|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
31-12-2011, 07:23 PM
|
||||
|
||||
مسجد..ومؤذن
مسالخيرات وكل عام وانتو بخير بمناسبة السنه الجديده وان شالله تكون سنة خير علينا وعليكم يارب بديش اطوّل عليكم بحبش البرم الكتير بس.. في موضوع من زمان كنت بدي أنزلوا بالشخر وسبحان الله اجا وقتو بعد ماصار معي هالموقف اليوم.. وحبيت اخد رأيكم هديك اليوم كنا قاعدين أنا وصاحباتي وبنتحدت الا هوه بيأدن الضهر .. سكتنا طبعا وصرنا ندعي مع الادان.. طبعا صوت المؤذن إشي فظيع! معلّي صوتو ع الاخر تقولوا فش قدامو مايك وكأنوا في عهد الرسول! صوتو بصراحه نشاز ع الاخر وفي معنا وحده مسيحيه طبعا متأذيه من الصوت ومش مسترجيه تحكي وحاسه انو احنا بردو متأذيين بس مش حاكيين اشي المهم اجت هالوحده ست كبيره وبتقلنا هدا اللي بيأدن ابني!  وفرحانه يعني عليه كتير قمت انا مقدرتش اسكت قلتلها ماشالله عليه والله صوتو جهوري ومرتب بس يريت يحجه تقوليلو يوطي صوتو يبقى احلى بيكون.. قلتلي لا مهو عشان الكل يسمع  ايش يسمع يحجه؟ مهو في مايك ولو وطى صوتو بيكون احلى بكتير بس انتي قوليلو الدكتوره قلتلي هيك وسلميلي عليه وقوليلو يبقى يوطي صوتو والله حيكون احسن.. تاني يوم .. وعند أدان الضهر طلعلكو هالصوت ماشاااااااااااء الله إشي بجد رائع صوت رخيم وحلو ومرتب كتير كلنا انبسطنا وسكتنا وحنا مبسوطين وخاشعين حتى المسيحيه صارت تسمع مبهوره ولما خلص سألنا عنو طلع شب زغير 15 سنه الله يخليه لأهلو.. فموضوع اليوم اللي حابه اطرحو هو هل بنظرك انو صوت المؤذن مهم ولا مش مهم ؟ صوت المؤذن الحلو بيشد انتباهنا وانتباه الناس حتى اللي مش مسلمه ولا لأ؟ كيف نقدر نوصل صوتنا للمسؤولين انهم يحطوا ناس صوتها حلو؟ هل الموضوع هدا لقيتوه مهم ولا مش مهم؟ 
|
| عدد 16 عضو بقولولك شكرأ يا مفيش فايده على هالموضوع المرتب: | ||
|
#2
31-12-2011, 07:55 PM
|
||||
|
||||
|
عجبني الموضوع ، ل هيك رح طبعاً صوت المؤذن أكيد مهم لانه هو اللي بعلي صوت الحق في أوقاته ! عنا شب عمره 13 سنه بأذن في المسجد تاعنا ! صوته ما شاء الله روعة وأيام بإم فينا .. في رمضان وغيره / أكيد الصوت الحلو بيشهد الإنتباه سواء بالأذان او في غيره وغيراته ولا بد في الأذان يكون صوت يسحر الأذهان ويشد العقول وسموه أذان من الأذنين ! / عنا وزارة الأوقاف فيكي تقولي مهملة شوي بقصة المؤذنين وما في متابعة ! .. مهم جداً يا دكتورة الله يسعد قلبك
_______________________________
.. .. .. .. .. .. أنا الذي هو عملت التوقيع .. مش سوسي
|
| شكر من هدول الأعضاء يا sHqe ~ على هالموضوع المرتب: | ||
|
#3
31-12-2011, 08:01 PM
|
||||
|
||||
|
عبد الله بن زيد هو الصحابي اللي شاف رؤيا صيغة الادان وهو حكى : فلما أصبحت أتيت رسول الله صلى الله عليه وسلم فأخبرته بما رأيت. فقال: " إنها لرؤيا حق إن شاء الله، فقم مع بلال فألق عليه ما رأيت فليؤذن به فإنه أندى صوتاً منك " هادا الحديث خطر ع بالي اول ما قرأت الموضوع ..
