|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
14-01-2012, 03:32 PM
|
||||
|
||||
إمتى اخر مرة كنت فيها رجل
احنا اخوات اه؟ احنا اخوات مع بعض يعني فش بينا اي زعل ولا احراجات انسوكو من خرابيط النسوان كلهن كلنا بنعرف انو الرجولة مواقف وانو الرجال قليل عشان هيك عدد الشباب عنا بالمقعد مخسوف لدرجة اني كل ما بدي انزل موضوع بقول كلهم قردين وحارس لكن لن أيأس ولن اتراجع ويانا يا خالتي  ما علينا صبولي قهوه اول شي سؤال وهب عبالي امتى كنت رجل اخر مرة؟ موقف رجولي صار معاك حسيت انك والله قد حالك وانو يا هيك الزلام يا بلاش امتى خلعت واحد موس كباس جبت راس ابريق لما لقيتو بستظرف على بنات حارتك مثلا؟  انا مثلا اليوم وانا واقف بشتري خبز وقف هالسواق زعق عليا بالله يبو الشباب تجيب كعكتين للحجة رحت اخدت منو المصاري وشريتلها الكعكتين وتمام التمام ورجعتلها الباقي صح هي مقالتليش اتفضل ولا انا اخدت اتاوة عل كعكتين باعتبارو حقي عموما انا مسامح الحجة موقف قبل فترة كنت واقف ع الكراج الغربي بدي اركب كان في كزا حدا بدو يركب من بينهم بنت صبية وقف سيارة كان في مكان لواحد بس وانا جيت فتحت الباب انو بدي اركب لقيت انو هالصبية باقيه جاية بدها تركب بس هوا حقي يعني قلتلها تعالي اتفضلي وركبتها بدالي اي نعم هي حلقتلي بعد هيك ولا حتى قالتلي شكرا يلا المعامله مع الله بدكو الصحيح انا بتدايق احيانا لما بتعمل معروف مع ناس وما بوجهولك حتى كلمة شكرا وهادا الشي بخليك تقول يحرق ابو هيك شعب بعد هيك عابو الي بدو يعمل معو خير  لكن عشان هيك الرجال قليل خليك صامد واوعى تيأس من قلة زوق بعض الناس سيبوكو مني انا كمان واحكولي يلا وبما انو النسوان بنقدرش نطنشهن فالي بدها تشارك ممكن تعلق ع ردود الشباب او تحكي موقف صار معها من شب جدع وزقرت وقبضاي  وهلا عمي سخن ميي 
_______________________________
زهقان كل التواقيع الي في الدنيا التعديل الأخير تم بواسطة : ^سينجي^ بتاريخ 14-01-2012 الساعة 03:58 PM. 
|
| عدد 13 عضو بقولولك شكرأ يا ^سينجي^ على هالموضوع المرتب: | ||
|
#2
14-01-2012, 03:38 PM
|
||||
|
||||
واحد مش مربى غلط ع واحد مربى جيت أفزع بينهم ، راح الي مش مربى " سب الذات الإلهية " ضليت أطقع فيه لحد ما قال ، اللهُ ربي  . رفاق السلاح و القضية 
_______________________________
|
| عدد 10 عضو بقولولك شكرأ يا ساحر الميرنغي على هالموضوع المرتب: | ||
|
#3
14-01-2012, 03:48 PM
|
||||
|
||||
|
