|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
31-12-2011, 10:20 PM
|
||||
|
||||
من هان ل 2020 فش دكاترة, لموا عفشكو :p
منورين يا أطباءنا وطبيباتنا الأعزاء  طبعاً الموضوع مش مبني على أساس علمي أو احصائيات يعني الموضوع تحليلات شخصية مش أكتر , وياااماااا كانت التحليلات أحسن من النظريات الكيميائية  من شهرين تقريباً رحت على مستشفى في تايلند اسمه Bumrungrad مستشفى كبيير وعالمي , الناس بتسافرله مخصوص يعني صرنا واصلين هناك قلنا نعمل فول تشيك آب عشان نتطمن على حالنا  فعملولنا فحوصات من قمة رأسنا لأخمص قدمينا , باستخدام أحدث الأجهزة الي عندهم طبعاً الممرضين والممرضات واخصائيي الأشعة الي كانو بيعملو هالفحوصات  بعدين أخدوا منا عينات دم, بول, براز : وهدول راحو لأخصائيي التحاليل عشان يحللوا أبوهم وين الدكاترة لحتى الآن , فش فش بعدين بالأخيييير بعد ما خلصت كل اشي بروح لدكتورة عشان تشرحلي كيف حالتي الصحية طبعاً قدامه ملفات عالكمبيوتر , وفيها نسبة السكر والكليسترول والهيموجلوبين وارقااام بلاوي الأرقام الي ملونة أخضر يعني النسبة كويسة ازا أصفر يعني شوية أعلى أو أقل من النسبة الي لازم تكون (تحذير) والأحمر يعني حالة خطيرة الدكتورة ما لقتش اشي أحمر , صارت تدور عالأشياء الصفرة وتحكيلي عندك هنا النسبة زايدة شوية , هنا ما بعرف شو , يعني أي واحد دارس أدب انجليزي وبيعرف المصطلحات بالإنجليزي حيعرف يحكي زيها  وبعدين عملولي تست حساسية , يشوفو ايش في أشياء في الدنيا ممكن تسببلي حساسية وبينخزوا فيها الجلد وبعدين بيحطوا عليه سائل من هالمحسس وبيشوفو تأثيره عالجلد فالمهم كانت الدكتورة العزيزة فاتحة على جوجل أي اشي ناسية ايش هو بتدور عليه وبتلاقيه هناك ازا نسيت ايش الدوا الي لازم تعطيني اياه ايييييييييزي .. اكتب اسم المرض في جوجل بيطلعلك كل الأدوية الممكنة , اختار ايش متوفر في تايلند وخلص  فمن الآخر يعني , حيتم استبدال الأطباء قريباً بناس دارسة دبلوم مثلا 6 شهور في اشي معين, فبيحتاجوش ناس تدرس عشرطعشر سنة دراسة عشان يصيرو دكاترة مثلا واحد ياخد كورس في كيفية استخدام جوجل لأمراض الجهاز التنفسي (يكون تخصصه ومجاله هادا) بيكون خبرة في التدوير على أعراض كل مرض والأدوية الي بيحتاجها على حسب العمر أخصائيين الأشعة والتحاليل برضو بنحتفظ فيهم مهمين يجيبوا حدا يكون ماخد دبلوم صنايع في المكاين الي بالمستشفى, الي بيستخدموها لعمل الفحوصات .. يكون خبرة بأي اشي يتعلق بهالمكاين وكيف يستخدمها الصيدلي مهم بنقدرش نستغني عنه كمان الجراحين ودكاترة الأسنان كمان خليهم حرام , بدناش نقطع برزقتهم  ولو انه في اليابان عملو روبوتات بتعمل عمليات في الأسنان بس لسه حتوصلنا هالتكنولوجيا بعد 100 سنة فهلقيت الي فيكو توجيهي يحط هالكلام في باله قبل ما يقدم على خطوة ممكن يندم عليها بالمستقبل  الا صحيح , مين شاف احتفالات النيو يير عند برج خليفة؟
_______________________________
لن أعطيك بيضة.. بل ساعلمك كيف تبيض
|
| عدد 3 عضو بقولولك شكرأ يا صايع بس ولد ناس على هالموضوع المرتب: | ||
|
#2
31-12-2011, 10:25 PM
|
||||
|
||||
أنا جايه أقول كل سنه وانت طيب يبو يعقوب وكمان جايه اقول الحمدلله اللي خلصنا الطب قبل متروح علينا.. كل هدا مغيوظ من الاطباء؟؟  ولا عشان موضوعي تاع المدرسه؟؟!
|
| شكر من هدول الأعضاء يا مفيش فايده على هالموضوع المرتب: | ||
|
#3
31-12-2011, 10:34 PM
|
||||
|
||||
|
يؤسفني أقلك و لأول مرة في تاريخك الهندسي بتكون أخبارك بايتة يا بش مهندس مستشفى جامعتنا فيه زي هيك لما تروح على الميكروبيولوجي لاب مش بس بتحط العينة تحت الميكروسكوب و بتشوف شو البكتيريا او الفايروس و بتقعد بتحلل هو اي نوع و و و و مليااان ماشينز عليك تحط بقلبها العينة و دقايق بتكون النتيجة طالعة عندك نوع مسبب المرض و الفصيلة و كل اللي بدك اياه شو رأيك هادا و هو مستشفى جامعي و ما زرناه غير مرتين و احنا طلاب سنة تانية و مش عارفين شي عن المتخبي كمان بالنسبة للي اكتب اسم المرض على جوجل بطلعلك مليون دوا برضو قديمة في شي اسمو البوكيت بوك فيه اسامي الادوية المهمين لكل مرض يعني باختصار بنحفظ اسامي الادوية للامتحان و بعدين سلامة تسلمك .. و بعدين جوجل از نت بروفيشينال هلأ مثلا ويكيبيديا بيكونوا كاتبين فيها "ازرع بذرة مقالة "يعني انا بقدر بكل بساطة افوت و احكي اللي بدي اياه عن الهندسة و ييجوا الجونير مهندسين يقرؤوا المواد المهمة للسكافولدنج اكون انا كاتبالهم قصب سكر مثلا يروحوا يصدقوني و يبنوا بناية من قصب السكر .. هي التطور شفت الالعاب النارية على التلفزيون شي لزيز بس انا كنت بحيي راس السنة مع الفارمة مع ادوية الكيمو  منور العناية
_______________________________
. . . 
