|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
15-01-2012, 12:07 AM
|
||||
|
||||
ّ~~ ســـلات الكفتة بالبيض + حلى الفواكه بالبسكويت والكريمة ~~
مرحبااا  كيفكوو اليوم كنت حاسة حالي كتيير زهقانة .. فقررت إني أروح ع المطبخ وأعمل عشا خفيف ولزيز  عشانا اليوم اسمو (( ســـلات الكفتة بالبيض )) طريقتو كتير سهلة .. وطعمو كتير لزيز .. وغني وصحي ومفيد  يللا نبلش أول اشي بنجيب البيض وبنسلقو أعلمكو كيف تسلقوه ولا بتعرفو  ملاحظة // لما تيجو تسلقوه حطو ع مي السلق شوية ملح .. لحتى ما يتكسر البيض  ملاحظة 2// لإكساب قشور البيض اللون الذهبي الجميل .. بتضيفو قشور البصل لمي السلق وهيك بعد ما انسلقو  شوفو مأشطرني .. كل بيضة درجة لون قشرتها بتختلف عن التانية  هلا بنجهز العدة قدامنا بنقشر البيضات وبنحطهم بصحن بنجيب الكفتة (عليها ملح وفلفل أسمر) وبنحطها بصحن بنحط شوية طحين أو بقسماط بصحن بنفقش بيضة بصحن وبنرش شوية ملح وفلفل أسود وبنخفقها  هلا بنبدا شغل بنمسك البيضة .. وبنحوطها بكفتة بعدين بنمرر الكفتة على البيضة المخفوقة  بعدين بنمررها ع الطحين  وبنعمل بباقي البيضات نفس الخطوات السابقة  بعد ما نخلص .. بنروح نقليهم  ونقسم كل وحدة نصين .. فبيصير قدامنا سلتين بنجيب عروق بقدونس وبنحطهم ع السلات .. كإنهم إيدين السلة  وبهيك بنكون خلصنا من السلات ممكن إزا بتحبو تقلو بطاطا جنب هالأكلة بتعرفو كيف ولا أعلمكو  هنا بقطع فيها  وهنا لما خلصت  وبهيك .. بتكون عشوتنا صارت جاهزة يللا تفضلو يا جماعة .. تعالو كلو قبل ميخلص الصحن  لازمها تحلاية الشغلة صح؟  يللا نروح سوا ع المطبخ ونعمل ((حلى الفواكه بالكريمة والبسكويت)) المقادير// بسكويــــت علبة فواكه مشكلة علبة قشطة باكيت كريمة مخفوقة ((دريم ويب)) حليب كاكاو شوكولاته سائلة  بنفرد البسكويت على الصينية  بنجيب علبة الفواكه .. وبنصبها بصحن  بنسقي البسكويت بمي الفواكه .. زي هيك يعني  بعد منخلص نسقي البسكويت.. بنوزع الفواكه ع الصينية  هلا بنترك الصينية ع جنب وبنبدا نعمل الكريمة بنجيب باكيت الكريمة .. وعلبة القشطة .. وكاسة حليب .. وكاكاو  بنحطهم ع بعض زي هيك  وبنبلش نخفق  ونخفق ونخفق ونخفق ونخفق  لحد متتجانس المقادير مع بعض  وبهيك بتكون كريمتنا صارت جاهزة بنبدا نوزعها شوي شوي ع الصينية  نسيت أصورها بعد متوزعت بشكل كامل المهم .. بعدين اللي بيحب يجيب ((نسكويك))  ويرش رشة ع الوجه بردو بيطلع الطعم لزيز  وبهيك بتكون صينيتنا جاهزة بنحطها بالتلاجة .. وبنسيبها تبرد وبعد متبرد بنقطعها وبنزينها بالشوكولاتة السائلة وهيك بيطلع الشكل النهائي عند التقديم يللا اوقفو طابور .. وكل واحد فيكو حياخد قطعة حتى نفاذ الكمية ع فكرة .. هي تاني مرة أكتب الموضوع بالمرة الأولى اجيت بدي أبعتو طار  |
| عدد 75 عضو بقولولك شكرأ يا *pinky* على هالموضوع المرتب: | ||
