|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
29-12-2011, 09:04 PM
|
||||
|
||||
هل انت مع ام ضد ...؟ ( تحديد وتنظيم النسل )
سلامو عليكم يا عباد الله  .................. من شوي بالشات سار نقاش عن الانجاب وعدمو ..الخ وكلو ينبني تحت مفهوم تشيلدرين هلا كثير بتلاقي ناس ما شاء الله في البيت بكونو 10 -9 -8 ..الخ وناس ما بتحب هاد الاشي وما بتلاقي اي اطفال ولكن برضى الزوجين هلا عااادي جدا كل ناس هي حرة بحالها نيجي نسلط النيون ع حالنا شوي انا من الناس الي ما بتحب الزغار يعني بدي واحد تفصيل ما بدو يخلف  ولقيت حدا متلي نينا و .. د.احمد ما بشوفها عقدة نفسية ...... انت مع ولا ضد فكرتي انو ما بتحب الانجاب مش حابة احكي (الخلفة)  ؟شو رأيك بالناس الي ما بتحب تجيب اطفال ...؟ ونفس الشي الناس الي بتحب الاولاد الكتار  و النقاش مفتوح تحت قضية الانجاااااااااااااااب ... 
_______________________________
كاْن شيئا ً لم يكن .. وكاْن شيئاً لم يكن .. جرح طفيف في ذراع الحاضر العبثي والتاريخ يسخر من ضحاياه ومن ابطاله ... يلقي عليهم نظرة ويمر .. ..محمود درويش.. 
|
|
#2
29-12-2011, 11:04 PM
|
||||
|
||||
|
والله هو في حرمة معروفة على "تحديد النسل" وفي تحلي على المباعدة بين الولادات يعني بين كل ولادة والثانية عدد معين من السنوات لكن انا بالنسبة اللي لا افضل الخلفة الكتير بحب عدد معين من الاولاد لحتى اعرف اربيهم منيح وكل واحدي اخد نصيبو منهم لو كان عندي عشرة نصيب كل فرد فيهم راح تقل عن لو كانو 3 مثلا او 4 فانا بفضل الخلفة القليلة
_______________________________
|
|
#3
29-12-2011, 11:08 PM
|
|||
|
|||
|
علفكرة انا حضرت النقاش هادا .. وبصراحة كان مثمر جدا حيث انه تم التعارف علي طرق معالجة ازمة الاطفال بالنسبة الي انا بفضل ان يكون هناك فترة كافية بين الزوج وزوجته وثم ينجبو وذلك لما يحتويه هذا الاسلوب من تأجيج المشاعر بين الزوجين وتلهفهم علي المولود .. لنفرض انه بعد خمس سنوات من الزواج .. اعتقد سوف يكونو مهتمين به جدا بل وسوف نري حب كبير بين الزوجين من اجل انجاب ولد لهم بعد مرور خمس سنوات .. طبعا يتطلب هذا التنسيق بين الطرفين .. اي لا يمنع من تطبيق الحياة الزوجية بينهم بغض النظر عن الانجاب .. وشكرا أتمني فكرتي وصلت ..
|
|
#4
29-12-2011, 11:18 PM
|
||||
|
||||
|
" المال والبنون زينة الحياة الدنيا " ايش اللي ضد الخلفة هاي ؟  هم الناس ليش بتجوزوا ازا ما بدهم يخلفوا ؟ هههههههههه انا بالنسبة لالي بحب الخلفة الكتير بحب العائلات الكبيرة اكتر ونفسي اخلف 6 بطون  على اقل تقدير فش احلى من الولاد الصغار اصلا هم اللي بنسوا الواحد همو الي فترة نفسي يكون عندي بنت افرغ طاقاتي الحنانية فيها  وصحيح اصلا الرسول حكى " خير النساء الودود الولود " ومش مع انو الواحد يخاف من الفقر ازا خلف لانو مافي بني آدم بنولد الا بييجي رزقو معاه فيعني الشغلة حرية شخصية لكل عيلة بس مش مع : عدم الخلفة بالمرة  خلفوا كتير او قليل المهم يعني كيف الواحد بدو يعيش من غير ولاد ؟ الله لا يحرم هالنعمة لحدا ويرزق كل مشتهي بالذرية الصالحة
_______________________________
,  Loading...19% |||||||||||||||||||||||||||||||||||||||||||||||
|
| عدد 8 عضو بقولولك شكرأ يا * بيـــونة * على هالموضوع المرتب: | ||
|
#5
29-12-2011, 11:38 PM
|
||||
|
||||
|
مع كتر الخلفة .. و لكن من منظور شرعي محكوم بأمور عقلية و طبية ..
