|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
29-01-2012, 08:25 PM
|
||||
|
||||
╯╭.. هو في حياتي .. ╯╭
السلام عليكم ورحمة الله وبركاته ببالي هالموضوع من فترة وحبيت أعمل منه نسخة في قسم الرجال ونسخة تانية في قسم الستات . .  . . الفكرة كل الأعضاء - صبايا وشباب - بدنا نيجي هنا ونحكي عن آدم كان له دور بارز في حياتنا من كافة نواحيها وبكافة مراحلها سواء كان هادا الآدم أب أو مدرس أو أخ أو زوج - للصبايا - أو صديق أو لو حتى كان جـار أو كاتب أو ممثل .. إلخ المهم آدم إنتو تعلمتوا منه بطريق مباشر أو غير مباشر بقصد أو بدون قصد بدنا تحكولنا عن تجربتكم مع آدم في حياتكم وكل ما يتعلق فيها ويعطيكم العافية 
|
| عدد 17 عضو بقولولك شكرأ يا السندريلا على هالموضوع المرتب: | ||
|
#2
29-01-2012, 08:33 PM
|
||||
|
||||
وايش بعمل في بالك من فترة يا هانم؟؟ من زمان كان اول ما اجا في بالك نزلتيه فكرة روعه يا كبيرة بدك كمان من الرجال يحكو تجاربهم مع ادم ولا بس النسوان؟؟
_______________________________
زهقان كل التواقيع الي في الدنيا
|
| شكر من هدول الأعضاء يا ^سينجي^ على هالموضوع المرتب: | ||
|
#3
29-01-2012, 08:36 PM
|
||||
|
||||
|
الله يخليك يا سينجي هنا بالموضوع هادا الصبايا والشباب رح يحكوا عن آدم في حياتهم وبالموضوع التاني في قعدة الستات بردو الصبايا والشباب رح يحكوا عن حواء في حياتهم . . يعني الحكي عن آدم في حياة الجنسين في قسم الرجال والحكي عن حواء في حياة الجنسين في قسم الستات يارب يكون الإشي صار واضح هلأ للجميع
|
| عدد 2 عضو بقولولك شكرأ يا السندريلا على هالموضوع المرتب: | ||
|
#4
29-01-2012, 10:21 PM
|
||||
|
||||
|
طبعا انا توي زكرت بالموضوع الي بقسمنا وحكيت عن امي ولما خلصت من هناك اجيت هان لاحكي عن النصف التاني وحوبي التاني عن اعظم واغلى ادم على قلبي وهوا ابوي قلبو كبيـــــــــــــــر قد مقولكم كتير صح عصبي كتير كتير وصوته عالي بس سرعان ما يروق وعصبيته ما بتدوم اكتر من ربع ساعة وحنون جدا قد متصورو جوا البيت كأنه صاحب النا حتى احيانا لما نكون بنمزح بناديلو باسمه برا البيت من اقوى الرجال سواء بشخصيته وشغلو ومكانته وكرمه الواضح والكل بيشهدلو واحترامه الهم واحترامهم اله عمل علاقات كبيرة وبارزة كتير سواء بغزة او ببلاد اجنبية او عربية بزمانه ما كنا نشوفه كتير بسبب سفره واخر سفرية اله اتأخر كتير فمرا كان بيكلم امي وكانت تعيط وتقوله الحِمل عليا كبير راح طلع ع اول طيارة واجى وساب اقامته الي كان بدو يعملها وكل اشي , لدرجة انه ما صدقنا لما اتصل فينا وقالنا هيني بالطيارة مروح لحد ما شفناه عنا في البيت كنا نشتاقلو , لانه كان يشتغل وييجي اخر الليل واحنا نكون نايمين ولما نصحى من النوم يكون محضرنا شكولاتة لكل واحد فينا من اغلى الانواع علشان ناخدهم معنا عالمدرسة لحد مصرت بالجامعة وما قصر فيا بتعليمي , اختار معي التخصص وكان بيدعمني بكلامه الحلو نشيط حتى بمساعدته النا جوا البيت بس احيانا بيغلبنا وبيتدخل بالمطبخ وبدو يعمل ويطبخ وبيزهقنا ههههههههههههههه يسعدلي اياه والله يخليلنا اياه يارب يعطيكي العافية يا سنسن
