|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
14-11-2011, 01:18 PM
|
||||
|
||||
╯╭ .. عيش أيامك .. ╯╭
السلام عليكم ورحمة الله وبركاته . . عندي سؤال ومتفرع منه أسئلة إنتو شايفين إنكم عايشين حياتكم ؟ ولا هي مكرسة بس للشغل ؟ للدراسة ؟ للأهل ؟ لأعمال الخير ؟ شو بخصوص حياتكم إنتو الخاصة ؟ عايشينها ؟ بترفهوا عن حالكم مثلا لما بتحسوا بالتعب من كل شي ؟ بتعرفوا ترفهوا عن أنفسكم ؟ كيف ؟ هل إنتو من النوع اللي بيحب يلعب ويلتهي بعيد عن مسؤولياته لغاية ما تتراكم عليه ؟ وبالآخر لما بينزنق بيصير يفتش على حلول ؟ ولا من النوع اللي معطي لكل بند في بنود حياته وقته الكامل وفرصته الكاملة ؟ هل شايفين إنكم بحاجة لزيادة في وقت الترويح عن النفس ؟ ولا زيادة في الوقت المخصص للدراسة ؟  طيب سؤال تاني : ليش كلنا بنحس إنه الإجازة بتنتهي بسرعة ؟ حتى لو كانت شهر مش أيام ! ليش بنفرح وبنطير لما نعرف انه بكرة اجازة استثنائية من الشغل او الدراسة مثلا ً ؟ بنحب الكسل ؟ بنكره العمل والانتاج والنشاط والالتزام والانشغال عن أمور ترفيهية ممكن تسعدنا أو هيك إحنا مفكرين ؟ وشو أصلا ً بنعمل لما تيجي الاجازة ؟ بننام ؟؟!! هو هيك مفهوم الإجازة ؟ نوم ؟ كسل ؟ استرخاء ؟ بانتظار آراءكم  
|
| عدد 6 عضو بقولولك شكرأ يا السندريلا على هالموضوع المرتب: | ||
|
#2
14-11-2011, 03:41 PM
|
||||
|
||||
السلام عليـكم .. موضوعك حلـوٍ جـدآ يا سآنـدي .. وفوآئدهـ اكـتر جمآل من نظرٍه الافكآر الاخرٍين .. .. انا سآتـكـلم عـن نفـسي .. في آول مشـوآري كآنت حيآتي عشوآئيـه غير منظمهـ .. كسـل ونوٍم وترفيهـ ولا يوجد شيء مفـيد .. بعد تجرٍبهـ تتدارٍكت جيدآ الايآم وتعـلمت منهآ الكثـير والكثـير .. فكآن لي آول قرآر هوآ التنظيـم تنظيـم الوقـت والنـفس وكل شيء .. فكآن التنظيـم افضـل شيء .. الشغـل .. لهـ وقـت وتفكـير .. لمآ بكوٍن بالشغـل .. بعطي كل حقوق الشغـل .. من اداء .. في المنـزل بنسي اي شيء صار بالشغـل وبعيـش اني بالمنـزل .. لكـن هل يمـر بتـلك الحآله رآحهـ صعـب لآنك مش هقدر اتحكـم بتفكيـرٍي . فكآن من تنظيمي وضع يوٍم وهوآ انا مسـميه يوٍم مفصـوٍل .. هذآ اليوٍم بكوٍن فيه برٍيك واوف لاين من كل اشي الشغل والمنزل واي شي .. بعطي لنفـسي مسآحه تفرٍيق لكل اشي .. فبكون بدآيه الاسبوٍع التآني فارغه .. وبتتسمـر الايآم علي هذآ الحآل ... اما كفكرٍ ليـش احنا بننتظر الاجآزه وبنحسهآ خلصـت بسرٍعه ... لسبب وآحد انا حكيـت فوق .. الافكآر الشخـصيه بتكتر