|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
05-12-2011, 04:59 AM
|
|||
|
|||
** أبيض X أسود **
السلام عليكم احترامي للجميع ويعطيكم الف عافية في موضوع مهم حاب اشوف راي الناس فيه وبمس شريحة كبيرة من مجتمعنا الفلسطيني بشقيه الفلسطينيين في الداخل والخارج اكيد كل انسان بيتمنى حياة افضل وعيشة كريمة اله ولاهله والناس الي بحبهم لكن الظروف والزمن الي احنا فيهم مرات بتحتم على الشخص يختار شيء على حساب شيء لما يكون في مفترق طرق بين رفاهية الحياة وكرامته كانسان ورح استعرض الموضوع من زاويتين الزاوية الاولى نسبة مش بسيطةمن الشباب الفلسطيني من داخل غزة حسب ما بسمع وبشوف او عن طريق اصحابي الي بتواصل معاهم حاب فكرة السفر للخارج والهجرة الدائمة بحثا عن رفاهية الحياة ورغد العيش المفقود عند غالبية الفلسطينيين داخل فلسطين ومن مبرراتهم واقوالهم الي بسمعها " هو احنا ملناش نفس نعيش زي البني آدمين " على اساس الي عايشين برا كلهم فوق ريح ومبسوطين 24 قراط " اشتغل زبال بس اطلع من هالبلد " على اساس الوظايف على قفا مين يشيل بس مشان الله تعال " بعيش برا وبستقر ماديا زي فلان وببقى ارجع كزيارات متفاوتة بس المهم اسافر" على اساس كل فلان عايش برا ملوش نفس يرجع اليوم قبل بكرا ويستقر فبلده واكيد حضراتكم الي من الداخل بتشوفو وبتسمعو وجهات النظر الشبيهة زي هادي الزاوية التانية فلسطنيو الخارج سواء الخليج الاردن سوريا لبنان اوروبا امريكا منهم الي قضى حياته وعمره كله برا وبنى اجيال هناك ومنهم الي مقطوع الصلة تماما بالوطن الام ومابعرف عن بلده الا اسمها والكثير منهم عاشقين لترابها وبتمنو الرجوع الها .. الخ من هادي الظروف المحيطة بحياتهم من بعض الاقوال والمبررات من برضو شريحة مش بسيطة منهم بخصوص الرجوع للوطن " انا بحب بلدي بس مابحب اعيش فقير " على اساس الفقير مسبة وعيبة وحرام يعيش والرسول عليه الصلاة والسلام ما اتمنى ينحشر في زمرتهم " انت يعني شايف الاوضاع مساعدة كثير نرجع ونستقر غاد " قال يعني لو فتح وحماس سمن على عسل وفش انقسام والامور فلة شمعة منورة كان لقيته اول واحد واقف عالمعبر " لما ربنا يفرجها بنرجع ( يعني بس يزغرد ابو الهول بفكر ارجع )" وهادي كلمة بتنقال عشان يرضى الي قدامه ويرضي نفسه ويقلو انسى بس بالعقل " اهلي كلهم هان ومابنعرف حد فالداخل فهيني عايش ومرتاح " كلمة حق يراد بها باطل وهو نفسه عارف انو حتى لو كل اهله داخل فلسطين برضو هيقول هيك ======== انسو كل الكلام هاد وجاوبو على هالسؤال بصدق وبضمير ومن غير مثاليات او اجحاف مستعد تعيش رفاهيتك على حساب كرامتك؟ بديش حد يقلي الاتنين لانه الواقع والظروف حاليا رح تكزبه او ازا هو عنده الاثنين هاد استثناء لا يجيني ويعممه على غالبية الناس  يا ابيض يا اسود ..
