|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
04-09-2011, 03:35 PM
|
|||
|
|||
مخنووقة ممكن تساعدوني ...
السلام عليكم ... بصراحة مش عارفة من وين ابدأ بالزبط زهقااانة الدنيا و الي فيها أول شي بحب أحكي انه انا عضوة قديمة و لساتني متواجدة بينكم بس فوتت باسم جديد لإنه في وحدة بالمقعد بتعرفني و كل كلمة بحكيها بتنقلها لأهلها  أمانة مش هاد مرض نقسي شاغلة حالها كتييييييير هالبنت الله يهديها بس ما علينا انا مش مخنوقة منها من حد تاني بالفترة هاي دخولي للمقعد قل كتيييييييير لإنه أخويا مانعني .. و سبب رفضه للمقعد هو التالي ... أخويا من النوع النكدي و الحشري كتييير مرة فات ع المقعد بدو يشوف أخته ع شو بتفتح 24 ساعة ع المقعد  فــا فتح مشاركاتي و مواضيعي و صار يقرأ فيهم لفت نظره إنه في أحد الأعضاء اله رد بيحكيلي فيه ( دخيل الله إنت ليش بتضلك تلاحقي فيي بكل مواضيعي ) << أعتقد عرف حاله .. و كانت هاي الجملة سبب منعي من المقعد و حكالي أوعاكي أشوفك مرة تانية فايتة هالموقع والله لأعمل و أساوي و و و... أنا صحيح كنت أرد باستمرار ع مواضيع هالعضو .. بس و الله ربنا بيشهد إنه مش مشان شي انا أغلب المواضيع الجديدة بفوتها و برد عليها يعني عااادي بس هو ما بعرف كيف كان تفكيره و من بعدها انا بفوت ع المقعد بالسرقة اتصوروا ياااارييييييت ألاقي عندكو حل بجد بدي منكو نصيحة تخلصني من الهم هاد ... مع السلااامة ...  
|
| شكر من هدول الأعضاء يا مخنوقة على هالموضوع المرتب: | ||
|
#2
04-09-2011, 03:37 PM
|
||||
|
||||
|
انما الاعمال بالنيات
_______________________________
.
. .    يسلمو حالة غريبة . . .
|
|
#3
04-09-2011, 03:41 PM
|
||||
|
||||
|
طيب ما حاولتي تقعدي مع اخوكي تفهميه مثلا .. ؟؟؟؟
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
| شكر من هدول الأعضاء يا دكتور بيحلم على هالموضوع المرتب: | ||
|
#4
04-09-2011, 03:41 PM
|
||||
|
||||
|
انا ما بدي اطرق للي بعملو اخوكي لانه هاد واقع بلمجتمع العربي وبدك ترضي فيه مؤقتا ..
بدي اركز على انك مخنوقه ...ممممم بصراحه لو تطلعتي شوي لبرا وفكرتي بامور تانيه غير المقعد والنت بتلائي شغلات حلوه كتير و ممتعه ومفيده كتير ..طالما وجودك هون بدو يعملك مشاكل او ينفهم غلط لاتغامري ... ووكليها لله  داوم الحال من المحال وإلا ما تنفرج الامور تحياااتي
_______________________________
 ممنوع الاقتراااااااااااب  ܓ♥ [ ..يفيوووفه..] ܓ♥
|
|
#5
04-09-2011, 03:41 PM
|
||||
|
||||
|
اممم ما بعرف شو احكي الك ..
انتي شوفي اخوكي واقعدي معه .. فهميه كل القصة .. واحكي للعضو اللي عرف حاله ..خليك بحالك .. واعرف ايش بتحكي . وبتكتب .. والله يجيب اللي فيه الخير
_______________________________
ربـي ,, لا تـزيـدنـي تـعـلُـقـاً بـ شـيء لـم تَـكـتـبـه لِــي ... 
