|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
29-01-2012, 08:25 PM
|
||||
|
||||
╯╭.. هي في حياتي .. ╯╭
السلام عليكم ورحمة الله وبركاته ببالي هالموضوع من فترة وحبيت أعمل منه نسخة في قسم الرجال ونسخة تانية في قسم الستات . .  . . الفكرة كل الأعضاء - صبايا وشباب - بدنا نيجي هنا ونحكي عن حواء كان لها دور بارز في حياتنا من كافة نواحيها وبكافة مراحلها سواء كانت هادي الحواء أم أو مدرسة أو أخت أو زوجة - للشباب - أو صديقة أو لو حتى كانت جـارة أو كاتبة أو ممثلة .. إلخ المهم حواء إنتو تعلمتوا منها بطريق مباشر أو غير مباشر بقصد أو بدون قصد بدنا تحكولنا عن تجربتكم مع حواء في حياتكم وكل ما يتعلق فيها ويعطيكم العافية 
|
| عدد 14 عضو بقولولك شكرأ يا السندريلا على هالموضوع المرتب: | ||
|
#2
29-01-2012, 08:42 PM
|
||||
|
||||
موضوع حلو كتير انا حوا اثرت بحياتي كتير امي وخالتي وستي الله يرحما ومعلمة الجغرافيا مس سهام رح ارجع واحكي قصص كتير*_^ حلوة الفوكيرة سوسو
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
| شكر من هدول الأعضاء يا لونا باسل على هالموضوع المرتب: | ||
|
#3
29-01-2012, 09:37 PM
|
||||
|
||||
|
حلوة الفكرة كتيرررر كتير اثرت فيا حوا وكان الها اثر في حياتي اول شي اكيد امي وستي وخالتي وواحدة اتعرفت عليها ببقي احكيلو القصص كلها بس خلوها لبكرة بالشغل بتسلي وانا معكو هالأ تعبانه والله
|
| شكر من هدول الأعضاء يا ديدو1 على هالموضوع المرتب: | ||
|
#4
29-01-2012, 09:45 PM
|
||||
|
||||
|
اعظم واغلى حوا ع قلبي هيا إمي وجودها في البيت بيعطيني دفعة كبيرة من الامل والحب والعطاء وبتعلم منها كتيــــر بامور الحياة لما اكون زعلانة بدور عليها بالبيت لحد ملاقيها وبقعد بحضنها ولما تحس انه زعلانة بتضمني الها بقوة ولما تكون مش في البيت بيكون فاضي بنحس بفراغ كبييير راح معها بتهتم فينا كتير وبتخاف علينا من الهوا الطاير وحوبها النا ما بنيقص ولا درجة مهما كبرنا لما بعيط بتعيط معي ولما بنبسط بتنبسط على هوايا ولما بعييا بتنام جمبي لحد مروق عندها عطاء ووفاء كبيـــــر لبيتها وولادها وجوزها هيا هادي حوا الكبيرة عنا بالبيت الله يخليلنا اياها يارب يعطيكي العافية يا سنسن لما قريت موضوعك اتزكرت امي بأول القائمة واكيد رح ارجع اكمل
_______________________________
.. •• ••
|
| عدد 13 عضو بقولولك شكرأ يا soose على هالموضوع المرتب: | ||
|
#5
29-01-2012, 09:48 PM
|
||||
|
||||
|
من غير ما اشوف الفكرة كنت متأكدة انها حلوة ما في شي ببالي حاليا ً انو مين أثر بحياتي غير ماميتي يطول بعمرها يارب اكيد في تفاصيل لردي بس مش قبل ما ادوق كيك الاناناس 2 
|
| عدد 2 عضو بقولولك شكرأ يا . » رحــيــل « . على هالموضوع المرتب: | ||
|
#6
29-01-2012, 09:54 PM
|
||||
|
||||
|
سها فخورة فيكي انا ض5 لو تعرفي أديش انبسطت لما قرأت ردك انو جد بس اشوف اي شخص بحكي عن حنان امه وطيبتها ما بعرف ليش بحترمه جدا ً و بزيد حناني و احترامي لإمي و لكل الامهات ربنا يخلي لكل واحد إمه و ما يحرمه منها طولة عمره يااارب
|
| عدد 2 عضو بقولولك شكرأ يا . » رحــيــل « . على هالموضوع المرتب: | ||
