مممم انا شفت مواقف رجوليه بس من شخص وللأسف جد هالشخص لامسلم ولاحتى عربي .. (هندي هندوسي)
هالشخص بأي مشكله بتصير له هو مع الناس بسكت ومابرد عليهم بس لو كنت انا بيجي بتقاتل مع المرضى .. وازا بدي شي من المستودع ولا من اي مكان بره بجيب لي اياه ومابخليني اعمل اي شي متعب .. ودايما بيجي يستلم الشفت مني بدري لو كنا متناوبين .. بينما غيره العرب ماعندهم مشكله اشتغل وهما قاعدين ببرمو ولامستعديين يدخلو لو دخلت بمشكله ..

_______________________________

.

...

.

المشاركة الأصلية كتبت بواسطة ساحر الميرنغي واحد مش مربى غلط ع واحد مربى جيت أفزع بينهم ، راح الي مش مربى " سب الذات الإلهية " ضليت أطقع فيه لحد ما قال ، اللهُ ربي . رفاق السلاح و القضية

المشاركة الأصلية كتبت بواسطة *مس قلق* اعطل اشي بالرجل لما يكون مع عندو ذرة زوق مع البنت هادة عندي واصل الحضيض بيكون و بعوض الله عليه ... على كل هينا متابعين و بنتفرج ... آخر مرة سار معي موقف ع المعبر و انا مسافرة و طالعة من غزة كنت انا و صاحبتي ... و فيه شب واقف لما وصلنا لصالة المصريين و لما المصريين سارو ينادو بالأسامي ... طبعا اسمي مسموع بصوت عالي لهو اجى شب بيقلي انتي اخت " فلان الفلاني " اخويا طبعا بيكون فلان الفلاني .. و هالشب صاحبو بنفس جامعتنا بقلو آه ... بيقلي اي الله يسامحك ليش بتقوليش طيب ... >>>> انا مش فاهمة شو اقلو بالزبط يعني المهم ضلو طول الطريق حاملي الشنت تبعوني و تعون صاحبتي .. و قلي بس يطلع جوازي بنركب مع بعض و قلتلو مفش داعي تغلب حالك و هالكلام شكرا كتير ... و هو يقول لا طب " فلان " اخويا ايش هالحكي و للأمانة طريق العريش للقاهرة بتخوف و هيك هيك راكبة مع ناس ... فـ صاحب اخويا اهونلي و للأمانة وصلني أول وحدة و هو اللي تفاهم مع السواق و خلص كل الأمور

المشاركة الأصلية كتبت بواسطة نـورسيـن والله منا زاكرة مواقف من النوع هادة لما اتزكر باجى والله في شباب بنحطو ع الراس من شهامتهم بجد و في شباب نظرة الاستحقار فيهم حتى خسارة الله المستعان بس اتزكر ايتها موقف حاجى واحكيه ع طول منور سينجى

المشاركة الأصلية كتبت بواسطة **بطيخه صفرا** حلوة الفكرة.. تصدق هالايام قلو لزلام.. بس زي ما بحكوا ما بتخلى ،، في اكم موقف صاروا معي.. قشعر بدني منهن،، اكثر من مرة اكون عالمحطة طالعة عالتعليم.. معي شنتات سفر وكبار.. يجي الباص واحد من الشباب يحكيلي خيتا اطلعي انتِ وانا بحطلك اياهن تحت تهكليش هم.. طيب الاشي جدعنه ولو انو مش هالقد كبير يمكن عن بعض ناس.. بس بكفي احترامه لانو بنت وشنتات كثار وثقال برفع الراس.. ونفس الشي اطلع عالباص.. يكون ملااااااااان وكثير واقفين.. يشوفني شب عربي ينادي عليي من بعيد اجي اقعد محلهـ.. لمجرد انو انا بنت وهو شب.. جدعنه يا عمي ! او اكون مخلصة تعليم عال 9 بالليل.. السكن مش قريب للجامعة.. شب بدون ما اطلب منه يسأل اذا في معي بنات يروحوا او لحالي.. ويقترح يوصلني هو واكم بنت.. جدعنه ! يوقع مني جزداني لصغير.. ينزل شب يقيمه مش انا اقيمه لانو في جمعة شباب .. اشي حلو ولفته جداً مؤدبة بتصير كثير مواقف بتعكس تربية الشب.. واذا هو جنتل وزلمي عنجد والا ما بهمه الا حالهـ.. اذا الواحد بكون خايف على كل شرف وبنات المسلمين.. فما بالك شخصيتهـ مع خواته؟ ازلم من هيك ما في .. كنو حكيت كثير ؟ والي رجعة.. منور

المشاركة الأصلية كتبت بواسطة خنفشاري اخر موقف رجولي ,, في يوم من الايام وانا بقزدر بالشارع وبقصقص بزر وبشرب ريدبل لمحت بيت بيحترق والمطافي والناس متجمعين وفيه مره مسكينه بتندب حظها وبتلطم لانه بنتها عالقه بنص الضار ومحدش قادر يدخل جوا وينقزها رحت انا رميت البزرات من ايديا المعرقه وكربعت الريدبل بسرعه وتخبيت بنتفه ومزعت اواعيا وطرت اقتحمت الدار المنكوبه ودخلت لقيت البنت بتلعبب مع لعبتها سبونج بوب وحملتها وطرنا وصارت تعيط بدي سبونج بوب بدي سبونج بوب وانا هنا خف عقلي فرحت رجعت طرت واقتحمت الضار وانقزت سبونج بوب فضحك الجميع ابتهاجا وسرورا بانقاز سبونج بوب وعمت الفرحه ارجاء المدينه وقررت اني ما اشرب ريدبل مع البزر

