|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
01-01-2012, 01:52 PM
|
||||
|
||||
الشيـــــــــــخ مهنا ( تعدد الزوجات )
السلام عليكم ورحمة الله تعالى وبركاته من فترة شفت حلقة من برنامج تصافينا الذي يعرض على قناة المجد الفضائية وكان عنوان الحلقة(حتى يكون الزواج ناجح) رح اعرض يوتيوب الحلقة يلي جذب انتباهي انو هالشيخ متزوج 18 امرأة وعندو ماشاء الله 33 ابن وابنة والحجة انو بدو يقضي على ظاهرة العنوسة مع انو ما تزوج وحدة اكبرمن 19سنة هلا بجد استفزني بشغلة انو المراة يلي مابتقبل انو يتزوج عليها كان يطلقها انا مو ضد التعدد ، بالعكس اذا كان الرجل عادل وين المشكلة؟؟ انا استفزني هالانسان مع انو بيحكي من ناحية شرعية ومدري شو انا بعتبرو انسان مريض سؤالي: انت/ي شو رأيك/ي بالموضوع ؟ هل هو فعلا عم يقضي على ظاهرة العنوسة؟ انتي كامرأةهل توافقين على ان تكوني زوجة ثانية؟ او ان تكون لدى زوجك زوجة أخرى؟ بتمنى تكونوا فهمتوني وانو تعطوني رأيكم مع تحياتي /أم أنس |
|
#2
01-01-2012, 06:10 PM
|
||||
|
||||
انت/ي شو رأيك/ي بالموضوع ؟ رايي انو حسبي الله ونعم الوكيل فيه وبكل اللي مدحوا فيه لانو متخلف هل هو فعلا عم يقضي على ظاهرة العنوسة؟ هو بتهابل انتي كامرأة هل توافقين على ان تكوني زوجة ثانية؟ لا يمكن او ان تكون لدى زوجك زوجة أخرى؟ قبل فترة كنت احكي مش رح اخليها تتهنى معو وانا اروح بس هلأ طز بكل الدنيا  مش رح اعيش غير مع واحد بدو اياني لحالي ازا حابب يعدد الله معو ومعها لانو اللي بكون عندو تنتين بصيرو يتسابقوا مين ترضيه اكتر فخليه يتسهل تهنيه لحالها وانا بشوف حالي الله لا يحوجني لحدا ولا يكتبها علي ولا ع اي بنت ابدا __ حابة اعلق ع كزا نقطة انحكت بالبرنامج اول شي انا وجهة نظري عن التعدد حكاها المذيع باول الحلقة قبل ما يبلش يسال النسونجي اللي معو لو الواحد مرتاح مع مرتو ما يعدد .. ازا في سبب منها بخليه يعدد فحقو غير هيك انو الاصل هو التعدد وانو اللي بعدد فحل واللي ما بعدد جبان !!! هاد اسمو تخلف وتفكير ناس غبية حتى لو كان شيخ في مشكلة واجهتني وانا بحضر بالحلقة انو المذيع كتير برم .. في كتير اسئلة كنت حابة اسمع راي الزلمة المتزوج الف وحدة فيها وما خلاه يكمل قال بيقضي عالعنوسة ومطلق خمسمية وحدة وتلاقيه اصلا مسمي ولادو ع اسماء انبياء عشان يعرف يحكي اسماءهم لانو مش من التعبد انو الواحد يسمي باسم نبي ولا بعمري سمعت حديث بقول هيك واضح انو