|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
20-11-2011, 04:23 AM
|
||||
|
||||
سؤال للبنات , والي شايفه نفسها قوية لترد تيجي ترد
السلام عليكم ورحمة الله وبركاتة يعطيكم العافيه هسه انا بهالموضوع بدي افهم شغله وحده ويا اما بفوت بالمسلخ بسبب هالموضوع يا اما يجيني جواب يقنعني ....... هسه ليش انتو يالبنات اذا بتكرهو بنت بتخلوها اسفل خلق الله ؟؟ يعني ازا البنت بتكره بنت ثانية بتصير تحكي عنها حكي احنا الشباب بنستحي نحكيه واغلبية الاشاعات الي بتنحكى عن بعض بنات بكون سببها بنات ليش يعني ؟؟ شو السبب الي بخليكن تحكن هيك حكي ؟؟ انا عندي قصة حابب احكيها , وهاي القصه بتكون قصتي انا مشان تعرفو انو الحكي الي بتحكوه ممكن يخرب بيوت ويعمل مشاكل هسه انا كنت ناوي اخطب بنت ي, وعين الله على اهلي موافقين وتمام التمام وخلص على اساس انو رح يجو من الامارات ويخطبولي اياها لكن ما بسمع الا بمرة من المرات اهلي بحكولي انسى البنت هاي احا ليش ايش السبب ؟؟؟ اصلو البنات بحكو عنها كلام مش منيح وانها بنت مش منيحه كيف مش منيحه يعني ؟؟ وليش بنقلو هالحكي وشو مصلحتهم بهيك اشي ؟؟ يعني مشانها مش من العيله مثلا مستوطيات حيطتها مثلا ؟؟ وللا غيرة بنات يعني خلتهم يحكو عنها هيك حكي ؟؟؟ ....... المهم ما بدي اطول بالسالفه الي بدي اقولو انو كلام البنات وحكيهن الحكي هذا سبب مشاكل واكيد هالقصه الي مررت فيها مر فيها كتير ناس ليش هيك ؟؟ ما بتخافن من الله ؟؟ وللا هذا الاشي اخر اشي بتفكرو فيه ؟؟ بتمنى اسمع جواب شافي وازا بتفوت وحده تستخف دمها ما تلوم الا نفسها لانو بجد مقبعه معي
_______________________________
" قلب مخلوق من الصخر ".  ...  .. . تم بحمد الله : قصص جميع الأنبياء مع صور من حياتهم هنــــا .  |
| عدد 13 عضو بقولولك شكرأ يا الوحـــ فلسطين ـــش على هالموضوع المرتب: | ||
|
#2
20-11-2011, 05:53 PM
|
||||
|
||||
أبو خليل حيالله والله .. موضوع مهم جدا جدا .. ومنتشر بشكل فظيع .. البنت لما تكره البنت او بتغار منها بجد بتعمل العمايل .. وبتكره الكل فيها وبتصير البنت اعوذبالله يعني .. وخصوصا لو كان في شب بالنص .. وقتها بتشوف العجب .. يا الهي من هيك نوعيات .. كتير مشاكل ومصايب من ورى هالقصص .. بالنسبة لقصتك فالله يعوضك خير .. ولو البنت كانت بريئة ف الله رح يدافع عنها .. ولو غير ذلك فالله يهديها وربنا بكون كتبلك الخير .. الله يهدينا ويهدي بنات وشباب المسلمين .. الله يعطيك العافية و يعوضك خير يابوخليل ..
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ)) |
|
#3
20-11-2011, 05:56 PM
|
||||
|
||||
|
... منورٍ ابو خليـل . .. دآيمآ غيرٍهـ حوآ سلبيـهـ .. وحـب النفـس عندهآ آكتـر .. الي بتغآر من غيرهآ بتبشع فيهآ لحـب زآتهآ ونفسهآ وهآدي غريزه بالبشر اجمـع انو شخـص بشوف التآني هيصير آحسن منو بصير يبشع فيهـ .. والله يهدي جميـع المسـلميـن ..