يعني مثلا مش مع انو الزوجين يمتنعو عن الانجاب اول كم سنة منزواجهم على اساس انو بدهم يعيشولهم يومين حلوين و بعدين لا سمح الله يكتشفو انو في عقم بيستدعي العلاج و يقعدوا سنين طويلة يتعالجوا و لما يصير في فرصة يكونوا قطعوا الاربعين .. لانو طبعا لو تم اكتشاف المشكلة بشكل مبكر بيكون افضل .. نقطة تانية كل ما قل الفارق بين عمر الاب و الام و الطفل كل ما كانت حياتهم اكتر سلاسة و التفاهم بينهم اكبر و حتى طاقة الام و الاب عالتحمل اكتر .. بعد هيك مع الخلفة طالما ما في موانع صحية يعني زي انو يكون في تنظيم للنسل .. بمعنى انو فارق سنتين او اكتر شوي بين الطفل و التاني .. هيك لحتى توصل الام لعمر 35 .. ساعتها بيكون في خطر من الحمل على صحتها و على الجنين .. عشان هيك وقف النسل بهاي الحالة مش حرام .. خصوصا ازا الام صارت جايبة عدد منيح من الاطفال قبل هيك .. بشكل عام انا مع كتر الاطفال لانو حلو لما تكبر تلاقي اولادك حواليك و حلو يكون الواحد متربي بعيلة كبيرة و الو اخوان كتير .. بعدين سبحان الله .. اللي بيكون عندو ولدين و بيموتوا بحادث سيارة غير عن اللي بيكون عندو خمس ولاد و تنين منهم بيموتوا .. غير انو الرسول قال .. تناسلو تكاثروا فإنني مباه بكم الأمم يوم القيامة .. ربنا يعطي كل واحد مشتهي الأطفال و ما يحرمهم لحدا الا اللي بدوش عاد 
_______________________________
. . . 
|
| عدد 3 عضو بقولولك شكرأ يا إينر على هالموضوع المرتب: | ||
|
#6
30-12-2011, 12:13 AM
|
||||
|
||||
|
انا هاي الموضة الي طالعة تبعت ضد الخلفة بجد قاهرتني لأنها مش وضع طبيعي ابدا وفي الجالية العربية هان منتشرة بشكل فظيع !! قال فلانة بديش اول خمس سنين والتانية بديش اول عشرة ويجي جوزها يقول بديش بالمرة بدنا انعيش حياتنا !! طيب بس تكبرو وتلاقو حالكم لحالكم قولولنا كيف حياتكم اذا ربنا بالقران قال انو البنون من زينة الحياة تعيشو بلاهم كيف !!؟ العقيم بيضل يصبر حالو انو الو الجنة وبيكون محروق قلبه على طفل لكن مسلم انو هيك قضاء الله بس الي بيقدر يخلف ويتبجح عالنعمة فهاد جحود  وبعدين انا بشوف القلب الي بيحن على الزغار بيكون حنون بكل حياته اما الي بيكرههم فبيكون مش حنون "بديش اقول لئيم " وشغلة الخلفة كلها من عند الله ان شاء بيزرق عبده بخلفة كتير وعفكرة الي كانت اتقول بديش اخلف الا بعد عشر سنين وامكيفة انو جوزها ما بدو اصلا خلفة ومش سائل بعد سنتين حردت على دار ابوها صارت هي بدها ولد وهو يقولها ابدا انا بكره الزغار الله يرزق الجميع بالازواج الصالحين والذرية الصالحة يعطيكي العافية
