|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
30-12-2011, 09:45 AM
|
||||
|
||||
كل الشعب قاعد بزرع ( المزرعة السعيدة )
بسم الله الرحمن الرحيم الحمد لله و الصلاة و السلام على رسول الله اما بعد انا وين ما ارح بلاقي الناس بتزرع وسبحان الله مهتمين جدا بالمزارع تعونهم و24 ساعة قاعدين على النت و على الفيس بوك مضيعين وقتهم ومضيعين الدنيا كلها وبزرعوا كأنوا المشاكل والهموم عن هالشعب كلها راحت وما ضل غير وقت التسلاية و تضييع الوقت واللعب والعاطلين عن العمل بردو 24 ساعة قاعدين بزرعوا وكإناه جاي الهم مقاول وحاكي الهم كل واحد بزرع وبعمل اله مزرعة بدوا يشتري منه كل البضاعة واكسبه مكسب حلو وبحكوا ليش البلد عاطلة وفش فيها شغل وكلها واسطات من وجهة نظر اخرى يا عمي ايش بدي اساوي يعني هينا موظفين سلطة وبنقبض واحنا قاعدين على الاقل بنلهي حالنا عن نسوانا شوي بدل ما نضل انا و المرة طق ونق طول اليوم بتفتك من خلقتي شوية واحد تاني بحكي دخيل الله يا زلمة يعني على شوية تسلاية فضحتوا النا الدنيا ما الواحد كل الدنيا مسكرة بوجهه حتى قطة ارض ما عندوا ونفسو موت يزرع وين بدي الاقي قطعة ارض ببلاش غير هون اقعد ازرع فيها واحصد ابيع خريج بحكي ايش بدي اساوي مهو من الهم و النكد الي انا فيه قاعد هون بتفكرني مبسوط يعني بالقعدة هون وقاعد بزرع انا بحرق في عمري حرق مشان اموت بسرعة وافتك من هالعيشة المقرفة هاي بضيع في وقت ي عبال ما تيجي الوظيفة المنشودة او حد يحن علي ويشغلني عنده خريج اخر بحكي انا والله بوازن يا عم بين وقتي وبين اللعب هون في المزرعة يعني مش 24 ساعة قاعد عليها يعني 23 ساعة بدور شغل وساعة برتاح فيها هون شخص اخر بحكي والله يا حج انا متوظف ومتزوج و عنديك ل امكانيات الحياة الحلوة وعندي حتى قطعة ارض وشقة بس باجي هون كل كم من يوم بس مشان اطير شوية زهق وهوايتي بحب الزراعة مزارع بحكي يا راجل كل ما اجي ازرع زتون فغي الارض او اعمل اي شيء بتيجي المقاومة حياها الله وبتضرب كم صاروخ من جنب الارض على اليهود تاني يوم اليهود بخلوا الارض زي المهلبية فهون على الفيس بوك فش يهود وبزرع شو مابدي  هلقيت نيجي للشخر و الاسئلة 1- ليش كل الشعب هيك فجاة صار كله يفوت فيس بوك يعمل اله مزرعة ؟ 2- انتا عندك مزرعة على الفيس بوك ؟ 3- ايش تبريرك للموضوع هاد يعني لو كان عندك مزرعة ؟ 4- ايش رسالتك للشعب او للناس الي بتفوت و24 ساعة قاعدة في المزرعة ؟ __________________________________________________________________________ بالنسبة الي انا بدي اجاوب و ارد على هالموضوع اقتباس:
_______________________________
  قاتل بلا اجر .... وثمن باهض لبسمة عابرة ,تلقفتها عيون ذئب حمراء, لتصبغها بلون دم قاني , قاتل بلا اجر .. تلذذ بسكرة شرب تلك الدموع النازفة المنهمرة.. فأخذ يترنح فرحا , بإصياد هذه الفريسة الغافلة ,ليقذفها بكلمة معسولة ليحيل حياتها الى حطام تكسر على صورة تلك المرآة , ,, فحطم بها المرآة الى الالاف القطع المتلهبة من حر الندم ......  لا مستحيل في تحقيق هدفك في الحياة , فالكثير من الاحلام قد تحققت بفضل اصرار اصحابها على المضي في طريق الاشواك لتحقيق هذا الحلم أ هلا وسهلا بكم في صفحة حائط الاحلام نصائح نحو النجاح واتخاذ القرار الصحيح ياريت لايك وتفاعل
|
| عدد 3 عضو بقولولك شكرأ يا عمو رائد على هالموضوع المرتب: | ||
|
#2
30-12-2011, 03:33 PM
|
||||
|
||||
|
