|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
22-01-2012, 05:22 PM
|
||||
|
||||
بتعترف بالحقيقه بهيك حاله !!
السلام عليكم يا شباب صارلكم معي موقف اليوم من الاخر  عندي ابن خال غالي ع قلبي كتير وخالي كمان ( ابوه) اكتر خال من خوالي بحبه وبختلط فيه يعني بمعنى انه بمون ومتل والدي المهم اليوم الصبح بتصل فيي ابن خالي هاد وبقلي : أنس ازا حكى معك ابوك او ابوي وبهدلوك امانه بالله عليك اضل ساكت وما تحكي ولا كلمه وانا بعدين بفهمك بس استر علي الله يسعدك  وسكر الخط وانا مبلم مش عارف ولا اشي المهم بعد ساعه برن علي ابوي ( والدي مسافر) ومعصب وبلش فيي رش رش رش بهدلني بهدله الله لايوريها لحد فيكم وانا ساكت وعامل هيك المهم بنص البهدله بدون لا سلام ولا كلام سكر الخط بوجهي ورن ع ابن خالي ورن يا انس ورن رن رن ولا برد هل دب ابصر شو مورطني  المهم بعد شوي بناديني خالي وبقعدني جنب ابنه وبلش فينا درس بالاخلاق وانا حد الله منا عارف اشي ولا بعرف شو عامل ولا شو حكى عني وشوي بعصب خالي بنص البهدله وبقوم بقرص ابنه من خدو وانا كان ع وشك اني اكل اختها بس اتزكر اني مش ابنه  وكمل بهدله وحاولت محاوله اني انكر اني عملت اشي صار ابن خالي يدق فيي ويخبط ع رجلي انو اسكت تحكيش ولا كلمه  بعد ما خلص خالي وارتفع ضغطه اجى دوري  حشرتو بالزاويه و ازا ما بتحكي شو عملت ولزقته بظهري لانتفك نتف المهم قر وحكى وطلع عامل عمله بستاهلش عليها خبطه وبس لأ والله بستاهل شنق وملزق نصها بظهري ولسا انا بتوقع اني ح اكل اخت القرصه بس ابوي يرجع من السفر هاد ازا وقفت ع قرصه ع الحكي اللي سمعني اياه بالله تدعولي يظهر الحق مظلوم والله  المهم هلأ كل هاد مقدمه فكره نزلنا من بيت خالي واحنا بالطريق اجى شب بحكي لابن خالي : حسام !! شو هل زراق اللي ع خدك هاد  بكل فخر حكالو ابن خالي :  ابوي حب يربيني عندك مانع  هلأ بصراحه انا استغربت انو حكاها عادي ابو ال 20 سنه يعني شباب غيرو كان حكى تزحلقت وقعت كنت بطوشه اي اشي الا انو ابوه ضرب او خبط او عمل اي اشي فيه بس هو حكاها وعادي كووول ولا كأنه في اشي ف بدي اعرف رأيكم عمركم تعرضتو لهيك موقف ؟ ولو اكلتها من ابوك شو بتحكي لاصحابك ؟ هلا انا بصراحه ابوي ع طول مسافر ف لما يزورنا بنكون مؤدبين وامي بتستر علينا بس بتوقع انو الزياره الجايه كل الاردن ح تسأل شو صار بوجهك يا انس الله يستر
_______________________________
 أشتاق لأن اعيش في "وطن " طالما سمعت عنه 
|
|
#2
22-01-2012, 05:29 PM
|
||||
|
||||
اللهم لا شماته بتستاهل  بمزح أنا  يعني إحنا ما إلنا مكان بالموضوع  المهم.. مش عارفة كيف ضليتك ساكت حقك هاد ياخووو  احكي الحقيقة بيظهر الحق
_______________________________
 ربي إنهآ أمنية . . . | . . . | فلآ تحرمني تحققهآ !