_______________________________
سبحانك اللهم وبحمدك لا اله الا انت استغفرك واتوب اليك  |
| عدد 13 عضو بقولولك شكرأ يا رمــ RAMZY ــزي على هالموضوع المرتب: | ||
|
#2
05-12-2011, 11:16 AM
|
||||
|
||||
كلامك مزبوط يا دكتور رمزي وكتير بسمع هيك كلام من كتير ناس بالنسبة اللي يعني هيني متخرج دبلوم وقاعد ولكن انا برضو عارف انو وضع البلد الحين مش شسمو يعني البطالة كتيرة .. بس برضو بحطش ببالي اني اسافر برا واعيش عيشة ملوك .. لانه عارف كيف عيشة المتغربين .. وكيف بحنوا للرمل تاع بلدهم .. وبعدين غير هيك لو بدي اسافر { هاد لو } ما بسافر لانه برضو اهلي ضد السفر للخارج منعوا اخوي يسافر لانه عارفين كيف الغربة وبعدين انا صحيح مرات بزهق وبمل من هالوضع و انه مفيش شغل والواحد ملهوش الا شغلانة .. سواق الفرشة .. بس برضو هينا صابرين وبنحاول ندور هان وهان .. لما تجيلنا الشغلة ( واصبر وما صبرك إلا بالله ولا تحزن ( 127 ) وهينا الحمد لله عايشين عيشة الحمد لله اهلي مبسطينني وتمام التمام فليش استغل رفاهيتي على حساب كرامتي ؟ يعطيك العافية ..
_______________________________
  لأني أحبهم ،، أحمل على كآهلي كل مآ يثقلهم فقط / ، لأني أحبهــم اللهم إمنحني شهادة في سبيلك .. ورضاء منك اللي لا يفنى   اقتباس:
|
| عدد 2 عضو بقولولك شكرأ يا الإ مبراطور على هالموضوع المرتب: | ||
|
#3
05-12-2011, 12:10 PM
|
||||
|
||||
|
هو بس لو الناس هنا تطلع حواليها منيح تشوف حال الصومال مثلا ً الحمد لله إحنا أحسن من غيرنا بكتير والصعوبات اللي بنلاقيها في حياتنا غيرنا كمان بيلاقيها بس كل ٍحسب أماكن تواجده وين ما كان في قيود على الحياة وعلى رفاهية الانسان  بس على فكرة في ناس مهاجرين من دول تانية مفيهاش احتلال ولا حصار وبردو بيحكوا العبارات اللي انت بتحكيها هاي لما ربنا يفرجها ومش عارف شو بيكونوا تعودوا على نمط الحياة برة وبالنسبة إلهم مش مستعدين يغامروا بالعودة وبناء حياة جديدة والتأقلم من جديد مع المجتمع خاصة لو كانت جذورهم ضاربة في المجتمع اللي هم فيه حاليا ً جوابا ً على سؤالك أنا مش مستعدة أضحي بكرامتي لأجل أي شي وهو الإنسان شو بدون كرامته ؟! هل بيضل إلو وجود ؟ ولا بيضل معنى لحياته في أي مجتمع كان ؟! غزة زيها زي أي بلد في العالم فيها مساوئ وسلبيات لكن فيها محاسن وما حدا بيقدر ينكر وأنا نفسي كل اللي بدهم يسافروا يسافروا فعلا ً ويتغربوا ويتعذبوا ويعرفوا قيمة اللي تركوه وراهم  على قولة اللي بيقولوها اللي مضيع ذهب في سوق الذهب يلقاه .. لكن اللي مضيع وطن وين الوطن يلقاه  منور الشخر دكتور رمزي |
| عدد 4 عضو بقولولك شكرأ يا السندريلا على هالموضوع المرتب: | ||
|
#4
05-12-2011, 02:44 PM
|
||||
|
||||
|