_______________________________
,  Loading...19% |||||||||||||||||||||||||||||||||||||||||||||||
|
| عدد 5 عضو بقولولك شكرأ يا * بيـــونة * على هالموضوع المرتب: | ||
|
#4
31-12-2011, 08:18 PM
|
||||
|
||||
|
اقتباس:
هلا بيك يا حمزه نوّرت الموضوع والله أنا بحس انو صوت المؤذن أساسي كتير كتير في أيام بصحى على صلاة الفجر وبسمع صوت مؤذن خاشع ورخيم هيك بضلني اسمعو لاخر كلمه بالأذان وبحس بكل كلمه فيه ! وبقية الايام لما بسمع هدلاك بجد استغفر الله العظيم بحس انو بسمعو أداء واجب فقط! إذا إحنا هيك.. كيف الغير مسلمين؟؟ مبسوطه بمرورك الحلو
|
| شكر من هدول الأعضاء يا مفيش فايده على هالموضوع المرتب: | ||
|
#5
31-12-2011, 08:31 PM
|
||||
|
||||
|
رجعتيني بالزبط 16 سنة و نص لورااا
المؤذن اللي كان جنب بيت ستي كان باكستاني كبير بالعمر فكان يأدن ... بجد بطريقة بتخوف و هيك عربي يا دوب كنت انا يا دوب سنتين بس و الله و الله صوتو عالق بمخي كان يرعبني كان لما يبدا أدان أنا افتح المناحة و اروح اتخبى بأي مكان بالبيت و اصير اعيط و احكي " اجا انـGـاي" و تسألينيش شو يعني أكيد مهم يكون صوت المؤذن حلو يعني ان الله يحب اذا عمل احدكم عملا ان يتقنه .. و الله جميل يحب الجمال و كمان الاذان هادا نداء لأحب عمل الى الله .. المفروض الواحد يسمعو و ينبسط و يستمتع فيه حلو الموقف منيح اللي قتليلها للحجة و حكت لابنها الله يبارك فيكي على فكرة في ناس بيسلموا بس لمجرد عذوبة صوت الاذان .. اسمعي مثلا هالأذان لمشاري راشد مين بسمعوا و ما بينشرح قلبو و رحو يعطيكي العافية يا دكتورة منورة
_______________________________
. . . 
|
| عدد 5 عضو بقولولك شكرأ يا إينر على هالموضوع المرتب: | ||
|
#6
31-12-2011, 08:34 PM
|
||||
|
||||
|
اي برايي صوت المؤذن مهم
استغفر الله حتى بالقران بنحب نسمع لشيوخ وشيوخ لا انا ازا الصوت بكون مؤثر فعلا بسرح بملكوت الله بس وقت بكون صوت المؤذن نشاز استغفر الله بحكي ايمت يخلص حلو الموضوع مشكوررررررررررة
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
| شكر من هدول الأعضاء يا لونا باسل على هالموضوع المرتب: | ||
|
#7
31-12-2011, 08:36 PM
|
||||
|
||||
|
اقتباس:
اكيد دائما صوت المؤذن بشد الناس واحيانا بترتاحي لصوت معين بكون من قلبه عم يأدن وبالنسبة انو نوصل صوتنا بهيك قصة عااااد الي بصلوا بالجامع يروحوا للاوقاف وبكل بساطة يطلبوا المؤذن الي ارتاحوله ......... احنا المؤذن الي عنا صوتو حلووو كثير بس احيانا بيجي واحد ما بتحسي انو بخشووع او من قلبو عن يأدن ابصر كيف والله  يعطيكي العافية دوك 
_______________________________
كاْن شيئا ً لم يكن .. وكاْن شيئاً لم يكن .. جرح طفيف في ذراع الحاضر العبثي والتاريخ يسخر من ضحاياه ومن ابطاله ... يلقي عليهم نظرة ويمر .. ..محمود درويش..
