|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
03-01-2012, 11:24 PM
|
||||
|
||||
"نسوان مفترية في ججا والقضية ""للمسابقة "
"نسوان مفترية في ججا والقضية " كان يا ما كان في قديم العصر والاوان لحتى كان يوم ما كانت المرسيدس حمارة والاذاعة ام فتحي دايرة بالحارة وجحا ونوادره امعبية العمارة بيوم من الأيام كان صاحبنا جحا بيمشي بالسوق نافش ريشه وفارد عضلاته ,بيتسطّل في المحلات وفش في جيبته فلس يعتب عليه بس الي بيشوفه بيقول عنتر ابن شداد "ما هو جخو ولا تموتو حزانى " وصل جحا لعند محل اواعي للنسوان وكالعادة كانو النسوان عليه زي النحل والدبان وكل وحدة تشتري وتتشرى ما هو شو عليهن غير يصرفن ويتمصرفن  لفت نظر جحا وحدة حلوة كتير "بتحل عن المشنقة من حلاتها "مارلين مونرو اعرفنا  " فنفش ريشه اكتر وحبس الهوا في رئتيه عشان ينفخ صدره وعلّى راسه بكل شموخ ووسام ووعد "شو جاب بنات الأسير بالقصة  " فاذا به في قمة استعراض الديوك هاض يجيله كف ينفسه زي البلون  صدى الكف رن رنرنة في جميع انحاء السوق لحتى بتعة وزليخة الي كانن يتقاتلن على كندرة بنفتحية حطوها وقعدن يتفرجن. دقايق صمت سادت في السوق وبالحركة البطيئة زي افلام الأكشن الاميريكية لف جحا وهو رافع ايده على خده واتطلع على كل الموجودين الي قاعدين زي صفية المشتفية وما همّه من بينهم غير ام عيون عسلية قال في حالو لااااااء اتهزأ قدامها لاااااء  أنا صحيح عواطلي وصايع ضايع وبسواش فرنك بس ازغر في عينها لاء وبلّشت عينيه تحمر وتولع شرار وعلى ذمة الراوي ابو ذمة اوسع من ذمة حسني مبارك قال انو الشرار الي طلع من عينين جحا لسع الي واقفين قدامه لبعد تلاتين متر "صار فيلم هندي " الزلمة الي ضرب جحا بعد ما شاف الشر بيكب من وجه جحا عرف انو اكل هوا وصارت دقايقه معدودة وكان بدو يلف حالو ويهرب لولا انو جحا مسك بلوزته من وراه وشدها فالزلمة قدّم عرائض لوائح اسفات واعتذارات اكتر من اعتذارات قوات الناتو لبعض في نيرانهم الصديقة بأفغانستات بس وين على جحا هالأسف أي بأي بنك بينصرفو هدول بهدلتنا قدام المزة يا ثكلتك امك .فصارو يتضاربو ويصيحو على بعض والبهدلة المرتبة انو الزلمة انمزع قميصه في الطوشة وبينت البلوزة الي تحته الي فيها 16 خزق وبتحكي عن مأسي الشعب الفلسطي كلو " اي هو احنا معترين من على ايام جحا  " وبعد فترة من البوكسات والشلاليط والمسبات الي بيحبها قلبكم وبعد ما الناس شبعت من شوفة جون سينا وجون مينا نازلين في بعض قررو يشحطوهم لعند القاضي أبو سيلينا  "عالموضة هالقاضي " القاضي أبو سيلنا كان قاعد بيربط رسالة برجل حمامة بيضا عشان "بيشتت " في وقت فراغه مع صاحبه أبو العبد عن طريق المسنجر السريع في هضاك الوقت دخلو عليه جحا والزلمة وأشكالهم زي خميس وصبحي "شعرهم منكوش وأواعيهم ممزعة ومليانة تراب والدم بيشكع شكع  من تمهم "بيشكع يعني نازل بانهمار سريع يا فرنجي انت واياه واياها أول ما القاضي شاف الزلمة الي ضرب جحا اتغيير وجه وامتعظ وصارت المية واحداعش 111 بين عينيه اتشوفها عن بعد ميل هاد ابن عم سيد المدام ورطتنا بورغندي اليوم  واتذكر القاضي شو صار فيه يوم ما حكم بالعدل على حدى من قرايب المدام والي هي حماته العزيزة  يومها أصدر الحكم عليها بعشر جلدات وأصر انو هو ينفذهم بنفسه فمسك الكرباج ونزل فيها على جنابها وضحكته مطبوعة على وجهه " وما وقف لما ضربها العشر جلدات لا لسا ضل امكمل لحد ما خمسة قدرو يمسكوه ويثبتوه حماته حقدت عليه ومرته المفترية ام سعدية "ما هي سيلينا اسم الدلع تبع سعدية " رمته يومها ينام فوق السطوح وقد ما حاول يبرر بحجج أشكال ألوان الها من انو هو خاف عليها من الجلاد مرة وزاد في الضربات عشان مناح للعضلات مرة ما كانت تقتنع أبدا وقضى ليلته فوق السطح ميت من البرد ومن زناخة جارهم أبو سعيد الي هو التاني كانت مرته طررته كالعادة فوق السطوح بس اللئيم كان امحضر حاله بتيرموس شاي وقهوة واشوية تسالي وحرامات "من كتر ما انطرد صار متجهز دايما أبو سعيد شاف القاضي أبو سلينا فوق السطوح فشمت كعادته الزنخة ونزل عليه بأسلئة أسرع من المطر الي تشتشهم وأحد من لسان ابو سعيد السيف وعلى قولة شو بتساوي فوق السطوح بالليل يا جارنا ؟ ولحظه المعتر كان فش قمر ليقول انها قعدة رومانسية وحابب يغير جو كان جاي على بالو يلطشو كف يخليه يلف لفه ويعايريه انو هو المطرور دايما بس عاد الي بيته من قزاز ما هو لا تعايرني ولا أعايرك الهم طايلتي وطايلك الله يسامحك يا ام سعدية شمتتي الأعداء فيا وغير هيك اجبرته يشتري هدية لامها خلخال دهب عشان تتباهى فيه قدام نساوين الحارة وهو اتحرك خصرها البرميل في رقصة عرس ام قنديل القاضي من يومها صار اذا اجى حدى من طرف المدام يطلعه زي الشعرة من العجين ما هو بدو يسلم من فتك المفترية ام سعدية فبس اجى صاحبنا وجحا غمزه القاضي أول مرة جحا فكّر انو في مزة ورا الزلمة بس لمّا شاف فش حدى بلّش الفار يلعب بعبه دخلله بسّة توكله ما هو مش معقول القاضي بيعاكس بالزلمة اي والله لو انّا بسنة ال 2011 ما صارش هالحكي بس بعد اشوي شاف جحا كمان غمزة من القاضي للجاني وهالن اتقين انو في بينهم لغة شيفرة وانو انحلقلو عالناشف لحد ما صلعته لمعت وحقو ضاع وراح هدر بس قال خليني الاحق العيّار لباب الدار واشوف اخرتها معهم القاضي حكم لجحا بعشرين دينار وقال للزلمة يروح يجيبهم من الدار فالزلمة انبسط وطلع زي الطيارة بلا بريكات هارب من هالتهمة "ما هو الهريبة تلتين المراجل " في قانون الجبناء وهو امرّوح على الدار ضميره صار يأنب فيه بس أعطاه ابرة مسكن بالعضل ما هو يعني من وين بدو يجيب العشرين دينار وهو الو سنتين خاطب وبيجمع بالمهر والعفشات وطلبات دار حماه الي ما بتنتهي جحا بعد ما عرف واتقين انو كان ضحية مكلب "مقلب " اخو شلن كام من مطرحو وراح وكّف لعند القاضي وضم ايده ونفخ فيها وبأكوى ما في عنده من طاقة خبط القاضي كف خلاّه يلف لف وكاله بس يجي ابو عشرين دينار خدهن انت حلال زلال عليك  فالقاضي بعد نص ساعة حوّل بعينيه من الكف حنى عالأرض وطال عمامته وهو يزمجر ويهدد ويتوعد بمرته لأنها سبب قلة عدالته راح على داره وعفاريت الدنيا بتنط بوجهه وفتح الباب بسرعة واستزأر وخبطها كف لام سعدية وقالها من يوم ورايح انا الزلمة في الدار "مهل عليك استنى لتخلف سعدية " انضبعت ام سعدية وصارت زي البسة الي فش الها صوت بس عاد براكين جواها بتغلي فمن مين بدها تنتقم يا حزركم من وحدة قريبتها قريبته للحاني فراحت لطشتها الكف وهديك لطشت الكف لقريبتها ومن واحد لوحدة صارت سلالة مضروبين كفوف لحد ما وصل الكف لخطيبة الجاني الي ايدها ولا طورية سلخته كف علّم على وجهو كل اصبع باصبعو فاتورم خده وعرف انو الدنيا دوارة فراح اخد العشرين دينار المهر وراح لجحا باس راسه واعطاه اياهن  باس راسه لأنه اكتشف انو خطيبتو مفترية والحياة معها راح اتكون نفس قصة ام سعدية فليش المهر والقهر جحا اخدهن من هان وراح عطلة على جزر البهامز من هان هو كان بدو يتجوز فيهم بس بعد ما شاف افترا النسوان على خد الجاني قالك اسنفر بحياتي ومسكين جحا والقاضي والجاني بيعرفوش انهم التلاتة علتهم وحدة واللاعب الاساسي بقضيتهم النسوان يا لطيف توتة توتة خلصت الحدوتة حلوة ولا فتفوتة اخر مقطع بالكال والكولنا عشان خاطر يافا
_______________________________
لا حول ولا قوة الا بالله العلي العظيم  
|
| عدد 8 عضو بقولولك شكرأ يا عاصفة فلسطين على هالموضوع المرتب: | ||
|
#2
03-01-2012, 11:37 PM
|
||||
|
||||
ههههههههههههه حبيبتي بتجننن طالعه منك
واحلى شي اصلا المئطع الاخير  مشان بالكال ...يسلمو اناملكوالله يعطيكي العافي يا ئلبي ..وان شاء الله تفوزي يارب  تحياااتي
