|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
03-12-2011, 04:38 PM
|
||||
|
||||
╯╭ .. فت عدس .. ╯╭
كيف حالكم ؟ اليوم مرحتش شغلي وبما إن الجو بارد جدا ً قررت أعمل فت عدس بدنا كبشتين عدس منضف ومغسول ومنقوع + بصلتين زغار مفرومين فرما ً متوسطا ً + مكعب مرقة ماجي  . . بنجيب طنجرة تتحمل النار وبنحط فيها نتفة زيت نباتي ونتركها تسخن شوية وبنحط البصل  . . وبعدين بنحط مكعب المرقة  ولما يدبل البصل وياخد نكهة مكونات مكعب المرقة بنحط العدس  . . وبنحرك علشان يختلط العدس بالمكونات كلها  . . بنحضر معلقة زغيرة كمون + تلت ترباع معلقة ملح + نص معلقة زغيرة فلفل أسود  . . بنحطهم على العدس  . . ونحرك  . . وبنكون حاطين في الهيتر مية حوالي 5 كاسات كبار أول ما تغلي بنضيفها فوق العدس  . . وبنغطيه ونتركه يغلي بدو تقريبا ً نص ساعة بيكون استوى هنا لما دقته أشوف لو بدو ملح مثلا ً  . . وهنا استوى تماما ً  . . وبنكون محضرين حبشتكنات الزينة والذي منو بصل أخضر + لمون شرايح ونص لمونة + كبشة بقدونس مفروم + كبشة زتون وطبعا ً كمون و سماق  . . بنجيب كل بقايا الخبز اللي عنا وكل الخبز اللي من اليوم اللي قبل لأنه هادا اللي بينفع مع الفت مش خبز جديد لأنه بيعجن وبنفتته زي هيك  . . ونجيب العدس نسكبه فوق الخبز وهو سخن بيغلي غليان  . . وبنعصر فوقه نص اللمونة وبنحرك  . . وبنحضر صحن التقديم  . . وبنحط الفت فيه  . . ونزينه بهاي الطريقة  . . وهادا مكاني واحنا بنتغدى  . . إن شاء الله الطريقة تعجبكم بعرف فيه ناس بيحطوا العدس في الخلاط لكني ما بحب أعمل هيك بحب أدوق طعم الحبات الدايبة فيه مش يكون شي سائل ملوش نكهة وبس 
|
| عدد 23 عضو بقولولك شكرأ يا السندريلا على هالموضوع المرتب: | ||
|
#2
03-12-2011, 04:41 PM
|
||||
|
||||
العدس بالشتا غير ..~ بدفي  اشي مرتب وزاااكي ابعتيلك صحن  يعطيكي العافية ساندي 
_______________________________
كاْن شيئا ً لم يكن .. وكاْن شيئاً لم يكن .. جرح طفيف في ذراع الحاضر العبثي والتاريخ يسخر من ضحاياه ومن ابطاله ... يلقي عليهم نظرة ويمر .. ..محمود درويش..
|
|
#3
03-12-2011, 04:46 PM
|
||||
|
||||
|
اليوم طبيخنا فتتتتتتتتتتتتتتتتتتتتة عدس بس انا حطيت صحن شوربة واشربتو من دون فتة هههه بس رح اقوم اصلي المغرب وااااااااعمل فتة وااااااااااااااااااااااكل اكلاااااا جماااااااا لانو من الصبح على صحن هالشوربة يسلم ايديكي بجد ياقمر شكلها بيفتح النفس
_______________________________
|
|
#4
03-12-2011, 04:55 PM
|
||||
|
||||
|
ما شاء الله ما الز المنزر طالع صحتين وهناا عقلب كل حدا اكل منهاا  احناا هاي الاكلة بننساهاا.. انو بننسا نعملهاا فبتمر سنة كاملة مرات بدون ما نعملها هداك اليوم اخوي الوسطاني كان نفسو فيهاا وطلب من ماما تعملها وماما يومهاا كانت مقررة بيتزا .. راحت كنسلت البيتزا وعملت الفتة بدالهاا  حكم علينا  كتيير حبيت المنزر النهائي ياللي طالع معك ..وططريقتكم نفس طريقتنا  واناا من اهم الطقوس باكل هالاكلة انو اكل صحن شوربة عدس بغلي غلي قبل ما اكلها يسلم هالايادي سنسن ..ومليون صحة وهنا يا قلبي
_______________________________
لا الـه الا الله .. محمدا رسول الله ~~~  Don't Frown ~~ You Never know who will be falling in LOVE with your smile !!
|
|
#5
03-12-2011, 05:35 PM
|
||||
|
||||
.هاد احلى ما بالمووووضوع يسلموووو يا عسل وألف صحة وهنا على قلوبكوووو
_______________________________
 قال الله تعالى : ( كُلُّ نَفْسٍ بِمَا كَسَبَتْ رَهِينَةٌ )  ولو أبصر المرء عيوب نفسه ,,, لإنشغل بها عن عيوب الناس المرء ان كان عاقلا ورعاً ... أشغله عن عيوب غيره ورعــه كما العليل السقيم أشغله عن وجع الناس وجعه
|
|
#6
03-12-2011, 05:37 PM
|
||||
|
||||
|
حاسة حالي كتير صايرة أفوت قسم الطبخ هالفترة لزيز العدس .. أنا بحب أشربو شوربة وأكتر عليه ليمون .. من غير ما أفت فيه خبز وطبعاً بالإضافة للحبشتكنات اللي قلتيها .. بحب آكل معو جرجير .. يم يم بيشهييي عنجد هاي الأكلة لزيزة خصوصاً بالشتا والبـــرد يعطيكي العافية سن سن وصحتين ع قلبك وع قلب اللي أكلو منها
_______________________________
 _ _ _  مع pinky & فوشيا & whity لــــــون حيــــ ,,,,,,,,,,ـــــاتــــك _ _ _ 
|
|
#7
03-12-2011, 05:39 PM
|
||||
|
||||
|
يا عيني عالعدس .. صدقيني بسوى عندي خروف مشوي :$
جربوا حطوا معو جزر و بطاطا و قرع و اضربوه بالخلاط و شوفوا كيف بطلع ههه حاسة الريحة واصلة لعندي يا سانديييي صحتين و عافية يا رب
_______________________________
. . . 
|
|
#8
03-12-2011, 05:46 PM
|
||||
|
||||
|
الله الله الله شو هالاكلاتت يا ساندي رحم الله بطني صراحة اشي من الاخر الاخر يعني وهالشتويات وهالفتات اخخخ تسلم ايديكِ يارب والف صحة الكم تحياتي
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
|
#9
03-12-2011, 05:46 PM
|
||||
|
||||
|
اقتباس:
هو بيدفي وبس بيدفي ومفيد ومغذي و .. لزيز كمان ههههههههه الله يعافيكي أميرة نورتي
|
|
#10
03-12-2011, 05:49 PM
|
||||
|
||||
|
لااااااء يا ساندي الريحة العدس فاحت بمناخيري وشعللت فيا < زي الصحيح يلا بدي صحن عدس بدون فت انا باكلو بخبز او بالمعلقة واللمون والزتون والبصل الاخضر ياااه ما ازكى هالاكلة ساندي اشفقي عليا انا بطلت استوعب ياعمي العدس بحبو انا خصوصا مع هالجو بيعمل عمايل بطعمو ريته صحتين وعافية يارب ويسلمولنا هالايدين
_______________________________
.. •• ••
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