_______________________________
لا حول ولا قوة الا بالله العلي العظيم 
|
|
#7
30-12-2011, 12:35 AM
|
|||
|
|||
|
طيب احلى شي بالزواج الاولاد اذا مابدك تخلفي ليش تتزوجي اصلا انا بدون الاطفال مابعيش بالمرة بموووت فيهم ببرائتهم نظراتهم ضحكتهم ريحتهم حتى دموعهم زي اللولو عن جد عالم اخر بيجنن بالنسبة الي بفكر يكون 3 سنوات بين كل طفل والتاني عشان كل واحد ياخد حقه في التربية والرعاية ومع كتر الخلفة بس مش كتير كتير بكفي 5 وياحبذا لو كانو 3 ولاد وبنتين انا بدرس وبتعلم وببني حياتي عشان مين ؟ عشان اطفالي وهالتفكير عندي من وانا بالمدرسة مش جديد يعني بفكر انه هالعلم اللي بتعلمه حطبقه ع اولادي بحيث انهم يعيشوا حياة كريمة صحية موفرلهم فيها كل شي اعلمهم فيها الصح من الغلط واشوف ثمرة تعليمي الهم وهما بكبروا قدامي وبصيروا اشخاص مناح بيخدموا مجتمعهم حتى الواحد لما اتضيق فيه الدنيا وبده يبكي بشكي لأحب الناس ع قلبه اللي هما ولاده حتى لو كانوا لسا باللفة ماادفى الحياة وهي هيك اصلا شو قيمة الحياة ازا بدي اعيشها لنفسي اتعلم لنفسي واتعب في الدنيا واكون مال لنفسي وانا وحيد؟! المال والبنون زينة الحياة الدنيا الله لايحرم حدا منهم
_______________________________
 أنا لم أنسج خيوط الشمس ،، لم أصنع زناد البندقية .. غير أن الآآآه في أعماقي قد صنعت قضية 
|
| شكر من هدول الأعضاء يا رغــود على هالموضوع المرتب: | ||
|
#8
30-12-2011, 12:39 AM
|
||||
|
||||
|
مهو انتي علشانك شايف الوضع اللي عندك بتحكي هيك يعني انا هلقيت لما بشوف قردنة اخوتي وشقاوتهم بيحكي انو مستقبليا بدناش خلفة ومن هالكلام  بس لما تيجي للحكي المزبوط الحياة بدون اطفال ملل جد والله  يعني اتخيلي نفسك عايشة انتي وزوجك بهالدار لحالكم هو بروح عالشغل وانتي قاعدة بالدار لحالك اي والله بزهق الواحد اما لما يكون عندك طفلة امورة ولا طفل  بتسلي حالك معو وكمان الرسول حكى( تكاثروا فاني مفاخر بكم الامم يوم القيامة ) غير هيك كمان الاطفال بوطدوا العلاقة بين الزوجين وبخلي الزوج يتحمل مسؤولية اكتر يعني مضارها الشغلة كتيير كبير وازا انتي ما بتحبي الاطافيل كتيير خلفي طفل واحد او اتنين اما تعدميها هيك بالمرة لاء وانا ع فكرة زييك بحبش الاطافيل بس لما افكر بالمستقبل وهيك شغلات ينعن يومهم ما الزهم بكونوا بالدار خاصة ازا كانوا طالعين حلوين لامهم وكانوا امورين وشطورين ههههههههههههه يعطيكي العافية
_______________________________
. . . .  روحك ما يهمها إعتقال !
