|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
22-11-2011, 07:41 PM
|
||||
|
||||
الي روحه طويله يجي هااااان
السلام عليكم ورحمة الله وبركاته كيفكم ان شاء الله بخير وتمام وحالكم طيب وزين هالموضوع انا قرفت من كتر ما سمعت عنه وكتير تناقلت الناس فيه وكتير بيحكو فيه والناس وجعها راسها وصارت مشاكل طلاق ومشاكل بتقرررررف منه .. هادا يا جماعة وبإختصار وما بديش حدا يتحيز لحدا وعشان هيك ومش عشان هيك وازا في بكلامي غلطي يا عمي واجهوني وراجعوني .. ومع ذلك انا انسان باخد وبعطي وبسمع من كل الالوان وكل الناس وبحب افهم كيف تفكير الناس ولوين بيفكرو وشو المدا الي حيوصوله الي طبعا بإرادة الله وكل انسان بيفكر بشكل مختلف .. انا سؤالي يا جماعة ويا طيبين وطيبات. إنتا كراجل وكشخص بإعتبارك وشايف حالك راجل حتى لو ما الك كيان او في سقف معين والك وضعك في المجتمع لانو الرجولة ما الها بشغلات مادية او تفكير انو المصاري بتعمل الراجل لانو الكل والمتعارف عليه انو الراجل الي بيعمل المصاري .. كل هالكلام بيأدي لسؤالي وطبعا بدي كمان البنات يردو ويحطو مكانهم مكانا المتزوجين والي مش متزوجين إنت بترضى إنك تكون محكوم لزوجتك ؟؟ وما تدخلونا انو اكون محكوم بالاحترام وغيرو وغيراته.. من غير تحيز ولانو الرسول كمان(ص) اتزوج ستنا خديجة اكبر منه ب 20 سنة وكانت مدياه الحكم وكل اموالها وتجارتها يمكسها هوا .. انا كتير سمعت قصص انو حتى الناس بالشوارع كانت بتحكي شوفو هادا محكوم لمرته وبيكون الو وضعه وكيان وفلان محكوم لمرته طبعا في بيحكو من باب المزاح وفيه لاء بكونو قاصدين يحرجوه .. وفي ناس بجد بتكون مرته حاكماه بكل شغلة بالبيت او برات البيت .. طبعا هادا اكيييييد مش زلمة وانا سمعت قصة كتير بجد بتقهر وبتعصب والله العظيم لو اني مكان هالشخص لانحر حالي .. راح احكي القصة قرأتها بمنتدى واسردها الكم .. في شاب تزوج بنت خالته والشاب طبعا آخر واحد بتزوج بالعائلة .. ما علينا من هالكلام الي صار انو هالشخص لما اتزوج مرته حكتله بدي اسكن ببيت لحالي وما بدي اسكن عند اهلك وبنفس الوقت إمو مريضة وتعبانه ومعها مرض السكري والضغط والبيت ما فيه ولا شاب وكلهم بنات ولكن هالشخص حكمت عليه مرته غير يتزوج برا ومش عند اهله رغم انو البيت واسع وبيكفي عيلتين ومش بس هيك وبعيد كتير عن المدينة او اي مكان حيوي يتونسو فيه يعني بيت زي ما تحكو بصحرا والكل بعرف انو مستحيل حدا يخلي حرمه ببيت لحالها الا وكيف لما تكون هالحرمه إمه !!!!!!!!!! ويكون مأمن عليها إلا ازا في ناس مستهترة وما بتهتم وبيقولو الحامي ربنا طبعا الحامي ربنا بس ربنا لما وضعك بهالبيت اوجدك فيه لحتى تحميهم وتخاف عليهم اكتر من زوجتك .. بالاول وبالآخير هالانسان إمك الي حملتك وربتك وتعبت فيك وهي الي وصلتك لهالمواصيل .. وانا اكيد بحب وكل انسان بحب يستقل ببيت لحاله ويكون اسرة مثل والده ووالدته بس الظروف هي الي بتفرض علينا اذا ممكن اكون مستقل او لاء بس أنا رأيي لو إمي هالإم ما رح اخليها تحتاج شيء إلا اكون تحت رجليها وعلى فكرة انا كنت