عادي زيها زي اي لعبة بتجيها فترة و بعدين بنزهق منها و بنبطل نفوتها زي قصة البلياردو بعتقد ما بتكون القعدة متواصلة لانو الزرع بدو ساعات لحتى ينمو يعني ما بيزبط نقعد عليها 24 ساعة و لما بنقعد و بنفتح عليها اكيد ب أوقات فراغنا يعني مش معقول ورايا مشاغل او دراسة و بدي اروح اتركها و اقعد ازرع تعلمتها من يومين و زرعت وكنت حابة اتعلمها ومتحمسة بس هلأ حسيتها هبل و لعبة ولاد زغار ، يعني عقولنا اكبر من انو نلعب هيك لعبة
|
| شكر من هدول الأعضاء يا . » رحــيــل « . على هالموضوع المرتب: | ||
|
#3
30-12-2011, 03:42 PM
|
||||
|
||||
|
ههههههههههههه حسيت الموضوع كبر ع الفاضي متلها متل اي لعبه تضرب اول ما تنزل .. وبكرا الناس بتزهئ منهاا يا رائد
_______________________________
.. Walking gets too boring When you learn how to fly
|
| شكر من هدول الأعضاء يا .. NiNa .. على هالموضوع المرتب: | ||
|
#4
30-12-2011, 04:17 PM
|
||||
|
||||
|
لسه قبل مبارح سوسي باعتالي عالفيس بدها الم رحالي و اصير جارتها بالمزرعة المبسوطة
فعلاً كل الشعب "الغزاوي" بزرع مش عارفة ليش اللي برا غزة مش قاعدين بزرعو هههههههه و الله فتحتولي نفسي عالزراعة حكيتلها لسوسي صدقيني اول ما اخلص امتحانات لغير اشتري ارض و افلح فيها و اصير جارتك في لعبة تانية اللي هي السنافر "smurfs" و الله شكلها حلوة زي ما بسمع و هيك مشوقة في معي ناس عالآي باد بنص المحاضرة بقعدوا يزرعو .. قال عشان يحصدوا بعد متخلص المحاضرة ولا اللي بيصحكوابنص الليل عشان يحصدوا الجزر ههههههه جاي عبالي هيك اشترك بلعبة فيها اهتمام دائم و زراعة و حصد و هيك شغلات  بس المشكلة من غير هالواسطة بنقومش من عالنت غير عشان ندرس و بين كل صفحة و لا محاضرة و التانية بنيجي بنشيك مقعد و فيس ايش حال لما يصبير عندي مزرعة ولا سنافر 
_______________________________
. . . 
|
| شكر من هدول الأعضاء يا إينر على هالموضوع المرتب: | ||
|
#5
30-12-2011, 04:23 PM
|
||||
|
||||
|
بتعرف قصة موضة وطلعت يعني مسلسلات تركيه وبعدين الناس زهقتها يعني كل شي باوله الو وهج وبعدها خلص انا عنا ارض ومزروعة لما اروح عليها اكره ما علي اعمل فيها شي ههههههه وبصيروا يحكوا مزرعتك بتموتي عليها هنا ما بتحبي تيجي هههههه بس اولها انا حكيت هاي المزرعة هبلة والي بلعبوها بالمرة بس هالأ متابعة مزرعتي كتير من ورا شغلي كل المؤسسة علي المزرعة وابعتلي كدا وساعدني حكيت اجرب بوقت فاضي بالشغل وكدا بدينا وصارتلي مزرعة بس فترة وحازهق وابطلها زمان كنت العب زوما وهالأ ما بحبها ههههههه والمزرعة جايلها يوم
_______________________________
|
| شكر من هدول الأعضاء يا ديدو1 على هالموضوع المرتب: | ||
|
#6
30-12-2011, 04:24 PM
|
||||
|
||||
|
بلعبهاش وعمري ما لعبتها وعامل disable للنوتيفكيشنز والدعوات الي بتيجيني منها وللأسف بلعب ترافيان حاليا , وحلفت يمين اني مش حرجع العبها تاني بعد ما يخلص السيرفر  تضييع وقت بجد
_______________________________
لن أعطيك بيضة.. بل ساعلمك كيف تبيض
|
|
#7
30-12-2011, 04:53 PM
|
||||
|
||||
|
انا ولا مرة فكرت اني العبها هو انا فاضي ازرع مش بيكفي اللى عندي بالمتعلقات الزراعة كمان بدي اروح على لعبة لحتى ازرع
_______________________________
|
| شكر من هدول الأعضاء يا k A R I M على هالموضوع المرتب: | ||
|
#8
30-12-2011, 05:01 PM
|
||||
|
||||
|
العمل عباده 
