|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
27-01-2012, 01:56 AM
|
|||
|
|||
بين مد ٍ وجزر
السلام عليكم ورحمة الله وبركاته بدون مقدمات قصتنا بتدور حول شخصين واحد اسمو خالد وواحد اسمو محمد خالد معرفة من سنين شخص طيب لابعد درجة ومسرف لاقصى حد وبحب يلف ويدور وكذبو كثير محمد شخص اتعرفت عليه بالرياض من فترة مش طويلة تقريبا نص سنة عندو شركة تسويق وشركة اي تي بنفس الوقت شخص طيب برضو ماشفت منو اشي عاطل للحين المهم محمد اتعرف على خالد وصارو اصحاب ومحمد حكى لخالد انو فاتح شركة وزي هيك ومحتاج موظفين خالد حكالو انا بفهم بالتسويق وبفهم بالاي تي وبفهم بكل اشي وسوا حالو محترف طبعا كلو كلام فاضي بس محمد مابيعرف واشتغل خالد عند محمد وبراتب ممتاز وحلو ومر الشهر الاول بلمح البصر وخالد صارت عندو التزمات وصار لازم يجيب فلوس سألت خالد وين رآتبك حكالي مااخذتو الشهر الجاي اجا الشهر الجاي وبرضو نفس القصة واللي بعدو ونفس القصة لمدة 3 اشهر وهو بيحكي انو مااخذ راتبو وبعدين حكالي محمد انو بدو اياني اشتغل عندو برضو واشتغلت عندو وكنت اخذ سلف من الراتب عشان امشي حالي وكان يعطيني واخر الشهر اخذت الراتب كامل وخالد برضو اخذو كامل المهم صارت مشكلة بالشغل بين محمد وخالد وقرر خالد يترك الشغل سألتو ليش حكالي مااعطاني ولا رآتب كيف مابعرف !! سألت محمد بطريقة غير مباشرة محمد ماصدق كلامي او انصدم من كلامي وصار يحلفلي انو معطيه الراتب كامل وجابلي المصحف وحلفلي عليه بس المشكلة انو خالد للحين بيحكي انو مااخذ راتبو وهو موقع على اورآق انو مستلم روآتب الاربع اشهر كاملة المهم خالد حكى لكل الناس انو مااخذ الراتب ومحمد طلع نصآب كبير فقرر محمد انو يجمع كل الشباب ويجيب خالد ويخليه يحلف وخالد صار يحلف انو اخذ الراتب كآمل واقسم انو مستلم الروآتب كاملات بعد هيك رجع خالد حكالي ليش احرجت محمد هيو اعطاني شيك بالروآتب كاملة حكيتلو وين الشيك حكالي مع محمد وهو كذاب خلاصة الحكي محمد بيحكي انو معطيه الروآتب كآملة وخالد بيحكي انو مااستلم اشي كبرت المشلكة واتصل ابو خالد علي وحكالي خالد استلم فلوسو حكيتلو اهـ حتى حلف قدام الشباب وهيك فصارت مشكلة كبيرة وانا مش عارف اصدق مين ولا أكذب مين خالد اقنعني انو مااستلم ومحمد اقنعني انو استلم برأيكو اصدق صاحبي اللي بعرفو من سنين ولا اصدق واحد متعرف عليه جديد ماشفت منو إلآ كل خير !! لانو في كل الحالتين لازم اشطب واحد من قآئمة الأصدقآء الكلام مخبص شوي وانا ترددت اكثر من مرة قبل ماانزل الموضوع وكمان ماعرفت القسم المنآسب إله وسآمحونا على اللإطآلة  على فكرة الأسمآء وهمية 
|
|
#2
27-01-2012, 03:37 PM
|
||||
|
||||
|
وعليكم السلام ورحمة الله وبركاته ، هي شغلة وحدة ، مادام خالد حلف قدام الكل إنه أخد الراتب فهادا دليل قاطع إنه هو اللي بيكذب ، يعني واحد ما أخد حقه أظن بعمل مشكلة أكبر من هيك ومابحلف إنه أخد او مابحكي قدام المدير إنه أخد ومن وراه بقول إنه ما أخد ، وبعدين يا أخ محمد إنتا بتحكي إنه اله باللف والدوران والكزب يعني مش أول مرة ارجع اتأكد مرة تانية وحاول تشوف الحق اقرب لمين ، لأنك انتا بقلب الحدث وعارف تفاصيل أكتر اما احنا بنضلنا مش عارفين بالظبط شو التفاصيل السؤال : وليش محمد مايعطي خالد الراتب هادا اولا مدام عطاك ، يعطيك العافية
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
|
#3
27-01-2012, 03:57 PM
|
||||
|
||||
|
صراحة قصة كتير محيرة ,, بس يعني كيف حلف انو أخد و أقنعك انو ما أخد و انو هو تاع لف و دوران و كزب و انت شايف انو محمد يعني أعطاك حقك ما أعطاه ليش ؟؟ ما بعرف بس من القصة مبين إنوو خالد اللي بكزب لإنوو مواقفوو فيها تناقض وشو مصلحتوو لما يحكي انو ما أعطاه 
_______________________________
 شووكرن مونآ 
|
|
#4
27-01-2012, 04:42 PM
|
||||
|
||||
|
بصراحة انا دخت و انا بقرأ بس بما انو خالد بتعرف انو بيكذب كتير و هو موقع على انو ماخد الراتب و بعدين خالد لو مش ماخد راتبو لمدة 3 شهور ما في اشي يجبرو يضل مستمر بهالشغل ازن لازم تصدق محمد هادا لو كنت فاهمة صح
_______________________________
. . . 