* بيـــونة *, * حلا الروح *, *مس قلق*, *بلسم الجروح*, *MiRaClE*, . » رحــيــل « ., 654321, ل ؤ ل ؤ ة, a7la reem, a7mooDy, ملاك غزاوية, مازن86, أبو شاكوش, أحلــى بنت, ليونة, مش انا, مزآآجي هيك, مسيناكم مسونة, آهات عمري, Bayoona, butterfly, ام الكتاكيت, البطة الشلبية, السندريلا, العمرالضائع, اسوووم, بآكل المنوخية بالشوكة, برشلونية, eternal love, بنت بلادي, بنبونة, gazawiyaana, دلوعة وكلمتها مسموعة, حالة غريبة, ديدو1, دراكولا الغزاوي, يـ ـ ـ ـافـ ـ ـ ـا, Just Ana, LaNoOsH, MEME 2, miss moon, mony, Moon flower, ريماااا, رحيق الزهور21, روكوسان, شربات, زهرة 5, زهقانة عالاخر, شو دخلك, سنفورة المنتدى, سكرة مالحة, princess life, renad, rosy, shaldonah, soose, عالية محمد, عايشة هيك, عاصفة فلسطين, عيون عسلية, غربة عمر, غزاوية مبسوطة, غزاوية منيحة, عنيدة وعنادى عاجبنى, فلسطينيه كنت ولا زلت, فايعة غير شكل, فوشيا, نابلس24, نجمة ليل, نسيت انساك, نـورسيـن, ^كت كات^, قمــر الحــب, كذبك حلو | ||
|
#2
15-01-2012, 12:10 AM
|
||||
|
||||
حجز أول رد قبل ميراكل شايفاها تحت أول شي يعطيكي العافية بينكي إجيت أجري أول لما شفت موضوعك لأنه مش كتير بتعملي مواضيع هنا . . هاي سلة الكفتة بالبيض عمرناش عملناها وبما إني بحبش الكفتة رح أجربها   . . عجبني كتير المنظر الأخير وشكل البطاطا جد بيفتح النفس يسلمو إديكي وكمان الصور واضحين بيخلوا الواحد يتشحتف بآخر هالليل وكمان ميرسي على الفكرة تبعت قشر البصل والله طلع إلو فايدة أصلو أنا بحب اشوف لون قشر البيض أحمر زي هيك ههههههههههههههه . . نيجي هلأ للحلو  . . الصراحة متت عليه ههههههههههههههههههه ولو طلبوا منا نعمل حلو بمسابقة ماستر شيف رح أعملو لأنه خفيف وزريف ومكوناتو متوافرة والأهم بدوش فرن ولا تلاجة في هالبرد  بجد طلعتي معدلة ما شاء الله عليكي ونيالو كيف بس لما كنت تصوري وتشتغلي وتمسحي إيدك بفوطة المطبخ وتصوري وتشتغلي وتمسحي هههههههههههههههههههه هاي ملاحظتك الشهيرة اللي دايما ً بشوفك بتكتبيها بمواضيع الطبخ هنا لو أنا مكانك والموضوع الأول طار كان أخدت نقاهة في شرم لمدة عشر تيام وبعدين رجعت أعمل موضوع تاني بجد يعطيكي ألف عافية على الشغل المرتب اللي بيفتح النفس والتصوير الواضح أنا بيهمني التصوير بصراحة ههههههههههه وصحتين وعافية على قلبكم يارب محلا منزر الخيارة  التعديل الأخير تم بواسطة : السندريلا بتاريخ 15-01-2012 الساعة 12:23 AM. 
|
| عدد 9 عضو بقولولك شكرأ يا السندريلا على هالموضوع المرتب: | ||
|
#3
15-01-2012, 12:12 AM
|
||||
|
||||
|
اوووووووول رد
_______________________________
.
. .    يسلمو حالة غريبة. . .
|
| شكر من هدول الأعضاء يا البطة الشلبية على هالموضوع المرتب: | ||
|
#4
15-01-2012, 12:14 AM
|
||||
|
||||
 ما طلعت اول رديا عيني عليكي شكل تزيين الصحن تحفةةةةةة بدي بس كيف هيك عملتي بالخيارة  مالكم كلكم ع الكفته من يوم ما عملتها سرتو تعملوها  والحلا بيجنن بحب الشغلات يلي متل هيك :$ يعطيكي الف عافية ياااااارب
_______________________________
.