حبكي على هالقصة بس صبرت حالي لاني ما بكيت الا لما استشهد إبن عمي رحمة الله عليه .. بدي أحكي شي بسيط وخلي عبرة للجميع في شاب طلع من 13 سنة على المانيا جارنا بيكون وطبعا ما شاء الله صار وتصور وكل تعليمه من والدته وهالشاب صار دكتور وفهمان كتير وتزوج المانية وخلاها تسلم ومن هالكلام .. بس بنفس الوقت بإعتقادي انا انو بشكل او بآخر نسي إمه لانو ما زارها الا مرة ومن فترة تعبت إمه كتييير وإخواته حكو الو انو إمك هيك هيك وتعبت ومش قادرة وتعال بسرعة .. بس سبحان الله صار الو عثرات ومشاكل بالشغل وبالطريق واجا لقاها متوفية وهالشخص انا سمعت إنو لليوم ما بيااااكل ولا بشرب ودموعه بتهر واخواته مش قادرين يقنعوه انو هالاشي بإيد ربنا وقدرته .. طبعا ما بدي اطول بكلامي بس حكيت هالقصص بإختصار .. ويا جماااااااااااااااااااعة فكرو مليون مرررررررة الله يلعن ابو الجيزة والجواز الي راح تخليني أبعد عن إمي وهي بعز حاجتها إلي .. شاركوني برأيكم بكل صدق وصراحة وبلاش تحيز وما بدي حدا يغلط على الراجل ولا يغلط على المره لانو هان في عيب وهان في عيب ما في حدا كامل والكمال لله .. وإذا حدا عندو مداخلة او قصة شبيهة يحكيها النا علشان ناخد عبرة وبجد نحاول نغير من الي صاير وما نغلط نفس الاخطاء ياريت الموضوع يتثبت وتحياتي للجميع ..
_______________________________
 إلى أين أنت ذاهب يا شعبي..!؟  عاشت فلسطين عربية  والشعب العربي بياكل ملوخية **** الكل مع فلسطين وأنت ؟     New ^_^ Generation     
|
| عدد 10 عضو بقولولك شكرأ يا M_Stevo_Y على هالموضوع المرتب: | ||
|
#2
22-11-2011, 09:50 PM
|
||||
|
||||
|
سيدنا محمد صلي الله عليه وسلم لما خديجه رضي الله عنها امنته علي كل شي مش معناه انه ما الها حقوق في المسئوليه ولا هالشي بينفي حقوق المرأه من المسئوليه والطلبات وحقوقها الشرعيه والله اعلم واي ست فهمانه لما تلاقي في زوجها مواصفات الامانه والراحه حتسلم كل ما تملك اله وحتي نفسها . . بص عليا .. حتي لو الأم مش محتاجه منك شي وصحتها منيحه ليه تبعد عنها مثلاً ..؟ عن نفسي إن شآء الله لو إتزوجت أول شرط وأهم شرط عندي حطرحه إنه إمي تعيش معي .. أوكِ بدك بيت لوحدك ومن هالكلام حقك ، بس حقي كمان أرعي إلي راعتني وربتني وكبرتني .. ومستحيل أخسر امي عشان أي شي حتي لو غلطانه .. مستعد أخسر أي شي مراتي بيتي عيالي مالي إلآ امي .. وحتي لو الحق معاهم كمان .. القصه بإختصار إنها امي مهما حصل او صار ومفيش شي بيسمحلك تتخلي عنها ولا حتي اي سبب .. ببساطه مفيش عذر .. الحكايه حكايه ام ، يعني دين يعني مصير يعني انسانيه يعني حياه مش عارف كيف احكيلك ، إنه إحنا بنتكلم في ام ، يعني مش عارف شو احكي فاهم عليا أكيد اما في حكايه محكوم ومش محكوم .. انا من وجهة نظري لما أكون متفاهم مع مراتي ومتوافق .. ليه ما ألبي طلباتها إذآ كانت في محلها .. علي سبيل المثال لو طلبت بيت لوحدها ليه ما البي طلبها .. مش هذا حقها ، أكيد حقها .. بس مع كل حقوقها ما بسمح إنه أخلي الها مجال ، تفكر مجرد تفكير إنه يكون اي طلب الها