|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
09-01-2012, 01:58 AM
|
||||
|
||||
اصحاب الخبره في الأصول والعادات والتقاليد يتفضلو .. رايكم بهمني
السلام علييكو ورحمة الله وبركاته
كيفكم يا غزازوة يا حلوين عنجد اشتأتلكم كتير كتير صار معي ظروف وانقطعت عنكم ورجعتلكم بموضوه سخن وحساس وبيحير ومحتاج اراءكم وخبرتكم راح ادخل بالموضوع على طول احنا من عائلة كبير ومعروفه كتير بغزة نص عيلتنا مخاتير بغزة لكن احنا متغربين وعايشين ومولدين بالسعودية الموهم اخويا هلأ عمرو 28 سنة وبدو يتجوز وفي بنت شفناها بفرح حلوة كتير وشكلها طيبة وحبوبه وسألنا عنها طلعت من عيلة الها اسمها ومعروفة فرحنا وقلنا هي المطلوب وروحنا من الفرح وصفناها لأخويا انبسط وعجبوا الوصف قال هادا طلبي راحت امي تاني سأت كويس عن البنت وأهلها عن طريق التلفون طلع بالصدفة وحدة صحبت ماما من ززمان ما كلمتها كنتها (مرت ابنها) بتقرب للبنت الي عجبتنا وهنا كانت الصــــــــــــــــاعـــــقة والصــــدمـــة  البنت زي القمر وعمرها 22 سنها واحنا عنا بالسعوديه البنت الحلوة مستحيل تعد من غير جيزه اكتر من 18 سنه ^ ^ ^ ^ طلع السبب ابــــــــوها ....... آآآآآ ه ..... ابـــــــــوها في الســـــــــــجــــــــــــن .......................!! طلع ابوها الو قصة طويله عريضة بيسرق وينصب لحد ما عمل عصابة كبيرة وكل عملياتوا على تقيل وانسجن اكتر من مرة وأبوه (سيد البنت) يطلعوا بكفالة ماليه يعد سنة زمان محترم ويرجع تاني يشتغل مع العصابة والمصيبة انهم من عيلة بتحكم على ملايين سيد البنت مليونير بيتاجر بالأدوات الصحيه (سباكة) ومشغل ولادو كلهم عندو ووضعهم بخير وهو بيجوزهم وبيسكنهم يعني ابو البنت لما ينصب ويسرق مش عشان فلوس اتوقع حالة نفسية مر فيها لما أهلو امروا يطلق مرتو الأولى الي بيحبها كل هالحكي سمعناه من الناس احنا ما بنعرفهم بالمرة ]وبعدها جوزوه وحدة مابدو اياه خلفت منو هالبنت الحلوة واول مرة يدخل فيها السجد راحت رمت البنت بقسم الشرط وعملت تنازل تام عنها وخلعت جوززها عن طريق المحكمه غيابي والبنت اتربت عالعز والدلال عند سيدها المليونير وستها والبنت بيجيها خطابين كتير بس هي ما بترضى بتقول بكرة بيعايرني بأبويا وستها بتقلها يا حبيبتي انا وسيدك مش دايمنلك اتجوزي على حياتنا خلينا نطمن عليكي والمصيبة انو اخويا عرف هالموضوع ومازال بدو البنت ...( تقولوا بينهم قصة حب)!!!!! بيقول هي شو زمبها هي ضحيه من ضحايا المجتمع ونازل زن على امي روحو اطلبوها وامي بتقول احنا عيلة كبيره الها اسمها وسمعتها موضوع زي هيك بيأثر علينا والمصيبه ابويا متوفي لو كان موجود كان حسم الموضوع وقال لأ يعني لأ ما كان ضل اخويا يزن هيك على امي ونازل يطلب مني اقنع امي لأنوا شايفني متعاطفة على البنت[ انا بصراحة حزنانه كتير على البنت .. لما شفتها بالفرح متواضعه وعينها بالأرض رغم جمالها ومالها اتاري عمايل ابوها كسرتها  ساعدونا بالتفكير واعطونا رايكم !! فعلآ ما بينفع اخويا يتجوز هيك بنت؟؟ وهل هادا بيأثر على اسم عيلتا زي ما حكت امي؟؟ ولو كل الناس هيك بتفكر زينا البنت راح يضيع شبابها من غير وما تتجوز وتخلف زي باقي البنات !! طولت عليكم سامحوني 
_______________________________
هم عانقو الفضاء واستباحو الكواكب فأكتشفوا القمر ووصلوا للمريخ  في الوقت الذي لم نستطع نحن فيه استرداد جزءآ من حقنا على سطح الأرض
التعديل الأخير تم بواسطة : السندريلا بتاريخ 10-01-2012 الساعة 11:40 AM. ليش؟: تنسيق لا أكثر 
|
|
#2
09-01-2012, 02:05 AM
|
||||
|
||||
ممم من رايي صحيح راح اغلب الناس راح يحكوو انو ابوها هيك هيك بس اخوكي بدو يتجوز البنت مو ابوهاا ولا عمايله وانت بتحكي بالسعودية راح يعيشوو ازا البنت منيحة وماعليها كلام يتوكل ع ربناا ويتئدري تقنعي امك لو شايفة سعادة اخوكي معها وحيكمل معها منورة
|
|
#3
09-01-2012, 02:29 AM
|
||||
|
||||
|
بالعكس احتمال لما البنت تتزوج أخوكى / وقتها ابوها يحس بالمسؤلية .. وأخوكى يكون له دور كبير فى حياة عمه اللى هو أبو البنت يساعده يطلع من المصيبة اللى هو فيها
واخوكى راح يتزوج البنت مش ابوها , صح بضل دور النسب , لكن هههههههه ما دام انتم فى السعودية اتوكلوا على الله لكن لو غزة كان نشروا الخبرعلى الاذاعات المحلية
_______________________________
 حيَنمِآ تقَتلكَـ أوَجآعَهمَ وكَـ أنهَآ أوجَآعكَـ .. وترآهُمَ يتجَآهُلوَنْ أحَزآنكَـ .. لمَلمَ مَشآعَركَـ وأرحَل .. ... فـ لـَـآ دآعَي لـ بَقآءكَـ ..!
