السلام عليكم ورحمة الله وبركاته

بداية بحب أوجه تحية شكر كبيرة للعضوة العزيزة Just Ana
لأنها من خلال المسابقة شجعتني أفوت المطبخ أعمل حلو لأول مرة بحياتي
بجد أنا ممنونة جدا ً إلك
وينك يا فدا الروح تشهدي هاي اللحظة التاريخية





وتاني شي والله من غير ما أكزب عليكم
أنا من أول ما نزل موضوع المرحلة التانية من المسابقة وقرأت إنه المطلوب نعمله هو كيكة
قلبي وقع
وحسيت إني ورطت حالي بالموافقة على دخول المسابقة
وصرت كل يوم بفتش على طرق عمل الكيك
وأطبع أوراق وأقرأها وأحاول أفهم أساسيات هاي القصة اللي ولا مرة جربتها في حياتي
حتى إنهم أخواتي لما بدهم يغروني علشان أزورهم بيحكولي
تعالي علشان نعملك كيكة يا سوسو




ومن فلاحتي اخترت كيكة غير شائعة
ومش بسيطة في طريقة تنفيذها
وهي كيكة الأناناس المقلوبة وفعلا ً من قبل يومين خليت أخويا يشتري علبة أناناس
والتنفيذ كنت مخططاله اليوم علشان الكهربا جاية



.
.


وقبل ما أبدأ في عرض الطريقة حابة أعطي كمن نصيحة
حسيتهم فعلا ً مهمين جدا ً في عمايل الكيك
1- لازم وضروري كل المكونات تكون بدرجة حرارة الغرفة زي البيض والزبدة
2- الفرن لازم يتسخن من أول ما نبدا الشغل على درجة 180 درجة ونخليه شغال ومسكر
3- القالب اللي بدنا نعمل فيه الإشي لازم يكون جاهز ومحطوط على جنب
4- الأدوات لازم تكون في متناولنا علشان عامل الوقت مهم كتير

.
.

هلأ نبدأ بالمكونات

.
.



.
.

مقادير عجينة الكيك :

1) 4 بيضات
2) 2 كاسة طحين
3) علبة أناناس
4) كاسة سكر
5) نص كاسة زيت نباتي
6) نص كاسة عصير أناناس
7) 2 باكو بيكنج باودر + 1 باكو فانيليا

مقادير الصوص :

1) نص قالب زبدة أو 100 غرام
2) كاسة سكر
3) 3 معالق كبيرة عصير أناناس
4) عصير نص لمون

.
.

وللتزيين :

وبما إنه شغلي بالتصميم أنا أكره ما عليا أشوف كيك مش مزينة
لو شو ما كان طعمها لازم تكون مزينة منيح

اشتريت كرز + براغيت الستات ومعاهم شرائح أنانس مقطعة

.
.

وهلأ الطريقة
أول شي بنجيب البيض بنكسره بصحن وبنحط عليه الفانيليا
وبنخلطهم سوا قبل منحطهم بالخلاط

.
.


.
.

وبعدين بنحطه بالخلاط على أعلى سرعة
ولمدة دقيقة كاملة



.
.



.
.

وبعدين وهو شغال من الفتحة الزغيرة بنحط
السكر والزيت وعصير الأناناس
وبردو بنخليه شغال دقيقة كاملة

.
.


.
.

وبنخلط الطحين والبيكنج باودر سوا ومن خلال الفتحة نفسها
بنصير نحطه معلقة معلقة ومش ورا بعض

.
.


.
.


.
.

وبس تنتهي الكمية بنترك الخلاط شغال حوالي 5 دقايق
وبعدين نطفيه ونروح نجهز الصوص

.
.
بنجيب مقلاة تيفال
ونحط فيها نص قالب الزبدة وكاسة السكر على نار هادية



.
.


.
.

وبس يدوب السكر
بنحط عصير نص اللمونة + 3 معالق عصير الأناناس



.
.

وبنضل نحرك لحتى مش يلزق السكر
ولغاية ما يتكرمل لونه



.
.

هلأ الطريقة :

بنجيب القالب اللي بدنا نحط فيه الكيك
سواء صينية أو طنجرة
وبنكون دهناه زبدة + طحين



.
.

وبنحط الصوص



.
.

وشرائح الأناناس



.
.

وخليط الكيك


.
.

ومش بنخليه يرتفع عن نص الصينية أو الطنجرة
علشان بدو مساحة لينفش فيها

وبندخل القالب بالفرن السخن



.
.

ومش بنفتح على الكيك قبل مرور ربع ساعة على الأقل
نشوف إنه كل شي تمام
ونرجع نسكر عليها
وبعد تقريبا ً نص ساعة بنختبرها بواسطة عود خشبي
وهي في الغالب بدها من 30 - 40 دقيقة

.
.

