|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
15-11-2011, 06:37 PM
|
||||
|
||||
╯╭ M.o.v.i.e ~ N.i.g.h.t ╯╭
 السلام عليكم ورحمة الله وبركاته ▒ .  ▒  ▒  ▒  ▒ بالنسبة لزوء حضراتكم وأجواءكم المفضلة أثناء حضور أي فيلم ياريت تشركونا معاكم من خلال الأسئلة التالية يعني يا بتجاوبوا عليها تحديدا ً يا بتحكوا بأى طريقة إنتو حابين أنا حطيتها لمجرد اعطاءكم فكرة عن فحوى الموضوع . . 1- شو نوع أفلامكم المفضل ؟ آكشن رومانس سوشيال كوميدي ؟ ▒ 2- كم فيلم بتحضروا بالأسبوع ؟ 3- لو في البيت بتحضروا لحالكم ؟ بتفضلوا تحضروا لحالكم ؟ بتفضلوا تحضروا مع مجموعة ؟ 4- أي ساعة من اليوم الأنسب عندكم للاستغراق في مشاهدة فيلم ؟ 5- بتروحوا سينمات ؟ لحالكم ؟ مع حدا معين ؟ 6- بتحبوا تحضروا أفلام عربي ؟ 7- بتحبوا تحضروا أفلام هندية ويابانية وصينية ومغربية ... ولا بس هوليوود ؟ 8- بتهتموا تعرفوا شو جديد الأفلام ؟ 9- بيهمكم تتعرفوا على جديد الأفلام العربية ؟! هادا طبعا ً باعتبار كل الحكي فوق عن الأفلام الأجنبية 10- بتحبوا تاكلوا شي معين أثناء وانتو بتحضروا ؟ 11- في إلكو طريقة معينة بالقعدة ؟ بترتيب القعدة ؟ في غرفة معينة مثلا ً ؟ على الأرض ؟ في السرير ؟ بتغوصوا في كنبة ؟ 12- لو بتحضروا على لاب او كمبيوتر بتعيدوا مشهد مرة ومرتين مع انو بتكونوا اول مرة بتشوفوا الفيلم ولا بتشوفوه كلو على بعضو مرة وحدة وبعدين بتحضروه بطريقة أخرى ؟ 13- بتاخدوا بانطباعات الناس التانية عن الأفلام قبل ما تحضروها ؟ يعني لو حدا حكالك هادا فيلم بايخ ما بنصحك تشوفو بتبطل تحضرو ؟! ولو حدا نصحك وقال هادا فيلم رائع بتتحمس تشوفو ؟ 14- بتحبوا تحضروا فيلم قديم على التلفزيون ؟ ولا بتفضلوا تطلعوا مكان ما حتى لو كان من أفلامكم المفضلة ؟ 15- لما بتحضروا الفيلم بيكون مجرد فيلم الكل بيحكي عنه حضرتوه وخلاص واللي بعدو ؟ ولا بتقعد تفكر فيه وبتحكي عنه مع حدا قريب من افكارك او مش قريب من افكارك ؟ 16- هل بتعتبر نفسك مدمن مشاهدة أفلام ؟ 17- هل عندك ممثلين مفضلين وممثلات طبعا بتشوف أفلامهم شو ما كانت تكون ؟ 18- مين أحسن ممثل بنظرك حاليا ً ؟ وممثلة ؟ 19- بيهمك الإخراج كطريقة متباينة من مخرج للتاني ؟ بيهمك اسماء المخرجين ؟ 20- احكولنا شو آخر فيلم حضرتوه ومع ومين وشو كانت ظروفو ولو مش مكفيكم البرم هادا كله كملوا من عندكم  على فكرة الأفيشات بأول الموضوع لبعض من أفلامي المفضلة منها واحد حطيتو مخصوص علشان وحدة صاحبتي مرة شبه تجاهلتني واحنا بنحكي مسن علشان تكمل الفيلم مع انها شافتو للمرة المليون يومها ووقتها حكيتلها بدي أنزل موضوع هيك فكرتو  
|
| عدد 8 عضو بقولولك شكرأ يا السندريلا على هالموضوع المرتب: | ||
|
#2
15-11-2011, 07:01 PM
|
||||
|
||||
هلا فيكي اختي ساندي موضوع حلو ومرتب وكان في بالي اعمله بس لاقيت صباح الخير يا سينما الكل هناك بسأل وبحكو شو آخر الافلام الي حضروها بس هادا لايمنع انو الموضوع تمام وحلووو وهاي مسمار وأكشششششن ولي عودة إن شاء الله
_______________________________
 إلى أين أنت ذاهب يا شعبي..!؟  عاشت فلسطين عربية  والشعب العربي بياكل ملوخية **** الكل مع فلسطين وأنت ؟     New ^_^ Generation     التعديل الأخير تم بواسطة : M_Stevo_Y بتاريخ 28-11-2011 الساعة 01:02 AM.