مسبب في بعدي عن امي .. ولو حسيت مجرد إحساس إنه في اي طلب من طلباتها بتقصد بعدي عن امي ما بتلزمني وبخسرها وبخسر معها الدنيا لو حكمت .. لانه المرأه العاقله بتصون وبتحفظ مشاعر زوجها قبل شخصه .. وما بتفكر مجرد تفكير في هالاشيآء السيئه .. اما اذا كانت عكس هيك ما راح تنفعك بل راح تأذيك .. المشكله يا اخ ستيفوا في الوطن العربي لما يشوفوا الناس واحد ومراته متوافقين ومتفاهمين .. بيحكوا عنه انه محكوم .. محكوم لانه حياته مبنيه علي التفاهم مش اكثر .. شو فيها يعني لو اديت دور المستمع والملبي بعض الأحيان وسط أسرتي ومراتي .. ليه إحنا حاكمين الرجوله من منطلق واحد إنه الراجل الناهي والآمر في البيت .. ليه يعني ، البقيه من الإناث في البيت نجف مثلاً مش بشر إلهم حقوق وغيره في الختام مفيش رجال بمعني الكلمه بيقبل علي نفسه إنه يكون محكوم عنده يلتحف السما غطاه ولا يكون محكوم وفي نفس الوقت الرجال إلي بيعطي كل ذي حق حقه وما بيظلم حد وما بيفرض رجولته بالسلطه والهيمنه علي حقوق غيره ومفيش راجل بحق وحقيقي بيتخلي عن امه تحت اي ظرف يعطيك ألف عافيه يا ستيفوا
_______________________________
التعديل الأخير تم بواسطة : عَبودِي بتاريخ 22-11-2011 الساعة 09:55 PM.
|
| عدد 3 عضو بقولولك شكرأ يا عَبودِي على هالموضوع المرتب: | ||
|
#3
22-11-2011, 10:17 PM
|
||||
|
||||
|
اقتباس:
ربنا يعافيك يا عبودي نورت بمشاركتك ومداخلتك
_______________________________
إلى أين أنت ذاهب يا شعبي..!؟ عاشت فلسطين عربية والشعب العربي بياكل ملوخية**** الكل مع فلسطين وأنت ؟ New ^_^ Generation
|
|
#4
23-11-2011, 01:02 AM
|
||||
|
||||
|
ماعرفتك وانت جدي ما علينا شوف الاستقرار لا بد منه انت شايف ان الشب اتجوز بعيد عن اهله او بالاخص بعيد عن امه وهي بعز احتياجها اله او لمرته يمكن عشانك مانك متجوز لومت الكنه او الولد واخدت جانب الانحياز للوالدة قد ما يكون يا ناجي البيت كبير ويكون سياح نياح استحاله البنت تاخد راحتها في بيت حماها حتى لو كانو قرايب انا اتجوزت ابن خالي وبالرغم من ان بيت خالي ماشاء الله زي الفيلا بس استحاله اعيش معاهم لاني مش حاخد راحتي باي حاااااااااااااجة الحنيه والمحبة مش بل العيشة معهم فيهم ينظمو وقتهم وفيهم ينظمو زياراتهم احكيلك هل اشي انا اختي الكنه الكبيرة وساكنه قريب من حماتها ونفس الشي الحماية تعبانه وصحتها عالقد والبيت كبير بيسع اختي بس ما سكنو معهم لكن مش مخلية حماتها محتاجة حاجة وبتنظم ما بين شغل بيتها وشغل حماتها ومسهلين امورهم الشب الي سردت قصته كان بامكانه ينسق مع مرته مته يروحو اهله ومتى يروحو مثلا يابنت الحلال بكرة امي عليها كزا وكزا وبتروح من الصبح لوقت العصر مثلا او الضهر القصة مش ان ابنها عاش ببيت تاني القصة بالحنيه لو ابنها حنون عليها ومرته مش حنونه كان هو سد جانب الحنيه حتى لو هو الي راح وشاف شو امه محتاجة
_______________________________
 (●̮̮̃•̃) (●̮̮̃•̃) /█\♥ /█ التعديل الأخير تم بواسطة : اميرة الاحلام بتاريخ 23-11-2011 الساعة 01:06 AM.
