قرأت هالمقالة للدكتور عائض القرني واعجبتني لأنها بتلامس شريحة كبيرة من ناس بنتعامل معهم يوميا او حتى احنا انفسنا ممكن انكون نهوي الها واحنا مش داريين

للي بيحب يقرأ يتفضل مع فنجان قهوة


طالعتُ نتاج غالب المثقفين العرب، فوجدت الكثير منهم مولعاً بثقافة غير المسلمين، تهوله الأسماء الغربية، ويكاد ينخلع قلبه إذا ذُكر شكسبير وفولتير أو برنارد شو وديكارت وكانط وغوته وغيرهم، وأصبح يرى أن من التميز على الأقران والظرف والكياسة البعد عن مصطلحات الدين وعدم الاستشهاد بكلام رب العالمين، لئلا يوصف بالرجعية والتخلف والجمود والتقليد والتأخر وعدم التطور والمعاصرة، وهذا لعمري نهاية السقوط ومنتهى الرذالة، وغاية النذالة.. وقل لي بربك من أضل ممن هجر الحق المنزل من الله على نبيه ومصطفاه محمد بن عبد الله (صلى الله عليه وسلم) النبي المعصوم، واتبع الصادين عن منهج الله المعرضين عن الصراط المستقيم أعداء الأنبياء وخصوم الرسل صرعى الشبهات وعبّاد الوهم..

حتى إنني رأيت بعض كتاب صحفنا وهم شباب كتاكيت صاروا يفرون من ذكر الآية والحديث أو الاستشهاد برمز إسلامي أو الاقتراب من الديانة، فتجد أحدهم لغبائه وحمقه يتحدث عن رواية إسبانية وكاتب برازيلي وشاعرة فنزولية وقصده الإغراب والتعالم والظهور بمظهر المثقف التنويري العصري ؛ وهو لا يملك مقومات الكاتب، فلا أسلوب جذاب ولا مخزون معرفي ولا تميز علمي، فهو كالعنز الجرباء العجفاء لا لحم يسرّ، ولا لبن يدرّ، بل هم كما ورد في الحديث: " لحم جمل غث على رأس جبل وعر، لا سهل فيُرتقى، ولا سمين فينتقى".

حتى بلغ من هزالهم وضحالة أفكارهم وسوء طويتهم أن هجروا القرآن وأصبح عندهم القرآن كتاباً قديماً تراثياً للعامة من الناس وهم أهل رقي وتمدن، فعاقبهم الله بأن أذلهم، فصاروا يقرأون لحثالة البشر ويعجبون بخيالات وروايات أصنام وأزلام وأقزام ما سجدوا لله سجدة وما سبحوا لله تسبيحة، وصاروا يذكرون الشريعة باستحياء، ويغمزون ويلمزون ويهمزون الديانة وأصحابها، فهم يريدون الإسلام شعائر وطقوساً تعبدية شخصية خاصة لا دخل لها بالحياة.. فما جزاء من يفعل هذا الفعل إلا المقت من الله والسقوط الشنيع في قاع الإهمال والإغفال، وسوف يكنسون من ذاكرة المجد كما كنس عبد الله بن أبي بن سلول، وابن سبأ، وسوف يشطبون من ديوان الشرف وسجل الفضيلة جزاء عقوقهم لكتاب الله وهدي رسوله (صلى الله عليه وسلم)..

وإني أنظر إلى كتابات رموز كبار مثقفي الإسلام في هذا العصر كإقبال والندوي وباكثير والرافعي والطنطاوي ومالك والزبيري وغيرهم، ممن اعتزوا بالإسلام وتشرفوا بالإيمان، فأجد الفخر يملأ جوانحي، والحماسة تقدح في رأسي، والشمم يملأ قلبي، والرضا يعمر روحي.. فنحن كما قال عمر بن الخطاب: "نحن قوم أعزنا الله بالإسلام، فمهما ابتغينا العزة في غيره أذلنا الله".

آمل من كل مثقف يحترم نفسه أن يعتز بدينه، ويفخر بعقيدته، ولا يخجل من التمسك برسالته، وينظر إلى الكتّاب اليهود والشيوعيين والهندوس والبوذيين كيف يتبجحون بمبادئهم المنسوخة بالإسلام، وكيف ينافحون عن عقائدهم وهي على شفا جرف هار. قال عمر: "أعوذ بالله من قوة الفاجر، وضعف الثقة"، وفي الحديث: "إن أخوف ما أخاف على أمتي كل منافق عليم اللسان".