هلا ياخو يعطيك العافيه يا رب اسمع خد مني هالرد الي رح يطلع مني بقلب ورب زي ما بقولو انا زمان كنت اقول بلادي وانو بلادك يا ولد احسن من بلاد الغريب وانو بلادك عيش مذلول فيها ولا تعيش عزيز في بلاد غيرها وكنت اقول بلادك يا ولد فيها قرايبك وفيها ناسك وفيها اهلك احسنلك مليون مرة من بلاد الخارج اسمع الحكي الدغري بدون لف ودوران يلعن ابوها من بلد معلش على هالكلمة بس من كل المواقف الي صارت معي وبتصير معي انا عنجد كرهت البلد كرهتها مو بس مشان العيشة بتقرف وبس لاء كرهتها لاسبااااب كتييييييييييييييييير يعني ما بدي اقعد اعدلك انا بقولها ومسؤول عنها لو القى واحد يشتري حصتي من غزة ويسفرني برا لغير ابيعو اياها واسافر يا راجل انا عن نفسي زهقت وقرفت من الشعارات ومن كلمة هاي بلادك وهاي مش عارف شو بجد انا بحكي من جد لانو الي عشتو انا انت ما عشتو مشان هيك يمكن ما رح تحس بالحكي الي بحكيه بس مصيرك ياخو تيجي على غزة وتشوف غزة الي بتحكي عنها وتشوف لوين وصل الحال فيها بسيطة مش مشكلة الي ايدو بالمي مش متل الي ايدو بالنار
_______________________________
" قلب مخلوق من الصخر ".  ...  .. . تم بحمد الله : قصص جميع الأنبياء مع صور من حياتهم هنــــا .  |
| عدد 3 عضو بقولولك شكرأ يا الوحـــ فلسطين ـــش على هالموضوع المرتب: | ||
|
#5
05-12-2011, 04:04 PM
|
||||
|
||||
|
غزة فيها شغلات حلوة واجتماعيات والخ الخ .. بس اوسخ شي بغزة انو ما في حد بيحترم القانون والنظام .. يعني الواحد بيضل عايش وهو خايف على حالو وعلى عائلته .. كمان ما في حد بيحترم المؤهلات .. عندك واسطة بتشتغل .. ما عندك ما بتشتغل .. في حين انو العالم بره (بقصد في البلدان اللي بتحترم نفسها) ما عندها هالشي ..
في نفس الوقت بره الحياة مش سهلة .. يعني الحياة كلها مغريات .. واللي ملوش بنمط الحياة تبعهم ما بيقدر ينسجم ويعيش حياتوا .. الحكي يطول يا سيدي بموضوعك .. الله يهدي بال الجميع ..
_______________________________
 I only give negative feedback |
|
#6
05-12-2011, 06:14 PM
|
||||
|
||||
|
والله الواحد قد ميلف وقد ميتغرب زي بلده مابيلاقي والله لو بيقعد تحت قشّة احسن بمليون من برا بلده وغربته الناس الي بتقول بدي اطلع من البلد بتروح بتطلع وبيقعدو فترة قد ميقعدو برا بعدين بيحسو بمعنى الوطن حتى لو كانت البلد المعيشة فيها صعبة , والوضع مش مساعد بس بتضل بلدك هيا الوحيدة الي بتحضنك لو كل العالم بتكون ضدك الوطن معناه كبير كتير وقد منحكي ما بيوفي كل الكلام يعطيك العافية يا دكتور
_______________________________
.. •• ••
|
| شكر من هدول الأعضاء يا soose على هالموضوع المرتب: | ||
|
#7
06-12-2011, 12:47 PM
|
||||
|
||||
|
اقتباس:
حاسة إنك يبو خليل متأثر بموقف شخصي معين هو اللي خلاك ترد هيك رد ولو تحسنت ظروفك الخاصة في هالبلد رح ترجع ترد رد مختلف تماما ً وتندم على كل كلمة حكيتها هنا عندي يقين إنه كل حدا بيهين بلده بكلمة بيكون مش من قلبه بجد لأنه الوطن زي الوالدين ملناش والدين غيرهم ولا لأ ؟ لا إحنا اخترناهم ولا هم بس بيضل إلهم كل الاحترام والطاعة والرضا والحب حضرت مسلسل عباس الأبيض في اليوم الأسود ؟ حكوا فيه مثال إنه الأهل والأب بالذات بيكون كابس على ارواح اولادو زي طنجرة الضغط صح بتكون مفرفطة روحهم منه لكن بالآخر بيطلعوا مستويين وما عليهم كلام اللي بيصير في بلدنا مفروض يحببنا فيها أكتر ويخلينا نتحفز أكتر نحسن كل اللي مش عاجبنا فيها وإلا مش بنكون ولادها ولا بنستحقها وأهلا ً وسهلا ً بأي حدا من الشارع ولا يسوى ييجي يغزوها ويتمتع بخيراتها أنا مش بحاول أخليك تغير وجهة نظرك ( الحالية ) بس ردك لفت انتباهي وما قدرت أمر عنه بدون تعليق يعطيك العافية |
| شكر من هدول الأعضاء يا السندريلا على هالموضوع المرتب: | ||
|
#8
06-12-2011, 02:29 PM
|
||||
|
||||
اقتباس:
يعني أفهم من كلامك انها كرامتك منداسه برا بلدك وانك عايش الرفاهية بس أو العكس انك متمسك بكرامتك برا بلدك ومنداس على رفاهيتك وبالحالتين انك تعبان برا ومش ماشيه معك الشغله يا أخي لما انت جاي تقول هالحكي عند ناس معظمهم حابب يطلع شو بتتوقع منهم يردو عليك الا بنفس ردودهم اللي اعتادو عليها وبعدين ما تنسى انه أهل غزة بيعيشوووو أوضاع نفسيه صعبة ومن المستحيل اللي عايشين برا يحسووو فيها لانهم بيحكو من وسع ومن راحة بال مهما كانت مش موجوده وأنا على يقين انه لا يوجد أحد يكره بلده والبحث عن الأفضل مش عيب ولا حرام ولا يحق لناس عن ناس سيب العالم تتمنى يا أخي .. أكتر من الحلم كمان ولو انت حابب تحتفظ بكرامتك ارجع لبدك وعيش فيها ليش انت برا لهلأ ؟؟؟ شو اللي ماسكك عنها .. ارجع وخود معك بالطوهاتك وكتبك وإبرك وخبرتك وارجع للناس اللي بغزة ومحتاجين أطباء هناك ومش عارفين يتعالجووو صح ولاااا خيرك لبرا بيكون أحسن نفسيا وأفيد ماليا الك ,,,,,,,,,,,,,,,,,,,,,,,,,,,,,,, على فكره من صيغة كلامك بموضوعك بيوضح انك برا غزة مش فيها ولو كنت بغزة لكان موضوعك اخذ اتجاه آآآآآآآآآآآآآآآآآآآآآآآآخر ,,,,,,,,,,,,,,,,,,,,,,,,,,,,,,,,,,,,,,, ولو حابب تعمل موضوع تعرف فيه الواحد بيحب بلده وبيحب يعيش مرفه وبيحب يحافظ على كرامته ولا لأ اعمل الموضوع للناس اللي عايشين برا غزة واسألهم سؤال واحد مستعد ترجع على بلدك وتشتري كرامتك وبيع رفاهيتك ولا لأ ؟؟؟؟؟؟؟؟ هاد السؤال اللي لازم ينسأل واللي يقلك آه برجع بيكون كزااااااااااااااااااااااااااااااااااااب وبرااااااااااااااااااااهنك على كدا أنا إلي برا غزة 14 سنه ولو شو ما كان ما برجع على غزة مش معنى كدا اني ما بحبها .. بالعكس انا بحبها كتير وبحبها اكتر من روحي بس مستحيل اسكنها وأعيش فيها ,,,,,,,,,,,,,,,,,,,,,,,,,,,,,,,,,,,,, تحياتي للجميع داخل غزة والله يفرجها عليكووووووووو يا رب واللي حاب يطلع من غزة الله يفتحها بوجهه ويسهل اله أمر الخروج والسفر