شخصية جدا مستفزة والله يعين نسوانو عليه الحلقة مش رح اناقش فيها كتير لانو كلها ع بعضها مش عاجباني حتى لو في حدا مقتنع انها صحيحة من وجهة نظر شرعية بس بالنسبة الي مش رح اقبل التعدد ع حالي في مليون زلمة الحمد لله ما بعددو ومش بحاجة واحد يرفعلي ضغطي ويموتني قال الفطرة السليمة للرجل باكتر من وحدة واللي متجوز وحدة يعتبر عزابي افهم من هيك انو ابوي وعمامي وخوالي وجيراننا وكل اللي متجوزين وحدة شاذين ومش ماشيين عالفطرة السليمة ؟؟ اسمحيلي كتير جمل حكاها ما دلت الا ع طمعو وع سطحيتو بحسسني انو مش بني ادم وبس طول نهارو يتجوز زي البهايم يع شو 18 وحدة ؟ باي عقل بتفوت هاي انو كان يتجوز الوحدة ومش ناوي يطلقها ؟؟ هاد تلاقيه بيستفزها لحد ما تقرف حياتها وهيي اللي تطلب الطلاق ويقول اجت منك يا جامع احلى شي انو حكى انو المتعلمات اشد غيرة من المش متعلمات وما بيقبلوا التعدد اكتر معناتها اللي زيو ما بيلزمونا الله معو يروح يشوفلو وحدة قصدي 10 من البادية ويريح الامة من اشكالو نص الرجال صاروا بدهم يعددوا بعد الحلقة وفتح شهية الامة وبالاخير حضرتو تكرم علينا وحكالنا : بحكي لمصلحة النسوان .. شكرا كتير الك يا حنون يا رهيف انت قال لمصلحتنا قال .. يروح يشوفلو شغلة يعملها بدل هالحكي الفاضي ما حدا بيقدر يكون ضد التعدد بس مش هيك الامور بتنقاس .. الله ينتقم منو
_______________________________
,  Loading...19% ||||||||||||||||||||||||||||||||||||||||||||||| التعديل الأخير تم بواسطة : * بيـــونة * بتاريخ 01-01-2012 الساعة 06:16 PM. 
|
| عدد 14 عضو بقولولك شكرأ يا * بيـــونة * على هالموضوع المرتب: | ||
|
#3
01-01-2012, 06:21 PM
|
|||
|
|||
|
رد بيونة اعطانا الملخص وعبر عن رأيي ماتابعت الحلقة مش جاي ع بالي انمغص مع هيك اشكال بالنسبة الي مابدي اكون انانية كبيرة مع انه مشاعر الغيرة وحب التملك هاي فطرة طبيعية بالمرأة تجاه الرجل اللي بتحبه لكن بوافق انه يتزوج تانية في حالة واحدة كانت هادي اللي بده يتزوجها حالة مأساوية وزواجه منها اضطراري كنوع من المساعدة بوافق غصب عني طبعا الله لايقدر ولايحطنا بهيك مواقف
_______________________________
 أنا لم أنسج خيوط الشمس ،، لم أصنع زناد البندقية .. غير أن الآآآه في أعماقي قد صنعت قضية 
|
|
#4
01-01-2012, 06:49 PM
|
||||
|
||||
|
هاظ شيخ ؟؟؟؟؟؟؟؟؟؟؟؟؟؟؟؟؟؟؟؟
هاظ *****  بدو نسوان بس وبحارب العنوسة وبشجع الطلاق !!!!!
