مرحبن يا حلوين
اليوم بدي احكيلكم عن ابو زيد الهلالي ( اكيد انتم عارفينو)

قصة ابو زيد بدت معاي و انا عمري تقريبا سبع سنوات, وقتها كان جارنا ابو جبر, بياع الترمس كان عايش (الله يرحمة). و كان ابو جبر انسان مهوي جدا (مهوي = فاصل الفيوزات أو بالعربي الفصيح مفوت أو مجنون) بس كنا نعرف نتعامل معاه كويس.

طبعا ابو جبر ربنا اعطاكم عمرة قبل 15 سنه و سبب الوفاة كانت صدمة قوية حلت فية لما عرف انو ابنو جبر توفي , مرض ابو جبر و كمان ام جبر تعبت كثير و توفت ( و هاذا اللي زاد الطين بله ) علي ابو جبر و زادت الصدمة علية و مات .... الله يرحمو.

نرجع للموضوع:

كنّا لما نروح نشتري منو ترمس كا دايما يغني ( امبلح لح لح, امبلح , ترمس ملح , امبلح ) وكان مشهور جدا بهاي الاغنية طبعا هذي الاغنية من تأليفو و تلحينو. و كان ما يرضي يعطينا ترمس الا اذا حكالنا حكاية. و كان دايما يحكيلنا عن ابو زيد الهلالي , و يمدح فية و يوصف اللنا قديش كان طيب و قوي , و قديش كان الناس تخاف منو في هذاك الوقت (كان بيعرفش يلعب كراتية).

واحنا ياغافل الك الله , مش عارفين شو الطبخة , هو بيحكي حكايته و احنا بنطلع علي الترمس ,
و كان زميلي العظيم ابو خاطر ( الله يسهل علية) كان عمرة 7 سنوات كمان مهو من جيلي , كان يلبس شرط مخزوق و دايما برابيرة نازلة, و بيمسهم بقفا ايده. (الله يقرفه) كان ابو خاطر عندو مقدرة عجيبة علي شفط البرابير ( ابو زيد الهلالي ماكان يقدر يعمل زيها) و هيك كان شكلو و هو صغير المهم نرجع لموضوع ابو جبر:
و نقعد نسمع الحكاية دايما نفس الحكاية (عامل مدرس تاريخ ) و احنا بنطلع علي زعموط الترمس اللي في ايدة و مش فاهمين ايشي.

في يوم من الايام خطرت في بالي فكرة انو ناخذ ترمس من ابو جبر من دون ان نسمع الحكاية و ناديت ابو خاطر و
قلتله: اسمع اليوم انا ما بدي اسمع ولا كلمة من ابو جبرز
قال : ليش , والله انو بيحكي كلام حلو و بنستفبد منه.
قلت : مهو كل يوم بيحكي نفس الحكاية, وانا ما بدي اسم ايش اليوم.
قال :ماش زي ما بدك.......................... (والله انو امعة)
قلت : او ما بيبلش يحكي عن ابو زيد بروح انا خاطف من ايدو زعموط الترمس و جاري بعيد و انت بتاخذ المغرفة و بتضربو علي راسة.
قال : انا بخاف اعمل هيك .
قلت: ولك عامللي ابو زيد الهلالي و بتحب تسمع قصته , اليوم بدنا نطبق القصة علية و نخطف الترمس منو و نهرب.
قال : طيب ... و بانت عليه علامات الخوف
و في هذي الاثناء قمنا بالتخطيط و التدبير و التهجم (كانت عملية سطو مسلح ) علي ابوجبر و خطفت من ايدة زعموط الترمس و شردت بعيد و وقفت علي راس الشارع اشوف ابو خاطر شو بدو يعمل.

بطلع هيك ........... الا وابوجبر ماسك ابوخاطر من شرطة المخزوق ....( هههههههه) ونازل فيه ضرب ووين بيوجعك... .... وبيقوله باعلي صوته .... ولك لو ابو زيد الهلالي اجا و بدي يعمل هيك لالعن ابو صرامي اهل و اكسر راسة
....... و هاتك يا ضرب .<--------- مسكين ابو خاطر اكلها مزبوط هذاك اليوم و انخزق شرطة كمان خزق كبير و بين المستور و صرنا ننادي ابو خاطر <------- ابو حمامة (لانو دايما حمامتة مبينه من بعد العلقة الللي اكلها من ابو جبر).

