.


.

آحـرجيها قدآم كل البنات
فكـري بشي طريـقة وما تبيني آنه جوالك آنسرق قدام حدا

.

لو متآكده آنه الجوال معاها مليون بالمية خوديها ع جنب واحكي معاها
وما تتوقعي رد ايجابي منها وتقولك انا اسفة
وصحبة هيـك آشكال بلاش منها
وريحي راسك

تعون الكتلة الآسلامية كويسات صاحبيهم

_______________________________

المشاركة الأصلية كتبت بواسطة نـورسيـن بالزبط نفس الى صار معايا بس هاى زميلة بدفعتى مش انه صحبيتى و المصيبة الاكبر انها حافظة القرآن !! انا رحت اشتكيت لأمن الجامعة ما لقيت استجابة اشتكيت للمباحث و ما لقيت استجابة ! ماما لما شافت الموضوع هيك و من خلال أسئلة سألتنى اياها صارت تشك وشوية شوية لحد ما عرفت واتاكدت انها هيا ماما اتعاملت معاها بشكل شخصي و قدرت اخد منها حق الجوال بس مش كلو و ندمت ندم الواحد لو شافها بعيط عليها وبسدقها بس من فترة بتفاجأ انه وحدة من صحباتى بتحكيلي انه رجعت سرقت بالكلية تعاملي معها كان اولها صعب ، بس بعد هيك لو ردت السلام برد عليها لو كانت قاعدة في مجموعة وسلمت ع البنات بسلم عليها وما بكسفها احيانا بتيجي تطلب منى حجات في دراستنا وهيك بعطيها بس ما بحكي معها زيادة عن المطلوب و تعاملي معها حذر جدا انا حفظت سرها وما رضيت احكي معها اى كلمة بس اجتنى واعتزرت قال بعد عناء طويـــــل اجت بتحكيلي نيالك في إمك ! لما سالنا عنها وكيف وضعها ووضع اهلها لقينا اهلها ناس متدينين ومحترمين بس البنت طالعة هيك مش عارفة ليش! انا عارفة الله يعين الناس ع حالها و انا ما لحقتى شي بالدنيا ، بالاخرة بتلحقيه وكل واحد بياخد جزاته و الزمن هادة الواحد لسا ياما حيشوف وحيسمع تحيتى

منيح كتير انه اخدتي حقك منها بس ندم اللي زي هيك عالفاضي

كله تمثيل زي اللي شفته معها واول مرة وتحلف وابصر شو

وما بتعلموا الا بمجلس تأديب مشان هيك ضليت عشكوتي انا

امنورة يا نورسين

المشاركة الأصلية كتبت بواسطة الرسام ما تسكتي عن حقك واعملي كل شي بنعمل تقلقش عملت كل اشي بنعمل حتى تتعمل هالبنت وتعرف غلطها .. وما تكرر هالسرقة لانه لو سامحتيها حتزيد فيها وتسرق بعد هيك اكتر واكتر خلي حد من اخوتك الشباب يشوف اهلها ويحكي معهم .. وديري بالك كويس من الجميع ..

انا ما رضيت ادخل بعد ما اخدت حقي عنا الجامعة

ما شا الله اللي بيقع بايدهم اكل هوا ههه

امنور

المشاركة الأصلية كتبت بواسطة السندريلا الدنيا ملهاش أمان يا بنتي خليكي مفتحة عينيكي 24 ساعة وإوعي تكون طيبة أو غبية والجوال بالذات في ستين داهية لما ينسرق بتوقفي الشريحة ومش مهم الجهاز نفسه بس لو رجع خير وبركة المهم متحطيش عليه صور شخصية ولا رسائل فيها باسووردز أو حكي شخصي لأنه ممكن يضيع أو ينسرق في أي مكان وبكل سهولة قبل 3 أسابيع وقع جوال أخويا في سوق الجمعة والحمد لله إنه الجهاز اللي مركب عليه شريحته الفاتورة مش اللي عليه صور وهو على طول افتقده والحمد لله طلع اللي ملاقيه شاب محترم بمجرد ما أخويا اتصل عليه حددله مكانه وراح أخده لكن مش كل الناس هيك واحرصي كتير من صاحباتك القراب كتير كتير