|
|
#9
30-12-2011, 01:19 AM
|
||||
|
||||
|
خليني أوضح وجهة نظري عشان شايف الأمور تداخلت ببعضها بالنسبة لانو الاطفال زينة الحياة وكل الكلام هادا طبعا وبأكده وانا من الناس اللي لوشفت طفل بالشارع ماعندي مشكلة أوقف وألعب معه  يعني مش لئيم المهم أنا كان نفسي ينطرح هالموضوع مش عشان قصة منع الخلفة بتاتا ياجماعة غالبية نسائنا فشلة اه اه فشلة بتتجوز من هنا وبعد كم شهر بتحمل بعد الحمل خلص بصير الولد كل حياتها بتهمل حالها بتنسى زوجها وبتدبسو بدزينة تانية وفكت فكينا لسه نسائنا وخليني أحكي الأغلبية مش فاهمة شو يعني توازن بين زوجها واولادها مافي انسان بكره الخلفة ولو في فهادا نادرا جدا جدا القصد إنه أنا بدي أتزوج بدي أعيش حياتي متهني مبسوط اطلع اسافر اجي مرتي معي اللي تكمل معي حياتي مش أخرها تخلف وتحمل وتقرف من اهلي وتنكد عليا حياتي وتحرمنا ننبسط عشان خلفت وتنسى انها سيادتها متزوجة وتتغيرلي 20000 درجة وبدها أضل بعقلي يعني اه في ناس مش هيك طبعا لكن الاغلبية العظمى هيك وشايف قدامي حالات بتعمي لذلك قبل ماتذموا بالرجال وبأهله اللي مأجل الخلفه شوي تعو نفكر بحل لنسائنا عشان تعرف تتعامل مع زوجها وتوازن بين الطفل والزوج وع فكرة لما بدها تخلف اكيد مش ابنها حيكون بس ، ماهو ابني بس انا برضو بدي أنبسط واعيش واشعر بالسعادة كيف يعني اذا مابدكم تخلفوا ليش متزوجين ؟ الله اكبر هو يعني بس للخلفة انا متزوج ؟ منا بدي أدلل كمان وأدللها وبدي تسعدني وبدي أستر حالي ياعمي وبدي ميت ألف شغلة اعملها بديش ألاقيها ضربت 10 متر ب 10 متر ومرة وحدة قلبتلي كائن مش معروفله ملامح ماهادا تعريف الخلفة عنا اصلا سيناريو خلينا نقول بتكرر جدا بلاش داييما انتو بتتزوجو بتكونوا يادوب طايقين هالزلمة بتجيبوا منه هالطفل روح انقلع خلص بصير ما اله لازمة وبصير يعني مش عارف الواحد يحكي كتير بس أه الخلفة حلوة والاطفال حلوين والدنيا حلوة بس مين المرأة اللي توازن ؟؟؟ لهيك حقي أخاف والله .. بعد هالتعتير أتزوج عشان أتعتر أكتر وألاقي مخلوقة تانية اي والله بنجن
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
| عدد 6 عضو بقولولك شكرأ يا دكتور بيحلم على هالموضوع المرتب: | ||
|
#10
30-12-2011, 02:03 AM
|
||||
|
||||
|
اقتباس:
اسمحلي اتدخل انا رايقة اليوم  لو الناس هيك بفكروا ما كان حدا خلف يعني الحياة هيك هيك لازم يكون فيها خلفة سواء اجلت ولا ما اجلت والرجال لازم يرضى بالامر الواقع تبع مرتو ما ينساش كمان انو هو التاني بتطرأ عليه تغيرات جميلة جدا وفي رجال كمان برجعوا من شغلهم كلهم ريحة عرق وبطولوا بس يحلقوا دقنهم ايش وراهم هدول كمان ؟؟ شغلة الاهتمام الشخصي والنضافة ما الها دخل بالظروف .. بتعتمد عالشخص نفسو سواء ذكر ولا انثى وطبعا بعمرو ما رح يكون الواحد رايق بعد الخلفة لدلع ما قبل الخلفة حتى الرجال زات نفسو يعني الحياة رح تمشي زي ما مشيت حياة اهالينا انا ما بقول انها رح تصير جافة .. بس كل فترة الها شغلاتها وحب الزوجين ما بيكبر بس بالدلع والغنج بيكبر مع ولادهم ومع العشرة .. حسستني انو بس يزيد وزن مرتك خلص لازم تشوف غيرها ع هيك بدي احرضها اول ما يطلع كرشك تخلعك  العلاقة اكبر من هيك بكتييير بنصحك تقرأ كتب كريم الشاذلي اسمو " الإجابة الحب "
_______________________________
, Loading...19% |||||||||||||||||||||||||||||||||||||||||||||||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