|
| عدد 2 عضو بقولولك شكرأ يا اميرة الاحلام على هالموضوع المرتب: | ||
|
#5
23-11-2011, 01:19 AM
|
||||
|
||||
|
اقتباس:
اولا مين ناجي ؟؟ هوا مين ناجي صحيح  ناجي مش فاضي ناجي مع الخطيبة  ثانيا انا ما قلت ما يزورها بس انا قلت ما في شباب بالبيت ولا مش كافي هالموضوع غير اني على موضوع الإم .. وبعرف انو كل شخص بحب يستقر بس كل انسان الو ظروفه وبعدين القصة بس على الحنية متوقفه ؟؟ القصة انو إمو حق عليه على قطع رقبته وخواته كمان انا عن نفسي ما بتهمني راحتي قد ما بتهمني راحة إمي وزي ما قال عبودي بجيبها تعيش معي لو لزم الامر لو ما رضيت انا بقعد عندها مش بقلها تيجيكي من الصبح وبخليها تنظم وقت بكل لحظة الانسان ما بيعرف شو بصير معاه .. لنفرض الإم صارلها شيء لاسمح الله بدك البنت قد ما كانت حتكون زي الشاب ؟ ولا تتصل فيه ويكون بعيد عنها .. وانا قلت انو مرته مش منيحة لانها هي من حالها ما خافت على إمه الي اصلا بتكون خالتها .. انا افهم من كلامك انك رح برضو نفس الشيء تخليه يبعد عن إمه لو ما عندها حدا ؟؟ بس انا شايف انو ردك متحيز لزوجته .. هلا بمداخلتك
_______________________________
إلى أين أنت ذاهب يا شعبي..!؟ عاشت فلسطين عربية والشعب العربي بياكل ملوخية**** الكل مع فلسطين وأنت ؟ New ^_^ Generation
|
|
#6
23-11-2011, 01:48 AM
|
||||
|
||||
|
عادي هوا حر يكون حاكم ولا محكوم احنا شو دخلنا حياتو وحر فيها 
_______________________________
 *****   *****
|
| شكر من هدول الأعضاء يا اليسا الغزاوية على هالموضوع المرتب: | ||
|
#7
23-11-2011, 03:47 AM
|
||||
|
||||
|
اول اشي خلينا نتفق على نقاط معينة
اي زوجين بدهم يبنو حياتهم لازم يبدأوها لحالهم بدك تسكن مع اهلك ان شاء الله البيت قصر بدك تشطب حياة اسرية "وبحكي عن الاسرة الجديدة الي هي مرتك " اقعد لحالك بس ما تنساش امك ابني فوق البيت او اقعد في خيمة جنب البيت المهم لحالك زي ما امك الها حق زوجتك كمان الها حق تكون ست بيتها وتستقل لحالها زي ما امك استقلت من زمان في حالة القصة المذكورة فبيقدر يقعد معهم بس يفصل البيت يعني كأنهم جيران بس طبعا في استثناءات يعني لو الام فش عندها حدى لا ولاد ولا بنات ومريضة بتقدرش اتقوم من الفرشة فهاي حالة انسانية فش فيها جدال يعطيك العافية
_______________________________
لا حول ولا قوة الا بالله العلي العظيم 
|
| عدد 4 عضو بقولولك شكرأ يا عاصفة فلسطين على هالموضوع المرتب: | ||
|
#8
23-11-2011, 07:28 AM
|
|||
|
|||
|
لو امه لحالها وما فيه حد عندها نهائي نهائي