_______________________________
 ممنوع الاقتراااااااااااب  ܓ♥ [ ..يفيوووفه..] ܓ♥
|
| شكر من هدول الأعضاء يا يـ ـ ـ ـافـ ـ ـ ـا على هالموضوع المرتب: | ||
|
#3
03-01-2012, 11:42 PM
|
||||
|
||||
|
اقتباس:
الله يسعدك يا رب كنت راح اكتبها كلها بالكال والتشاف حتى بس ما بظن كان الكل فهم علي الله يعافيكي يارب شكرا لمرورك يافا نورتي
_______________________________
لا حول ولا قوة الا بالله العلي العظيم
|
|
#4
03-01-2012, 11:44 PM
|
||||
|
||||
|
ههههههههه بالعكس ولك كان طلعت لزيزه كتيير
نورك هاد
_______________________________
ممنوع الاقتراااااااااااب ܓ♥ [ ..يفيوووفه..] ܓ♥
|
| شكر من هدول الأعضاء يا يـ ـ ـ ـافـ ـ ـ ـا على هالموضوع المرتب: | ||
|
#5
03-01-2012, 11:48 PM
|
||||
|
||||
|
اقتباس:
كان صار بدي مترجم للشعب لما نحكي بلهجتنا سهل بس وقت الكتابة صعب اشوي امنورة دايما 
_______________________________
لا حول ولا قوة الا بالله العلي العظيم
|
|
#6
03-01-2012, 11:49 PM
|
||||
|
||||
|
. . حاب اعرف شغله وحده هوا علي ايام جحا كانت فيه سعديه وصبحيه يعني هالمسميات وراثيه مو عصريه طريقه سرد جميله يآ عاصفه وحلاوتها دوختينا في اكثر من حدوثه في قصه يعطيكِ ألف عافيه وبالتوفيق في المسابقه ..
_______________________________
|
| شكر من هدول الأعضاء يا عَبودِي على هالموضوع المرتب: | ||
|
#7
03-01-2012, 11:55 PM
|
||||
|
||||
|
اقتباس:
الحلو في جحا انو نوادره من التراث الشعبي المتناقل بين الأجيال كلن يفصله على هواه اليوم صبحية وسعدية بوكرة سالي وكالي  بعدين صبحية وسعدية بعتقد من على أيام جحا وهاد الي بدي اياه يدوخ القاريء وهو مشتت ما بين حياة الأبطال الشخصية والقضية الأساسية عشان يفكر ويحلل ويحط بهارات من عنده للقصة  شكرا لمرورك نورت
_______________________________
لا حول ولا قوة الا بالله العلي العظيم
|
|
#8
04-01-2012, 12:46 AM
|
|||
|
|||
|
بتمنالك يا عواصف الفوز والفوز والفوز ..
|
| شكر من هدول الأعضاء يا || آسرة شاليط || على هالموضوع المرتب: | ||
|
#9
04-01-2012, 10:23 AM
|
||||
|
||||
|
هههههههههههههههههههههه اقتباس:
الي كان بدو يخطب غيير رأيه من تحت راس مشاركتك  كل هاد اجا ببالك قبل النوم ؟؟؟ بتعيشي بقصص هندية ولك مش رومانسية ههههههههههههههه موفقة يا مصايب انت عسل ":$
_______________________________
هلوبيكوهوبي
|
| شكر من هدول الأعضاء يا **بطيخه صفرا** على هالموضوع المرتب: | ||
|
#10
04-01-2012, 10:53 AM
|
||||
|
||||
|
ينصر دينك يَ حبيبتي طول عمري بكول البنت عاصفة هاي بتفشلي غلي مبارح الشيخ مهنا كال للزلام تشثروا نسوان وانتي اليوم كرهتيهم جنس حوا وانا أُخرا هيك بكول لليش البعزكة والتبعزُك ؟ بس بدي اخرفك يَ حبيبتي عالعنوان وعلى اول سطر بالكصة ديري بالك شوهتي الزلمة .. انا من تكرار الكلمة فكرتك الفتيلنا واحد ثاني غير اللي بنعرفو اسمو جحا مش ججا .. بيزعل منك حمارو بعدين  ولا النقكطة الثانية علامة تشوه عشان الكتلة اللي اخذها ؟ ايييييييييييييه زكرتيني ببنت عمي اللي بالامارات بنحكي انا وياها فلاحي باوكات الزهك  حلوة لهجتنا والله اي لف ات  بس للاسف بنحكيش فيها لانا ما تعلمناها من واحنا صغار اكتسبنا بعض المصطلحات من ستي الله يرحمها وصرنا نستخدمها مخوتة  نورتي عاصفة قصة جميلة جدا بيعجبني زكائك بايصال بعض المسجات الخفية بطريقة غير مباشرة رح ابعتها للموساد حالا 
_______________________________
,  Loading...19% |||||||||||||||||||||||||||||||||||||||||||||||
|
| شكر من هدول الأعضاء يا * بيـــونة * على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