|
|
#3
15-11-2011, 07:34 PM
|
||||
|
||||
|
اقتباس:
بعطيكي العافية ساندي جد تفششت بالبرم وفكرة حلوة تشوفي ذوق الاعضاء بالسينما وانت جاوبي عليهم تنشوووف  قووووووود باااي 
_______________________________
كاْن شيئا ً لم يكن .. وكاْن شيئاً لم يكن .. جرح طفيف في ذراع الحاضر العبثي والتاريخ يسخر من ضحاياه ومن ابطاله ... يلقي عليهم نظرة ويمر .. ..محمود درويش..
|
| شكر من هدول الأعضاء يا الاميرة الساحرة على هالموضوع المرتب: | ||
|
#4
15-11-2011, 07:46 PM
|
||||
|
||||
|
جآري الاجابة عالسريع 1- شو نوع أفلامكم المفضل ؟ آكشن رومانس سوشيال كوميدي ؟ أكيد الأكشن والكوميدي .. مالناش في الرومانسي كتير ههههههه 2- كم فيلم بتحضروا بالأسبوع ؟ تقريباً 3 او اربعة عهوا المزآج يعني  3- لو في البيت بتحضروا لحالكم ؟ بتفضلوا تحضروا لحالكم ؟ بتفضلوا تحضروا مع مجموعة ؟ بحب احضر لحالي عشآن آخد راحتي في الفيلم ومحدش يتفرج معي  بعدين انا بحب احضر الفيلم ع اللاب احسن من التلفزيون عشان الدعايات بتقطع لنص الواحد 4- أي ساعة من اليوم الأنسب عندكم للاستغراق في مشاهدة فيلم ؟ عندما يأتي الغروب هههههه يعني لو أكشن بحضره بالليل اما لو كوميدي بأي وقت 5- بتروحوا سينمات ؟ لحالكم ؟ مع حدا معين ؟ بحبش اروح لوحدي اصلي بخاف 6- بتحبوا تحضروا أفلام عربي ؟ الكوميدي بس .. العرب بعرفوش يعملو افلام أكشن زي اللي عنجد ههههههه 7- بتحبوا تحضروا أفلام هندية ويابانية وصينية ومغربية ... ولا بس هوليوود ؟ هندي بحبوش بالمرة كلو حب وأغاني ورقص وهبل .. أما صيني وياباني كلو أكشن وكونغ فول  8- بتهتموا تعرفوا شو جديد الأفلام ؟ أكيد بتابع البوكس أوفيس وشو الجديد اللي نازل ازا عجبني بحمله عالسريع 9- بيهمكم تتعرفوا على جديد الأفلام العربية ؟! هادا طبعا ً باعتبار كل الحكي فوق عن الأفلام الأجنبية بتابع جديد الأفلام العربية ع مواقع الإنترنت 10- بتحبوا تاكلوا شي معين أثناء وانتو بتحضروا ؟ مش دايماً .. لو كان الفيلم في اثارة وتشويق بشرب شويبس وجلآكسي ودريتوس هههههه  11- في إلكو طريقة معينة بالقعدة ؟ بترتيب القعدة ؟ في غرفة معينة مثلا ً ؟ على الأرض ؟ في السرير ؟ بتغوصوا في كنبة ؟ عادي المهم نحضر الفيلم .. مرات لما اكون في الغرفة انا وصاحبي بنقلب الغرفة غرزة  12- لو بتحضروا على لاب او كمبيوتر بتعيدوا مشهد مرة ومرتين مع انو بتكونوا اول مرة بتشوفوا الفيلم ولا بتشوفوه كلو على بعضو مرة وحدة وبعدين بتحضروه بطريقة أخرى ؟ بعيده بدل المرة عشرة لحد ما اللقطة تدخل مخي  13- بتاخدوا بانطباعات الناس التانية عن الأفلام قبل ما تحضروها ؟ يعني لو حدا حكالك هادا فيلم بايخ ما بنصحك تشوفو بتبطل تحضرو ؟! ولو حدا نصحك وقال هادا فيلم رائع بتتحمس تشوفو ؟ بأحضر الفيلم انا وبشوفو كيف ازا عجبني ولآ لأ يعني بردش على حد 14- بتحبوا تحضروا فيلم قديم على التلفزيون ؟ ولا بتفضلوا تطلعوا مكان ما حتى لو كان من أفلامكم المفضلة ؟ ما دامه قديم يبقى ع التلفزيون 15- لما بتحضروا الفيلم بيكون مجرد فيلم الكل بيحكي عنه حضرتوه وخلاص واللي بعدو ؟ ولا بتقعد تفكر فيه وبتحكي عنه مع حدا قريب من افكارك او مش قريب من افكارك ؟ اه بعد الفيلم بعمل استديو تحليلي للفيلم شخصية البطل .. أداءه .. حبيبته شو مكانها في الفيلم 16- هل بتعتبر نفسك مدمن مشاهدة أفلام ؟ لأ .. زي ما حكيت مشاهدة الأفلام بالنسة الي مزآج او كنوع من انواع الترفيه زي النت 17- هل عندك ممثلين مفضلين وممثلات طبعا بتشوف أفلامهم شو ما كانت تكون ؟ افضل ممثلين في نظري وبحب ابتابعهم دايماً .. أحمد حلمي وأحمد مكي 18- مين أحسن ممثل بنظرك حاليا ً ؟ وممثلة ؟ في الوقت الحالي أحمد حلمي دليل تصدر افلامه قائمة افضل افلام سينمائية في مهرجان كايرو وأحسن ممثلة مي عز الدين 19- بيهمك الإخراج كطريقة متباينة من مخرج للتاني ؟ بيهمك اسماء المخرجين ؟ اكيد المخرج اله دور كبير في الفيلم في اخراج العمل وتقديمه بشكل يناسبه بعض المخرجين اللي الهم دور على الساحة الفنية محمد سامي وعمرو عرفة المخرجين الأجانب المخرج الإيطالي إيمانويلي كرياليزي والمخرج الأمريكي مارتوني 20- احكولنا شو آخر فيلم حضرتوه ومع ومين وشو كانت ظروفو آخر فيلم حضرته فيلم فآست Fast Five طبعا حضرته لحالي والفيلم هاد حضرته اكتر من مرة .. من أروع افلام الأكشن2011 للمصارع ديزل وذا روك الفلم مبني على خلفيه تو فاست تو فيورست أو قمة السرعة و قمة الغضب فلم ممتاز و المميز أن الممثل روك المصارع قد ظهر مع الأبطال المعتادين احضريه يا ساندي واحكيلي رأيك .. قلق الفيلم أما آخر فيلم عربي هوا اكس لآرج .. فيلم مسخرة موضوع مرتب من ساندي الأمورة  بحووب مواضيع الأفلام والسينمات نتوفة: بس كان رأيي انه اللي بعجبه فيلم يحط رابط التحميل عشان نشوف شو وضعهك في الأفلام
|
| شكر من هدول الأعضاء يا مستر شكلنص على هالموضوع المرتب: | ||
|
#5
15-11-2011, 09:50 PM
|
||||
|
||||
|
اقتباس:
أكشنرعب قليل كوميدي بكره الدراما 2- كم فيلم بتحضروا بالأسبوع ؟ وبنرجع نقول على حسب فكرة الفلم والممثلين عمريش عديتهم  أعتقد كتير لأنه لو مر علي يوم بدون أفلام بكتئب ولو مفيش جديد بشوف من اللي شفتهم وحبيتهم ومحفوظين عالجهاز في الحفظ والصون  3- لو في البيت بتحضروا لحالكم ؟ بتفضلوا تحضروا لحالكم ؟ بتفضلوا تحضروا مع مجموعة ؟ بفضل أحضر لحالي خصوصا لو فلم رعب أشرفلي  لو فلم شفته وقعدت أزن ع راس اخوتي يحضروه بحضره معهم 4- أي ساعة من اليوم الأنسب عندكم للاستغراق في مشاهدة فيلم ؟ طبعا بالمسا... في الليل وكل الأنوار مطفية ومفيش غير انا والفلم والتلفزيون او الكمبيوتر وعفاريتي 5- بتروحوا سينمات ؟ لحالكم ؟ مع حدا معين ؟ باستثناء لو كان فلم رعب بحضره بعز الضهر في السعودية كلها مفيش سينما حضرت سينما ايام الغربة والعزاب بصراحة فقضلت اني احضر بالبيت أحسن ما بينفع تضحكي.. ما بنفع تصرخي .. ما بينفع توقفي الفلم وترجعي عاللقطة اللي فاتتك ما ينفع تتحركي كتير ... باخدش راحتي بالسينما .... خصوصا مع الطقوس تبعتي بينفعش وكمان الواحد بيتدايق من الموجودين كتير وبيخربوا عليك الفلم 6- بتحبوا تحضروا أفلام عربي ؟ مش أوي أوي بحضر بس الافلام الـ recomended من أشخاص بثق في زوقهم ولممثلين معروفين .. بصراحة الأفلام العربية أغلبها بتستخف بالمشاهد وبيكون في كتير حلقات مفقودة 7- بتحبوا تحضروا أفلام هندية ويابانية وصينية ومغربية ... ولا بس هوليوود ؟ إطلاقا هوليوود وبس من كل الهندي حضرت فيلم "جودا أكبر" وكان حلو للأمانة كل ثقافة بيركزوا على نقطة معينة في أفلامهم مثلا الهنود الدراما والعياط والرعد والبرق والمطر والرررررررررررررقص تو متش دراما اليابان والصين بيعتمدوا على الفنون القتالية كتير وطقوسهم الدينية وثقافتهم المعتمدة على الامبراطور ... مرات بتشجع احضر افلام بس فجاة بيقلب تلاتربع الفلم تنين بيتخانقوا ولقطات بطيئى على حركاتهم بيحرقوا الفلم مغربية .. محصلش الشرف بصراحة 8- بتهتموا تعرفوا شو جديد الأفلام ؟ أفكورس... بتابع البوكس أوفيس دايما وبنزل الافلام وبتفرج عليها بناء عليه ومرات ممكن اعمل بحث عشان اعرف افلا معينة متى حتنزل 9- بيهمكم تتعرفوا على جديد الأفلام العربية ؟! هادا طبعا ً باعتبار كل الحكي فوق عن الأفلام الأجنبية انا شخصيا ... لأ بس بتوصلني الأخبار إني هاو 10- بتحبوا تاكلوا شي معين أثناء وانتو بتحضروا ؟ شاي أو نسكافيه... ويفضل برااااد شاي وفشار أو شيبس ونااادرا بزر ومي 11- في إلكو طريقة معينة بالقعدة ؟ بترتيب القعدة ؟ في غرفة معينة مثلا ً ؟ على الأرض ؟ في السرير ؟ بتغوصوا في كنبة ؟ اعتقد  انه ضهري لازم يكون على الحيط عمريش انتبهت اهم شي تكون القعدة مريحة بس اعتقد اني بغيرر قعدتي خمسمية مليون مرة 12- لو بتحضروا على لاب او كمبيوتر بتعيدوا مشهد مرة ومرتين مع انو بتكونوا اول مرة بتشوفوا الفيلم ولا بتشوفوه كلو على بعضو مرة وحدة وبعدين بتحضروه بطريقة أخرى ؟ كله على بعضه وبعدين المشاهدة الدقيقة بكون متحفزة أول لأعرف قصة الفلم بعدين بركز على الإخراج والفيشيال إكسبريشينز والديكور .. وهيك يعني 13- بتاخدوا بانطباعات الناس التانية عن الأفلام قبل ما تحضروها ؟ يعني لو حدا حكالك هادا فيلم بايخ ما بنصحك تشوفو بتبطل تحضرو ؟! ولو حدا نصحك وقال هادا فيلم رائع بتتحمس تشوفو ؟ على حسب الحدا هاد لو بعرف ذوقه بالأفلام اه باخد انطباع .... بس ما بيأثر على قراري اني أحضر أو لأ إلا نادرا أما لو ما بعرف ذوق هالشخص بحضر الفلم من ناحية انه يللا خليني احضر الفلم 14- بتحبوا تحضروا فيلم قديم على التلفزيون ؟ ولا بتفضلوا تطلعوا مكان ما حتى لو كان من أفلامكم المفضلة ؟ بصفة عامة بحبش احضر على تلفزيون بس لو المفضل بحضره ان شالله عالمريخ 15- لما بتحضروا الفيلم بيكون مجرد فيلم الكل بيحكي عنه حضرتوه وخلاص واللي بعدو ؟ ولا بتقعد تفكر فيه وبتحكي عنه مع حدا قريب من افكارك او مش قريب من افكارك ؟ ع حسب الفلم لو بيستاهل ولا لأ لو صار بيستاهل بشارك حالي بنات أفكاري مرات بشارك اختي أو صديقتي السول ميت وقليل جدا إني أشارك حد تاني نستثني منها اني لو لقيت حد متحمس عن فلم بنفس حماسي بننغمس في الحديس ساعتها 16- هل بتعتبر نفسك مدمن مشاهدة أفلام ؟ أي نعم  17- هل عندك ممثلين مفضلين وممثلات طبعا بتشوف أفلامهم شو ما كانت تكون ؟ أي نعم بعرفهم بالشكل نادرا بالاسم الزهايمر عاد  18- مين أحسن ممثل بنظرك حاليا ً ؟ وممثلة ؟ ممثل .... جوني ديب ممثلة ... في كتار اعتقد في اللحظة هادي رح اقول keira knightley أو أنجلينا جولي 19- بيهمك الإخراج كطريقة متباينة من مخرج للتاني ؟ بيهمك اسماء المخرجين ؟ بيهمني الإخراج ... بيهمني المخرج يكون منتبه على أدق التفاصيل ما عرفت أسماء ممثلين عشان اعرف مخرجين 20- احكولنا شو آخر فيلم حضرتوه ومع ومين وشو كانت ظروفو أخر فلم كان حلقات مسلسل جريز أناتومي السيزون الجديد مع حالي ومع اختي ظروفه اني هاد المسلسل متابعاه من أول موسم  أما فيلم فيلم اعتقد اني حضرت فيلم pride and prejudice للمرة المليون وواحد ظروفه ... بعشقه ان شالله على بكرة الضهر ناوية احضر فلم رعب ما انتبهت اني جاوبت عشريييييين سؤال كنت مستمتعة وانا بجاوب بحووووبك قد الدنيا على هالموضوع  اقتباس:
ما انتبهت للجمله هادي إلا في الآخر لا وشو نفس الرقم سبحان الله ههههههههههههههههههههه
_______________________________
 يا رب كُــــن لهم ناصراً ومعيناً
|
| شكر من هدول الأعضاء يا Alisar على هالموضوع المرتب: | ||
|
#6
15-11-2011, 09:59 PM
|
||||
|
||||
|
الي رجعه اقوى نوع بس ع رواق وان كان نفسي في موضوع يحكي كل اسبوع عن فلم معين انو تنصحينا نحضرو يعني يكون فلم محرز زي الي بالافيشات برضو موضعك مرتب يسلمو ايديكي
_______________________________
زهقان كل التواقيع الي في الدنيا
|
| شكر من هدول الأعضاء يا ^سينجي^ على هالموضوع المرتب: | ||
|
#7
15-11-2011, 10:11 PM
|
||||
|
||||
|
حلو كتير الموضوع .. الي رجعة عرواق ان شاء الله يعطيكي العافية ساندي
_______________________________
لا الـه الا الله .. محمدا رسول الله ~~~  Don't Frown ~~ You Never know who will be falling in LOVE with your smile !!