_______________________________
> <  |
|
#4
20-11-2011, 05:57 PM
|
||||
|
||||
|
اول شي اخي بدي احكيلك لعلو خير وتاني شي اكيد البنات اللي عملو هيك نابع الغيرة والحقد في بنات كتير بيكرهو بنات غيرهم يخطبو ويرتبطو او حتى يحبو اصلا الله يهديهم وحاول تاني مع اهلك والله يوفقك ويوفقها 
_______________________________
 |
|
#5
20-11-2011, 06:23 PM
|
||||
|
||||
|
ان كيدهن عظيم
وحسبي الله ونعم الوكيل ع كل بنت بتدز بسمعة بنت تانية بس تعقيب بسيط المفروض اهلك يكونو واثقين فيك وبإختيارك اكتر من ما يثقو ب كلام بنات معروف امرو ومشكوك فيه |
|
#6
20-11-2011, 06:32 PM
|
||||
|
||||
|
مسا الخير
انتا طالما البنت عجباك ما تقف لهان .. احكي مع اهلك ...مرة تانية وتالتة .. قصة انه البنات بتخرب سمعة بنات تانين . << جاي يوم الك وتقعي بنفس الاشي ما تخافي انه قصة غيرة يعني ليش هادي تتجوز وتنخطب وانا لاء هيا بايش احسن مني اااه .. ومن هالهبل اللي بييجي بمخهم .. الله يهديهم احسن من كل شي ..
_______________________________
ربـي ,, لا تـزيـدنـي تـعـلُـقـاً بـ شـيء لـم تَـكـتـبـه لِــي ...  |
|
#7
20-11-2011, 06:33 PM
|
||||
|
||||
|
صلي على النبي ... هلاء الناس انواع واشكال والوان نبدأ .. الاول وحدة بتحكي ع وحدة غيرة وحقد واشي مزروع فيها من وهي زغيرة التاني نقص داخلي وما فيها اي جنس المحبة من الناس وخلئة ربانية ماحدا بحبها التالت ناس بتكون من كتر ما حياتها زفت ما بتحب تشوف حدا مرتاح رابعا في ناس ما بتحب تشوف ناس احسن من منها وعايشة ومتهنية اكتر منها خامسا بتكون بدها اياك لبنتها او لاختها او الله اعلم فبتطلع على بنت الناس عشان تشوه سمعتها ويكون في امل عندهم .. وهالشغلة صارت معي انا نفسي ايام خطبتي ناس اجو وحكولي كلام لرب السما عن العريس عشان ابطل وهما نفسهم راحو للعريس وحكولو كلام عني عشان يبطل هههه بس احنا عارفين هالشي هيصير ومتوقعينو فعادي اخدنا الموضوع ببساطة وما كبرنا الئصة لانه كانت حقد وغيرة مو خوف منهم علينا ومشي الموضوع عادي يلي بدي احكيلك اياه كبرها تكبر صغرها تصغر وسدئني مو دايما النسوان سبب الرجال الا وما يكون اله دور بس النسوان هما يلي بكونو ببوز المدفع زي ما بحكو ولو بدك ترد على كلام هادي وهاد وهاد ما بيمشي معك ولا موضوع بحياتك والله يهدي الجميع ويوفئك بس بدك تحط ببالك ما ترد على كلام الناس وتحط ببالك شغلة تانية ببلدنا هون يلي بدو يعمل شغلة الافضل يعملها سكيتي يعني بدون طوط يا اهل البلد غير هيك عمره ما شي بمشي مع الواحد ،، سادسا ... لا خلص هيك خلصت
_______________________________
 // انـا لح ـبيبي وح ـبيبي إلـي أميـرة فـي مملكتـي  // me سبحان الله وبحمده سبحان الله العظيم
|
| شكر من هدول الأعضاء يا أميرة غزة على هالموضوع المرتب: | ||
|
#8
20-11-2011, 06:53 PM
|
||||
|
||||
|
طب ليش ما قبعت معك بالبنات اللي حكوا عن البنت وسالتهم ليش هيك بيحكوا عنها مش يمكن تلاقي منهم سبب مقنع بتقبع معك هون دايما .. انا كمان مقبعة معي - مش كل البنات هيك مش قاعدة يعني عمري ما مرق علي قصة زي هيك بس الحكي اللي بنحكى عن البنات ببين ازا طالع عن غيرة ولا عن جد وازا حاسو عن غيرة مش لازم تعملو اهمية يعني وعادي النسوان عقلهم صغير وكل مشكلة بتصير لازم يقلبوها من شخصية لعالمية الواحد بساير وبقول طيب واوكي عشان يسكتهم وبالاخير يعمل اللي ع مزاجو فش وحدة من اللي حكوا عنها رح تقدر تمنعك مش مستاهلة كل هالقصة
_______________________________
,  Loading...19% ||||||||||||||||||||||||||||||||||||||||||||||| |
| عدد 4 عضو بقولولك شكرأ يا * بيـــونة * على هالموضوع المرتب: | ||
|
#9
20-11-2011, 08:00 PM
|