والفكـر دآيمآ مشغوٍل وفجآه بتحـس بطعـم الرآحه والبرٍيك .. بتحـس بعآمل تشوق للبرٍيك هذآ واول ما يجي البرٍيك بخـلص بسرعه لان الفكرٍ الكثـير لم ينتهي فتحـس مره آخرٍي بالترآكم وانك تريد اجازه اخرٍي واخرٍي .. وهذآ بااعتبآره عدم تنظيم للشخص زآته آنو ما بيعطي نفسـه مرحـله لفكره وزآته يفرٍغ بهآ كمآ يعطي كل شي آخر حقـهـ دمـتي بكـل وٍد
_______________________________
> < 
|
| عدد 3 عضو بقولولك شكرأ يا طبعي الوفا على هالموضوع المرتب: | ||
|
#3
14-11-2011, 03:50 PM
|
||||
|
||||
|
موضوع حلو يا ساندي السؤال الاول بالنسبة الي لما كنت بابوظبي كانت حياة منتظمة وكانك كمبيوتر ومبرمج يعني كل وقت حلو بدرس وبنتبه ع مستقبلي ولما ازهق بطلع انا وصحابي ع المولات او نلعب كورة وكان في مسليات كتيرة لما اجيت ع غزة مع الزهق بحاول ادور عاي فرصة مرح او تسلاية وصرت اراكم ع حالي الدراسة وبالاخر بنزنق وبلحق حالي بالعافية كل بلد يعني الها حياتها السؤال التاني بتعرفي ليش بنكره الشغل او الدراسة وهيك لانو بدولنا ما بنستخدمهم بمحلهم مثال انو لما كنا بالمدرسة كنا بنحاول باي طريقة نشرد لانو المدرسة عند العرب زي السجن دراسة وبس وبصعبوها ع الطالب بغباء يعني بحطو بالكتب علم زيادة عن اللزوم شغل ما جربت عشان افتي فيه بس ما في بعد الاجازة برمت كتير اول مرة والله سوري يعني يسلموووووز
|
| عدد 3 عضو بقولولك شكرأ يا colonel of gaza على هالموضوع المرتب: | ||
|
#4
14-11-2011, 04:13 PM
|
||||
|
||||
|
والله انا زي الكمبيوترات القديمة مش ملتي تاسكينج ..
بقدرش اشتغل او افكر بشغلتين بوقت واحد .. يعني اذا كان في راسي شغلة .. برتاحش الا اذا بخلصها .. يعني بعطيش كل الشغلات حقهن .. الشغلة الاهم بشتغلها .. وبعدين اولى فاولى .. والاجازات بتخلص بسرعة لانو ما فيها ضغط نفسي .. واحلى شي بالاجازات الاسترخاء .. والسفر طبعا من احلة الشغلات اللي ممكن تنعمل في الاجازات ..
_______________________________
 I only give negative feedback 
|
|
#5
14-11-2011, 04:21 PM
|
||||
|
||||
|
مرحبا ساندي كيفك ..؟ زمان كنت افرغ طاقاتي بحل الواجب والدراسة واجتهد واجيب علامات كويسة بعد المدرسة اجت حياة الجامعة ,,, حياة تانية خالص وبنفس الوقت حلوة .. كنت اطلع واطش مع صحباتي ,, نلفلف ونتغدا بالمطاعم وهيك.ز يعني اشي منيح واكيد بالبيت .. عالنت والتلفزيون ,, بس طبعا وقتي منظم يعني ما بطول عالنت ولا بطول وانا عالتلفزيون ,,, يعني اشي منيح... واكيد الشغل بحب اشتغل واعتمد ع حالي واشتغلت كتير وحبيت الحياة العملية بعد الدراسة ,.,, نيجي لايام الاجازات .. طبيعي تمر بسرعة لانو الوقات الحلوة بتمر دايما بسرعة بدون مانحس بمتعتها حتى .. مابعرف ليش ... بالنهاية يسلمو حبيبتي عالاسئلة .. منورة ^_^