|
| عدد 3 عضو بقولولك شكرأ يا إينر على هالموضوع المرتب: | ||
|
#4
31-12-2011, 10:39 PM
|
||||
|
||||
|
الحقد الحقد بقى ولا تحلم ، بكفي طلتنا البهية هاي لحالها قصة ومنهج احنا الشعب والشعب ما بيموت ، احنا باقوون كالزيتون ، بعدين بطل تفكير بالدكاترة رح تشيب يارجل قبل اوانك ، بعدين ما بنجوزك وبتعنس  
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
| عدد 2 عضو بقولولك شكرأ يا دكتور بيحلم على هالموضوع المرتب: | ||
|
#5
31-12-2011, 10:42 PM
|
||||
|
||||
|
اقتباس:
وانتي طيبة يا خالتشي لا انتو نفدتو من الموضوع , انتو حييجي وقت من الزمن يصوروكو بكل اشي بتعملوه وبالآخر يصنعوا روبوتات تقوم بشغلكو , وفش دكاترة حتشتغل بعديكو اقتباس:
ثانياً : انتي قاعدة بتأيديني بالكلاام انو الدكاترة ملهمش فايدة , طالما كل اشي بينعمل بالماشينز ثالثاً: ويكيبيديا دقة قديمة للطلاب الي زيكو , أنا بحكي يكون شخص متخصص بالبحث في جوجل , يعني بروفيشينال , كل المراجع بتكون قدامه وهو عنده مهارة البحث فيهم عاد رابعاً : بدك تخربي بيتنا بقصب السكر انتي, بدي أقترح هالإقتراح في الشت داون الي جاي منورة يا اينر .. هلا عمي
_______________________________
لن أعطيك بيضة.. بل ساعلمك كيف تبيض
|
|
#6
31-12-2011, 10:45 PM
|
||||
|
||||
|
قصدك انو التقنيين اللي بيشتغلوا بالمختبرات هم اللي حيختفوا
مش الدكاترة يعني ابسط مثال محدش حيسمح لروبوت انو يولد مرتو 
_______________________________
. . .
|
|
#7
31-12-2011, 10:45 PM
|
||||
|
||||
|
اقتباس:
هييييييييه بس .. خيراً تعمل شراً تلقى يعني الحق عليا قاعد بنبهكو قبل ما توقع الفاس في الراس وبعدين انتو دايماً عالبال يا دكتور ولو , لا هيك بتزعلني منك
_______________________________
لن أعطيك بيضة.. بل ساعلمك كيف تبيض
|
|
#8
31-12-2011, 10:49 PM
|
||||
|
||||
|
اقتباس:
شوفي في مبدأ أنا ماشي عليه بحياتي I trust machines يعني لو بدي أنط من طيارة واعمل سكي دايفنج .. طالما هما حاسبينها وعاملين معدات وحبال وبراشوتات , بنط وأنا مغمض فلما روبوت يولد مرتي على الأقل بيكون مبرمج يعمل شغله صح , مش بني آدم يغلط بس عاد يكون فيه زر للطوارئ لو خرب الروبوت يوقف , مش يضلو مكمل طريقه ليش تقنيين المختبرات يختفيو؟؟ هما الي بيقومو بالشغل , الدكتور ايش بيعمل
_______________________________
لن أعطيك بيضة.. بل ساعلمك كيف تبيض
|
|
#9
31-12-2011, 10:54 PM
|
||||
|
||||
|
نفس النظام الأمريكي الدكاترة هان مرتاحين عالاخر بس الجلطة وين لما بعد كل هاد يطلع أخطاء طبية  هو اكيد بينفعش نستغني عن الدكاترة الاصليين بحملة دبلوم "ما هو عالأصلى دوّر وسيبك من المزور " بس النظام هاد بحسو بيعودهم عالكسل وانت كاين في تايلاتد !!!؟ شمة هوا في مستشفياتهم ولا كيف !!؟؟ وفحص المخدرات شو طلع !!؟؟  سلامات يا عوض يعطيك العافية صايع بس ارهابي
_______________________________
لا حول ولا قوة الا بالله العلي العظيم 
|
| عدد 2 عضو بقولولك شكرأ يا عاصفة فلسطين على هالموضوع المرتب: | ||
|
#10
31-12-2011, 10:54 PM
|
||||
|
||||
|
و بعدييين عاد :@
بقولك التقنيين لما رحنا عالمختبر قالولنا التقنيين بنفسهم انو اصلا حاليا مش محتاجين تقنيين ولا جابوا سيرة الدكاترة خلص ححاول اخترعلك روبوت يسلكلك كل امورك الله يبعدكم عن الدكاترة صحيح شو بدكم فيهم
_______________________________
. . .
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