|
| شكر من هدول الأعضاء يا *MiRaClE* على هالموضوع المرتب: | ||
|
#8
15-11-2011, 10:20 PM
|
||||
|
||||
|
انا بحب الافلام كتير .. بحبها تكون اجنبي هوليودية الجنسية .. بس هادا لا يمنع اني اوقات بحضر كوري او هندي .. حسب الفيلم وقديش جذبني .. بحب يكون في كل فيلم خيط من الرومانسية لكن ما بحب يكون بيور رومانسي .. بحب الدراما والتاريخي .. لما بحضر الفيلم مع نفسي عاللابتوب بتكون الاوضة معتمة وكاسة القهوة والشوكولاته موجودة .. مابقدر احضر فيلم مرتين .. ولا بحب اعيد مشهد حتى لو عجبني ههههه بزهق .. الوقت المناسب لاني احضر فيلم بيكون باخر الليل .. الافلام العربية ما بتشدني ولا بتعجبني لا قديمها ولا جديدها .. بس بحب افلام ناس معينين وبستناهم زي مثلا احمد حلمي .. كتير بتعجبني افلامو .. السينما صراحة بروحها مع شلة .. يعني اصحابي لانها بدها جمعة هيك وهيصة ومن هادا الكلام .. لكن من فترة لاخرى لازم نروح ونحضر هناك .. اه انا كتير بهتم انزل الاقلام الجديدة بس زي ماحكيت الهوليودية بالأخص .. وبتابع شو الجديد دائما .. اخر فيلم احضرتو كان اكس لارج احمد حلمي .. حضرتو بالسينما مع اصحابي .. وكان صراحة رائع جدا جدا .. اه افضل ممثلة بالنسبالي : كيرا نايتلي  افضل ممثل : بحس كتار كلهم بعرفو يمثلو .. بس يمكن احمد حلمي كعربي .. وبراد بيت بحب تمثيلو كمان مش عارف ابرم اكتر ههههه يعطيكِ العافية يا ساندي .. دائما متميزة احترامي ..
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ)) التعديل الأخير تم بواسطة : دكتور بيحلم بتاريخ 15-11-2011 الساعة 10:23 PM.
|
| شكر من هدول الأعضاء يا دكتور بيحلم على هالموضوع المرتب: | ||
|
#9
15-11-2011, 11:43 PM
|
||||
|
||||
|
اقتباس:
يا غشااااااااااش وبالرغم من ذلك أحييك على ذوقك
_______________________________
يا رب كُــــن لهم ناصراً ومعيناً
|
| شكر من هدول الأعضاء يا Alisar على هالموضوع المرتب: | ||
|
#10
15-11-2011, 11:55 PM
|
||||
|
||||
|
1- شو نوع أفلامكم المفضل ؟ آكشن رومانس سوشيال كوميدي ؟ اي فلم الو قصة بحبو مش شرط يكون نوع محدد بس الافلام الطخ والحرب والقتال والتمزيع والرعب والهبل هاد كلو ما بحبو افلام رعب بحياتي كلها ما حضرت غير فلمين وما عدتها 2- كم فيلم بتحضروا بالأسبوع ؟ فش بالاسبوع .. ع حسب الفضاوة احيانا بقعد اشهر ما بشوف اشي 3- لو في البيت بتحضروا لحالكم ؟ بتفضلوا تحضروا لحالكم ؟ بتفضلوا تحضروا مع مجموعة ؟ بالعادة كنت بحضر مع اخوي يا نقعد سوا ولما اسافر نتفق نتفرج عليه سوا هلأ لسا ما حضرت شي جديد وما بعرف كيف رح يصير نظامي 4- أي ساعة من اليوم الأنسب عندكم للاستغراق في مشاهدة فيلم ؟ بالليل .. بعد الـ 12 5- بتروحوا سينمات ؟لحالكم ؟مع حدا معين ؟ ولا عمري رحت سينما .. حتى عالتلفزيون ما بحضر كلو عالكمبيوتر 6- بتحبوا تحضروا أفلام عربي ؟ بس لاحمد حلمي 7- بتحبوا تحضروا أفلام هندية ويابانية وصينية ومغربية ... ولا بس هوليوود ؟ هندي ما بطيقو .. والباقي ما عمري جربتو 8- بتهتموا تعرفوا شو جديد الأفلام ؟ كان اخوي برضو هو اللي يختار الافلام .. ما بعرف ازا بكونوا جداد ولا لأ بس انا بحب كل شي ييجيني عالجاهز 9- بيهمكم تتعرفوا على جديد الأفلام العربية ؟! هادا طبعا ً باعتبار كل الحكي فوق عن الأفلام الأجنبية لا ما بهمني العربي ابدا 10- بتحبوا تاكلوا شي معين أثناء وانتو بتحضروا ؟ لا ما بحب لانو ببطل اسمع من صوت المضغ حتى لو ما حدا سامع مضغ بس اظن كل انسان بسمع مضغ حالو بس ممكن اشرب اشي عادي 11- في إلكو طريقة معينة بالقعدة ؟ بترتيب القعدة ؟ في غرفة معينة مثلا ً ؟ على الأرض ؟ في السرير ؟ بتغوصوا في كنبة ؟ عالسرير بنتلحف وبنحط اللاب توب ع ركبنا وبنحضر 12- لو بتحضروا على لاب او كمبيوتر بتعيدوا مشهد مرة ومرتين مع انو بتكونوا اول مرة بتشوفوا الفيلم ولا بتشوفوه كلو على بعضو مرة وحدة وبعدين بتحضروه بطريقة أخرى ؟ ما بحب اشوف الفلم اكتر من مرة .. اللي بشوفو ما بعيدو وما بعيد اللقطة الا ازا ما لحقت اقرا ترجمة او سرحت عن اللقطة او ازا كانت حركة مثيرة للاعادة 13- بتاخدوا بانطباعات الناس التانية عن الأفلام قبل ما تحضروها ؟ يعني لو حدا حكالك هادا فيلم بايخ ما بنصحك تشوفو بتبطل تحضرو ؟! ولو حدا نصحك وقال هادا فيلم رائع بتتحمس تشوفو ؟ هاي الشغلات كلها ما عمري تدخلت فيها 14- بتحبوا تحضروا فيلم قديم على التلفزيون ؟ ولا بتفضلوا تطلعوا مكان ما حتى لو كان من أفلامكم المفضلة ؟ ما بحب احضر عالتلفزيون الا لو كان اوريدي محطوط وكل العيلة قاعدة بس انا ما بدور عالتلفزيون اساسا كلو عالكمبيوتر 15- لما بتحضروا الفيلم بيكون مجرد فيلم الكل بيحكي عنه حضرتوه وخلاص واللي بعدو ؟ ولا بتقعد تفكر فيه وبتحكي عنه مع حدا قريب من افكارك او مش قريب من افكارك ؟ ع حسب الفلم والممثلين في افلام بنحكى عنها وفي افلام فش داعي وازا في ممثل او ممثلة ببهم بصير احكي يا عن حلاوتهم يا عن شناعتهم بالفلم  16- هل بتعتبر نفسك مدمن مشاهدة أفلام ؟ لا 17- هل عندك ممثلين مفضلين وممثلات طبعا بتشوف أفلامهم شو ما كانت تكون ؟ اه عندي ممثلتين مفضلات بس مش شرط احضرلهم كل افلامهم بس بحبهم لانهم حلوات " شقفة "  Emma Watson Winona Ryderبعشق اشكالهم .. وفي ممثلة بحب كل افلامها تقريبا اللي هيي Anne Hathaway 18- مين أحسن ممثل بنظرك حاليا ً ؟ وممثلة ؟ مش فارق عن السؤال اللي قبلو 19- بيهمك الإخراج كطريقة متباينة من مخرج للتاني ؟ بيهمك اسماء المخرجين ؟ لا 20- احكولنا شو آخر فيلم حضرتوه ومع ومين وشو كانت ظروفو فيلم The Smurfs وظروفو كانت ابشع ظروف بحياتي بحبش احكي عنها
_______________________________
,  Loading...19% |||||||||||||||||||||||||||||||||||||||||||||||
|
| شكر من هدول الأعضاء يا * بيـــونة * على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