_______________________________
• لاَ آنكرُ يوْمآ اننيً كرََهتُ الحٌياهُ ! وُ لاِ انُكرََ ضُعَفيً مِنْ بعَضُ المّوََاقُفً ... | وُلكِنُ بَداخليُ روّح تلوَوُن ليُ [ آلحياهُ ] تمُنحََنيْ القّوُهَ كلِمْآ , تذّكرََتُ قوََل / الرَسُوََل صُلىً اللهٌ عَليهُ وسََلمُ : { انّ اللهٌ اذُا احُبّ عُبَدُا ابتََلآهُ , } ~
|
|
#6
14-11-2011, 04:51 PM
|
||||
|
||||
|
موضوع حلو .. وبوقته صراحة .. فش حد عايش حياته طالما هو بغزة وهيك وضع انا عن نفسي بحبش الاجازات كتير .. وكمان ما بكرها .. بالنسبة لوقتي كان مرتب وكل شي بوقته .. بس حاليا عايش بدون اي توقيت ولا شي .. يعني كل شي بسهولة .. وقت الشغل بشتغل وتمااام التمام وقت ما احس بدي اخد بريك او راحة .. ما بستنى لازبط جدولي .. عطول باخد اجازة وبرفه عن نفسي وقت ما بدي ارفه عن نفسي ارض الله واسعة ممكن اطلع ع البحر او منتزة برشلونة .. او مع شباب النادي وبنلعب كورة وهيك . في الف طريقة وطريقة .. بالنسبة ليش ما بنحب التعب والشغل واحنا كسلة .. لانه الانسان بطبعه ما بحب التعب وبحب الراحة .. بكرة اجازة صح مبسوط بس لانه عشان طبيعة الشغل لو الشخص مبسوط فيه ما بده اي اجازة ويضيع اي يوم هيك .. بالعكس بشتغل ليل نهار انا بصف اول ثانوي كنت صباحي ماكنت احب اترك المدرسة نهائي لانه حبيتها كتير وحبيت العلم يومها اكتر . كنت اروح بعد ماينتهي الدوام ب ساعتين يمكن . كنت اكره شي اسمه اجازة في هالفترة .. ليش مابعرف . يعطيكي الف عافية يارب
_______________________________
ربـي ,, لا تـزيـدنـي تـعـلُـقـاً بـ شـيء لـم تَـكـتـبـه لِــي ... 
|
|
#7
14-11-2011, 06:02 PM
|
||||
|
||||
|
باختصار لانو اسلوب الدراسة ممل جداً حتى لو بدك تفكري باشي تعملية ما بتلائي تشجيع من اللي حولك انا من ناحيتي ليش ما بحب اشتغل لانو اشي روتيني واغلب الشغل يلي بعملو بدراستي مش ميولي ابداً فانو لما ادرس بكون مجبورة وبالتالي انتاجية دراستي بتكون شبه سيئة لازم اسلوب الدراسة والشغل يكون محفز مش محبط  يا ريت لو يطبقو شوية شغلات من عند الاجانب وشوفي كيف الدراسة بتسير حلوةوالشخص بيسير فعال يعطيكي العافية
_______________________________
.
. .    يسلمو حالة غريبة . . .