_______________________________
 قال الله تعالى : ( كُلُّ نَفْسٍ بِمَا كَسَبَتْ رَهِينَةٌ )  ولو أبصر المرء عيوب نفسه ,,, لإنشغل بها عن عيوب الناس المرء ان كان عاقلا ورعاً ... أشغله عن عيوب غيره ورعــه كما العليل السقيم أشغله عن وجع الناس وجعه التعديل الأخير تم بواسطة : princess life بتاريخ 06-12-2011 الساعة 02:36 PM. |
| شكر من هدول الأعضاء يا princess life على هالموضوع المرتب: | ||
|
#9
06-12-2011, 02:46 PM
|
||||
|
||||
|
بتفق مع رااي وحش فلسطين وبرنسيس كفو ووفوا وحكو اللي بدي انفجر واحكيه ما في حدا بكره بلده بالعكس لكن بربك هيك اوضاع بتنعااااش شباب ا متخرجين وصافين عالدوور لا حكومة مدوورة علي هالشعب ولا حدا سائل بحداا بتفكر غزة جنة ؟ الناس بغزة مضغووطة ونفسيااتها تعبااانة عمتي نزلت اسبوووع ع غزة ورجعت تاااني لانو بجد العيشة ما بتنطاق من كتر الضغوط اللي فيهاا ياااااااااااااااريت اطلع منها ومن الصبح حدا صاحله وبحكي لاا خلي هالناس تعيش وتكون حياااتهاا اسال كل المغتربين اللي برااا كونوا حالهم وبنوا حيااتهم ولا لااا عملو حياة لولادهم ولنفسهم ولا لا لو ضلو بغزة ما حققوا جزء من احلامهم عنا المهندس صار يستني دوور بطالة لو حتي زبال ان شاءالله مع احترامي للهل مهنة بالله وين الكراامة لما انساان يتعب ودرس ويضل عاطل عن العمل بعدين فيه شغلة بدي افهمهااا من كل اللي براااااا هل كرامتههم منداااسة ومتحملين بس عشان المصاااري ؟., اللي حاسس بهالاحساس يرجع ع بلده فكرك يعني حال غزة افضل بالتعامل الناس بتجيب الشيكل بمذلة وبطلوع الروووح لسه حالكم براا اهون من عنا كل واحد بشتغل وسيارته عنده وعايش معزز مكرم وبحكي هيك لانو والدي كان برااا ونفس الشي عمتي عايشة بالامارات وما بيوم حسستنا انو كرامتهااا رااايحة او مهاااانة بررررمت كتييييييييير بس والله بدي انفجر
_______________________________
 يارب تكون أيامي كلها سعيدة ... وتملا حياتي كلها بالسعادة...  والفرح في قلبي يارب زيده وكل يوم أفراحي تكون بزيادة...  |
|
#10
06-12-2011, 02:58 PM
|
|||
|
|||
|
اقتباس:
البطالة موجودة بكل مكان يا عمر مصر مثلا بتلاقي ناس شغالة تاكسي وفي كافتريات وتعال رصلي راس معسل وهو اصلا خريج هندسة كمبيوتر وغيره معاه ماجستير تجارة انجلش ومش لاقي شغل وبعرف منهم ناس معرفة شخصية الواحد دايما يدور ويبذل مجهوده وربنا قال اسعى يا عبد وانا اسعى معاك ولو حد بصحله فرصة عمل فالخارج تناسب مؤهلاته وتشغله شغلة كريمة مافي اي مشكلة يطلع لكن الي ببدي القرش على كرامته هاد يراجع نفسه منور يا عمر
_______________________________
سبحانك اللهم وبحمدك لا اله الا انت استغفرك واتوب اليك |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
