|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
03-12-2011, 02:04 PM
|
||||
|
||||
اسوآق غزه ,,
السلام عليكم .. .. كيفكم وشو آخبآركم ان شاء الله منآح .. .. هلاء بدي ادخل بالموضوع لاني بصراحه احيانا بنخنق منه كتير .. هلاء عنآ بقطآع غزه فيه شي مشهور وهوآ كل محآفظه بغزه فيهآ الهآ يوم بالاسبوع وهاليوم بكون سوق شامل خضار ملابس كل حاجه وبكون بشارع بنص المحآفظه وكل العآلم بتخش فيه وبتكون اسعاره رخيصه وفيه حاجات كتيره .. يعني رفح ..سوق السبت .. خآنونس سوق الاربعا .. وزي هيك .. .. طبعآ كلنآ بنعرٍف الاسواق هآدي وبنعرٍف البضاعه الي فيها .. وفيه منهآ المنيح وفيه منهآ الي مش منيح .. واسعارها مناسبه للكل ... وغالب العائلات تقريبا بتحضر فلوس لهليوم عشان تحضر لكل الاسبوع .. .. هلاء هالسوٍق .. بشمل جميع اطياف الناس .. نساء .. رجآل .. اطفال .. مراهقيين كل الاطيآف .. يعني من هب ودب بكون فيه .. طبعآ لانو سوٍق .. هلاء لو بيوم انتا رحت السوق كشخصك وكشب .. وشفت السوق .. وبعدهآ بااسبوع مسلا طلبت حكت الوآلده انها بدهآ تروح الاسبوع الجاي هالسوق .. انتا قمت ورفضت .. ليش ..؟ لان السوق فيه اشكآل حرآم تكون من البلد .. وسفله .. ردت الوآلده .. طيب بدي اجيب وبدي اجيب وبدي اجيب .. انتا قلت انا بجيبهم كلهم وخلص الحوار ..؟ لكن كل مره انتا بدك تجيب لاء طبعآ مره هيك ومره لاء علي حسب الظروف طيب اصلا ليش السوق طآلمآ فيه اشكآل سافله فيه .. هلاء الاشكآل السافله ايش هي .. بعض هالشباب الي ملهمش لازمه لا بسوق ولا بحآجه .. بتلاقيه رايح السوق لغرض تاني ...؟ زحمه وزقزقه بين بعض ومش عارف شو .. وفيه بعض النآس ما بتعرف شو تعمل وشو الحل بهيـك .. علي سبيل المسال .. صارت مشكله قبل فتره بالسوق .. بين وحده وشب .. واجت واصوات وزعيق وبالاخير شباب اخذو الشب علي الشرطه وشحطوه .. لكن هادي وحده من الف بتكون جريئه وبتشحطو هالشحطه .. والنسوآن طبقات .. هادي قصه ..؟ القصه التآنيه ..؟ انو فيه نسوآن بروحن يجهزن لبنآتهن من هالاسواق .. ما بعرف كيف بجهزن لبنآتهن العرايس من هالاسواق والرايح والجاي وابصر مين يعني بحسها مخربطه شوي .. .. القصه التآلته والي انا خجلان احكيهآ ما بعرف كيف بتصير بسوق . انو وآحد مبسط بنص السوق وبنآدي علي قمصآن نوم .. القميص بسته شيكل ..؟ والي بجنن وبصدم ..؟ منظر البسطه ..؟ نسوآن ورجآل وشبآب عم يشترو وهذا بزق بهآدي وهآدي بتزق بهديك ..؟ وهديك بتزق بهدآ بتقاتلو مين يشتري اول . علي اساس انهآ شيء عآدي .. طيب انا بنظري انهآ مش شي عآدي معقول انا عايش من طرآز زمآن واطورت الدنيا وانا مش عارف يعني راحت علي نومه وصار الاشي عآدي ..؟ ... هذا الي آجآ معآي من نظرتي وشوفتي للاشي ..؟ تعليقآتكم وحلول لهيك قصه ..؟ مع انو صعب انك تلاقي حل ما بعرٍف يمكن انا مخربط .. ويمكن الهآ حل ويمكن ملهآش .. يكون السوق للنسوآن بس .. مسلا يعني .. .. هذا الي عندي .. ودي وآحترآمي وازا يا سآندي شايفه الموضوع مخالف او فيه اي شي مخآلف شيليه ..