وأنا هنا طلعتها بعد 35 دقيقة



.
.

وهنا لما قلبتها



.
.

وفورا ً وهي سخنة سقيتها حوالي نص كاسة عصير أناناس
وزينتها بالكرز وبراغيت الستات



.
.

وجبتها على غرفتي
صورتها عند مشاركة كت كات بالمسابقة



.
.

وهاي صورة رومانسية



.
.
وصورة جانبية



.
.

وبعدين دخلتها التلاجة حوالي 45 دقيقة
ولما طلعتها قطعت منها كم قطعة

.
.


.
.

وهاي قطعتها علشان آكلها مع فنجان قهوة سادة



.
.

وهنا مع القهوة



.
.


وهنا الصحن هادا فيه 3 قطع
للي عارفين حالهم منيح






.
.


وهنا لما جبتها على مكتبي


.
.


وأنا بعمل فيها بس أخويا اللي كان في البيت وهو اللي فتح علبة الأناناس بالسكينة
لأنه ما لقينا المفتاح هههههههههه

وأنا بعمل الموضوع
إجا يقولي بدي أطلع اوعي تنسي السخان شغال
وسألني عن الكيك وراح أخد قطعة من التلاجة وحكالي مرتبة جدا ً
وسلمي إديكي يا سوسو
بس شو ههههههههههه
لهاني وخلاني بالغلط سكرت الموضوع
بعد ما صرت عاملة تلت ترباعو




لكني عدتو تاني علشان خاطركم
وخليها من غير مخفي هالمرة
علشان أخواتي حبيباتي لما يشوفوا الموضوع







كلمة تشجيع لله

_______________________________

ههههههههههههههه على فكرة اكتر شي بكره اعمله من الحلويات الكيك

وعلى فكرة هاد طريقة الكيك اخدنا واحنا بتالتة اعدادي بالتدبير في المدرسة

اقتباس:

كلمة تشجيع لله

بس علشان صرتي حالفة هههههه الكيكة مزبطة وكل شي تمام فيها وبنقدر من يوم وطالع نحكيلك شيف

لا جد
زااكية كتيير خاصة انو فيها اناناس وزابطة كتيير معك

بس النصيحة الاولى دايما بحكوها لازم الزبدة والبيض تكون بنفس درجة حرارة الغرفة كيف يعني

ويعطيكي العافية وموفقة بالمسابقة

روحك ما يهمها إعتقال !

المشاركة الأصلية كتبت بواسطة عايشة هيك ههههههههههههههه على فكرة اكتر شي بكره اعمله من الحلويات الكيك وعلى فكرة هاد طريقة الكيك اخدنا واحنا بتالتة اعدادي بالتدبير في المدرسة بس علشان صرتي حالفة هههههه الكيكة مزبطة وكل شي تمام فيها وبنقدر من يوم وطالع نحكيلك شيف لا جد زااكية كتيير خاصة انو فيها اناناس وزابطة كتيير معك بس النصيحة الاولى دايما بحكوها لازم الزبدة والبيض تكون بنفس درجة حرارة الغرفة كيف يعني ويعطيكي العافية وموفقة بالمسابقة

.

.



.
.
● سكن الليل .. ~

شووكرن مونآ

المشاركة الأصلية كتبت بواسطة عيون عسلية صح إلي قطعة من التلاتة كيكة الأناناس كتييييييييير بحووووووبها جد لزيزة كتير وطالعة معك بتشهي يعطيكي ستة مليون عافية و هوب تو يو الفوز

.

.



.
.
● سكن الليل .. ~

يا عيني يا عيني معددددددددلة والله يا سوسو : p
الاناناس كيكتي المفضلة ^^
يسلمو ايديكي

.
.
.

وااااااو طالعة معك منظرها بيشهي كتير
بدي نتفة زغيرة يا ساندي
كل هادا وبتعرفيش وعمرك ما عملتي
كيف لونك فنانة ايش كان طلع معاكي ؟

يعطيكي العافية ساندي


اقلك سر اقسم بربي يمكن ما تصدقي




بتعرفي انو اول ما شفت انو الجولة التانية كيك
قلت براسي هلا ساندي بتقول تورطنا ههههههههههههه
عشان تعرفي كيف بحس فيكي

وووووووووووااااااااااااااااااااوووووووووو

كيكة اناناس

عبيبة قلبي هالحلوووة

طالعة معك كثيييييير طيبة ولزيزة

وتزيينها بجنن كمااان

يعطيكي العافية يارب

وبالتوفيق بالموسابقة

بدي