|
| شكر من هدول الأعضاء يا الاميرة الساحرة على هالموضوع المرتب: | ||
|
#8
31-12-2011, 08:39 PM
|
||||
|
||||
|
اقتباس:
في النا جاره بالعماره مسيحيه بنتها لما بتسمع صوت المؤذن اللي بحكيلك عنو يتصير تبكي وتعيط وبالزات الفجر طب تخيلي شو بيحكوا عنا المسيحيين طبعا؟؟  أكيد بي......!! نوّرتي يا عسل
|
|
#9
31-12-2011, 08:51 PM
|
||||
|
||||
|
والله موضوع بمحلو ... قبل اسبوع تقريبا انا و صحباتي قاعدين بنفضفض لبعض بهالشغلة و بأصوات المؤذنين بجد بجد والله فيه ناس حرام تأدن ... انو صوتها مش حلو بس صوت عالي و بس بيكون فيه اصوات بتحسي فيها حنية و خشوع ... بتحسيه بيجوّد بالأدان و هو بيأدن ... مش بس صوت عالي خصوصا أدان الفجر ... لازم يكون صوت اللي بيأدن اشي رائع ... بغزة ,,, ما بدي اذكر اسم الجامع ... لكن بيعملو خير بكل الحارة لو يغيرو المؤذن  انا كتير بيهمني صوت المؤذن لإني بكون بسمع للأدان و بميز بين الأصوات ... و لما اكون نايمة و اصحى الفجر ولو إني بكون مسطلة و مش مركزة ..بس ببين الصوت الحلو من صوت اللي صاحي من النوم من دقايق و جاي يأدن ربنا يصلح الأحوال ... يسلمو اديكي ع الموضوع دكتورة
_______________________________
|
| شكر من هدول الأعضاء يا *مس قلق* على هالموضوع المرتب: | ||
|
#10
31-12-2011, 09:16 PM
|
||||
|
||||
|
والله الموضوع هاد جاي على الجرح ومن زمان نفسي انزله بس خايف الاعضاء يفوعوا فيا هههههه المهم بالنسبة لصوت الاذان ايام الرسول كانت الناس محتارة كيف ينادوا للصلاة منهم من حكي انه نحط جرس ووقت الصلاة نطنطن عليه و الناس بتفهم انه وقت صلاة بتيجي تصلي وناس حكت ننفخ في البوق من القرون وقت الصلاة وناس قالت نناديانه الان وقت الصلاة المهم اراء كتير و تاني يوم اجا صحابي للرسول وبحكي اله رؤية شافها في المنام فيها انه سمع ينادى للصلاة بصوت الاذان الي بنعرفه هلقيت يعني فالرسول عليه الصلاة والسلام اعتمد هذا الاذان للنداء للصلاة وأمر بلال انه ينادي للصلاة المغزى في القصة هاي انه الرسول امر بلال انه ينادي للصلاة مش الي شاف الرؤيا ليش لان الرسول قال للي شاف الرؤية انه بلال اندى منك صوتا يعني الصوت الحلو بخلي الواحد يسمع و هو مرتاح ومطمن وبصيبه الخشوع يعني عنا في المسجد احيانا بيجي شخص يؤذن بكون صوته والله رووعة جدا وبخلي الواحد ينتبه انه في اذان ووقت صلاة بس في مؤذن تاني يا لطيف والله انا بنزعج كتير لانو صوته مش حلو بالمرة وبجعر جعار وبدب الدنيا زعاق بصوته من وجهة نظري اعتقد انه صوت الاذان مهم كتير انه يكون حلو ورقيق وندي لانه هيك بكون على السنة وانا اطالب وزارة الاوقاف انها تعيس مؤذنين ذوي اصوات ندية وجميلة وشكر ا كتير الك على الموضوع المرتب هاد
_______________________________
  قاتل بلا اجر .... وثمن باهض لبسمة عابرة ,تلقفتها عيون ذئب حمراء, لتصبغها بلون دم قاني , قاتل بلا اجر .. تلذذ بسكرة شرب تلك الدموع النازفة المنهمرة.. فأخذ يترنح فرحا , بإصياد هذه الفريسة الغافلة ,ليقذفها بكلمة معسولة ليحيل حياتها الى حطام تكسر على صورة تلك المرآة , ,, فحطم بها المرآة الى الالاف القطع المتلهبة من حر الندم ......  لا مستحيل في تحقيق هدفك في الحياة , فالكثير من الاحلام قد تحققت بفضل اصرار اصحابها على المضي في طريق الاشواك لتحقيق هذا الحلم أ هلا وسهلا بكم في صفحة حائط الاحلام نصائح نحو النجاح واتخاذ القرار الصحيح ياريت لايك وتفاعل
|
| شكر من هدول الأعضاء يا عمو رائد على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