_______________________________
> <  
|
| عدد 14 عضو بقولولك شكرأ يا طبعي الوفا على هالموضوع المرتب: | ||
|
#2
04-12-2011, 01:16 AM
|
|||
|
|||
|
طبعي الوفا
. الاسواق العشوائية من ضمن شغلات كتيرة بغزة بدها اصلاح والي الكل مطنشها ومش معطيها انتباه اولا لانها نوع من المشاريع الي ممكن وصفها طويلة الامد بايجاد الحل ولو انوجد بردو ما فيه سرعة بالتطبيق وهاد حال مشاريعنا بغزة ثانيا للتكاليف الي بدها تكلف الحكومة او البلدية لانشاء سوق منظم او مول مخصص لكل شي من هالاشياء يعني اذا مول كتير على هالشي يعملو مجمع او مركز مصغر لكل شي وبسؤال وتعليقك انه الحل صعب الحل متل ما حكيت مش صعب موجود بس التنفيد والقرار باخد الحل هو احيانا بكون بطيء وماشي شوية شوية
_______________________________
|
|
#3
04-12-2011, 02:37 AM
|
||||
|
||||
|
وعليكم السلام ورحمة الله وبركاته والله موضوع مميز يا طبعي الوفا المشكلة انو بيكون السوق ارخيص وبضاعته ع قد ايد ناس كتير بوقت الوضع المادي بغزة مش ولابد طبعا مفروض يكون في شرطة كتير بكل مكان بالسوق عشان يمسكو هالشباب يعطوهم علقة بنص السوق ويمسحو بكرامتهم ارض السوق كله عشان الكلاب الباقية تخاف مش يشحطوهم عالشرطة لا العذاب يكون مباشر في السوق .. بقلك المثل اضرب المربوط يخاف السايب  بالنسبة للبس الي بالشوارع ياعمي طبعي الوفا مالمحلات مش تاركة اشي يازلمة تعال شوف بمصر مش قمصان نوم بس عادي مش لازم الشب يوقف يشتري يعني ويزاحم بالنسوان بس برضو يعني ما بتقدر تقول لكل الناس اعملو هيك وهيك الحل الاخير انو ما تخلي بنت او ست تروح لحالها السوق يعني يكون معهم رجال لانو ان ماكان عشان التحرشات عشان السرقات بس صراحة انا مابحبذ الاسواق اللي زي هيك اصلا بس في ناس مستواها المادي مابسمح ما حقدر اقول مابصير الله اعلم باحوال الناس والله يعين الكل يعطيك الف عافية يا اخ طبعي الوفا ع الطرح المميز
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
| شكر من هدول الأعضاء يا دكتور بيحلم على هالموضوع المرتب: | ||
|
#4
04-12-2011, 02:49 AM
|
|||
|
|||
|
الله المستعان ومش رح ازيد عن احاديث الرسول عليه الصلاة والسلام الي نبىء فيها باحوال الناس هادي ونهى عن كثرة زيارة الاسواق ( زي المجمعات التجارية والمولات ..الخ) هادي مجموعة احاديث اقتبستها من موقع اسلام ويب عن الموضوع اقتباس:
_______________________________
سبحانك اللهم وبحمدك لا اله الا انت استغفرك واتوب اليك 
|
| عدد 2 عضو بقولولك شكرأ يا رمــ RAMZY ــزي على هالموضوع المرتب: | ||
|
#5
04-12-2011, 03:12 AM
|
|||
|
|||
|