|
|
#5
27-01-2012, 06:45 PM
|
||||
|
||||
|
مش عارفة والله يا محمد ... انا قاعدة بدرس و ماسكة الكتاب و بقرأ موضوعك multitask  فـ ما بعرف ازا كتير استوعبت القصة ...بس زي اللي حسيت خالد حركاتو مش ولابد و شب ملاعب > يشيخ يا التنين لاعبينها عليك .. هنا بتكونلك صدمة العمر 
_______________________________
|
| شكر من هدول الأعضاء يا *مس قلق* على هالموضوع المرتب: | ||
|
#6
27-01-2012, 07:10 PM
|
||||
|
||||
|
طبعا احنا حكمنا بيضل سطحي وقاصر لأنه ما بنعرف الجهتين امنيح لكن كل الي صار ضد خالد وبدينه اولا فش اشي بجبر شب يشتغل 3 شهور ببلاش لواحد متعرف عليه جديد "لو صحبة سنين ممكن يصبر عليه ثانيا فش اشي بجبر اي شخص انه يوقع على ايصال لراتب هو مش ماخده "يعني لهالدرجة الكرم مش بس يتساهل في راتبه لا كمان يتنازل عنه " ثالثا حلف قدام الشباب انه اخد الراتب "يعني قدام الكل بيكون غير ووراهم غير وهاي صفات "  " من الاخر بتصدقش الي هيك رابعا الزلمة انتى جربته وشوفت كيف اعطاك راتبك من اول شهر يعني لو نصاب كان نصب عليك كمان !! انت بتعرف الاتنين احسن منا ومع ذلك الله اعلم منا ومنك لكن كل اشي بيدل انه صاحبك خالد "مش صادق " يعطيك العافية
_______________________________
لا حول ولا قوة الا بالله العلي العظيم 
|
| عدد 2 عضو بقولولك شكرأ يا عاصفة فلسطين على هالموضوع المرتب: | ||
|
#7
27-01-2012, 07:24 PM
|
||||
|
||||
|
خالد شكلو متلعب كتير مزال يعني هو كزاب وانت بتعرف هالحكي سدءمحمد لانو ورجاك وراق موقع عليها
طيب انت لما اخدت الراتب وقعت عليهم ولة لا عشان تعرف انو مين تسدء ازا هيك النظام انو يوقع فااعرف انو خالد كزززززززززززاب
_______________________________
|
|
#8
27-01-2012, 08:35 PM
|
||||
|
||||
|
بغض النظر عن الاسماء وتداخلات القصه الكتيره ...ما حد بوقع على ورقه استلام راتب بدون ما يكون مستلم فلوس
وهالايام م تاخد كتير بحلفان اليمين لانه صار زي شرب المي الكزب فيها ونصيحتي اشطب ل2 لانه واضح انهم بعلمو مشاكل وبياثرو سلبا علي بكون معهم تحياااتي
_______________________________
 ممنوع الاقتراااااااااااب  ܓ♥ [ ..يفيوووفه..] ܓ♥
|
|
#9
27-01-2012, 09:01 PM
|
||||
|
||||
|
اشي طبيعي خالد الكزاب بدهاش زكاء يعني
_______________________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