و هاي هي قصة اليوم

وتوتة توتة و خلصت الحدوتة ....
اي سوال او اقتراح انا جاهز للرد.
وكمان بحب اضيف انو انا بكرة بديش ابيع غاز ............ حاسس حالي تعبان شوية ... فيمكن العبد (الله يرضي علية) ينزل مكاني و اقعد انا ام العبد لحالنا في البيت ساعة الصبيحية.

و علي سيرة صبحية ,,,,,,, ان شاء الله الكم قصة حلوة بحكيها عنها.

و السلام امانه.

المخلص الامين : ابو العبد بياع الغاز و اشياء اخري.

_______________________________

_______________________________

فعلا ...... شي غريب
و الغريب في الامر ان بياعين الترمس منتشرين جدا هذه الايام و كمان في هذيك الايام
فكرك الترمس مفيد اللي (يعني احسن من الفياقرا) علشان انت عارف بكرة انا فاضي و قاعد لحالي انا و ام العبد

علي العموم بيسلم عليك ابو حمامة , قصدي ابوخاطر

و التحيات الكويسة و المنيحة الكم جميعا
و ياريت تشرفونا عمحل الغاز علشان نقوب بالواجب

غاز ,,,, غازو غاز ,,,,,غازوووووووووو.... <------------ دعاية مجانية

_______________________________

_______________________________

والله موضو الطهور هاظا قصة لحالها بس بقدر اعطيك رووس اقلام الان

ابو خاطر انسان مناضل و مكافح في الحياة فقط يعني ملوش دعوة بأشي.

انا فاكر يوم طهورة الله يسهل علية.... كان يوم صعب كثير علينا احنا الشباب ... لانو ابو خاطر اكل علقة جامدة من ابوة علشان يقبل يطهّر .... ÷ههههههههههههه
لانو لما صار عمرة 15 سنة ابوة نادىابو نزار الحلاق و قطعلو الجلدة الله يسامحةز

بس وقت ما اكل كتلة من ابو جبر بياع الترمس ما كان مطّهر.
الله يستر علية و علي حمامته ابو حمامة

_______________________________

_______________________________

ان شاء الله هاي فكرة مطروحة و راح احكيها بس بعد حكاية السيدة الفاضلة صبحية وعمايلها

_______________________________

تسلم أخوي أبو العبد على هالقصة الحلوة

قصة بتحصل في أي مجتمع فلسطيني

بس طريقة سردها شيقة

وعلى فكرة يريت تحتفظ بهذي القصص في كتاب أو حتى مذكرات خاصه

لأنها بتنفع حكايات من التراث الفلسطيني

بس يريت بدون الإشارة للأسماء ما أمكن خاصة لما بيكون الموضوع حساس مثل حمامة أبو خاطر اللي فضحتوه

الله يسامحكو

وتسلموا وتشكروا بتذكرونا باللي فات من تاريخنا

اللي كان مأساوي بس تخيلوا إنها مآسي إلها طعمها ونكهتها الخاصة ولما بتنذكر بتحسسنا إنه إحنا هالحين ورغم كل مقومات الحياة الحالية من تلفزيزن ودس وكمبيوتر وموبايل وغيره وغيره من هالكماليات

بتحسسنا إنه إحنا مش عايشين

وتخيلوا أيام ما كنا نصنع ألعابنا بإيدينا كيف كنا بنحافظ عليها وبطورها

لكن اليوم محلات لعب الأطفال بتشتري منها لعبة لأبنك يدوب بتقعد معه ساعو وبعدين بيمل منها ويبدأ فيها تكسير لأنها بالفعل ما فيها روح

لكن اللي كنا بنصنعه بإيدينا كانت فيها روح ونكلمها وتكلمنا علشان نطورها

وساق الله أيام زمااااااااااااااااااااااااااااااااااان

_______________________________

هههههههههههههههههههههههههههههههههههههههههههههه
والله ضحكتوني يا شباب

_______________________________