اضافة برضو للشيخ محمد صالح العثيمين سؤال : ما حكم ذهاب المرأة إلى السوق إذا كانت متحجبة ومتسترة كاملاً؟ وبماذا تنصحون النساء اللاتي يكثرن الذهاب إلى الأسواق؟ الجواب على هاد الرابط الصوتي: ط°ظ‡ط§ط¨ ط§ظ„ظ…ط±ط£ط© ط¥ظ„ظ‰ ط§ظ„ط³ظˆظ‚ ط¥ط°ط§ ظƒط§ظ†طھ ظ…طھط*ط¬ط¨ط© - ظ…ط*ظ…ط¯ ط¨ظ† طµط§ظ„ط* ط§ظ„ط¹ط«ظٹظ…ظٹظ† | ط·ط±ظٹظ‚ ط§ظ„ط¥ط³ظ„ط§ظ… طبعا الي مش محجبة ولا متسترة ورايحة بس تقيس الطرقات وتتمختر وتستعرض جمالها وتتساير فالمطاعم والكافتريات ما تتعب حالها وتسمع من اساسه
_______________________________
سبحانك اللهم وبحمدك لا اله الا انت استغفرك واتوب اليك
|
| عدد 3 عضو بقولولك شكرأ يا رمــ RAMZY ــزي على هالموضوع المرتب: | ||
|
#6
04-12-2011, 03:42 AM
|
||||
|
||||
|
الحل بسيط ياوفا تخصيص مجموعة محلات لبيع المستلزمات النسائية داخل المجمعات والأسواق المغلقة والباعة من النساء مع تأمين رجل أمن مدني خارج البوابات وتوفير عناصر أمن نسائية داخل المجمع بلباس رسمي أو مدني ببطاقات وخلافه من مقتضيات هي حل والحل الآخر مع غياب الوازع الديني وفقدان الإحترام للذات وعدم مراعاة شعور الآخرين لإحتياجتهم وصدور أفعال غير مسؤله من قبل بعض المستهترين هو توفير عناصر من التحريات بالعصاة أسوة بهيئة الأمر بالمعروف بس المشكله تكمن إنو ممكن يكون الشب ببيع بمحل أبوه والمحل ملابس نسائية ومجمع أصحابو يتسلّو عل رايح ول جاي تيجي تحكيلو خصص موظفة تبيع براتب ولا غيّر نشاط المحل ؟؟!! صعبة بصراحة عنّا حالياً مثل الحل الأول أعلاه والموظفات من كل الجنسيات ,,,,,,,,, الشغله لازمها تنظيم هيكلي شامل متكامل في ضّل هيك وضع ربنا يكون بالعون صراحة أفضل حّل تحّين الفرص الغير مزحومة للتبضع وقضاء الحاجات وربنا يجمّل الأحوال ,,* دمتم بحفظ الله وإلي صلاة الفجر ......*
_______________________________
من مواضيع القعدة,,*
إضغط,,   
|
| عدد 2 عضو بقولولك شكرأ يا wadod على هالموضوع المرتب: | ||
|
#7
04-12-2011, 04:40 AM
|
||||||
|
||||||
|
اقتباس:
بالرغمـــــــــ من الناادر اني افوتـــــــــــ قسمــــــــــ الشخر و ارد علي موضوع ,. لكن موضوعكــــــ جذبني بصرااحة و رح ارد عليهـــــــــــ ,. العنواان جذاابـــــــــــ ,. بيدخل في صلبــــــــــ الحيااة الاجتمااعية و الانساانية في قطعة جغراافية معينة ,. علي سطح كوكبــــــــ في اطراافـــــــــــ المجرة يدعي غزة ,. و بصفتي مهتمـــــــــ في درااسة التطور البشري و الاقتصاادي و الحيااتي ,. لدينااميكية الحرااكـــــــ السيااسي لسكاان الكوااكبـــــــــ الغير مأهولة بالسكاان ,. رح اعلق و يااربــــــــــ يكون تعليقي لطيفـــــــــ في درجااتـــــــــ الحراارة المرتفعة ,. في هذا الفصل من العاامـــــــــــــ ,. .,’ السوق بابسط تعاريفهــــــــــ : موضع ( مكاان ) بيع و شرااء البضاائع و المنتجااتــــــــــــ ,. من الطبيعي تواجد اسوااق او نقااط بيع لكل محاافظة او منطقة ,. لكن ,. وجود سوق في منتصفــــــــــ شاارع حيوي ظااهرة صحية تمااما ,.  