|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
02-12-2011, 03:41 PM
|
||||
|
||||
»إينر «.في.┣┓ مغامرات طالب نجيب ┏┫ ..
السلام عليكم ورحمة الله وبركاته يسعد اوقاتكم وجمعه مباركه على امة محمد ان شاء الله اليوم ح يكون معنا ضيف جديد هي اخت عزيزه جدا من اكثر صبايا المقعد احتراما واخلاقا وتعاونا هي اختي الغاليه إينر متل ما بنعرف كلنا اينر طالبه بكلية الطب سنه تانيه .. لكن اللي بعرفو انها بتحب العربي وشاطره فيه راح اطرح عليها سؤال وبعدين ح اتركها لالكم مع مراعاة القوانين رجاءً سؤالي : لو طلبنا منك نبذه مختصره عن حياة اينر الدراسيه ؟ أو اينر الطالبه شو ح تحكيلنا ؟ غير هيك ما دامك شاطره بالعربي ليش تخصصتي طب ؟
_______________________________
 أشتاق لأن اعيش في "وطن " طالما سمعت عنه |
| عدد 4 عضو بقولولك شكرأ يا m.zizo على هالموضوع المرتب: | ||
|
#2
02-12-2011, 04:06 PM
|
||||
|
||||
اقتباس:
شكرا يا انس عالاستضافة جهز الهوت تشوكلت وللا لسه؟  الله يسعدك ... نبذة مختصرة عن اينر الطالبة : فعليا بديت أشد حيلي و اطلع من التلاتة الاوائل ابتداء من صف سابع قبل هيك كنت بالنصاص  ممم كنت من صغري بحب مادة العلوم .. و فاشلة بالرياضيات .. اعتقد انو سبب كرهي للرياضيات هو مدرستو بصف رابع .. البعبع  بالثانوية ما كنت اطيق الفيزيا و بامتحان الفيزيا تاع تاني ثانوي جبت لأول مرة بحياتي بالسبعينات .. و بامتحان الرياضيات تاع تالت ثانوية جيب 69 .. يعني ناجحة عالحفة  بعد التحسين صارت علامتي الرياضيات 88 .. باقي المواد كلها مية او 96 و في مواد كانت دايما مية حتى بالامتحان زي العربي و الدين و الجيولوجيا و احيانا الانجلش كحب .. كنت و لا زلت بحب الأحياء ... التوب عندي يعني و بكره اي مادة بتعتمد عالارقام و الحسابات و النظريات و الافتراضات .. انا ما بتزكر اني حكيت بحب العربي .. عمري حكيت؟ كيف عرفت؟  بس هو فعليا انا بحب العربي كتير بحب التعبير بدرجة مش طبيعية .. كل مواضيع التعبير تاعتي كنت اجيب فيها علامة كاملة و النحو كانوا البنات يحبوني قبل امتحان العربي .. و كلو يحجز المقعدين اللي قدامي و اللي وراي عشان اغششهم النحو مصلحة عاد مدرسة العربي بصف رابع سمتني مثقفة الصف لانو كنت دايما اجاوب اسئلة خارجية و ثقافة عامة كنت كتير احب اقرأ خصوصا مجلة ماجد .. و هي بالمناسبة مجلة رائعة ما بمل منها يعني هلأ كل ما بشوفها لازم اقرا منها الها زكريات كتير حلوة بالنسبة لأوقات الدراسة انا مش من الناس اللي بتدرس كتير و بتدح و بتسهر و الله يعني السهر و هيك شغلات كانت بس وقت الامتحانات .. و مش دايما الامتحانات الصعبة طبعا هلأ اكيد الوضع بالجامعة اختلف و صارت الدراسة اكتر و الشغل اكتر و صار لازم نسهر أحيانا ما بتزكر ولا لحظة من لحظات معاناة التوجيهي و الله كل اللي بتزكرو انو كانت امي تصحيني الفجر عشان اراجع و تجيبلي نسكافيه و تمر و بسكوت و كانت تدحش فيي بفترة الامتحانات لحد ما نصحتني اجيت عالجامعة تكيت كل اللي اكتسبتو بتوجيهي .. نزلت 8 كيلو خلال سنة و شوي  اخلاقيا كنت اشاغب في بعض الاحيان بتزكر انطردت من الصف مرتين .. وقعت عتعهد مرة .. كل هالعقوبات كانت بسبب الضحك و الله  التعهد كان لانو وحدة بالطابور حكتلي شغلة فقعتني ضحك و ضحكت ضحكة عالية بينما الكل سكووووت خخخ بس بشكل عام .. الطابع العام كان الهدوء مع المعلمات و المعلمين .. مع بعض التنكيت طبعا و الهبل مع بنات الصف و الهدوء مع بنات شعب تانية حلوة التقسيمة صح يا وردييييه كووول هاااي نبذييييه أما ليش ما اتخصصت عربي رغم اني بحبو مممم ولا عمري فكرت اتخصص عربي بصراحة يعني هي مادة طالما انت بتحبها بتقدر تبدع فيها و مش من الضروري دراستها حتى تستمر بحبها او تكون متميز فيها .. اختياري للطب ما كان هو الوحيد كنت محتارة بكتييير شغلات زي الهندسة (على مضض بس عشان ابوي يعني) و هندسة الجينات و العلاج الطبيعي و طب الأسنان اعتقد هيك انا كفيت و وفيت .. الله يرضى علي
_______________________________
. . .  |