والي جاي ع البيت بدو يجي بمواعيد مش كل شوية الاقي حد داخل ع البيت بحكم انه بيت العيلة وولد جاي وولد طالع ورجال وعيلته جايين وقاعدين من اول النهار لاخر الليل بقصد انه يكون البيت لزوجي وامه وانا وبس .... انا مجربة شو يعني بيت عيلة بصراحة مأساااة للست هادي الحالة ما بعتقد اي ست عاقلة ومحترمة وبتقدر الام مهما كانت انه ممكن ترفض تسكن معها وبالاخر كل وحدة وطاقتها يعني ما بتقدر تفرض عليها الوضع لازم يكون فيه خيارات من اول اول الطريق يا بتقبل يا بترفض .. يعني ما يكون اللاشي فرض واقع بعد ما يكتب الكتاب يجي يقلها بدك تسكني مع امي .... بالنسبة للراجل المحكوم هاد امر مفروغ منه يعني انا ما بعرف شو قيمة الست لما تكون حاكمة زوجها شو شعورها ..
_______________________________
|
|
#9
23-11-2011, 07:54 AM
|
||||
|
||||
|
والله يخوي أنا متشتت شوية بموضوعك , يعني الأم توفت والله يرحمها , الشب المتغرب قصر معاها شيء أكيد بس شو دخل هادا بكونه محكوم ولا لأ؟ يعني انت بتعتبر انو زوجة الإبن هي الي مانعاه يروح يشوف أمه مثلا؟ الي رجعة عالموضوع بس توضح الفكرة يا حج اقتباس:
طب لو كانت أمي مش مستقلة بأول حياتها وبعدين استقلت؟  وين المشكلة يعني لما الوحدة تعيش في بيت حماها , بتتقرب منهم يا ستي وبتصير فرد من العيلة وبعدين بتنفصل
_______________________________
لن أعطيك بيضة.. بل ساعلمك كيف تبيض
|
| عدد 2 عضو بقولولك شكرأ يا صايع بس ولد ناس على هالموضوع المرتب: | ||
|
#10
23-11-2011, 09:01 AM
|
||||
|
||||
|
موضوعك مميز صراحة . يعطيك الف عافية أول شي بالنسبة للام الكل بعرف قيمتها وايش ما عمل ما بعطي 1% من اللي عملته معه .. هو ضل حد محكوم لليوم . الراجل مش بعصبيته وانا الامر الناهي بالبيت ومن هالكلام . هادي حياة طويلة مش ع قدر شهر و4 ولا 10 .. بدك تكون متفاهم مع زوجتك لابسط شي يكون . اوك انتا الراجل وكل المسئولية عليك لازم تكون راجل جوة البيت وبرة البيت كمان . مش تتشاطر ع مرتك يعني .. وبرة البيت تكون ارنب . اصلا كيف وحدة بتقبل تتجوز واحد يكون تحت امرها وهيك .. كيف بدها تحس برجولته ومن هالكلام . بالنسبة انه يسكن مع امه . اخوية تجوز قبل شهر . وساكن لحاله .. بس كل يوم عنا .. وببات عنا يومين بالاسبوع عشان مرته تاخد ع جو العيلة وهيك . وما شاء الله ع زوجتك . الله يسعدهم ويحميهم . مش مقصرة باي شي مع امي .<< كل هادا ليش لانه اللي متجوزها مفهما هالكلام كله خاصة انه امي مريضة . بالنسبة الي : مستحيل اسيب امي لاي سبب كان يكون . ونقطة وسطر جديد .. اصلا مش فاهم كيف الواحد ببعد عن امه .. ايش هالغباء هادا
_______________________________
ربـي ,, لا تـزيـدنـي تـعـلُـقـاً بـ شـيء لـم تَـكـتـبـه لِــي ... 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