ينتج عنهاا : اختنااق مروري و خااصة في اوقااتــــــــــــ الذروة و تعطل حركة السير ,. خلق فرص عمل لعماال البلديااتـــــــــ مع استدعااء جنود الاحتيااط من كوادر البطالة ,. و القوي العاملة ,. الضجيج و التهليل و التكبير و ازعااج اهل المنطقة و المنااطق المجااورة ,. دعمــــــــــ المسيرة التعليمية بحال توااجد مدرسة بالقربــــــــــ من الاسوااق ,.. رااحة المرضي اذا كاان بالقربـــــــــ من مستشفيااتــــــــــــ ,. توفير جو منااسبــــــــــ للشلط و الهمل و الزعراان في فنون الدشاارة و خدش الحيااء العاامــــــــ ,. خلق فرص عمل لدوريااتـــــــــ الامن و رجال المبااحثــــــــــــــ ,. و من جاانبــــــــــــ اخر : احدااثـــــــــــ حالة من الشلل لمزاولي الحرفة المعتمدين و اصحاابـــــــــــ المحال التجاارية الاخري ,. و ممكن تصاادفــــــــــ صااحبـــــــــ محل بيستورد المنتج من السوق قبل حضرتكـــــــــ ,. بالاسلوبــــــــــ التسويقي ( علي عينكـــــــ ياا مستهلكــــــــــ ) ,. و بالمنااسبة هذا التصرفـــــــــــ لضماان الوضوح و الشفافية ,.  و في تصريح من الاخ : ابو شحدة ( شهبندر التجاار ) ووزير الصرفـــــــــ الصحي ل 40 سنة ع التوازي ,. ان في اختلافــــــــــــ التجاار رحمة للمستهلكـــــــــــ ,.  و ع الربابة ياا نعيمة ,. اقتباس:
 بتذكر بسنة من السنوااتـــــــــــ الساابقة نزلتــــــــــ مجموعة من السيور الجلد أو الاحزمة الاسوااق ,. و هاي شكلهاا للي ماا بعرفـــــــــــ لغااتــــــــــــــــ ,.  اكتشفوا بعد فترة انواا هااي الاحزمة فيهاا قطعة ممغنطة بتسببـــــــــــ العقمــــــــــــــ ,. بضااعة الدلال او البالة ( استعن باحد الاخوة الغزازوة او الاردنين ) ,. اذا كاان كنتــــــــــ بردوا ماا بتعرفــــــــ لغااتــــــــــ ,. ماا بعرفــــــــــ كيفــــــــــ بيجي للواحد نفس يلبسهااا ,. ( تقلي الحااجة أو الجودة او الخ ,. من المبرراتـــــــ يلي بتندرج تحتــــــــــ بند عذر اقبح من ذنبـــــــ ) اي بشرفي بطلع من البيتـــــــــــ بلبوص كماا خلقتني ياا ربــــــــــــ و لا بلبسهاا ,. و اهل الخبرة بالعناية المركزة بيفيدوكمــــــــــــ عن الاضرار الصحية لألهاا ,. سوااء للراجل او الانثي ,.  هلقيتـــــــــــ بدي غلبـــــــــ حضرتكــــــــ تفضل و جااوبـــــــــــ علي هااي الاسئلة : كمستهلكـــــــــــ : بدي ضمانااتـــــــــــــ علي مدي السلامة الصحية لتلكـــــــــ المنتجااتـــــــــــــ ,. مدي مطابقة تلكــــــــــ المنتجااتـــــــــــ للمواصفااتـــــــــــ و المعااير للمنتجااتــــــــــــ ,. و اسمــــــــ الجهة او الهيئة يلي كفلتــــــــــ ذلكـــــــــــ ,. كصااحبــــــــــ قرار او مهتمـــــــــ في اي حااجة بأي حتة : مين الشخص او الجهة المخولة يلي وضعتـــــــــــــ الاسعاار ؟ و اثر ذلكــــــــ علي المنتج او اصحاابــــــــــ المحال التجاارية ؟ من نااحية عدالة او نااحية اخلاقية : بدي ايااكــــــــــ تتعبــــــــــ نفسكـــــــــ و تتوجهــــــــ لأي صااحبــــــــــ حرفة او مزاول مهنة ,. و تتعرفــــــــــــ منهــــــــ علي ايجاار المحل و رسومــــــ مزااولة المهنة و الخ .. من البيانااتـــــــــ ,. و التكااليفـــــــــ يلي بتكبدهاا الفرد يلي بتلكــــــــ الاسوااق ,. و ماا رح اعلق بدي شوفــــــــــ شو يطلع معكـــــــــــــ ,. اعتبره Home work ,.  اقتباس:
بعيد عن المثاالية و الفلسفة : من الطبيعي توااجد اطفال رجال نسااء شيوخ و كل فئااتــــــــــ المجتمع بالسوق ,. المشغول و الفاضي - المنيح و العااطل ,. ياا عزيزي انتاا بتطاالبـــــــــــ بتغير ثقاافة مجتمع و طريقة تفكيره ,. و المسؤلية بتقع علي عااتق الجميع من نواة المجتمع لقمة الهرمــــــــــ ,. ( الاسرة - السلطة )  اقتباس:
 اقتباس:
 افتح علي اي قنااة محترمة علي القمر نايل سااتــــــــــــــ ,. حط علي فلمـــــــــــ عربي ماا عمركـــــــــ لقيتـــــــــــ اي بنتــــــــــ لابسة فميص نومــــــــــــــ ,. حط علي اي فلمــــــــــ علي قنااة إكشن ماا شفتـــــــــــ ولا وحدة طالعة من المسبح بالبكيني مثلا ,. او بترتدي ملابس سبااحة بفعل الميااه بتصفــــــــــ ادق تفاصيلهاا ,. عمركــــــــ انطسيتـــــــــــ بمخكــــــــ و نزلتـــــــــــ مخيمــــــــــ او حواري ,. و شفتـــــــــــ الاطفال كيفـــــــــــ بتتكلمــــــــــــ ,. ياا رااجل اطفالنا صاروا خبرة و بفهموا اكتر من الكباار ,. انتاا قول بس ياا ربــــــــــــــــ ,. اماا بالنسبة لمنظر البسطة يلي ازعجكـــــــ : في رجال بتشتري جميع مستلزمااتـــــــــــ زوجاتهاا من الدبوس للكندرة اللهــــــــ يعزكــــــــــ ,. او العكس بيحدثـــــــــــــ و هااي بوجهة نظري المتواضعة ماا فيهاا مشكلة ,. اما السلوكـــــــــ يلي حكيتـــــــــــ عنهــــــــــــ فابسط مسمي ليهـــــــــ : فوضوي و هذه ظاهرة سائدة بالمجتمعااتــــــــ العربية ,.  .,’ ياا عزيزي اعذرني علي التعبير : الاجاانبــــــــــ لماا بدهمـــــــ يعرضوا فلمـــــــ جنسي بحطوا علامة +18 ,. لتحذير اهالي الاطفال و همـــــــ اهل العري و الابااحية ,. ماا سبق علي ذمة شيخ فااضل قدس اللهـــــــ سره ,. فالاولي باهل الاخلاق الفاضلة : يتمـــــــ عرض هيكــــــ مستلزمااتــــــــــ بالمحال التجارية و اللي بيرغبـــــــــ بالشرااء بيشتريهاا ع السكتــــــــــ ,. لكن بحال الطفل ال - 14 بعرفـــــــ تفاصيل ماا كاان يتداولهـــــــ السلفـــــــــ الصالح في دورااتـــــــ الميااه في سن المرااهقة المتأخرة 26 سنة ,. ماا تعتبــــــــــ ع البيااع في سوق المناافسة التاامة ,. في وضع سوق = سلطة ,. اقتباس:
و برجع و بذكركــــــ بالمثل : لكل دااء دوااء يستطاابـــــــــــ بهـــــــــ الا الحمااقة ,. اعيتـــــــــــ من يداويهاا ,. سوري ع الاطاالة ,. كاان معكمـــــــــــ شكيمة من برناامج صرخة ,. 