اعطل اشي بالرجل لما يكون مع عندو ذرة زوق مع البنت هادة عندي واصل الحضيض بيكون و بعوض الله عليه ... على كل هينا متابعين و بنتفرج ... آخر مرة سار معي موقف ع المعبر و انا مسافرة و طالعة من غزة كنت انا و صاحبتي ... و فيه شب واقف لما وصلنا لصالة المصريين و لما المصريين سارو ينادو بالأسامي ... طبعا اسمي مسموع بصوت عالي لهو اجى شب بيقلي انتي اخت " فلان الفلاني " اخويا طبعا بيكون فلان الفلاني .. و هالشب صاحبو بنفس جامعتنا بقلو آه ... بيقلي اي الله يسامحك ليش بتقوليش طيب ... >>>> انا مش فاهمة شو اقلو بالزبط يعني المهم ضلو طول الطريق حاملي الشنت تبعوني و تعون صاحبتي .. و قلي بس يطلع جوازي بنركب مع بعض و قلتلو مفش داعي تغلب حالك و هالكلام شكرا كتير ... و هو يقول لا طب " فلان " اخويا ايش هالحكي و للأمانة طريق العريش للقاهرة بتخوف و هيك هيك راكبة مع ناس ... فـ صاحب اخويا اهونلي و للأمانة وصلني أول وحدة و هو اللي تفاهم مع السواق و خلص كل الأمور
_______________________________
|
|
#4
14-01-2012, 04:08 PM
|
||||
|
||||
|
ماحبيتها منك يا ابو الرجال ، كيف يعني اخر مرة كنا فيها ارجال ؟ وحتى وإن عملنا كم موقف ولا واجب ، برضو مش حلو نعررضه عالملأ ونقول سوينا واعملنا ، وانت ابو الأصول وفاهم ،، بعرف انك ابو المفهومية وبتعرف الصحيح وانت طول عمرك رجال مش محتاج مواقف ، حبيبي يا كبير بس من وجهة نظري وأتمنى إنك تاخد فيها من بعد إذنك طبعا ، ممكن تقول للبنات فعلا يحكوا عن رجال عملو معهم مواقف حلوة ووقفوا بصفهم وساندوهم ، و بهيك بنقول لسه الدنيا بخير والحمدلله لكن احنا نحكي عملنا وسوينا والله ماهي حلوة بحقنا ولا كيف ؟ وبعدين وين الك فترة غايب ، حبيبي ياكبير
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
| عدد 10 عضو بقولولك شكرأ يا دكتور بيحلم على هالموضوع المرتب: | ||
|
#5
14-01-2012, 04:09 PM
|
||||
|
||||
|
والله منا زاكرة مواقف من النوع هادة لما اتزكر باجى والله في شباب بنحطو ع الراس من شهامتهم بجد و في شباب نظرة الاستحقار فيهم حتى خسارة الله المستعان بس اتزكر ايتها موقف حاجى واحكيه ع طول منور سينجى 
_______________________________
|
|
#6
14-01-2012, 04:22 PM
|
||||
|
||||
|
اقتباس:
يسعد مساك دوكتور انتا مصعبها ليش هيك على حالك الموضوع ابسط من هيك بكتير انا من اول الموضوع بادي بالحكي انو احنا اخوات ما بينا زعل واحراجات انا بعرف انو عنوان الموضوع صارخ بس هادا لجذب الانتبىاه الرجل بضلو رجل مش محتاج يحكي مواقف ليثبت رجولته لكن انا اخدتها من منطلق انو نفيد ونستفيد من بعض يمكن تقرا موقف هان يأثر فيك او فيا او في اي حدا يخلينا نتحرك بفاعلية اكبر لما يمر عليك موقف مشابه اله اما الزلمة بضلو طول عمرو زلمة الموضوع مش موضوع حكي لاثبات رجولة بقدر ما هو نوع من التفاعل مع بعضنا ارجو تكون فكرتي وصلت يا كبير
_______________________________
زهقان كل التواقيع الي في الدنيا
|
| عدد 5 عضو بقولولك شكرأ يا ^سينجي^ على هالموضوع المرتب: | ||
|
#7
14-01-2012, 04:30 PM
|
||||
|
||||
|
مش حنتباهى يا كبير بمواقفنا ونقعد نحكي كتير أفعال الرجال هي الي بتتكلم عنهم ومش هما الي بيتكلمو عنها .gif "11nk(2)")
_______________________________
لن أعطيك بيضة.. بل ساعلمك كيف تبيض
|
|
#8
14-01-2012, 04:35 PM