|
|
#4
09-01-2012, 02:40 AM
|
||||
|
||||
|
وعليكم السلام ورحمة الله وبركاته لاحول ولا قوة الا بالله ، بجد الله يعينها لهالبنت ويكون معها ، ويعوضها خير يعني عاشت بلا أب وبلا إم ( هاي لوحدها كارثة ومصيبة ) وكمان انربط اسمها بإنسان مستهتر وغير مسؤول ومش فارق معاه ، شفتو وقتيش بتكون المصاري ولا اشي و بدون اي قيمه ؟ سبحان الله بهالقصة حابب أعلق عأكتر من نقطة من بعد إذنك ، أولا الأب فعلا كاره أهله وحضرتك بتقولي إسم كبير بغزة ، واكبر انتقام من اهلك وخاصة لو كانوا ارستقراطيين انك تخدش باسمهم وتجبلهم الكلام ، وهادا الي علمو الله يهديه الأب ، كان مفروض لو البنت اللي بحبها عايشة لسه ، يرجعوه الها وان شالله ينحرق ، بس ولا هالشحططة والكلام ياويله من الله فكره هالبنت الضحية اللي بينهم رح يروح حقها ؟ ياالهي شو هالقلوب !!!! بالنسبة للبنت ، أنا مقدر موقفها جدا وانها رافضة فكرت الزواج ، فعلا يعني لو اجينا وحسبناها مثلا خيك بيتحمل وقت مايعصب مايعايرها لو حتى بالغلط ؟ انتو مثلا كأهل الشب ورح تناسبوهم ، رح تقدروا تنسوا هالقصصة وتعاملوا البنت باللي بتستحقه كشخصيتها ؟ احنا بمجتمع بنربط قدر الإنسان بأهله وعيلته وقرايبه ووووو ظلم كبير كبير كبير ، الله يعوضها خير يارب نيجي للشب اللي هوا خيك ، صرحه بحييه ع موقفه ماشاءالله باين إبن أصل ، وفيه خير كتير ومش أي حدا بيقدر يكون زيه أو يتمسك بموقفه ، بس بتعرفي لو كنت مكانه ، رح أعتبر أبوها ميت وخاصة انو مش هو اللي رباها تمام ؟ يعني اتربت عند أهل أبوها ، هادا أولا ثانيا : الرجال نفسه الأب مش مجرم بطبيعته ، هو مجرد انتقام من أهله والله أعلم المشكلة اللي بضل الأهل : يعني مثلا فعلا أنا اهلي ممكن يرفضوا تماما هالموضوع بس أنا لو لقيت البنت زي ما بحلم و إنسانه ما بعيبها الا اللي حكيتي حضرتك عنه فأنا صراحة رح أضل لأخر لحظة أقنع في أهلي لاخر لحظة ، اعطوا البنت فرصة ياخيتي وماتاخدوها بذنب غيرها ، ومش شايف الأب اله دور بحياتها غير اسمه اللي انكتب عليها تتحمله لاخر عمرها أنا بعرف موقفكم صعب جدا والله بعرف ومقدر جدا بس فعلا في نفس الوقت أنا شايف انه تعتبروا هالأب مش موجود وتتوكلوا ع الله وأتمنى لو إنه فعلا مات وريحها للبنت ، الله يكون معها يارب حاولي تقنعي الوالدة الله يحفظها ، وعمره كلام الناس ما يقدم ولا يأخر وتخيلي الله يبعد الشر عنكم انه أي حدا فينا ممكن يكون محل هالبنت ، تخيلي انا اتقدمت لبنت ورفضتني عشان أهلي ، ( مع انه الشب بمجتمعنا موقفه أفضل بكتير برضه ) صعب كتير الموقف الله يكتبلكم اللي فيه الخير ويوفق خيك ان شاءالله
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
| عدد 11 عضو بقولولك شكرأ يا دكتور بيحلم على هالموضوع المرتب: | ||
|
#5
09-01-2012, 03:04 AM
|
||||
|
||||
|
عذرا أنا بصراحه ممكن اكون اكتر وحده حاسه بوضعكم لأني عايشه بالسعوديه ..والناس هنا لسا بحبو يتفاخروو بالنسب والفلوس وبنسو الأخلاق والمعدن ...