_______________________________
....  في اعمااق كل واحد منا نزفــــــ ذااكرة و مأسااة وطن ..
|
| عدد 4 عضو بقولولك شكرأ يا قوي الشكيمة على هالموضوع المرتب: | ||
|
#8
04-12-2011, 11:58 AM
|
||||
|
||||
|
عن جد هاد الاسواق بنحبش نشتري منهم لهيك سبب .. الحمد لله بالنسبة للخضرا والحجات هادي بجو لعند بيتنا وبنشتري منهم بالنسبة للاواعي .. فيه محلات وبنشتري منهم اغراض تانية فيه سوبرماركت ومحلات كتير يعني ما بنحتاج للسوق عشان نشتري منه وبعدين ازا كنا بدنا اشي وموجود بهالسوق يا بنخلي ستي يا بنخلي خالتي لانهم كبار بالعمر وبعرفوا يتعاملوا بالاسواق .. منور
_______________________________
  لأني أحبهم ،، أحمل على كآهلي كل مآ يثقلهم فقط / ، لأني أحبهــم اللهم إمنحني شهادة في سبيلك .. ورضاء منك اللي لا يفنى   اقتباس:
|
|
#9
04-12-2011, 12:56 PM
|
||||
|
||||
|
يا عيني عالسوق الي عاملينه بشارع الجامعة الاسلامية والله في بسطات بتخزي من غير مفصل اكتر والي بيغيظك اكتر بيقعدو ينادو عالبنات , تعالو يا بنات شوفو يا بنات ايش نشوف وايش ننيل , أي والله الوحدة بتخجل تتطلع مجرد نظرة لهالشغلات وهادا كلو قدام بنات الجامعة والشارع العمومي المليان زحمة سيارات وباصات نقل وطلاب جامعات والمحلات والي رايح والي جاي والي بينادي والي بيزعق طول وقت المحاضرات يعني دوشة الها اول ما الها اخر ويمكن من اكتر الشوارع المزدحمة بوقت النهار هوا هادا الشارع كلنا بنعرف انه رزقة الناس واكل عيشها من ورا بسطة بيسترزق منها وبيروح عبيته ما اختلفنا , بس يكون بمكان محدد بعيد عن اماكن الدراسة لانه الاشي بيعيق كتير عالماره بالشارع والي بيدرسو وعليهم محاضرات ومش ع قد بسطة ولا بسطتين , الشارع صاير سوق بمعنى الكلمة مش ضايل اشي الا وموجود بهالشارع وكلو هادا بيأثر عالطالب وتركيزه فجأه تكون قاعد مندمج بالمحاضرة , لا تلاقي صوت باص او شحن طووووووووووووط يخرق طبلة ودنك من الشارع والي بيقعد ينادي بمايك يلا يا بصل يلا يا بندورة  وين انت يا عم شايف حالك بشوق فراس ولا سوق الجمعة  الموضوع كبير كتير ومهم كتير اخ طبعي قد منحكي بنخلص لانه كل البلد صارت فوضى بفوضى يعطيك العافية
_______________________________
.. •• ••
|
| عدد 3 عضو بقولولك شكرأ يا soose على هالموضوع المرتب: | ||
|
#10
04-12-2011, 02:38 PM
|
||||
|
||||
|
اقتباس:
طبع زي النيلة عمرهم ما ببطلوه والحق مش عليه الحق عللي بتشتري من عندو انا بستغرب كيف الولية بتجيها الجرأة تشتري ملابس داخلية من رجال م في نسوان ومحلات خاصة للشغلات هادي ما تقولو كلو رجال ببيعو هيك شي قلة ادب وشغلة بتنرفز بطلو يعرفن العيب  انا ركزت عالنقطة هادي لانها فالجاني نصين وبعدين اغلب البياعين ما بستحيو في طريقة البيع نوَر 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