اخوكي حظه حلو

اولاد الحلال صاروا بينعدوا بهالايام

انا مفتحة منيح كتير ولولا هيك

كان ما عرفتها البنت

امنورة

المشاركة الأصلية كتبت بواسطة اميرة الاحلام مش عارفة انا كيف الجوالات بتنسرق انا شريت جوالي ايام ما كان ب 13 مليون لهلا ما ضاع مني ولا اتسرق شوفي يا عسل انتي غلطتي غلطتين الظاهر لهلا انتي ما بتقدر تعرفي تختاري مين هي الصاحبة الي فعلا تصاحبيها انا قلت انها مش صحبيتي بس لأنه البنت بعرفها ومعي بالقسم وبتقعد احيانا معي انا والبنات وبتروح معنا بطريقنا فهادي صدمتي فيها بس اما انا اصلا ما بصاحب صحبة قوية كتييير كله زمالة هيك احلى واريح ومين الي بتنفري منها انا صار معي اني انصدمت بحياتي من صحبات لكن من صديقة واحدة وهي المرة الوحيدة لانها اتدخلت بامر شخصي الي لكن قبل ما اعرف واصادق بدرس الشخصية كيف وكيف اخلاقها اي والله بتبين البنت المنيحة من المش منيحة صحيح وهادي البنت اللي بقول عنها كنت احكي عنها اني ما برتاحلها واحساسي بمحله الحمد لله كان ههه لا تاخدي حيالله بنت وتعتبريها صديقة الك حتى لو كانت معك من ايام المدرسة تاني شي انا معك بكلمة من ستر على مسلم ستره الله في الدنيا والاخرة لكن انتي اعطيتيها فرصة وهي من النوع الي ما بيستاهل مني منك وبكل صراحة وانا عارفة ان الاغلب راح يلومني انو لو انا مكانك بقول للبنات عنها وانها كزا كزا كزا لان البنت ما دام فكرت تفكير انها تسرق يبقى انحط اكس عليها والي بتغلط مرة بتغلط الف مرة وحتسرق مرة ومرتين تلاته لهيك نبهي الكل عنها خليها تعرف غلطها ولمن تشوف ان الكل مش طايقها تحس بالزنب بس كدة

انا بكفي اني حزرت صحباتي اللي بمشوا معي منها واللي ساكنين عندها

وبكفي انها لما تشوفنا تحط راسها بالأرض بعد هيك

لانه بنعرفها على حقيقتها

امنورة يا اميرة

المشاركة الأصلية كتبت بواسطة الثعلب المكار أعتقد ينحل الموضوع بطريقة ودية .. فيه مثل بيقول اعرف صاحبك وعلم عليه .. طبعا مش هندخل في كيفية سرقتها للجوال .. ولكن كويس انها اجت علي قد الجوال .. انا من رايي تحاولي تاخدي حقه بالتقسيط منها وبالتالي كل يوم علي الرايحة والجاية تحكي معها هههههه

انا اخدت حقي منها هلأ

ودور الجامعة تاخد حقها منها

امنور

المشاركة الأصلية كتبت بواسطة بآكل المنوخية بالشوكة يحلاوة كيف بسرقو البنات وواعيات قال وبتوع جامعة الله يفضحهم فضحونا بتخيل حالي حرمية :| يخرب بيتهم بشلو عقل الواحد الحمدلله عمروش صاحبة سرقت مني شي لاني منقياهم تنقاية وما بكتر منهم لانو كترهم زي عدمهم وبعد هيك ما تصاحبي كل من هب ودب وما تأمني لخيالك خاصة بزمنا هاد بالكاد الناس سار عندها ضمير بعوض الله

ههههه ردك ضحكني

اه منيح خليهم قلال وربنا بباركلك فيهم

نورتي يا حلوة

المشاركة الأصلية كتبت بواسطة ديدو1 اكيد في صداقة حقيقة وبتضل لسنين كتيرة ولو شي صار معك مش لازم تطبقي علي كل حياتك اكيد حتقابلي صداقة حقيقية في ناس بتصاحبك مصلحة او تمضايه وقت وكد بس ناس تاني بتضلها صحبتكو سنين وبتقف معك بكل شي بالمر قبل الحلو والله الحمد لله عندي صديقات بعتز فيهم كتير واسراري عندهم وبالعكس وكل شي بنقف مع بعض واحلي اللحظات لما نكون مع بعض صح في واحدة او تنتين صادقتهم بس طلعوا كدا يعني صداقة فالسو بس ما طبقتو علي الكل بعدين بدك تفرقي بين الصداقة والزمالة والمعرفة اخر تنين ممكن يازوكي بس الصديقة لا وقصة الجوال انت من الاول عرفتي كيف هي فما كان لازم تامنيلها مرة تانية لانوالي بيسرق بعمل اي شي