|
#7
29-01-2012, 09:57 PM
|
||||
|
||||
|
من الشخصيات النسائية اللي مرت في حياتي مدرسة الإنغلش في الابتدائية كان اسمها ( فيروز ) وكانت وقتها بالنسبة إلي رمز الجمال والشباب كانت زغيرة بالعمر وجميلة جدا ً ومودرن في لبسها وكلامها كنت متأثر فيها لدرجة كبيرة كبيرة كانت تحب الطالبات الشتورات حتى لو كانوا أبشع البشعين ولو بنت كانت حلوة ومش شاترة مكنتش تعبرها بالعكس كانت تهملها وتضل تحكيلها إنه تعلمي من زميلاتك بدل منتي والطاولة واحد ههههههههههههه كنت أنا - بصفتي أشطر بنت بالإنغلش في الصف - النموذج اللي تشرح عليه الدروس تطلعني على السبورة لما ناخد درس جديد وتشرح وتشاور عليا ومن هالقصص مرة حكتلي جملة بعمري في حياتي ما بنساها ( إنتي اللي بتفشيلي ئلبي بكل المدرسة ) بسببها وبسبب هاي الجملة قررت إني أدرس إنغلش بالجامعة حتى إني أيامها صرت أحبه أكتر ما أنا أصلا ً بحبه زيادة عن كل المواد قبل فترة بسيطة شفتها في محل كوسماتيكس لاقيتها متغيرة ، متحجبة وشوية تجاعيد ومعها شكلو بنتها هي ما أظن عرفتني لكن أنا عرفتها وضليت أطلع فيها وأتذكر هاديك الأيام الحلوة أيام المدرسة الابتدائية وأسترجع أفكاري الزغيرة بخصوصها إنها أجمل ست في الكون وهيك ههههههه  . . ونفس الشي مدرسة الإنغلش في الإعدادية مس ( ليلى ) كتبتلي في الأوتغراف يومها طرت من الفرحة لأنها ما بتقبل تكتب للبنات هي كانت مسيحية بس طيوووبة جدا ً ومبتسمة على طوووول مرة قبل فترة طويلة كتير شفتها في الرمال وضحكتلي وسألتني كيف حالك وكملتي دراستك بالجامعة ؟ وأنا ضحكت وقلتلها أي نعم والفضل إلك ولتشجعيك والكلمة اللي كتبتيلي ياها بالأوتوغراف I wish you much success as you fulfill your aims كانت أول مرة في حياتي بشوف كلمة fulfill وما فهمتها شو هي بس خمنت تكون ( تحققي ) ويومها روحت على البيت وفتشت على المعنى في قاموس المورد خجلت أسألها عنجد شكرا ً كبيرة إلكم مس فيروز ومس ليلى وجهتوني صح في حياتي الدراسية وشجعتوني أكمل في التخصص اللي بحبه 
|
| عدد 7 عضو بقولولك شكرأ يا السندريلا على هالموضوع المرتب: | ||
|
#8
29-01-2012, 10:01 PM
|
||||
|
||||
|
رحولتي الله يسعدلي قلبك الكبير دايما يارب ويخليلنا امهاتنا يارب سنسن , ليش ما قولتيلها المس فيروز انه انتي الي كانت بتدرسك؟ انا لو مكانت بطيير وبقولها هاي ماي تيتشر
_______________________________
.. •• ••
|
|
#9
29-01-2012, 10:01 PM
|
||||
|
||||
|
لمّا انقول "هي في حياتي " عطول بشوف الأم في هالجملة لأنها كل حياتي امي على رأس الهرم من الشخصيات الي أثرو فيا ويمكن لو اضل طول عمري احلم اني اصير زيها مش راح اوصل لربعها "حنونة وبنفس الوقت حازمة _ صابرة _ مكافحة " وشهادتي فيها مجروحة بس بستشهد بكلام ابوي الله يرحمه الي كان يضل يعيدها قدامنا جميعا "امكم لو اتلفو كل الدنيا بتلاقوش زيها " كان يضل يتغزل فيها قدامها   القصد وفي زمننا اتلاقي رجل كبير بيستحيش يعبر عن مشاعره لمرته الي عاشت معه عمر قدام الكل اعرفي انها "استثنائية " ربنا يخليلكم امياتكم ويرحم الاموات منهم خواتي التنتين كل وحدة سبحان الله شخصيتها مختلفة