|
|
#3
22-01-2012, 05:32 PM
|
||||
|
||||
|
اقتباس:
 انا حاطو بقسم الرجال مش مشان حضرتك تفوتي تضحكي وتغردي  لا يا حرامك شريره اللي انكر انكر خلص هلأ ما اتوقع اني حد يصدقني منوره
_______________________________
أشتاق لأن اعيش في "وطن " طالما سمعت عنه
|
|
#4
22-01-2012, 05:49 PM
|
||||
|
||||
|
عفكرة احيي ابن خالك عصراحتو هههههههههههههههههههههههه
بخصوص الايشي لما انقرص على خدي بعدين بفكر ادا اعترف بالحقيقة ولا لاء 
_______________________________
 3solaton ana fedetny
|
|
#5
22-01-2012, 06:22 PM
|
||||
|
||||
|
اقتباس:
هلا منوره لما تبقى تصير معك اوعي تخبي علينا
_______________________________
أشتاق لأن اعيش في "وطن " طالما سمعت عنه
|
|
#6
22-01-2012, 06:29 PM
|
||||
|
||||
|
بخصوص النقطة الاولى ما بعرف شو احكي ولا بعرف كيف بتفكروا وكيف بتقيسوا الموقف رجولي ولا لأ وهالخراريف تبعتكم بعدين حسب المشكلة .. التصرف اللي مضارو اقل ( الك ولابن خالك ) اعملو بس انا جيت احكي بالموقف التاني انا بصراحة بحترم الشب اللي واثق من حالو وما بفرق معو شو هاد بحكي عني وراي التانيين ما بهمو وهادا التصرف بسكت اللي قدامو كان ابن جيرانا .. احيانا يلبس عالمدرسة شنتة حمرا وهو كبير توجيهي مع انو شنتتو شبابية مش بناتية بس بالمنطقة اللي احنا فيها الناس بدو وما بعرفو بالشناتي الرياضية وكانوا يحملو كتبهم جوا سجادة صلاة المهم كانوا يتمسخروا عليه ويحكوا جاي بشنتة زي البنات يقوم هو يرد عليهم ( اه جاي بشنتة اختي .. عندك مانع ؟  )مع انو كان بقدر يقولهم انها شنتة رياضة وشبابية ويبرر موقفو بس من رايي فعلا الموقف مش محتاج تبرير ومش مهم يعرفوا هيي بناتية ولا ولادية ولا مريخية .. المهم انو انا بعمل اللي بدي اياه وانتوا ما الكم دخل وعجبني رد ابن خالك .. منور زيزو .. والله يخفف عنك ويبرأك من عندو من غير ما انت تقول
_______________________________
,  Loading...19% |||||||||||||||||||||||||||||||||||||||||||||||
|
|
#7
22-01-2012, 07:09 PM
|
||||
|
||||
|
ههههههههههههههه ياحرام الله يعينك ويعينو وانت ليش تسكت ؟ قول مش انا وخلصنا اذا الشغلة كبيرة وفيها حاجة خطيرة هههه وحلو الواحد يعترف انو ابوه بهدلو ومايخجل انا لو صار فيني اي موقف بهدلة من اهلي بردو بحكي عادي مابيخجل لانو كلنا بناكل بهادل
_______________________________
|
|
#8
22-01-2012, 07:28 PM
|
||||
|
||||
|
ههههههههههههههههههههههه
حزين الله يعينك شو رح يسير فيك تب بسير انا اجاوب انا مرة امي ئرصتني ئررررصة فحمت روح بس عاايدي كانت طبعا علمت وعادي وشافتها بنات عمتي وحكيتلهون امي عادي هههههههههههههه تب بدك الصراحة مرة اكلتلك ئتلة بتسوا حياتي كنت يومها مش راضية احفز قران وكان علي امتحان ههههههههههه قران بالدورةهاي لما كنت بالصف السادس
_______________________________
|
|
#9
22-01-2012, 08:18 PM
|
||||
|
||||
|
ابوك يالفضول احكيلنا شو عمل ابن خالك لياكل هالقرصة الكبيرة لانو الفضول اكلني ولو انك حاكي الاشي للذكر والانثى كان اعطيتك رايي 
_______________________________
. . . .  روحك ما يهمها إعتقال !
|
|
#10
22-01-2012, 08:27 PM
|
||||
|
||||
|
عنجد شو هاد يا انس ...؟؟؟؟ طيب كمل القصة ... انا بدي اعرف شوووووو صاااااااااااااااااار؟؟ انو ليش اتبهدلت وانو ابن خالك شو عامل ؟؟ هههههههههههههه امانة بدي اعرف
_______________________________
 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