|
|
#8
14-11-2011, 07:51 PM
|
||||
|
||||
|
انا من النوع اللي براكم كل شي لاخر لحظة عشان هيك لا برتاح وانا فاضية ولا وانا مشغولة وبحاول ازبط حالي بس بعرفش يعني اليوم كان عندي امتحان وبكرا عندي امتحان وبعدو عندي امتحان وكان عندي عطلة العيد اسبوع ما درست فيها كلها غير يمكن ساعتين او تلت ساعات متفرقات ! وبلشت دراسة عنجدية مبارح يعني قبل الامتحان بيوم واليوم ببلش لبكرا وهكزا بحاول انظم اني ادرس كل يوم شوي عشان اقلل ع حالي بس بقدرش وبعدين فش ترويح عن النفس لانو فش وقت للترويح اساسا ع طول دراسة للامتحانات ولو فش امتحانات بكون مليان علينا تكاليف وهوم ووركات وبنروح من الجامعة الساعة 6 المسا يا دوبنا نلحق نتغدا / نتعشا ابصر شو بكون اسمو بهالوقت  وبعدها نخلص اللي علينا وبعدها ننام ونرجع نصحى تاني يوم لنفس المعاناة عشان هيك بنكيف لو عطلنا مش بس يوم .. وحياتك لو عطلنا محاضرة وحدة بنعمل عرس  والعطلة بالنسبة الي بنفعش تكون لا دورات ولا تطوير ولا كل هالشي لانو خلقة بكون مش طايقة التزم باشي هاد طبعا غير النوم بكير والصحوة بكير اللي بكرههم وبضطرلهم مكرهة ايام الدوام  الواحد بس فش بايدو يحكي غير دعوني اتنفس 
_______________________________
,  Loading...19% |||||||||||||||||||||||||||||||||||||||||||||||
|
|
#9
15-11-2011, 12:01 AM
|
||||
|
||||
|
اممم .. والله بالنسبة للترفيه عن النفس .. فأنا شاطر وموهوب ههههه .. خاصة الشغلات اللي بتعطيني طاقة جديدة مش هالاختراعات .. ممكن اني اطلع كافيه .. او مجرد اني امشي لحالي بالشارع .. او اني اسمع ميوزك معين .. او طشة مع اصحابي اي مكان .. احد اسرار المهنة انو انا لما انخنق فعلا فعلا يعني واحس مضغوط .. باخد تيكت قطار لاي مدينة تانية ان شالله ما بعرف شي فيها .. وبنزل اكتشف فيها واشوف كافيهاتها وهكذا ههههههههه اصلا مجرد طلعت القطار وشعور السفر .. هادا شي مريح بالنسبالي جدا هادا احد الاسرار الخطيرة .. بالنسبة لموضوع اني منظم بوقتي ولا لأ .. انا بحاول قدر الامكان .. بس صراحة تقريبا انا من الناس اللي بتميل تراكم شوي بالدراسة عالاقل بحب اعيش تحت ضغط .. لكن بديت نظام جديد من فترة .. وبحاول اطبقو .. ولا ادري كيف حيصير الوضع ههههه .. الاجازة هاي زي مكافئة تيجي لموظف فجأة .. بجد حاسس فرحت فش اجازة حواليكم ؟؟ احيانا ع فكرة بنحس الاجازة اجازة من كل شي مش بس دراسة او شغل .. ممكن من هموم .. من افكار .. فرصة للانبساط بدون ذنب انو ورايا شي او عطلت شي .. ما اظن الها ارتباط بكرهنا للانتاج او الكسل .. وع فكرة الاجازة يعني طشات وعمل شي استثنائي او بنحبو بهاليوم.. النوم بجي كل يوم .. يعطيكِ العافية يارب .. موضوع حلو كتير
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
|
#10
15-11-2011, 12:37 AM
|
||||
|
||||
|
موضوع الاجازة وانو مابنحس فيها الا وهي طايره يعني موضوع مهم ويحتاج لمناقشه بس شوفي هو مع ملل وقرف الدراسه والشغل بتحسي الوقت طويييييل مش أكتر مع انو مرات بالاجازات مع الطفش بتحسي اليوم طويل وممل بس بيهون طول ماانو مافي ارتباطات بالنسبه لعيشان الحياه  انا الحمدالله وحده من الناس الي بأمن جدا بأنو لنفسي علي حق يعني لازم وضروري ومهم ارفه عن حالي مقابل المجهود الي بعملو والواحد كل ماانبسط بحياتو أعطى أكتر وأعطى بأرياحيه مش يكون خنقه وقارف حالو العمر بيخلص والشغل مابيخلص والي مابيرفه عن حالو وبنبسط بحدود الدين طبعا بضيع حياتو عالفاضي ^_^
_______________________________
____ __________________________________________ ____________________________________ 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