_______________________________

قرأت المقال وعجبني جدا ً لأنه بيصور الواقع بطريقةواضحة تماما ً
أنا بشوف إنه مش غلط نتعرف على الثقافات بمختلف اتجاهاتها علشان تكولنا حجة نتحدى بها غيرنا ممن يتبعون ديانة غير ديانتنا
لأنهم بيتهموا الإسلام إنه دين همجي وارهابي ورجعي
بس لما يكون الواحد فينا عارف إسلامه قد ما يقدر ما بدي أقول عارفه منيح كتير
بس يكون عارفه وفاهمه بالقدر اللي يقدر فيه يدافع عنه
ويحاجج بآيات قرآنه وأحاديث رسوله وسيرته عليه الصلاة والسلام
ويزيد عليه اقتباسات من كتابات رموزهم الأدبية وأفكار كبار علماءهم في كافة التخصصات
هيك بيكون تفوق عليهم
بإنه جمع بين التمكن من دينه والاطلاع على ثقافتهم على تنوعها




على فكرة
الناس اللي بيعتقدوا إنه التشدق بأسماء الكتب اللي قرأوها
والمؤلفين اللي حافظين أسماءهم والمطربين والممثلين والأفلام الأجنبية
واللي بيعتبروا الانسان الملتزم بتعاليم دينه واللي بيستشهد أثناء كلامه باقتباسات من القرآن والسنة
هو انسان رجعي وجاهل زيه زي عامة الشعب
فهم ناس منافقين وسطحيين وبجد مساكين وبيدعوا للشفقة




ربنا يبعد عنا النفاق والمنافقين وشرورهم
مشكورة عصوف على النقل المميز جدا ً

.

.



.
.
● سكن الليل .. ~

طبيعة الحياة هي لعبت دور كبير في انو الكل يبعد عن الاستشهاد بأعيان اسلامية واستبدالهم بكفاءات اجنبية

الاختلاط في الجامعة والعمل

الثقافة الاجنبية المدسوسة

وكلو وغيرو وغيراتو

انا عن نفسي صدقاً في بعض الاحيان بكون من هاي الفئة

انو بعطي امثلة ع شغلات بتسير بالغرب

لانو بتعرفي كمان العلوم الاسلامية حالياً اغلبها قديمة

ومافي هالفئة اللي توعي الشباب بشكل كافي انو يتوجهو لهاي المصادر ويضيفو الها

اي نعم فيه بس مش بالشكل المطلوب

وبالاخير كل اللوم بيقع ع الشخص نفسو لانو لازم يكون مسؤول عن كل اشي بيحكيه ولمين بيحكيه

ومسؤول عن انو يدافع ويعتز بدينو

يعطيكي العافية والله يصلحنا يارب

.


.

.





يسلمو حالة غريبة

.

.

.

فعلا هذا حال المثقفين منا للأسف هذا يدل ع مدى تخلف اقل شي انهم بستعروا من لغتهم لغه العربيه بتلاقيه بحكي كلمه عربي والباقي انجليزي ولما بدوه يناقش حدا يستدل من كتب الأجنبيه ويترك القران بذات انهم من اهم طبقات المجتمع
الله يهديهم ويصلح حالهم
على فكرة انتي منورة بكل الأقسام ويعجبني فيكي اختيارك للمواضيع يعطيكي العافيه

نحن قوم أعزنا الله بالإسلام فإذا ابتغينا العزة بغيره أذلنا الله

بتكفي هالمقولة لتشرح كل المقال

كتير بستنكر ع بعض الناس اللي بينتقد شي بخص العرب وبيستشهد بالأجانب وتصرفاتهم

مهو لو رجع بعقله شوي لسيرة الرسول صلى الله عليه وسلم وصحابته كان مااحتجنا اي دليل ولا اي حجة من الغرب وهن وهناك

لانه المعلم الأول لكل مابلزم البشرية الرسول وكتابه وسيرته كفيلة تكون منهاج كامل مكمل يصحح كل تصرفاتنا واخطاءنا بهذا العصر

مقال رائعة وبيتكلم عن شي مهم

ان شاء الله بكون تذكير الي والك ولكل من يقرأه بالعودة للقرآن ولسيرة الرسول صلى الله عليه وسلم وصحابته


