|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
14-01-2012, 10:00 PM
|
||||
|
||||
معقدين ؟! هي جزاتهم
 كيف حالكم ؟ خلصتو امتحانات ولا لسة ؟ الحمدلله خلصت ومبارك لكل اللي خلصو وان شاء الله كلكو بتزبطو باختبارتكم اليوم موضوعي عن الاسرى كنت من فترة بدي احطو بس انشغلت هلقيت الكل انبسط وفرح بالاسرى من كل قلبو صح ؟ يعني ناس متلهم ضحو بشبابهم وبحريتهم وتحملو الامرين بسجون الاحتلال اقل شي بنقدر نقدمو انو نوقف وقفة اجلال وتقدير لالهم هلا القصة ومافيها انو تلت ارباعهم عزابية وبدهم يتزوجو فانو بالفترة اللي فاتت سمعت كتير قصص وكلام من ناس اتقدمو لبناتهم اسرى ورفضو طب ليه رفضتو ؟ قال هادا الو ست سبع سنين مسجون مابشوف بني ادمين بدكم ايانا نجوز بنتنا لواحد معقّد ؟ طبعا انا بصير زي هيك  طب بعد كل شي عملو هيك بنحكي عنهم لا وبكون الشب - اللي بيقولو عنو معقّد - مكمل بكالوريوس وماستر بالسجن من تخصص محترم وبطريقو يكمل دكتوراه وبيجو بيقولو عنو معقّد ! لسة لو عشان فرق السن او البنت استخارت وماارتاحت او انو مبعد لسة عندي اهون موقف 1 واحد بنعرفو انسجن زمان عند اليهود بايام الانتفاضة الاولى انمسك بعملية فدائية وانحكم اظن مؤبد وطلع بعد شي 13 سنة وأٌبعد ع دولة عربية تعرف ع ناس فلسطينية هناك واتقدك لبنتهم المهم البنت ضحكت لما حكالها اخوها وحكتلو بدك اياني اخد واحد رد سجون ! فرفضو الاهل وبعد فترة رجع الراجل تقدم للبنت مرة تانية فبتحكي البنت نفسها انا فكرت بحالي بقول انا بعقلي ولا مش بعقلي اي والله يمكن الله يحاسبني ازا بارفضو واحد مناضل زي هادا وضحى بعمره منشان بلده فوافقت وتزوجو ولانو مامعو الجنسية فبيتهم باسمها وسيارتهم باسمها وماشاء الله عليهم عايشن مبسوطين ومن فترة اجالهم اول حفيد على ما اعتقد  موقف2 كنا بنحكي انا وصحبيتي ومابعرف بقولها يا شيخة روحي الله يبعتلك عريس من هالاسرى الا البنت صارت حرارتها 40 بتقولي شوووووو لا هدول معقّدين بحكيلها نعم ؟! كيف لو انو ابوكي مش اسير انسجن زمان عند اليهود وطلع من زمان مو بالصفقة هادي بحكيلها هلقيت ابوكي معقّد ؟! حكتلي لا والله بحسو اكتر واحد متفتح بعمامي وكتير متساهل معنا ومعطين حريتنا لو تقدملك اسير محترم ومنيح بتواففقي ولا بتقولي معقّد ؟ طب بالنسبة للشباب لو تقدم لاختك لقريبتك اسير شو موقفك ؟ وسلامتكم ^^
_______________________________
|
| عدد 8 عضو بقولولك شكرأ يا Moon flower على هالموضوع المرتب: | ||
|
#2
14-01-2012, 11:41 PM
|
|||
|
|||
|
طيب وين حق الاسيرات من الموضوع والاسئلة ؟؟؟ ليه الاسئلة بس عن الاسرى الرجال؟؟
..
_______________________________
|
| عدد 3 عضو بقولولك شكرأ يا أم غسان على هالموضوع المرتب: | ||
|
#3
14-01-2012, 11:48 PM
|
||||
|
||||
|
تفكير متخلف بعيد عنك  يعني الوحدة لما بتكون واحد خريج سجون من عند اليهود ومكمل ماستر لازم تكون مبسوطة كتير بيكفي اخدت زلمة ومستحيل تلاقي واحد طالع من السجن ممشاه متل شباب هاليومين بالعكس تفكيرهم بيكون واعي اكتر من ما تتصوري ابن خالتي اسير محكوم 13 سنة صرلو 10 سنين ونص بالسجن ولسا بالسجن لما دخل السجن كان عمرو 22 سنة بس هلأ خالتي بتحكي انو متغير كتير وتفكيرو بيوزن بلد ونفس الحال للاسيرات بس يمكن الشباب بيتجنبو ياخدو اسيرات لانها الوحدة فيهم بتكون ئد حالها وقوية  بيعين بيعين.... امنورة
_______________________________
.