المهم السمكري كويس؟:110:

المشاركة الأصلية كتبت بواسطة السندريلا قبل حوالي أسبوع صار معي موقفين في يومين متتاليين لو أحكيهم لتفكروني بكزب أو علشان هالموضوع بألف قصص من خيالي لكني نفسي تعجبت إنهم يحصلوا معي أنا بيومين ورا بعض لكني ححكيهم ونا مروحة من شغلي وقفت بستنى سيارة توديني على الشجاعية المهم كتير سيارات مرت وكلها على الساحة محدش راضي ينزل على الشجاعية وعصبت أنا لأني بروح متأخر نسبيا ً وقرب يأدن المغرب وأنا في الشارع المهم إجت سيارة وفيها 4 شباب غير السواق ووقفت قدامي أنا ما اهتميت طبعا ً لأنه السيارة كاملة العدد بس اللي صار إنه كان في شاب من اللي قاعدين بالكرسي الخلفي كان نازل مكان ما أنا واقفة المهم أنا تراجعت شوية في وقفتي وضليت أطلع باتجاه الغرب بستنى سيارة تكون نازلة على الشجاعية لكن اللي لفت انتباهي السواق بيقولي طالعة يختي ؟ قلتله على الشجاعية وأنا مستغربة بسبب الحركة اللي بتصير في السيارة الشاب اللي كان قاعد قدام نزل وقعد ورا مكان اللي نزل أول ما وقفت السيارة بجد والله استغربت قلتله شكرا ً وهو بيسكر الباب اللي جمبه وطلعت أنا جمب السواق وبصراحة كنت عنجد معجبة جدا ً بموقفه للشاب وهو مبين لسة بتوجيهي يمكن وطول الطريق أفكر إنه يمكن عضو بالمقعد بيشوف شو بنحكي هنا أو عنده أخوات بيحكوا بالبيت عن مواقف مشابهة بيتعرضوا إلها المهم تاني يوم والله ما بكزب عليكو بجد اللي صار إنه تكرر نفس الموقف إنه تأخر الوقت على ما إجت سيارة والسواق وافق يوديني على الشجاعية السيارة كان فيها 2 رجال قاعدين ورا وواحد قاعد جمب السواق وأول ما قعدت وسكرت الباب قلت السلام عليكم وإلا كاينين يحكوا بقصة اللي جمبي هو اللي كان يحكيها وبيكمل : هي بتفكر إنه علشانها حلوة أي واحد رح يقوم من الكرسي القدماني ويقعدها طيب منا زيي زيك إنتي بدكيش تقعدي ورا علشان ما تحتكي برجال وأنا ما بدي علشان مش أحتك في ستات إنتي مش أحسن مني لا وإيش يبو أحمد ( مليطالك ) وجهها كأنها رايحة على ( جلوة ) وريحتها من تاني بلد بتجيب الدوخة والسواق والرجال الاتنين شاركوه الحكي وأمنوا على كلامه وابسر شو ولا شو بيحكي هي الأخت - عني - إني ما طلبت من القاعد قدام إنه ينزل علشان هي تقعد وبدو يحكي معي شايفة يا أختي كيف بالله بعض ( النسوان ) بتعمل حركات علشان مش عارف إيش عاد أنا لفيت وجي ناحية الشباك وعادة بمسك في الإيد من جوة علشان ألزق بالباب ونا قلبي قوي وحاسة مش رح ينفتح الباب وأوقع برة ! ولا حكيت ولا تعليق كان بودي أقولهم عالموقف اللي صار مبارح من شاب أد ولادهم لكني ضليت ساكتة طبعا ً بجد في شباب زغار بالعمر بيفهموا وبيحسوا ألف مرة عن رجال كبار بالعمر وعندهم رجولة ونخوة أدهم ألف مرة

عفكرة طرحتي شغلة حلوة لينحكى فيها

اساسا شو ما يحكوا ..يحكوا ما بتفرق طول ما انتي راضية عن موقفك

انا صار معي زي موقفك هادا بس انا ما ركبت اصلا يومها وضليت واقفة بستنا اللي قدام ينزل

وما نزل فقمت احرجته وقلتله عن اذنك بدي اقعد ادام ووافق

لما فتت السيارة سمعت زلمة من الاتنين اللي كانوا ورا...( هو كان كبير بالعمر )..

بيحكي عني والله قد احفادي وابصر شو انه مش عاجبه ..فقله السواق لحتى يمشيله

يا حاج انت البركة

بس ما فرق معي شو ما يحكي والعادة واحنا رايحين عالجامعة واحنا مروحين

دايما لو صارت شغلة زي هيك الشاب اللي ادام بنزل بدون ما ينقله اشي

واحيانا بركب انا ورا وما بكون غير واحد ورا وواحد ادام لما ييجي كمان حد ادام

انا بنزل وبطلب من السواق اقعد ادام واحيانا من دون ما اقول بنزل اللي ادام فعادي القصة هادي ما فيها خجل

واللي بيحكي فيها بكون عقله صغير زي هادا اللي حكيته عنه ما بينوصف غير انه قليل زوء

بس الواحد ما يمشيلهم اللي زي هيك

لانه هادا حقك تكوني قاعدة مرتاحة

تحياتيـــ

كلو الا النسوان يحجي خط احمر هزول