_______________________________
 كأني بأليكس يقول هذه الأبيات لجمهور اليوفي : مستقيل وبدمع العين امضي هذه الصفحه من عمري وامضي لم يعد صدر الحبيب موطني لا ولا ارض الهوى المذبوح ارضي لم يعد يمكن ان ابقى هنا فهنا يبكي على بعضنا بعضي .! انا ان غادرت دنيا حبنا فالهوى عهد سيبقى دون نبضي واعذريني ياحياتي لم اعد قادرا الا على الصمت لترضي ووداعا يااحبائي وداعا انا متـــعب والعين تحتاج لغمضي
|
| شكر من هدول الأعضاء يا مشتاق للبلاد على هالموضوع المرتب: | ||
|
#9
30-12-2011, 05:51 PM
|
||||
|
||||
|
انا ما عمري داومت ع لعبة لعبتها كل الالعاب بس بجربهم فترة بعدين بزهق منهم ما الي طولة روح بصراحة ايام ما كنت بالمدرسة كنت اضيع وقت واتسلى عليهم , هلأ منيح ازا لقيت وقت اتنفس ههههه هاي مزرعتي ايام ما كنت العب ( من سنتين ) يا الله شو تعبت عليها  هلأ عملت بلوك لكل الالعاب اللي بيجيني منها نوتيفيكيشن ههههههههه بس بابا وماما مداومين عالسيتي فيل ببقى اسالك اياهم ليش ههههههههههههههههههه بس رح اقولك بصراحة ع حسب ملاحظتي لما بييجوا عالاردن ما بيمسكوا الكمبيوتر اصلا من الاساس بس بالسعودية فش حدا وزهق ع طول فبتسلوا فيها مع بعض يعني بابا بيبعت لماما وهيي نفس الشي وبضلوا يساعدوا بعض على مش عارفة شو هههه وامي بتحكيلي منيح مبسوطة هيك لانو بابا من النوع اللي ما بحب يحكي كتير , فهاللعبة بتخلي بينهم موضوع يحكوا فيه وبتقدر تفتح منها موضوع معو لاي اشي تاني بكيف عليهم والله بس اشوفهم كيف منسجمين وبتناقشوا .. عثل بس لما بييجوا هون بيلتهوا مع دار عمي وما بكون في داعي يلعبوها فبتركوها يعني بس الشغلة تسلاي ومش شايفة فيها غلط غير لو كانت سبب بتقصير الواحد بواجب من الواجبات اللي عليه لازم ندعم الالعاب لانها مجالي وبدرسونا المباديء اللي لازم نمشي عليها لما نعمل لعبة عشان الناس يدمنوا عليها  احنا علينا نكسب حالنا وهم عليهم ينظموا وقتهم ملناش دخل  نورت ابو رائد
_______________________________
,  Loading...19% ||||||||||||||||||||||||||||||||||||||||||||||| التعديل الأخير تم بواسطة : * بيـــونة * بتاريخ 30-12-2011 الساعة 06:03 PM.
|
| شكر من هدول الأعضاء يا * بيـــونة * على هالموضوع المرتب: | ||
|
#10
30-12-2011, 05:54 PM
|
||||
|
||||
|
مزرعتي الحلوة وغنماتي الحلوات زمااااان عنهم اشتقتلهم شو كنت بحب ازرع ورد وفراولة مع انو الفراولة بدها بس اكم من ساعة واذا اتأخرت عليها كانو يدبلو واضطر اشتري هاد السماد  عملتلي ازمة نفسية لما اكون طالعة ما اصدق اوصل مكان في نت عشات احصدهم قبل ما يدبلو هديك السنة العبتها وكل ما امي اتشوفني "يمة حبيبتي شوفي ما شاء الله ما اشطرك في الزراعة اطلعي ازرعيلك شغلة جد  من كتر النق روحت زرعتلها نعنع وبس طلعو اجييت اقطع اكم من ورقة اجت على ايدي دودة وفزّعت الحارة ومن وقتها ما شوفتش لا نعنع ولا غيرو برمت خارج الموضوع بس نهفة هالمزرعة هي لعبة زي هاللعب يعني الواحد بتحسو بيحقق احلام زغنونة حتى لو كانت وهمية انا ضد طبعا انو الانسان يتعطل بس مشانها واتصير هي كل حياته هاد غلط اكيد لكن كوسيلة ترفيه حلوة وبتبين صديقك الي بيبعتلك الغنمات من عدوك الي بيبعتلكش اشي هي النا البنات مش مشكلة بس الشباب لو وقفو حياتهم وشغلهم وقعدو بس 24 ساعة يلعبوها مصيبة لأنهم بضيعو مستقبلهم عالفاضي وكل واحد براسو عقل وبيوزن شو المنيح او العاطل اله وما زال بالغ راشد يبقى يتحمل نتيجة افعاله واهماله يعطيك العافية يا عمو رائد
_______________________________
لا حول ولا قوة الا بالله العلي العظيم 
|
| شكر من هدول الأعضاء يا عاصفة فلسطين على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
