|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
16-12-2011, 05:01 PM
|
||||
|
||||
سبب الخلاف هم النساوين !!
السلام عليكم ورحمة الله وبركاتة يعطيكم العافيه جميعا , اليوم حابب اطرح قضية اجتماعيه جديده اكيد الكل بشوفها ويمكن مر فيها سبب الخلاف بين الناس صار الحريم يعني في قصة سمعتها قبل يومين ,,,, اثنين اخوان وعين الله عليهم ومافي متلهم , كل مكان بطلعوه مع بعض الاول ما بيعمل اشي الا لما يشاور اخوه الثاني وهكذا مرت الايام وصارت مشاكل بين النساوين , مرة الاول ومرة الثاني عاد ابصر شو الخلاف التافه الي صار لكن هالخلاف التافه سبب بتفرقه بين الاخوه لانو مافي حد بيهون عليه انو يسمع من مرتو انها انشتمت وانها انهانت ويضلو ساكت ولما الاخ يراجع اخوه بالكلام الي صار بتفاجئ الثاني انو مرة الاولاني برضو شاتمه وعاملة ومش تاركة اشي فبيسير خلاف بين الاخوه ويمكن لمشاكل كبيره وحرابات ويبطلو يحكو مع بعض مشان هذا الاشي هاي القصة الاولى ,,, القصة الثانية ,,, ناس شغاله في دائرة حكومية واصحاب وحبايب مرت الايام وتيجي تشتغل معهم بنفس الغرفه بنت صلاة النبي هيك الله بيخلق جمال الاول حبها والثاني حبها وهي بالنص شوي مع هذا وشوي مع الثاني ولما عرفو بطلو يحكو مع بعض بعد ما اتطاوشو بالايادي وهي ولا على بالها كفت حياتها طبيعي القصه الثالثه ,, شب بدو بنت واهلو ما بدهم اياها والاخ حالف يمين الا ياخدها وبالاخر ياخدها واهلو يحاربوه وما يتعرفو عليه ويمكن توصل الامور انهم يتبرو منو .......... وقصص كثير طبعا بيكون السبب الرئيسي فيها للمشاكل والخلافات هم الحريم هسه انتو احكولي وجاوبوني على هالسؤال ليش المشاكل لو ندقق بتفاصيلها واسبابها الرئيسية بنلاقي وراها حريم ؟؟ انا عندي كلام لكن مش حابب احكيه بلاش حريم المقعد يزعلو ... الي فاهم الموضوع والي مش فاهم ما يرد يطلع برا ...
_______________________________
" قلب مخلوق من الصخر ".  ...  .. . تم بحمد الله : قصص جميع الأنبياء مع صور من حياتهم هنــــا .  |
| عدد 7 عضو بقولولك شكرأ يا الوحـــ فلسطين ـــش على هالموضوع المرتب: | ||
|
#2
16-12-2011, 06:09 PM
|
||||
|
||||
هاي القصص صراحة تبعت الاخين هاد دليل على انو الاخين مش واعين ومحبتهن هيك يعني حتى لو سار خلاف مش لازم يعملو هيك ياعمي مش لازم برضو هو ينطاع لمرتو كتير لدرجة تخلي يترك اخو وهيك
الحئ مش بس عالنسوان وعالزلمين هدول كمان اما بالنسبة لهدول الي بحبو الوحدة هاي وبكل صراحة حقيرة وبديش اكمل عنها اما الي بدو يتجوز وحدة يااخي يجوزو ياها يعني شو فرئت مع الاهل مش انت بتحب ابنك يكون مبسوط خلص يسطفل منو ألها مابعرف انا بنتقد الاهل بهاي الحالة والغلط بالاول والاخير مش من البنت ومن الشب كمان الاخوة كانو يحاولو مايصغرو عئلهون لهدرجة ويتزاعلو والتانين الي بحبو نفس الوحدة التنين هبلين صراحة والشب كان في يقنع اهلو بس اوئات الاهل ابسر كيف بسير بدهون طخ بهيك حالات
_______________________________
 التعديل الأخير تم بواسطة : خالةسيمو بتاريخ 16-12-2011 الساعة 06:14 PM. |
|
#3
16-12-2011, 06:19 PM
|
||||
|
||||
|
