اولا يا اخت عذراء لحتى نكون واضحين وواقعين

اولا ما في حدا احسن من حدا الا بالتقوى
وكل عيلة فيها شخص مش منيح
وانا استغربت للاسف وسامحيني على هالكلمة لما امك قالت ( احنا عيلة كبيره الها اسمها وسمعتها موضوع زي هيك بيأثر علينا)

سامحيني بهالكلمة بس هاد الحكي اللى بتحكيه امك كان من ايام الحقبة السوداء لاوروبا والاقطاعيين والارستقراطين

بهالزمن كل شخص بيعبر عن حالو
يعني البنت المسكينة بتعبر عن نفسها مش عن ابوها واللى بيعملو

سبحان الله يخلق من ظهر الفاسق عالم ومن ظهر العالم فاسق

(لا فضل لعربي على عجمي ، ولا لعجمى على عربي ، ولا لأبيض على أسود . ولا لأسود على أبيض ، إلا بالتقوى ، الناس من آدم ، وآدم من تراب )

يعني بالعربي ما في حدا احسن من حدا الا بالتقوى
وبكل عيلة فيه المنيح وفيه العاطل

نرجع لموضوع البنت

هلا لو اخوكي واثق من حالو وحاسس انو ممكن يكون قد المسؤولية يتوكل على الله
لكن لو كان ماخد البنت انو حزنان عليها
فانا ما بنصحو

وبعدين متل ما قالو الاعضاء قبلي
ابوها مش مجرم بالفطرة
ابوها حالة نفسية بتتعالج
كتير في حالات زي هيك
يعني بيسرق بس لانو بدو يسرق مش لانو محتاج فلوس
ومتل ما ذكرتلك فوق
البنت بتعبر عن حالها وانتي قلتي انو ابوها ما ربها يعني ما تعلمت شي منو اكيد

يعطيكي العافية