_______________________________
التعديل الأخير تم بواسطة : * بيـــونة * بتاريخ 01-01-2012 الساعة 07:00 PM. ليش؟: مع انو معو حق بس المسبة لا تليق بشيخ
|
| عدد 2 عضو بقولولك شكرأ يا sal6a3 burger على هالموضوع المرتب: | ||
|
#5
01-01-2012, 09:04 PM
|
||||
|
||||
|
والله كلامك سليم يابيونة
فشيتلي خلئي ربي يرضا عليكي نوررررررررررررتي
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
|
#6
01-01-2012, 09:05 PM
|
||||
|
||||
|
اقتباس:
التعدد ازا كان في داعي الو والرجل بيعدل وين المشكلة؟ بس متل هاد اعوذ بالله منوررررررررررررررة غاليتي
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
|
#7
01-01-2012, 09:06 PM
|
||||
|
||||
|
اقتباس:
هاد واحد مريض وبدو علاج الله يهدي المشكلة كل حكي بالسنة والقران شيخ مرور عطرررررررررر
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
|
#8
01-01-2012, 10:45 PM
|
||||
|
||||
|
ما شفت الحلقة مع انو حابة بسراحة بس للاسف ما في وقت معي هلا لانو جاي عبالي انمغص شوي ..وافش خلقي في بزيادة مع انو الملخص ياللي كتبتي واللي كتبتو بيونة بردهاا كافي انو يجلطني مش بس يمغصني هلا بجد .. قلة في ناس ماخدين الدين تفصيل عهواهم !!؟ سارت هاي شغلة منتشرة للاسف بطريقة مخيفة بهالزمن وكل واحد بحفظلي كم من حديث بس مشان يقعد يفتي قدام خلق الله سواء بالسياسة ولا بالزواج ولا بالمصالح الشخصية كلها الدين سار شماعة ليعلقو عليها كل رغباتهم وهاد للاسف مثال عالتشكيلات ياللي بنشوفهاا مفكر حالو بحكي بالدين .. والله الدين بريء من هالتشكيلة  لي اللي متلو مش المفروض يكون بعرف انو ابغض الحلال عند الله الطلاق ؟ وما بسمع عن عقاب رب العالمين للي بظلمو بنات الناس؟؟ ياللي متلو مفكر العلاقة الزوجية بس (حقوق) الو..وتناسى انها (حقوق وواجبات) الو وعلي ومن الشغلات ياللي بحاول يضحك فيها عحالو انو بدو يقضي عالعنوسة عفكرة في شباب بعدها ما تزوجت راح يطق قلبها عالزواج فيروح يتبرع بحق الزواج هاد لواحد من الشباب المحتاجة طالما هالقد خايف عالمجتمع  وقتهاا راح يدعولو بدل ياللي اكيد بصحو وبنامو وهما بدعو علي هينة عليك بالله تاخد بنت باول طلعتهاا تتزوجها وبعد كم شهر تطلقهاا وتتركها مع ابن او اكتر .. وتتركهاا مع حكي الناس اللي ما برحم وحسرتها عحالها وعمرها اللي راح !!  وازا بحكي انو من الفطرة انو الزوج يكون متزوج اكتر من وحدة معناتهاا شخصيات من الصحابة اعلى منو مرتبة واقرب لرب العالمين متل علي بن ابي طالب كمثال سارو مخالفين هاي الفطرة !!! وكتير صحابة عنفس النمط لانو في كتير حدود رب العالمين حطهاا للي بدو يتزوج اكتر من وحدة لازم يلتزمو فيها الرجال وهاي الحدود مش هينة يتغاضو عنها ! اللي متل هاد بكون عامل فيها الاخ الغيور عاهلو ونسوانو .. طيب حس يا اخي .. حتى امهات المؤمنين كانو يغارو وهما كانو متزوجات النبي صلى الله عليه وسلم ( ولا تشبيه طبعا  ) حتى عائشة رضي الله عنها كانت تغار من السيدة خديجة وهيا ميتة .. هادوهيا متزوجة اعدل خلق الله واحسن الناس خلقا وخلقا واحسن الناس لاهل بيته !! فكيف ياللي هلا !! الله لا يوقعناا مع اللي متل تشكيلتو لانو حتى لو الوحدة بتفكر حالهاا ما بتغار .. راح تكتشف بعدين انهاا بتغار .. وبتغار وبتغار وبتغار وكتيير كمان انت/ي شو رأيك/ي بالموضوع ؟ رايي انو انسان مستفز مفصل الدين عمقاسو بالزبط !! ديناا مش هيك .. ولا عمرو بكون هيك وولا عمرها العلاقة الزوجية كانت بهالتفاهة هاي !! في كتيير شغلات لازم المتزوجين يراعوها متل ما راح اكون متقية الله باللي راح اخدو واصونو واصون اسمو وبيتو لازم اتوقع نفس الشي منو والحمد لله انو هالتشكيلة عارفة انوما بزبطو مع المتعلمات لانو شخصيا .. لو زوجي بفكر بالموضوع ولو عن مزح ما راح اتردد اخلي يكره الساعة ياللي شاف فيها وجهي هل هو فعلا عم يقضي على ظاهرة العنوسة؟ اهليين يا حنون !! طالماا بدك تقضي عالعنوسة .. روح تزوج وحدة عمرهاا فوق ال35 مش بنت باول طلعتهاا ما بتعرف عن الدنيا شي !! ولا روح ادفع للشباب المسكينة ياللي بتمضي 3 ارباع عمرهاا بتجمع بالمهر ووفق بينهم مع بنات الحلال .. صدقني العنوسة مش راح تزعل منك لوما تزوجت 18  ! انتي كامرأة هل توافقين على ان تكوني زوجة ثانية؟ لو بدي اندفن ببيت اهلي ولا يمكن اقبلها متل ما بقبلها عحالي ما راح اقبلها عغيري او ان تكون لدى زوجك زوجة أخرى؟ ولا بتخيل !! ما بتخيل انو اكون معطياه كل مشاعري وكل وقتي وحبي الو وبالاخر اكتشف انو وهوا قاعد معي كان بفكر بوحدة تانية !! بالوقت ياللي انا قاعدة وعطياه كل حياتي وتفكيري ومشاعري اخ راح انجلط من الفكرة لحالها  بحس بيتي راح يكون مملكتي الصغيرة وزوجي ملك الي انا لحالي ما راح اقبل على اي وحدة الله خلقها تيجي تشاركني هاي المملكة واللحزة ياللي راح اكتشف ( بعيد الشر طبعا  ) انو زوجي ممكن يعملهاا اوكي الله معك .. بس ورقة طلاقي تكون قدامي قبل ما تتحرك لانو اكيد وقتهاا ما راح يستاهل كل ياللي قدمتو مشانو وضحيت في مشانو موضوع كتيير بقهر الله لا يوقعني ولا يوقع وحدة من الصبايا في ومتل ما حكيت هيك ناس بوخدو بس ياللي ماشي مع (مرائهم ) بالدين بتلاقي الشب مش حافظ من الاية غير ( مثنى وثلاث ورباع) طيب بلاش شو باقي السورة خلينا نسالو شو باقي الاية .. ما بعرف .. اكيد ما راح يعرف لانومش مهم بالنسبة الو .. اخد المهم من الاية وترك الباقي يا ريت ياللي بدو يفكر بهيك شغلة يتقي الله .. يتقي الله بالمسكينة ياللي فانية عمرها مشانو وما يعملو هيك الا بس ازا الظروف اتطرتهم لهيك :S الله يبعد عن زوجي المستقبلي كل هاي الافكارات الشريرة  
_______________________________
لا الـه الا الله .. محمدا رسول الله ~~~  Don't Frown ~~ You Never know who will be falling in LOVE with your smile !!
التعديل الأخير تم بواسطة : *MiRaClE* بتاريخ 01-01-2012 الساعة 10:50 PM.
|
| عدد 6 عضو بقولولك شكرأ يا *MiRaClE* على هالموضوع المرتب: | ||
|
#9
01-01-2012, 11:21 PM
|
||||
|
||||
|
من الآخر هادول حافظين مش فاهمين وبستغل الدين وهاللحية عشان يظبط حاله ويعيش حياته ويتمتع ، بس أكيد جايبنو المجد نكشة راس بس انه ( اسلامية ) يعني معقول شخصية زي هيك تيجي تحكي عن التعدد ؟
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ)) التعديل الأخير تم بواسطة : دكتور بيحلم بتاريخ 01-01-2012 الساعة 11:25 PM.
|
|
#10
01-01-2012, 11:45 PM
|
||||
|
||||
|
وعليكم السلام ورحمة الله وبركاته
يا وردييييييه 50 دقيقة أنا بدي أعلق استناداً على كلامك لأني ما شفت المقطع بجملة وحدة وإن شاء الله ما يكون كلامي غلط أستغفر الله هذا المشكلة انو محسوب عالمسلمين!! آه خلص خلصت
_______________________________
You Either Die A Hero Or Live Long Enough To See Yourself Become The Villain
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