| عدد 8 عضو بقولولك شكرأ يا إينر على هالموضوع المرتب: | ||
|
#3
02-12-2011, 05:52 PM
|
||||
|
||||
|
اقتباس:
العفو .. جهز ولو تفضلي  ما عرفتي ما انا بنجم انتي حكيتيلي مره  اه كافي ووافي الله يرضى عنك ويرضيكي يارب يللا وين الباقي يجي يسأل ؟ ولا بدي اضل اسأل لحالي ؟ 
_______________________________
أشتاق لأن اعيش في "وطن " طالما سمعت عنه |
|
#4
02-12-2011, 05:57 PM
|
||||
|
||||
|
مفيش عندي الا سين سعال اكتر مادة حلوة درستيها بالجامعة لحتى الان ؟ واكتر مادة بتكرهيها اخدتيها طب سين سوعال برضو تنين شو اكتر شي مخوفك بالنسبة للجاي في الجامعة؟ بالنسبة لمواد سمعتي فيها ؟ اساتذة ؟ اي شي تاني انا سمعت انه انتي اصلاً عايشة بين اسرة كلها طب يعني امك وابوكي بساعدوكي في حجات مسلاً بتفهميهاش ؟
_______________________________
  لأني أحبهم ،، أحمل على كآهلي كل مآ يثقلهم فقط / ، لأني أحبهــم اللهم إمنحني شهادة في سبيلك .. ورضاء منك اللي لا يفنى   اقتباس:
|
|
#5
02-12-2011, 07:54 PM
|
||||
|
||||
|
اقتباس:
بتقلي ييييه شو كنت اكرها بسألها بالبيوكمستري .. يييه اقرف شي الكيمستري بسألها بالفارما .. بتقلي يييه الله يعينك عالفارما ههههه يا اما بتكون ناسية و بتروح بتدورلي على جواب بجبال الكتب اللي عندها قليل و الله لما اسأل امي .. يا دوب الواحد يخلص الموجود بالمقرر و ازا ما كنت فاهمة ما برجعلها لانها اولا مش كتير فاضيالي تانيا لانو مش حيكون شرحها زي شرح دكتوري بالجامعة اكيد .. منووور ابو رعد
_______________________________
. . . |
|
#6
02-12-2011, 09:52 PM
|
||||
|
||||
 حلو الموضوع والاحلى وجود عزيزتيما عندي اسئلة محددة بس خدي هالاكم سؤال اجو ع بالي  لو بعد ما تخرجتي ان شالله وصحتلك فرضة انك تسيري دكتورة بالجامعة وتدرسي بترضي وليش؟؟ الك طولة بال انك تدرسي خواتك الصغار ولا بتعصبي ؟؟>>متلي يعني هل عندك تخوفات من ممارسة مهنتك بعد ما تتخرجي ولا كيف؟؟  سنعود بعد قليل
_______________________________
.
. .   يسلمو حالة غريبة . . . |
|
#7
03-12-2011, 09:29 AM
|
||||
|
||||
|
امنوووووووورة إينر ,, و أنا بقرأ بنبذتك فكرت حالي بقرأ عن حالي بس أنا إمي مُصررررررة تخليني 99 من هااااان لتوجيهي و الجامعة حالياً ماا في أي أسئلة بس آي ول بآك ,,
_______________________________
 شووكرن مونآ |
|
#8
03-12-2011, 07:17 PM
|
||||
|
||||
|
اقتباس:
اهلا عيوني بطوط  لو تخرجت و صحتلي فرصة ادرس فترة بالجامعة اه بوافق لإنو ازا كان عندي خبرة حتكون فرصتي بالعمل بالمستشفى احسن.. بس انا طبعا حابة اشتغل كطبيبة مش مدرسة .. بس مبدئيا ممكن اه بصراحة ما الي طولة بال اني ادرس خواتي و انا اصلا مش كتير شاطرة بتوصيل المعلومة و بتفرفط روحي بسرعة  اه اكيد خايفة من العمل بالمستقبل خصوصا إنو انا هدفي الأول مش الشهادات و النجاحات على الصعيد العملي هدفي الاول هو تكوين اسرة هادية اوفرلها الأمان و اكون سعيدة و فخورة فيها .. يعني بدي الشغلتين مع بعض بس لانو صعب اجمع بينهم فأكيد وحدة حتوخد من حق التانية و هي على الاغلب الاسرة حتأثر عالعمل عشان هيك حخلي احلامي بالنسبة للعمل متواضعة و ربنا يجيب اللي فيه الخير اهلا و سهلا بطوط بتنوري بأي وقت 
_______________________________
. . . |
| شكر من هدول الأعضاء يا إينر على هالموضوع المرتب: | ||
|
#9
03-12-2011, 07:20 PM
|
||||
|
||||
|
اقتباس:
اهلييين مجود انتي بس حاولي تحافظي على معدلك العالي لانو ازا اتراخيتي و اجيتي بدك تشدي حيلك بتوجيهي حتلاقي صعوبة شدي حيلك عشان تحققي حلمك  منورة يا بطة
_______________________________
. . . |
| شكر من هدول الأعضاء يا إينر على هالموضوع المرتب: | ||
|
#10
03-12-2011, 08:01 PM
|
||||
|
||||
|
اقتباس:
اخيرا عرفنا ليش مادخلتي هندسة يا تلميزتي النجيبة حاليا ما في ببالي اسئلة محرزة بس يللا خدي هالسؤال وتسلي عليه بتحسي بالندم مرات انك دخلتي هالتخصص؟؟ ولا مرتاحة فيه؟ |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