اكيد كلامك منطقي جدا

الله يدوم صحبتكم ان شا الله

اه فعلا بس انا أمنتلها انا بس اعطيتها فرصة وهلأ هتاخد حقها بالروقان

امنورة يا ديدو

المشاركة الأصلية كتبت بواسطة shaldonah يي الله يعينك يعني هم صاحبه وهم سرقة جوال .. انا نفسي اعرف ايش بتهيألهم اللي هيك لما ياخدوا جوال احد يعني برتاحو مثلا لو سرقو او عندهم هوايه هالشي

لأ وانتي السادقة مرض وماشي بدمهم

لانه زي ما ذكرت اللي زيها مش محتاجة بس زيادة مصاريف بتغطيهم من السرقات

عادي يا بنتي الدنيا مليانة

امنورة

المشاركة الأصلية كتبت بواسطة عنيدة وعنادى عاجبنى قلبتى عليا المواجع انا سارت معى والى بيقهر انو البنت مش محتاجة وانا طنشت الموضوع مشان العشرة وما بينتلها اصلا زي هادي اللي عندي يعني بس مش جوالى الى انسرق حاجة تانية لو جوالى لعدمتها الحياة يخستى لو يسير مسروق فيه مصايب الله يعينك

ههههههههه لا لا ان شا الله ما بيصيرلوا اشي

امنورة

المشاركة الأصلية كتبت بواسطة ^سينجي^ في ناس بنفعش اصلا يتصاحبو بتليقش عليهم الصحوبية لانهم اصلا بعرفوش يتعاملو مع الناس راجعي حالك او بعدين احكي عن غيرك هادي نصيحة لله

مزبوط في ناس كتيير ما بعرفوا يتعاملو مع الناس

وما عندهم زوء بالحكي لدرجة كتير كبيرة

فبكون قلة الزوء ما شا الله امبينة كتير بحكيهم

لدرجة انه الواحد ما بتشرف او بتنازل ليعبرهم ويحكي معهم

فعلا نصيحتك بمحلها راجعت حالي بعد ما قلتلي ولقيت حالي

انه فعلا اللي بخليني انصدم شوي بالناس اني بنزل لمستويات اقل مني

المفروض الواحد ما يعبرها

(نورت)

المشاركة الأصلية كتبت بواسطة Mo7ammaD اخو صاحبي سرق جوالي بس ماعرفت غير بعد فترة شبه طويلة وماعرفت شو اسوي والجوال يعني مش غالي بس بضلو جوالي والمشكلة انو اللي سرق جوالي اخو مابقصر معاي وحكيتلو واعتذرلي وكآن بدو يرجع حق الجوال من فلوسو بس مارضيت اذا قرآيبي وهمآ قرآيبي سوو حآجآت أكبر من هيك وطنشت وبطلت اكلمهم ! وسوولي مشكلة بالعيلة مالها أول ولا آخر وهيني عايش يعني مش مستاهلة لا ازعل ولا اتضايق بس لساا الدنيا فيها خير وحآولي انك تختآري صح وتعرفي مع مين تقعدي ومع مين توقفي ملاحظة الرد كآتبو وانا لسا توني صاحي من النوم :S لاني شكلي خرجت عن نطآق الموضوع