|
|
#6
04-09-2011, 03:41 PM
|
||||
|
||||
|
الله يهدي بالك مين ما كنتي تكوني هلأ في اهل ما بتقبلو انو البنت تكون مشتركه بمنتديات ع النت لسبب او لآخر العضو اللي حكى هل جمله مش ضروري يكون قصد اشي من وراها او انو بلمح لاشي احنا عادة وبما انك قديمه بتعرفي اننا بنمزح مع بعض يعني ممكن تلاقي حد من الاعضاء بحكي لحد تاني انت شو جابك هون اطلع برا وبكون مزح ممكن حد تاني يقول انت كل ما اروح بلقيك بوجهي وبرضو مزح هلأ بغض النظر عن القصد من ورا هل كلمه مع اني مش شايف انو من وراها قصد معين الا انو كان بإمكانك تفتحي لاخوكي ع مواضيع ومشاركات باقي الاعضاء ومنها ح يعرف انو في ناس هيك طريقة مزحها وكلامها مع بعض أنا مثلا في شباب اول ما اشوفو منزل موضوع بحب اقرأ هل موضوع لسبب انو تفكيرو بعجبني وفي بنات كمان ما بتنزل موضوع الا برد عليها فيه هل هاد بعني انو في شي ببالي؟ اسمحيلي بس هاد تفكير سطحي واحنا علاقتنا علاقة اخوان بعهد الله بس ازا في اشي ببالو هاد اشي برجعلو انا هاد رأيي
_______________________________
 أشتاق لأن اعيش في "وطن " طالما سمعت عنه
|
| عدد 5 عضو بقولولك شكرأ يا m.zizo على هالموضوع المرتب: | ||
|
#7
04-09-2011, 03:43 PM
|
||||
|
||||
|
احكيلو انو صدفة الشغلة بتسير انو بتردي عمواضيع هاد العضو صدفة
_______________________________
|
|
#8
04-09-2011, 03:45 PM
|
|||
|
|||
|
اقتباس:
اخويا مش من النوع هاد للأسف ما بعرف شي اسمه حوار انا مرة حكيتله انه ما الي دخل و حكيتله مش رح اسامحك انا ما الي علاقة انه ما عمري ساويت شي غلط هيك .. و ما في اي رسائل خاصة بالمقعد و لو بدك اميلي افتحلك اياه عاادي برضو ابدا لإنه بجد جرحني
|
|
#9
04-09-2011, 04:05 PM
|
||||
|
||||
|
معلش انا بدي احكي شغلة بعرف انو كتيير اوقات ممكن تكون البنت بريئة واخوها او اهلها يمنعوها عن شغلة ظلم بس حابة افهمك شغلة تتعاملي فيها حتى مستقبلا لما تتجوزي لما تلاقي الرجال غيران من شغلة او شاكك فيكي بشغلة , ابعدي عنها دغري واسمعي كلامو غلط تفوتي بالسر من وراهم وهم ما بدهم اياكي تفوتي اول شي بحسها خيانة للثقة اللي منحوكي اياها تاني شي لو حدا منهم كشفك بالصدفة , رح يكون اكبر دليل ضدك انو هم صح وانتي غلط !! لما يلاقوكي ولا همك الموضوع بشي بالعكس ممكن يراجعوا حالهم ويعرفوا انهم ظلموكي فانتي الافضل الك انو ما تعلقي حالك بشغلة ممكن تكون سبب لمشاكل انتي بغنى عنها بحياتك لانو عقل اخوكي او ابوكي او جوزك ما رح تقدري تغيريه فاتصرفي معهم باللي بناسبهم وهو لو ما بحبك , كان منع عنك النت كلو مش بس المقعد بس هو اكيد في شي مدايقوا من المقعد خلاه يقولك هيك جاريه واعملي اللي بدو اياه , وبضل اخوكي وبمون عليكي وخاطرو بالنسبة لالك احسن من مليون نت .. ومعها معها انتي ممكن تلاقيلك فرصة تحكي فيها معو وتتفاهموا سوا مافي حدا ما عندو حوار وقت ما يكون رايق , يعني مش معقول ما بتقعدوا تمزحوا سوا او حتى تحكوا حكي عادي سوا بس انتي اختاري الوقت المناسب والله يصلح حالك ويهدي بالك ..
_______________________________
,  Loading...19% |||||||||||||||||||||||||||||||||||||||||||||||
|
| عدد 14 عضو بقولولك شكرأ يا * بيـــونة * على هالموضوع المرتب: | ||
|
#10
04-09-2011, 04:10 PM
|
||||
|
||||
|
الله يعينك يارب .. مدام هيك .. انا بنصحك تاخدي بكلام بيونة .. لانو بهالحالة مافي حل غير هيك .. الله يصلح الحال ..
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