||||
|
||||
|
اأول وأهم سبب فش خوف من رب العالمين "يعني الي بتوصل فيها تحكي بعرض التانية هاي مش خايفة من ربنا وبتعرفش انو قذف محصنات وانو الدنيا دوارة راح تلف ويصير فيها او في حدى بيعز عليها هالاشي " والشغلة التانية غيرة النسوان العمية والشغلة التالتة واحتمالها ضئيل انها فعلا البنت اتكون مش زي ما انت متوقعها وهما شايفين الي انت مش شايفو عكل الحالات مش لازم يشهرو فيها ومش هما الي بيحاسبو ربنا وحده الي بيحاسب هالمرض انتشر كتير في المجتمع وسمعة البنت من اقل كذبة بتتوسخ الله يجيرنا انت اذا واثق من هالبنت اقنع اهلك واذا كان فيها الخير ربنا يكتبها من نصيبك يعطيك العافية
_______________________________
لا حول ولا قوة الا بالله العلي العظيم  |
| عدد 3 عضو بقولولك شكرأ يا عاصفة فلسطين على هالموضوع المرتب: | ||
|
#10
20-11-2011, 08:19 PM
|
||||
|
||||
|
لا طبعا  .. احكيلي شو بتكرهي بالدنيا .. بحكيلك الحكي بسيرة البنات واخلاقهم بحش اي نعم  بكره ممكن جداا بنتقد ناس كتيير برضو ااه بس كل هاد بحدود اناا حطاهاا لحالي .. وحاطة رقابة رب العالمين علي فيهاا مستحيل اتخطاهاا وبجد بتدايق من قلبي لمن اسمع اي حداا بيحكي ببنت او بسمعة بنت ..وبخبص بالحكي وظلم الولايا هاد ما بتحملو .. شوما كانت الاسباب الشغلة هاي مش مرتبطة ببنت ولا شب .. كل واحد وزمتو وضميرو.. وللاسف الناس زمتهاا سايرة ما اوسعهاا وضميرهاا بعوض الله علي  الناس للاسف بتستهييييييين بهيك موضوع بطريقة مخيفة .. عفواا ..بس كتييييير بنات شريفات عفيفات واطهر من اي حداا بنحكاا عنهم حكي لمجرد انهم ما ( انحبو  )سمعت كزا مرة بس كناا بغزة عن كزا بنت اتطلقت لسبب او لاخر وبس ينسالو اهل الشب لي .. قال ممشاهاا مش منيح طيب ان شاء الله بتتمشو بنار جهنم الهي !  مع انو البنات ما بعرفهم ولا سارلي احتكاك مباشر فيهم .. بس حسيت الدم بغلي فياا بس سمعت هالحكي بنت الهاا متزوجة 6 او 8 سنين وهلا لاكتشفتو هيك !! الله لا يسامحهم !! في قصة سارت بعهد عمر بن الخطاب ( هاي مثال ..ما بقصد انو نوعية الحكي ياللي طلعت هيك .. بس لاوضح الفكرة ) انو 4 شافو وحدة واتهموهاا بالزناا وراحو يشهدو قدام عمر بن الخطاب لانو معروف بهيك مواضيع بالاسلام لازم شهادة الاربعة فـ 3 كانو متاكدين والرابع قدام عمر بن الخطاب حكاا مش متاكد بس شاكك !! راح عمر بن الخطاب جلد التلاتة الباقيين !! برجع وبكرر انوما بقصد انو الموضوع وصل لهاي الدرجة بس الفكرة كيف الحكي والبرم بهيك قصص تاثيرهاا !! بالنسبة لقصتك ..جد اتدايقت عليك للسماا بس لومقتنع بالبنت .. خلص هيك سكتت ؟؟ اسال .. ودور .. وشوف مين ياللي اساس هالبرم كلو .. وواجه .. وتاكد .. وجيب اهلك حتى لو الله ما كتبلكم نصيب لبعض .. عالاقل انتا هيك بتبين حق البنت ازاا كانت مظلومة  اسمعت عن شخصيتك من قبل او اللي فهمتو من المقعد عالاقل من شخصيتك انك مش من النوع اللي بسكت عن حقو (ومش معناة كلامي انو تتخانق مع اهلك ..كل شي بيجي بالهداوة ) فلي سكتت بهالسرعة هلا !!؟ طول بالك الموضوع بدو صبر .. وخلي حداا من اهلك سواء امك اوخواتك او اي وحدة بتوثق فيها من العيلة تستفسر وتفهم .. لانو انتا اكيد كشب مش راح تقدر توصل فلو كان كل هالحكي وانهم يمنعو زواج بس مشان الغيرة .. فبجد الله يعينك عالنفسييات المريضة !!  ان شاء الله بتطلع برائة البنت .. والله بكتبلكم نصيب ببعض كتبت كتيير بس لانو والله انقهرت ..
_______________________________
لا الـه الا الله .. محمدا رسول الله ~~~  Don't Frown ~~ You Never know who will be falling in LOVE with your smile !!
|
| عدد 10 عضو بقولولك شكرأ يا *MiRaClE* على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
