحدة دايما تتجنبها لاسباب كتير منها الفتنة اللي الواحد صار يشوفها لو البنت ما عملت غلط حتضلها تشوف كل يوم الغلط قدامها لما يصير الغلط عادي بالنسبة الها مع الوقت ومش بعيد تنجرف مع التيار .. حتى لو كانت لمهنة متل الطب .. في متلا هون بالسعودية دكتورات ما شاء الله عليهم بتقول بس الست تدخل وممنوع الرجال يدخلو معهم لانو الدكتورة ما بتتكشف عرجال (وهاد اشي جدا رائع انو في لسه هيك ناس الله يبارك فيهم)
بالمقابل بتلاقي في اماكن النسوان فيها قطعو عرق الحيا وهاتك يا ضحك مع مين ما اجا من الرجال لا ومياصة ومكياج ومحزق وملزق .. طب ليش ؟؟

واشي كتير مهم كمان موضوع احتراف العمل .. بصراحة من الصعب انو تلاقي وحدة فعلا فعلا متقنة عملها كطبيبة او موظفة بشركة او حتى مدرسة .. يعني في كتير بشتغلو بس هيك زحلقة شغل بلا ذمة ولا اتقان للعمل طيب ليش يختي طالعة تشتغلي اذا مش فاهمة بشغلك منيح .. يعني حللي المصاري اللي بتوخديها واتقنعي عملك طيب !!

بالنسبة للحالة الاجتماعية فهيا اشي اساسي برضو يعني البنت يعيلة فقيرة ولسه مش متجوزة وبدها تعيل اهلها بالعكس الشغل بيكون الها حاجة .. بس متجوزة ومش ناقصها اشي لا ورامية ابنها عند الخدم عشان يقولو عنها بتشتغل وتضيع كل فلوسها عالمنظرة عالناس ومغايظتهم .. انا بحتقر هاي الفئة من الناس وللاسف مرو علي بالكوم هيك مناظر بتطلعو عاللي ما بتشتغل نظرة دونية مع اني واثقة انو بقرارة نفسهم حيموتو ويقعدو ويرتاحو متل اللي بلا شغل

نيجي لنوع الشغل .. الحين لما وحدة تكون بياعة متلا بمكان معين وملخطة حالها وبيكونو صحاب المحلات منقيينهم نقا من بين كتير لمياصتهم .. وبتلاقيهم ما يعلم بيهم الا الله .. والله اللي متل هدول ينضبو ببيوتهم احسنلهم لانهم قاعدين بس يفتنو بخلق الله ..

انا انعرض علي كتير مرات انو اشتغل بس لا والف لا .. اولادي اهم من الدنيا كلها .. يمكن لانو امي كانت مدرّسة وكان معظم وقتها ما بين تصحيح وتحضير وتلحق شغل البيت وما كانش النا وقت كبير فعليا من وقتها (وهيا حبيبتي عارفة انو غصبا عنها بس برضو الواحد فش اشي بالدنيا بيعوضو عن امو اللي متفرغة الو.. وغامراه بحنانها واهتمامها) فبديش اكرر الغلطة مع اولادي .. وعندي قناعة طول ما هو فعلا انا مش لازمني الشغل ماديا فقلتو احسن
انا مش ضد الشغل بس لو كان لحاجة سواء مادية او نفسية بالمعقول.. او لو كانت متقنة عملها وفلتة زي ما بيقولو وقليل منها .. او لاشباع الفراغ بحياتها بحيث يكون فعلا فعلا فش وراه اشي تاني .. مش للفشخرة والمنظرة والتفاهة وخلاص

تحياتي للجميع .. وارجو تقبل رايي بصدر رحب

الله يحييكي يا ام محمد ..

وانا بتمنى من كل بنت تدخل الموضوع انها تقرا مشاركتك ..

ردك انتي اهم من موضوعي لانه مبني ع معرفة حقيقية بقدرة النساء بما انك بنت زيهم ..

وبكفيني انها تقرا ردك وتسيب كل الموضوع لانه رد شامل ومتكامل بصراحة ..

نورتيني يا اختي وكل الاحترام الك ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)