يعطيكي العافية ع النقل المميز

المشاركة الأصلية كتبت بواسطة السندريلا على فكرة الناس اللي بيعتقدوا إنه التشدق بأسماء الكتب اللي قرأوها والمؤلفين اللي حافظين أسماءهم والمطربين والممثلين والأفلام الأجنبية واللي بيعتبروا الانسان الملتزم بتعاليم دينه واللي بيستشهد أثناء كلامه باقتباسات من القرآن والسنة هو انسان رجعي وجاهل زيه زي عامة الشعب فهم ناس منافقين وسطحيين وبجد مساكين وبيدعوا للشفقة ربنا يبعد عنا النفاق والمنافقين وشرورهم

حيالله ياعاصفة ، كيف الطقس عندكم ههه ؟
نفوت بالموضوع

أولا أنا حابب انتقد مقال الداعية عائض القرني فانتبهوا اني ما بنتقد الدين
عشان نكون واضحين ..

أنا حابب أستثني من الكلام اللي ححكيه الفئة الضالة صراحة اللي بكون شايف كتاب لأي
كاتب ويقوم تاني يوم يكره الناس بالدين ويصير مثقف ومن اعداء الدين
هادول ناس زي ماحكينا جهلة وكثيرا كمان

لكن الدكتر عائض القرني بالمقال ماحدد وحسيتو فوت شغلات كتير ببعض يمكن هو شاف موقف محدد
بس هو عمم كتير وانا من وجهة نظري انه ظلم

يعني بالنسبة لهالجملة بالله

ظلم كبير واجحاف بحق عقليات الها احترامها والها وزنها بالكتابة والأدب
لما أقرأ لإنسان وتعجبني كتابته شو خصها بالدين ؟؟؟؟؟
هو انا بقتبس من دينهم ولا من كتابة لانسان أو رواية أو ادب أ, اقتصاد أو سياسة
كلام جميل وعجبني وما بيضرني بل بالعكس بفهمني أشياء كنت أجهلها وبفتح أمامي أبواب مقفلة
طبعا وذلك بحدود الشرع و اللي مسموح لنا
اظن الشيخ التبس عليه الموضوع ..

يعني أنا بقتبس شغلات لشكسبير و لآخرين وبقرأ لكتاب عرب ومش عرب مسلمين ومش مسلمين
وبقتبس للصحابة وبقتبس لعقول تحترم من الغرب ولا الشرق
المهم المعرفة والفائدة و اتعلم شي جديد وما بقتبس من الانجيل تبعهم

الرسول عليه الصلاة والسلام حثنا نتعلم لغة أعدائنا و أمرنا نطلب العلم لو في الصين
وكان بيحب الشعر وكان يسمع للكل وكان وكان
ليش احنا بنخلط الثقافة والأدب بإنهم كفرة ولازم نبعد عن أي شي بيخصهم وهاي افكار مسمومة ؟

ليش مانقول انه اسلامنا بدو ايانا نعرف كل شي ونتعلم ومايكون تفكيرنا ضيق ولكن لانتخطى حدود الشرع وحدود الأدب ؟

اه مع الشيخ بإنو في ناس كتير بتفكر حالها مثقفة ومتحررة انه تهرب من الدين
لكن في المقابل في كتير من الكتاب والمثقفين والقراء العاديين اللي بيتابعوا كتاب غرب وكتاب شرق وكتاب مش عارف من وين
بيعتزوا بدينهم وما بيتعارض هادا مع هادا أبدا
بالعكس حلو الإنسان يكون ملم بكل شي حواليه وبالعالم ويفهم عقليات كل الناس

أحترم وجهة نظر الدكتر عائض ولكن كنت أتمنى يكون الكلام محدد اكتر
ومايخلط الاشياء ببعض

يعطيكم العافية

-

وانـتصـرَ
أبطـال وجنرالات معـركـة الأمعـاء الخاوية
وانتصرت الكرامة
-

((وَبَشِّرِ الصَّابِرِينْ))

والله وأنا زيو بالزبط
بشعر بالفخر اني مسلمه وبفخر انتمائي للدين الاسلامي من كل قلبي
وبحمد ربي انو خلقني مسلمه