بس بما انك شايفه البنت ماشالله عليها حاولي مع أخوكي واقنعي امك والناس لازم يحكو وينقدو .. وماتفكري يعني ازا انتو مارضيتو بها الشي في كتير برضو فيها وخصوصا أهل الضفه مش كتير بهمهم هالأشيا يعني في وحده بعرفها أبوها قمرجي ودايما بالسجن وماشالله بتدلل ع العرسان . واختها متجوزة وهما كمان من عيله كبيرة بغزة وساكنين ب جده .. مش مشكله كبيرة بس محتاجين تقنعو امك شوي.
_______________________________
. ... .
|
|
#6
09-01-2012, 08:13 AM
|
||||
|
||||
|
صعبة كتير والله اخوكِ معه حق وامك كمان معها حق قصة النسب مش ساهلة . بس ايش ذنب البنت بعمايل ابوها . ( تخلف المجتمع عنا بعمل من الحبة قبة ) . طالما البنت ما تربت مع ابوها .. وسيدها اللي مربيها . يعني البنت طيبة خلي اخوكي يتوكل ع الله لانه زي ما بتحكي اقتنع فيها ومصمم عليها. حاولي تقنعي امك بالرضا
_______________________________
ربـي ,, لا تـزيـدنـي تـعـلُـقـاً بـ شـيء لـم تَـكـتـبـه لِــي ... 
|
|
#7
09-01-2012, 08:31 AM
|
||||
|
||||
|
الكل تفكيرهم هيك شغلة النسب وسمعة العيلة مهمة ومقاييس الجمال ومش عارفة شو بتيجي بالاخير...... الله يصلح الحال
_______________________________
.
. .    يسلمو حالة غريبة . . .
|
|
#8
09-01-2012, 09:12 AM
|
||||
|
||||
|
لا حول ولا قوة الا بالله والله صعبة لمن يكون عمود الدار ابوها زي هيك لاحول ولا قوة الا بالله شوفي اقلك الرسول قال العرق دساس يعني ازا الاب هيك كيف باقي العيلة؟ بس بنفس الوقت هي اتربت بعيد عن ابوها ويمكن كان هاد الها خير بكتير لو اتربت عند ابوها لكن برضو البنت ما الها ايا زنب اازا فعلا بدكم ياها وحابينها كتير برضو اسئلو ع البنت اكتر واكتر لحتى ترتاحو ويرتاح ضميركم لانها هاد زواج مش ضحكة ولعبة والله يسهل امركم
_______________________________
 (●̮̮̃•̃) (●̮̮̃•̃) /█\♥ /█
|
|
#9
09-01-2012, 11:02 PM
|
||||
|
||||
|
بشكر كل الي ردو عليا و
عنجد بردتولي قلبي الله يسعدكم ويفرحكم راح نستخير والله بيعمل الي فية الخير
_______________________________
هم عانقو الفضاء واستباحو الكواكب فأكتشفوا القمر ووصلوا للمريخ في الوقت الذي لم نستطع نحن فيه استرداد جزءآ من حقنا على سطح الأرض
|
|
#10
09-01-2012, 11:08 PM
|
||||
|
||||
|
مساا لخير عذراااء اذا البنت منيحة وطيبة توكلو علي الله ولا تحرمو اخوكي منهاا ما تاخدوها بذنب اهلها الا تزر وازرة وزر اخري ماحدا فينا اختار امه ولا ابوه ولا اهله بكفيها ماساتها بابوهاا وعمايله والرسول صلي الله عليه وسلم قال فاظفر بذات الدين تربت يداك يعني مش للحسب والنسب والجاه والمال وبيقولوا بيطلع من الشووك ورد توكلو علي الله واستخيرو وربنا يتمم علي خير ان شاء الله
_______________________________
 يارب تكون أيامي كلها سعيدة ... وتملا حياتي كلها بالسعادة...  والفرح في قلبي يارب زيده وكل يوم أفراحي تكون بزيادة... 
|
| عدد 3 عضو بقولولك شكرأ يا كربوجة الحارة على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