. . يسلمو حالة غريبة. . .
|
| عدد 2 عضو بقولولك شكرأ يا البطة الشلبية على هالموضوع المرتب: | ||
|
#5
15-01-2012, 12:15 AM
|
||||
|
||||
|
ساندي هيك ولا هيك اصلا ماكنت بدي ارد الا بكرا  رجعالك يا جميلتي بكرا ..لانو هلا علي اطنان متلتلة بالدراسة لسةما خلصت هووفت يا ربي بس اول انااولا عاشر قطعة ساندي الي
_______________________________
لا الـه الا الله .. محمدا رسول الله ~~~  Don't Frown ~~ You Never know who will be falling in LOVE with your smile !!
|
|
#6
15-01-2012, 12:17 AM
|
|||
|
|||
|
الله يَ بينكي ، طريقة التقديم لزيزة .. بتشجع الواحد يلتهم الصحن بـِ الي فيه يعطيكِ ألفين عافية 
_______________________________
. { وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ } -
|
| شكر من هدول الأعضاء يا فانيليا على هالموضوع المرتب: | ||
|
#7
15-01-2012, 12:21 AM
|
||||
|
||||
|
بتعرفي الي الز من الاكلة هو المنظر بجد منظر هالاكلة بتفتح النفس حتى لو كنتي بتحبيش البيض وانا مصرة اجرب اعملها لبابا هههههههههههه لانو هو بيعشق هاي الاحركات يسلمووو يا بينكي عالطريقة الجديدة اول مرة اشوفها بس كتيير حلوة ولزيزة يعطيكي العافية
_______________________________
|
| شكر من هدول الأعضاء يا غزاوية مبسوطة على هالموضوع المرتب: | ||
|
#8
15-01-2012, 12:59 AM
|
||||
|
||||
|
قلقانة مش عارفة نام :\
واول ماوقعت عيني ع سلات البيض من عالبرج حكيت لـ بنكي او فوشيا هههههه سراحة هالأكلة من الحيل يلي حببتني بأكل البيض من زغري بس ماما بتعملها لعند تغليف البيض بالكفتة وبتقليها بدون بقية الخطوات تبعت الدقيق وهيك وبردو قشرة البصل لتلوين القشر كسرت الئريفة يلي عندي ياها من البيض والبطاطا حبيت شكلها بنشتريها فروزن من هوت كريسبي بهالشكل عنجد لكل شكل بالتقطيع نكهة خاصة فيو السويت جديد أول مرة بشوفو يللا بركي تشجعت لفوت المطبخ واعمل انجاز لانو مبين سهل وزريف كريما او دريم ويب بحب هالنوعية من السويتات صحة وهنا ع قلوبكم بينكي وسلم دياتك ^^
_______________________________
/ // / تصرف كمن أضاع البوصلة
ولنصلح عطب قلوبنا (لنستدل الدروب) لا حزن يقتلنا ولا شجن~ كما لو أننا طائرين مهاجرين وكما لو أن الفرح ماثلا دائما في الصدر كـ ظنّ .. كـ نبض °.•¸¸•.°
|
| شكر من هدول الأعضاء يا روكوسان على هالموضوع المرتب: | ||
|
#9
15-01-2012, 01:25 AM
|
||||
|
||||
|
. . صحتين وعافيه تسلم دياتك ويعطيكِ الف عافيه . .
_______________________________
|
| شكر من هدول الأعضاء يا عَبودِي على هالموضوع المرتب: | ||
|
#10
15-01-2012, 01:45 AM
|
|||
|
|||
|
بينكييييييييييي يعطيكي العافية بس انا الي لفت انتباهي انو التوست <دوست على مين > التوست الي عندك .. زي الي عندي بالزبط .. من وين اشترتيه انت ؟.؟. بالك حيطلع من نفس المحل .. ويطلع فيلم هندي هههههه
_______________________________
الحلم ضاع
|
| شكر من هدول الأعضاء يا مش انا على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