. .    يسلمو حالة غريبة. . .
|
| عدد 2 عضو بقولولك شكرأ يا البطة الشلبية على هالموضوع المرتب: | ||
|
#4
14-01-2012, 11:55 PM
|
||||
|
||||
|
انا بردو مرة فتحت هالموضوع مع وحدة مطلقة حكتلها لو اجاكي اسير وحكتلي نفس الشي انو بتتجوزش اسير عشانو بيكون معقد بتحكيلي عمها كان اسير مش عارفة اكم سنة وبعدما طلع صار تصرفاتو غريبة وسلوكو اغرب مش عارفة ليش هيك نظرة الناس للاسير بس صراحة انا جربت وعاشرت اسير ولئيتو بالعكس انسان كويس كتير وطيب وكل المواصفات الكويسة فيه وبيعامل مرتو احسن معاملة اول مرة ححكي هالكلام بس يعني صراحة انا جوزي كان اسير واعد 8 سنين كمان اسير ومعاملتو كتير كتير كويسة بعمرو ما بهين لانو مجرب الاهانة وبعمرو ما بيضرب لانو مجرب الضرب ما بيسب بالفاظ مش كويسة لانو مجرب ودايما بيحكيلي الضرب للحمير بس والاهانة مش للبني ادمين كل هالكلام عارفة لانو جرب وعرف شو يعني اهانة وضرب هادا غير تفكيرو الي مش معقد ابدا زي ما بيقولو بعمرو ما حكالي ممنوع تطلعي او ليش لابسة هيك هيني كل يوم بروح عامي ما بيحكي شي الا بالعكس ييعني لما هو طلع من الحبس لا كان عندو بيت ولا وظيفة ولا تعليم ولا شي لسة الاسرى تعون الصفقة هادي وعدوهم بكل شي وعندهم كل شي مش عارفة ليش هيك نظرتهم كتير حكولي هالكلام بس انا بالدليل بحكي لاني عاشرت اسير
_______________________________
|
| عدد 12 عضو بقولولك شكرأ يا غزاوية مبسوطة على هالموضوع المرتب: | ||
|
#5
15-01-2012, 12:05 AM
|
||||
|
||||
|
كل الإحترام الهم الأسرى وما حدا بيقدر يحكي عنهم ولا نص كلمة لأنه احنا ما عملنا ربع الي عملوه عشان بلدنا وما خنعوا للمحتل بس فكرت فيها يعني , اذا برفض واحد أسير تقدم لأختي عشان سبب واحد بس انه هالأشخاص الثوريين هدول دمهم حامي , وبيزهدوا بالدنيا كتير في سبيل الآخرة يعني في كتير حالات ما بيكون عندو أي مشاكل انه يعمل عملية استشهادية, ويرمل مرته وييتم أولاده من بعده
_______________________________
لن أعطيك بيضة.. بل ساعلمك كيف تبيض
|
| عدد 2 عضو بقولولك شكرأ يا صايع بس ولد ناس على هالموضوع المرتب: | ||
|
#6
15-01-2012, 12:05 AM
|
||||
|
||||
|
كلمه معقد كلمه ابدا مش حلوه ..ومش في مكانها بالنسبه لاسرانا نحنا..
يعني هوا ممكن يكون تاثر نفسيا (ومش ممكن اكيد وطبيعي اصلا)وانا بشوف انه اي حد مكانه بتعرض لظروف معينه وقاسيه متل السجن والتحقيق غير ازا كان في تعزيب وغيره .. راح تصير شخصيته وتفكيره متله بس نحنا شعبنا قوي بالفطره وكل جيل بياخد قوه وجرأه اكبر من الجيل الي ئبله ..فانه اولا الكل بكون مستعد نفسيا لموجهه هيك اشياء وممكن متوقع.. فحتى لو اثرت عليه هيك ظروف بتكون لصقل الشخصيه وجعلها اكتر صلابه وتحمل ..يعني مش بالاتجاه السلبي .. وبحب احكي بالاخير انه مش اي حدا بصير اسير عند اليهود ..وانا بعتبرهم النخبه والا ما كانو خافو منهم وحبسوهم يعطيكي العافي تحياااتي
_______________________________
 ممنوع الاقتراااااااااااب  ܓ♥ [ ..يفيوووفه..] ܓ♥
|
|
#7
15-01-2012, 01:22 AM
|
||||
|
||||
|
أنا عندي 2 من أخوالي من الأسرى المحررين لكن مش في هاي الصفقة طلعوا سنة 1985 في صفقة التبادل مع اسرائيل والجبهة الشعبية واحد منهم دخل السجن عمره 18 سنة وطلع عمره 43 سنة شو ذنبه هادا علشان يقولوا عنه معقد ؟! ويحرموه حقه في الزواج ؟! يعني فوق ما هو انسان وطني وعمل عمليات فدائية وانسجن وتعذب كمان لما يشم نسيم الحرية ميلاقيش التقدير من أبناء شعبه نفسهم ؟! لكنه لما طلع تزوج بنت عمته وكانت يدوب مخلصة توجيهي وبنت جميلة وناعمة جدا ً ولا حدا اعترض لما طلبوها دار سيدي لخالي اليوم عندهم حوالي 7 أولاد و4 بنات