عفكرة قصتك غريبة كتير ومعقدة

الحكاية احيانا ما بتكون بسعر الجوال

قديه هوا غالي عندك بالشغلات والمسجات اللي فيه

صحيح مش مستاهلة لا زعل ولا غيرو

انا لا هختار ولا اشي انا هلأ كل صباحات ومساءات بس مش اكتر بس كم حد

اللي يعني بتمشي القصة معهم

امنور

السلام عليكم ورحمة الله وبركاته

في قاعده في علاقتي مع الناس ماتعلمتها الا بعد الثانوي لانه بالثانوي

لمن بتيجي تتخرجي وبتبكي انتي والبنات وكيف حنفترق وفيلم بتحسي انه الرباط الابدي

بعد يومين سيبك من هادا كله والحياه بتمشي مش حتوقف

خلي حواليك ناس كتير بس ماتخلي الك واحد مقرب

بضحك وكل اشي والشعب كلها بعرفها بس بينتهي الدوام بينتهي كل اشي هيك اخف واحلى

بعدين الحمد لله اني من سلامي الاول على الشخص بعرف ازا منيح او لا

ودائما حطي في بالك ممكن تنصدمي بتكون اخف لو حصلت

عشان هيك المقربين مني والي ممكن اطلق عليهم اصدقاء قلال جدا

،

اما بالنسبه لسرقة صحبتك فصراحه مااعتقد اني حبلغ عليها الجامعه او حتى اهلها

يمكن هي بتستاهل بس ماححب

هي اول مايحصل هالموقف كلمتين على انفراد معها ومش تهزيء لانو لو هزئتها مش حتضيفلي اشي

كلمتين هيك بركي يصحوها من الي هي فيه وبقطع علاقتي معها وبعوض الله بالموبايل مسمحاها دنيا واخره

مأمنه من هالناحيه موبايلي كشاف ايش بدها فيه ههههههههـ >> ماليش بالتقنولوقيا

وبعدين لو انفضحت في اشي جوا الانسان بينكسر وحتضل نظرة الناس الها انها حرميه مش حلوه والله

حاولي اعرفي هي ليش هيك بتعمل وازا بتقدري تساعديها ساعديها بتكسبي اجر بحسها منبوذه وملهاش صاحب


بعتذر عالاطاله

المشاركة الأصلية كتبت بواسطة whisper السلام عليكم ورحمة الله وبركاته في قاعده في علاقتي مع الناس ماتعلمتها الا بعد الثانوي لانه بالثانوي لمن بتيجي تتخرجي وبتبكي انتي والبنات وكيف حنفترق وفيلم بتحسي انه الرباط الابدي بعد يومين سيبك من هادا كله والحياه بتمشي مش حتوقف خلي حواليك ناس كتير بس ماتخلي الك واحد مقرب بضحك وكل اشي والشعب كلها بعرفها بس بينتهي الدوام بينتهي كل اشي هيك اخف واحلى بعدين الحمد لله اني من سلامي الاول على الشخص بعرف ازا منيح او لا ودائما حطي في بالك ممكن تنصدمي بتكون اخف لو حصلت عشان هيك المقربين مني والي ممكن اطلق عليهم اصدقاء قلال جدا ، اما بالنسبه لسرقة صحبتك فصراحه مااعتقد اني حبلغ عليها الجامعه او حتى اهلها يمكن هي بتستاهل بس ماححب هي اول مايحصل هالموقف كلمتين على انفراد معها ومش تهزيء لانو لو هزئتها مش حتضيفلي اشي كلمتين هيك بركي يصحوها من الي هي فيه وبقطع علاقتي معها وبعوض الله بالموبايل مسمحاها دنيا واخره مأمنه من هالناحيه موبايلي كشاف ايش بدها فيه ههههههههـ >> ماليش بالتقنولوقيا والله اريح ههه عالأقل ما في صور ينخاف عليهم وبعدين لو انفضحت في اشي جوا الانسان بينكسر وحتضل نظرة الناس الها انها حرميه مش حلوه والله لا مش اخلاقي هادي اني افضحها انا بس نبهت اللي بمشوا معي حاليا مشان ما يصير معهم زيي حاولي اعرفي هي ليش هيك بتعمل وازا بتقدري تساعديها ساعديها بتكسبي اجر بحسها منبوذه وملهاش صاحب ما بتفرق كتير معي وحدة عدت بحياتي وخلص موضوعها كنت معطياها فرصة بس هي ما استغلتها فشو ما يصير بعدها مني او من غير فبكون جزاتها بعتذر عالاطاله

من اكتر الردود اللي عجبتني كتير بفكرك

لانه حسيتك بتشبهيني بعلاقاتك مع الصحبات وهادي شغلة حلوة

بس قلتلك انا مش صحبيتي بس بعرفها وصحبة صحبيتي والبنت

ما في شي نقصها فهي الغريب واللي بيصدم بالموضوع

اطلتك حلوة ما تعتذرها مشانها

امنورة