كليا عن التانية وكل وحدة اتعلمت منها كتير "وحدة هادية لدرجة وهاي الكبيرة والتانية اعصار غولة " معلمتي "التاريخ والجغرافيا " في صف تاسع وعاشر الله يسهل عليها "هي الي خلتنا نحفظ خريطة فلسطين عن ظهر قلب بمدنها وقراها المدمرة والموجودة طلعت مادتها من مجرد مقررات جامدة لمواد تفاعلية مش راح نقدر ننساها كانت بس اتدرسنا عن فلسطين اتدرسنا عن الوطن والارض والحق "في معلمين بيعلمو بلا نفس ليهك الواحد بنساهم وفي بيكونو حابيين شو بعلمو وبحببو الطلاب فيه " بتصدقي بس اسّلم على اي حدى واتعرف عليه جديد في امريكا ويقولي من اي قرية مثلا على طول بعرفها وبقوله تاريخها وبحكيها للكل البركة "بست ريما  جارتنا زمان "كانت ازغر من امي بشوي لكن مش متزوجة لأنها كانت بتصرف على اخوتها بمدينة تانية بجد هالمرأة قديش محترمة وحبوبة كنت اناديها خالتي معلمتي "الامريكية " بصف 12 بجد هالانسانة صابرة ومثابرة "كانت عندها بنت بس بعرفش وين ابوها " الصبح اتدرس وبعد الضهر تتطوع في الأعمال الخيرية بجد انها انسانة طيبة بشكل "الله يهديها " من الشخصيات التاريخية كنت وانا زغيرة قرأت كتير عن الخنساء وشجرة الدر وشوفتهم فيهم قوة النساء الحكيمة احيانا وفي كتير ناس أثرو فينا بشكل او باخر وحتى عالنت الي ما بنعرفهم غير اسامي مستعارة بس حتى لو تحت الف اسم الي زيهم بيتركو بصمة فينا صعب ننساها  موضوع حلو يعطيكي الف عافية سندريلا
_______________________________
لا حول ولا قوة الا بالله العلي العظيم 
|
| عدد 11 عضو بقولولك شكرأ يا عاصفة فلسطين على هالموضوع المرتب: | ||
|
#10
29-01-2012, 11:16 PM
|
|||
|
|||
|
شفت الموضوع اول مانزل وكنت حابة اكتب عن امي بس مااتشجعت اعبر بحس انه اللي جواتي تجاهي اكتر منه انه تعبر عنه الكلمات لكن لما قرأت رد سوسي دمعت وحسيت كأنها بتحكي عن كل اللي جواتي حوا الوحيدة اللي اثرت بحياتي أمي فحبيت اكتب هالكلام القليل جدا بحقها اول مابفوت البيت بسأل عنها وبتدايق كتير لو ما كانت موجودة بس لانها مصدر الاطمئنان والراحة هي اللي بتشجعني ع دراستي وهي اللي بتواسيني لما اخبص بالامتحانات وبس اكون متدايقة او معصبة حتى لو منها واحكي واصير ابكي بحس قلبها من جوا ببكي وملامحها بتتغير وعيونها بتدمع ساعتها بندم اني بكيت لدرجة خليتها تزعل وتتدايق مشاني مرات كتير بكون متدايقة مابحب اظهرلها عشان ماتتدايق لحتى الان بعد ماتخرجت اي مشكلة بتواجهني بالشغل بحكيلها عنها بتساعدني وبتحكيلي رايها مرات بس تشوفني متدايقة كتير بتقلي بلا منه الشغل ولا تحس اني متدايقة اغلب صفاتي وشخصيتي جزء منها نجاحي بحياتي كان بسببها تشيجعها دعواتها حتى اني والله كنت وانا زغيرة لما ادرس احكي عشان امي ولما يكون عندي هدف اجيب علامات مميزة اقول عشان تفرح امي بالتوجيهي كنت ببذل كل جهدي عشان اجيب مجموع منيح يفرح امي الله يخليلي اياها ومايحرمني منها اروع نساء الكون أمي
_______________________________
 أنا لم أنسج خيوط الشمس ،، لم أصنع زناد البندقية .. غير أن الآآآه في أعماقي قد صنعت قضية 
|
| عدد 11 عضو بقولولك شكرأ يا رغــود على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