_______________________________
.. •• ••
|
|
#5
30-01-2012, 12:02 AM
|
||||
|
||||
|
الله يعافيكي يا سها الأب ما بيعوضه أي رجّال لو مين ما كان خصوصا ً في عيون بنته أكتر من ابنه . . كان مثلي في حياتي وفي تعاملاتي الحالية تأمل تأمل تأمل تأمل بعمري ما شفته مر عليه يوم من غير ما يسرح فيه ويتأمل ويسكت ويسمع كان بسيييييط وما إلو أي مطامع في الدنيا كان مرح وساخر ومحبوب من الكل ما بنسى لما مرة زوجة عمي المشهورة بانتقادها للكل واللي مش بيعجبها العجب لما كانت تحكي عن صفات الرجال بشكل عام في عيلتنا وحكت عنه حكت إلا ... لو إيش ما تقدمله أكل بياكله وبيقول الحمد لله لو كان ماكل عدس وراح عند ناس وحطوله كباب خلص بيحكي شبعان الحمد لله مش من ناحية نفس عزيزة بحكي بل من ناحية بساطة شديدة وزهد في متاع الحياة كانت متعته الوحيدة نكون حواليه والناس يشكروا في أخلاقنا والمدرسين يمدحوا فينا ونجيب علامات عالية وبس منه تعلمت أكون متأملة وبسيطة ومرحة وأحب كل الناس وإلو التأثير الأكبر في حياتي ورغم إنه بعد أسبوعين بيمر 10 سنوات على وفاته لكنه لسة عايش معي بكل يومياته 
|
|
#6
30-01-2012, 12:26 AM
|
|||
|
|||
|
الرجال في حياتي كغصن اشتد ساقة لتلتفت عليه الوردة فتتفتح جميل فعلا ً .. ستكون لي عودة
|
|
#7
30-01-2012, 03:13 AM
|
||||
|
||||
|
انا وعيت ع الدنيا وما لقيت بابا كان اله 3 شهور ربنا توفاه ونسأل الله ان يرحمه وجميع المسلمين ماما كانت بابا في حياتى و بعدين لما كبر رائد طبعا الله يحفظلنا اياه ياااارب كتير رائد منيح معانا وما بقصر فينا بس احيانا بيغلب  والله انه عسل لانه بشوف كتير نمازج للشباب مع عائلاتهم و بشوف رائد كتيييييير منيييح يسعدو حبيبي :$ و لكن من ناحية تانية كنت كقدوة أب ـ اقتدي بأستاذي ( محمد المنيراوي ) الله يحفظه كنت بصف سابع لما بديت افهم انه وجود الرجل مهم في حياة البنت و كان هوة متعمد يعلمنى حجات كتير بفتخر فيه والله هوة الوحيد الى اجا ع بالي في حكاية القدوة من الرجال الله يخليه لاهله ويحفظه يعطيكي الف عافيةيا سنسن
_______________________________
|
| عدد 8 عضو بقولولك شكرأ يا نـورسيـن على هالموضوع المرتب: | ||
|
#8
30-01-2012, 01:30 PM
|
||||
|
||||
|
اول شي بجد موضوع تحفه يا ساندي يعطيكي الف عافيه ادم بحياتي طبعا هو الاب اللي ما بيعلى عليه حد ابدا ابدا يمكن ابوي بكون قاسي احيانا مش قاسي بالمفهوم المعروف ناحية ضرب او غيرو لا الشهاده لله حتى لو ضرب ما بأذي يعني شلوط صحيح بتضل اسبوع وانت مش عارف تقعد منه  لفة ايد >> هادي بموت منها خصوصا لما يجحرني ويحكيلي قرب وهات ايدك وتخلنيش اقوملك لاني لو قمت ح اطحنك طحن قرب بقول  ويمكن ما تكون قسوه بس حرص شوي من باب الخوف علينا انو بدوش نطلع زعران <<متل ما بحكي هههه اثروا بحياتي طبعا كبير بالرغم من انو ع سفر متواصل يعني يادوب كل اسبوعين بيجي يومين تلات وبرجع يسافر فتره الا انو ع طول معنا كل اخر يوم من اول ما وعيت ع الدنيا لليوم قبل ما ينام برن علينا بحكي معنا شو صار معكم اليوم ؟! كيف يومكم !! بطمن ع امي وبعدين بنام يعني ع طول متابعنا واول ما