بظن يا دكتور انو مقصدش زي منتا فهمتو
هوه بيقصد انو هدول الناس اللي بيعرفوش الله مش أولى انو نقتبس منهم وننهبل على كتاباتهم من انو نفهم ديننا ونقرا قرآننا صح ونقرا سيرة الصحابه والرسول
لانو كل اشي فيها
هدول مهما اجتهدوا وفكروا وكتبوا حتلاقي كل افكارهم موجوده في ديننا ازا كانت افكار حلو ه كتير او مزبوطه
مثلا لما تقرا عبارة (ندمت على السكوت مره وندمت على الكلام الف مره )ابصر لمين
حبيت العباره كتير
بس في الحقيقه رسولنا قال
(فليقل خيرا او ليصمت)
ديننا او القران فش اشي سابو
هوه بيقصدش انو تقرا كلمه وتقول انها حلوه
في ناس لما بتقرا كلامهم بينهبلو بجد وبيألهوهم وانو عمرهم ما قرو زي هيك
وفي الحقيقه لو الواحد منهم فتح التفسير او سيرة الاوائل لقرا المغزى ميت مره
منا زيك بقرأ كلام فولتير او افلاطون وبنبسط كتير
بس عارفين احنا انو الغزالي او الشعراوي او اي عالم من علماءنا بيقول حكم وعبر افضل منو
تقبل مداخلتي
بس حبيت اوضح اللي انا فهمتو
ويمكن انا مش فاهمه قصدو صح بردو

المشاركة الأصلية كتبت بواسطة * بيـــونة * هاي الشغلة بعملها احيانا ازا كان عندي بريزنتيشن بالجامعة او ازا كنا قاعدين قعدة فيها بنات مسلمات مع مسيحيات .. لانو اصلا في مواد الدكاترة نفسهم بكونوا مسيحيين مش بقصد الفشخرة ولا شي .. بس بحاول اجيب ادلة لناس ما الهم دخل بدين معين وبنفس الوقت تكون مطابقة للاسلام عشان اكون دبلوماسية بالحوار لانو ما اظن ازا وحدة مسيحية سمعت انو هيك هيك في بالقرآن رح تقتنع تعملو من اولها رح تعتبرها شغلة دينية وتبعد عنها مع انها الصح بكل الاحوال فاحنا بنحكي اشي صح يحبوا يعملوه وازا عرفوا بالصدفة انو موجود بديننا ممكن يحبو يعرفوا عن الاسلام ساعتها ولسبب تاني بصراحة وهو اني مش قوية حجة لدرجة انو لو وحدة قعدت تناقشني وتسالني اسئلة اقدر اجاوب عالكل .. ما بتوقع ايش رح تكون نوع اسئلتهم ببعد حالي عن المواقف اللي ممكن اخبص فيها او اعطي صورة غلط عن الاسلام بدون قصد وهادا السبب موجود بآخر المقالة تبعتك مثقف وللاسف الثقافة الدينية اللي معي مش واثقة اني رح اقدر اواجه فيها نوع اسئلة بحياتي ما جربتو ومع ناس دينهم ما عندي ثقافة كافية عنو ومش عارفة حالي ازا رح اكون قد اي سؤال او لأ وكل القصة اني بخاف يؤتى الاسلام من قبلي .. لازم نقرا كتير ويكون عنا قوة حجة بالاول وسرعة بديهة عشان نقدر نقنع ناس مش مسلمين بالاسلام ولازم الواحد يكون بقدر يجيب دليل بسرعة من القرآن يناسب الموقف ومع اني حافظة القرآن الحمد لله ومداومة على قراءتو .. بس الاستدلال الارتجالي مش سهل ابداً امي عندها القدرة عالاستدلال بسرعة ما شاء الله بتمنى اصير زيها نورتي عاصفة والله يصلح حالنا يا رب ويجعلنا عند حسن ظنو دايما

كلامك واقعي وتقريبا الاغلب هيك
لكن برضو الكتّاب والمفكرين الاجانب من ديانات تانية ليش احنا مفروض منا نناقش في قناعاتهم بينما غيرنا مش مقتنع في افكار علمائنا لأنها مستمدة من ديننا
وهي الشغلة بتصفي كأنها الفرق بينا وبين دين غيرنا
غيرنا بدو بس الدين طقوس وشعائر
بينما احنا ديننا منهج حياة بيدخل بكل صغيرة وكبيرة

واذا استثنينا وضع انو يكون في غير مسلمين في مكان النقاش فبرضو في كتير بيتجنبو ذكر امثلة دينية
وهو المقال دعوة للاعتزاز بالفكر الاسلامي "وما بظن معناه تهميش الفكر التاني "

شكرا لمرورك بيونة نورتي