شباب وصبايا منهم المتزوج ومنهم اللي لسة أطفال والحمدلله عايش عيشة كريمة وحياته عادية وبيشتغل والخال التاني ما مضى وقت طويل زي خالي الأكبر انسجن وعمره 16 تقريبا وطلع عمره 23 سنة وهم ايامها خيروهم خالي الكبير فيهم فضل يضل في غزة والزغير فضل يطلع على سوريا لكن بتعهد انه ما يرجع عالبلد وفي سوريا تزوج وحدة من أجمل البنات ومن أعرق العائلات ولكن لما اختلفوا لأسباب سياسية بين خالي وحماه تركوا بعض وسافر على النرويج وهناك تزوج إيرانية وعنده هلأ ولدين وبنت ولد من السورية الفلسطينية وولد وبنت من الإيرانية ووضعه هناك ممتاز ماديا ً واجتماعيا ً وسياسيا ً بس يصحلهم العالم يصاهروا ناس شرفاء زي الأسرى سيرتهم العطرة كل لسان  منورة مون فلاور
|
| عدد 5 عضو بقولولك شكرأ يا السندريلا على هالموضوع المرتب: | ||
|
#8
15-01-2012, 03:00 AM
|
||||
|
||||
|
اقتباس:
كل شخص إله قدره .. وامحدد يوم قضاه وأجله .. وهذا السبب مش حيكون مبرر للرفض خصوصاً كوننا مسلمين يعني لو رآح يعمل عمليه إستشهاديه حيكون شرف اله ولاهله ولولاده من بعده ويوم القيامه حيكون شفيع الهم ان شاء الله يعني قدر الموت مش بايد الانسان ، حتي يروح يموت وقت ما بده ونهايه مثل هالنهايه والله مُشرفه ، ومركز فخر وغير كل هالشي مربحه جداً لنفسه وعلي كل حال بيفضل هالشي قدر ومكتوب ومفيش شخص بيقدر يمنع حدوثه كل الاحترام ~~~~ وبالنسبه لطرحك يا مون مثل هالناس الطيبه ، الواحد بيعطيهم وهوا مغمض عينيه ومرتاح ومطمن من ناحيتهم لعده اسباب بس حزكر سبب واحد لانه بيسد عنهم كلهم إلي بيدافع عن أرضه وشرفه بيعرف كيف يصون عرضه وما بيجي عليه يوم ويفرط بنفسه وحقه لانه بيعرف قيمه الي بيمتلكه وهذا مبدأ لوحده سامي والي عنده مبآدئ وصفات كريمه بيكون اهل للأمانه والحرص والثقه واما عن الناس الي بترفض الأسري مش ححكي عنهم شي ، غير انهم بيخسروا رجال حقيقيه وبمعني الكلمه ، لبناتهم وكل وواحد وتفكيره وعقله جاوبتك باختصار حتي ما اطيل عليكِ يعطيكِ ألف عافيه يا مون
_______________________________
|
| عدد 2 عضو بقولولك شكرأ يا عَبودِي على هالموضوع المرتب: | ||
|
#9
15-01-2012, 09:04 PM
|
||||
|
||||
|
اقتباس:
منورة ام غسان الاسيرات كلهن 8 وفي منهم متزوجات او مخطوبات وبصراحة انا ما سمعت اي قصة عنهم بهادا الموضوع بس ازا حابة تحكي عنهم كلنا اذان صاغية اقتباس:
بوجودك يا كابتن اقتباس:
يعني ممكن لو نحكي عن مساجين الغرب انو ممكن يطلعو معقدين وهيك بس هدول ناس مؤمنة بالله وبتقضي وقتها بالسجن بالعبادة وقراءة القرآن الله يباركلكم يا غزاوية ويبسطكم ويعوضكم خير ^^ اقتباس:
وبتيجي توصفهم بصفة شنيعة زي هيك وكانهم البرا السجن مش معقدين  مابعرف بس لكل واحد وجهة نظره بس متل ما قال عبد الشهادة مش عيب ولا هيا نقيصة بل شرف لزوجته واولاده بس مو كلهم بيتابعو العمل الثوري في كتييير بيتركو او بيخففو مابعرف
_______________________________
|
|
#10
16-01-2012, 09:35 AM
|
||||
|
||||
 فرضا انى مش متزوجة بصحلللللللللللللللللللللللللللللللللللللللللللللللى اسير يتقدملى قسما بالله بتجوزو بدون مهر ولاششششششششششششششى
_______________________________
ليس حلمي بيت كبير و أثاث جميل و مال وفير ... لكن حلمي و سعادتى أن يرزقني ربّي الرّضا بأقلّ القليل.. ليس حلمي دنيا فانيه وفتن زائلة وشهوات مدمّرة ومعاصي على القلب قاسية لكن حلمي وسعادتي جنّة واسعة وآخرة باقية... ليس حلمي رجل غني وولد شقي لكن حلمي وسعادتي ولد تقي بارّ بوالديه وزوج قلبه نقي .. اللهم حقق احلامنا
|
| عدد 2 عضو بقولولك شكرأ يا عنيدة وعنادى عاجبنى على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