|
||||
|
||||
|
اقتباس:
كلكو الحين صرتو كبار واكبر من الموضوع واكبر من انو تحكو عن مواقفكو يا زلمة احكي اي هو الحكي عليك بمصاري انتا زلمة حوت وافعالك بتحكي عنك عارفين هل حكي تبخلش عل الغزازوة بمغامراتك وتجاربك الفريدة بلكي حدا اتعلم منك وصار زلمة  احنا موحودين هان اصلا عشان نحكي بشكيك لفشفش الحين
_______________________________
زهقان كل التواقيع الي في الدنيا
|
| عدد 2 عضو بقولولك شكرأ يا ^سينجي^ على هالموضوع المرتب: | ||
|
#9
14-01-2012, 05:18 PM
|
||||
|
||||
|
حلوة الفكرة.. تصدق هالايام قلو لزلام.. بس زي ما بحكوا ما بتخلى ،، في اكم موقف صاروا معي.. قشعر بدني منهن،، اكثر من مرة اكون عالمحطة طالعة عالتعليم.. معي شنتات سفر وكبار.. يجي الباص واحد من الشباب يحكيلي خيتا اطلعي انتِ وانا بحطلك اياهن تحت تهكليش هم.. طيب الاشي جدعنه ولو انو مش هالقد كبير يمكن عن بعض ناس.. بس بكفي احترامه لانو بنت وشنتات كثار وثقال برفع الراس.. ونفس الشي اطلع عالباص.. يكون ملااااااااان وكثير واقفين.. يشوفني شب عربي ينادي عليي من بعيد اجي اقعد محلهـ.. لمجرد انو انا بنت وهو شب.. جدعنه يا عمي ! او اكون مخلصة تعليم عال 9 بالليل.. السكن مش قريب للجامعة.. شب بدون ما اطلب منه يسأل اذا في معي بنات يروحوا او لحالي.. ويقترح يوصلني هو واكم بنت.. جدعنه ! يوقع مني جزداني لصغير.. ينزل شب يقيمه مش انا اقيمه لانو في جمعة شباب .. اشي حلو ولفته جداً مؤدبة بتصير كثير مواقف بتعكس تربية الشب.. واذا هو جنتل وزلمي عنجد والا ما بهمه الا حالهـ.. اذا الواحد بكون خايف على كل شرف وبنات المسلمين.. فما بالك شخصيتهـ مع خواته؟ ازلم من هيك ما في .. كنو حكيت كثير ؟ والي رجعة.. منور
_______________________________
هلوبيكوهوبي 
|
| عدد 7 عضو بقولولك شكرأ يا **بطيخه صفرا** على هالموضوع المرتب: | ||
|
#10
14-01-2012, 05:18 PM
|
||||
|
||||
|
اخر موقف رجولي ,, في يوم من الايام وانا بقزدر بالشارع وبقصقص بزر وبشرب ريدبل لمحت بيت بيحترق والمطافي والناس متجمعين وفيه مره مسكينه بتندب حظها وبتلطم لانه بنتها عالقه بنص الضار ومحدش قادر يدخل جوا وينقزها رحت انا رميت البزرات من ايديا المعرقه وكربعت الريدبل بسرعه وتخبيت بنتفه ومزعت اواعيا وطرت  اقتحمت الدار المنكوبه ودخلت لقيت البنت بتلعبب مع لعبتها سبونج بوب وحملتها وطرنا وصارت تعيط بدي سبونج بوب بدي سبونج بوب وانا هنا خف عقلي فرحت رجعت طرت واقتحمت الضار وانقزت سبونج بوب  فضحك الجميع ابتهاجا وسرورا بانقاز سبونج بوب وعمت الفرحه ارجاء المدينه وقررت اني ما اشرب ريدبل مع البزر 
_______________________________
 الحياة جدل بين الذوق و .. التذوق . نيتشه التعديل الأخير تم بواسطة : خنفشاري بتاريخ 14-01-2012 الساعة 05:22 PM.
|
| عدد 9 عضو بقولولك شكرأ يا خنفشاري على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