يعطيك العافية يباشا ,, خلينا بلاش نقول إنّو محور الشر في العالم سببه الحريم ونرجع لحكاية تفاحة آدم ,,,,, بس أنا ممكن أحصر الثلاث صور المطروحة بالنقاش بإنو أشبههن بالسم ؟! إيش بتقول ياودود ,,,,, نعم السم ,,,طب كيف ؟؟ السم مادة كيميائية معقدة و قاتلة إن حملتها العقرب والحية وكل مخلوق إحتوى السم سيكون ضاراً وخطيراً من منظورنا ولكن بالنسبة له دفاعاً عن النفس ,,,,,,,, نفس السم لو أستخرج وأستغلّه شخص بصورة خاطئة ممكن يرتكب به جريمة ,,, نفس السم لو تم طلائة على طلقة أو حربة ممكن يكون فعال للدفاع عن وطنك وشرفك ,,,,,,نفس السم لو أستخدم مع دم الفرس سيكون مضاداً للسم أوتم تعديله طبياً سيكون علاجاً لإنقاذ الأرواح ,,,,,,, الشاهد إنو كيفية التوجيه والتعاطي مع هذا الكائن وبالنهاية يمعلم الفرسة من خيالها واللي بتلعب بتنين بلاها ,,,نأسف عالإطالة ,,* تقديري ,,*
_______________________________
من مواضيع القعدة,,*
إضغط,,    |
| عدد 2 عضو بقولولك شكرأ يا wadod على هالموضوع المرتب: | ||
|
#4
16-12-2011, 06:25 PM
|
||||
|
||||
|
اسمع هالقصص من جديد بدينا نسمعها وما كنا نسمعها ايام ستي وسيدك لانو يعني مع احترامي لكل شباب اليوم بس من وجهة نظري شباب اليوم مش زي شباب زمان شباب زمان الواحد لما ينزنق ومرتو تقولو خود هالمبلغ جبتو من اهلي بيبهدلها ومنيح ما بدربها وبقولها انا عندي شنب بخليش نسوان تصرف عليا طيب اليوم الواحد بيكون ساكن مع نسايبو وفي بيت مرتو ومبسوط عحالو و اليوم الاخوة ممكن يتخانقو والاصحاب عشان بنت لانو شباب اليوم بتختلف خالص ما ففينا نحط كل الحق عالنسوان طيب ما طول عمرهم النسوان موجودين بس زمان الراجل كانت كلمتو متسيرش كلمتين ويا عيني عالمرة الي جوزها بحكيلها اعملي كزا ويروح وهي مش عاملة عليا الضمان ازا كانت بدها تغير تسريحة شعرها وتقصو لااااازم تاخد ازنو كيف حتسترجي وحدة تشتم وتسب مرة اخو جوزها ؟ السببب يا وحش مش النسوان السبب شباب اليوم وجيل اليوم
_______________________________
|
| شكر من هدول الأعضاء يا غزاوية مبسوطة على هالموضوع المرتب: | ||
|
#5
16-12-2011, 06:37 PM
|
||||
|
||||
|
الزلمة الحقيقي هو يلي ما بخلي مرة تأثر فيه وبعلاقتو مع اخوه ابوه عمو خالو صاحبو الـــخ
كلامك صحيح انو اكتر من نص المشاكل من وراها الحريم وانا بأكدلك على هالشي لانو النسوان عقلهم زغير الا من رحم ربي والزلمة لو رد عليها بكون فش عندو عقل من اصلو  ان شاء الله ردنا يرضيك اليوم P: |
| شكر من هدول الأعضاء يا بآكل المنوخية بالشوكة على هالموضوع المرتب: | ||
|
#6
16-12-2011, 06:52 PM
|
||||
|
||||
|
الحق ع الاخوة مش ع النساوين لأنو بيضل حكي النسوان حكي فاظي وعيب يزغرو عقلهم ويحكو فيه أصلا المفروض كل واحد يسكت مرتو وخلص :| ولو المشكلة كبيرة مثلا .. يجمعوهم وتنحل بقعدة وبالنسبة للقصص التانية الحق على الشباب الخرفان اللي بينضحك عليهم يعطيك العافية أبو خليــل |
|
#7
16-12-2011, 07:01 PM
|
||||
|
||||
|
اقتباس:
اوك حكي سليم ومية المية لكن لو نيجي للسبب الرئيسي بنلاقيه حريم يعني الاخوين الي انا حكيت قصتهم العلاقة الي كانت بتربط ما بينهم اكتر من علاقة اخوة يعني كانو بموتو على ارض بعض لكن لما اتدخلو النساوين بالقصه اتفركشت الامور وما تنسي انو المرة عندها القوة الخارقة الي هي الزن زن زن زن اخوك اخوك مرت اخوك اخوك مرت اخوك لما الزلمة يفقع بوجها وبوجه اخوه ومرت اخوه يعني الشغله ما بنحكم عليها هيك انهم ما كانو بحبو بعض لاء اكيد ,, اما بالنسبة للقصة الثانية انتي اثبتي انو السبب كان مرة واما القصه الثالثة لو بدنا نقيس ابعادها بنلاقي ابعادها خطيره جدا مش بس انو الاهل لازم يرضو وخلص , طيب لو الاهل حتمو رايهم والولد حتم رايو بالاخر العيله رح تتفكك والسبب حريم انو الام ما بدها البنت وبدها بنت اخوها او بنت اختها وهيك يعني , في الاخر غضب والدين والسبب نساوين
_______________________________
" قلب مخلوق من الصخر ". ... .. . تم بحمد الله : قصص جميع الأنبياء مع صور من حياتهم هنــــا . |
|
#8
16-12-2011, 07:04 PM
|
||||
|
||||
|
اقتباس:
كلام سليم وما عليه غبار ,, لكن يا ودود الاعوج اعوج لو ايش ما عملت فيه من كل النساء الي خلقهن ربنا ما كمل الا اربعه سيدتنا مريم وماشطة بنت فرعون والسيده خديجة وفاطمة بنت النبي وفضل عائشة كالثريد على باقي الطعام اما الباقي عليه العوض
_______________________________
" قلب مخلوق من الصخر ". ... .. . تم بحمد الله : قصص جميع الأنبياء مع صور من حياتهم هنــــا . |
|
#9
16-12-2011, 07:07 PM
|
||||
|
||||
|
ههههههههههههههههه انا سمعت عن اخوان بطاوشو (ع حبة شوكلاتة ع شبشب الحمام ع دور بالبلايستيشن ع الاكل ........الخ)  بس انو توصل انهم يتخانقو من مرة والله يا حيف  صدق المثل اللي بقول ياما بيجي من ورى الخرفان مشاكل
_______________________________
 ركب ابوك ولاااااااااااااااااا  الحق علي اللي بشتريلك سيارة |
| شكر من هدول الأعضاء يا أبو حسون على هالموضوع المرتب: | ||
|
#10
16-12-2011, 07:10 PM
|
||||
|
||||
|
اقتباس:
اوك انا معك في نقطة انو في شباب بنزل عليهم هذا الحكم لسبب انو طرطور عند مرتو لكن بدي احكيلك شغله يا غزاوية ونحكي حكي عقلاني هسه البنت يا غزاوية بتقدر تتحمل الشب الي بتحكي عنو ؟؟؟ اكيد لاء .. ليش طيب ؟؟ .. لانها اتعودت من ترباية اهلها انها تتدلع وتطلب وتلاقي كل طلباتها اوامر بدي احكيلك بصراحه , بالفتره الي كنت خاطب فيها حكيت لخطيبتي السابقة اني انا بني ادم عقلي شقفه وحده ما بحب العوج امشي معي منيح بكون معك مية المية بتمشي اعوج بلعن سلسفيلك عاد البنت ما عجبها الحكي وفي كتير مواقف كانت ردت فعلي عليها قوية كتير بالاخر البنت ما عجبها الوضع وكل واحد فينا راح في طريقو يعني ما فرقت معي لانها هي ما بدها تنستر ولانها هي اتعودت على شغله وبتفكر اني طرطور تمشي الشغلات هاي علي انا كمان فمشان هيك العوج منكن يا حريم بلاش نقعد نلف وندور الحريم بدهم الشب الي كل حياتو رومانسية وحب ودلال وايش بدك يا روحي انا حاضر اما الشب الي حياتو جديه البنات بحاولو يتهربو منو ولعلمك الشباب الي بكونو هيك ما بتعجبهم اي بنت بكون اختيارهم صعب ,,
_______________________________
" قلب مخلوق من الصخر ". ... .. . تم بحمد الله : قصص جميع الأنبياء مع صور من حياتهم هنــــا . |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