امي ترن وتحكي تعال شوف ولادك بقدرة قادر تاني يوم بكون عنا كيف بتعرفش  بمعنى انو احنا بدين شغلو بحياتو وهادي شغله بشهدلو فيها لانو اللي متل طبيعة شغل والدي ما بتعرف ع اولادو اصلا ف هادي شغله بحبها فيه علمنا انو العيله والبيت والاولاد والزوجه قبل اي اشي تاني هو قدوتي بكل شي مش لانو والدي بس فعلا هو مثال للرجل الناجح الحمد لله اخلاقه وسمعته بتسبقه واحنا يمكن متاخد عنا فكره حلوه عند اللي حولينا مش لانه ما في متلنا بس السبب انو سمعة ابوي بترفع الراس بفتخر انو والدي وبتمنى اصير زيه بكل اشي بدون استثناء قيادي ناجح نمره واحد اب بمعنى الكلمه مربي من الطراز الاول والحلو كمان انو صاحبنا مش ابونا يعني يحترم احترام الاب لكن ك علاقه ف هو صديق ما ببالغ لو بحكي انو ما في حد برتاح لما احكي معه الا هو ما بخجل من فتح اي موضوع معه شو ماكان وبخصوص اي شي بعصب بسرعه احيانا بس بروق ع طول بتزكر مره رنيت عليه وكان بإجتماع بس وقتها كنت مدايق جدا خصوصا اول ما نزلت ع الاردن نصدمت بنفسيات وشفت اشياء بعمري ما شفتها ولا مرت علي لدرجة اني بكيت من قلبي يومها ف رنيت ع ابوي الا هو بقلي برن عليك بعدين مشغول هلأ ف قلتلو ماشي انتبه انو صوتي مش طبيعي صدقوني انو طلب بريك نص ساعه وطلع من الاجتماع فورا وحكى معي ولما خلصنا رجع وقتها بجد حسيتو اب رائع ما بدا شغله عن ابنه سمعلي بوقت يمكن اب تاني كان ما فتح الخط اصلا ف اثروا بحياتي كبير جدا دعمني دعم فظيع وتحمل مشاني انا واخوي واخواتي شي كتير وضحى مشانا كتير شو ما عملت ما بوفيه حقه وازا شي بزعلني اني احيانا بحس انو ابوي بستاهل ابن احسن مني واني مقصر بجد وما طلعت متل ما بدو يمكن بحاول بقدر الامكان اني اصير متل ما بدو واكيد بيوم راح اصير وما راح استسلم لانو ابوي بستاهل كل خير وربي يعوضه فينا يارب الله يخليلي اياك يا بابا وما يحرمني منك ولا من طلتك ولاشلاليطك شكرا ساندي خليتيني احكي حكي من زمان ما عبرت فيه اوطلعته لحد الله يرحمه ابوكي بس بجد بدون مجامله عرف يربي صح واللي بخلف متلك ما بموت بضل سيرتو حلوه اكيد وانتي نورسين يمكن فقدتي ابوكي بس الله عوضك برائد الله يخليلكم اياه
_______________________________
 أشتاق لأن اعيش في "وطن " طالما سمعت عنه
|
| عدد 14 عضو بقولولك شكرأ يا m.zizo على هالموضوع المرتب: | ||
|
#9
30-01-2012, 01:48 PM
|
||||
|
||||
|
شفت الموضوع وتحيرت شو اجاوب كل اللي الهم قدوة بحياتي كان ماتو . (الله يرحمهم) حاليا فش حد غير بس ما بعتبره قدوة بمعنى الكلمة لانه الرسول قدوتنا جميعاً شب اسمه محمود من سكان رفح اشتغلت معه لمدة سنة وعلمني كل شي الله يسعده وين ما كان . ويرضى عنه شب ع كيف كيفك رجال بمعنى الكلمة كان يخاف عليا اكتر من نفسي وحريص جداً انه اتعلم كل اساليب الشغل وكييفية المتعابعة والتحمل . هالكلام اول ما تخرجت ب 2009 لحتى الان تواصلنا مع بعض اكتر من اول بعتبره اخ الي واكتر والله بس هادا غير هيك فش حد قدوة الي .
_______________________________
ربـي ,, لا تـزيـدنـي تـعـلُـقـاً بـ شـيء لـم تَـكـتـبـه لِــي ... 
|
| عدد 3 عضو بقولولك شكرأ يا الرسام على هالموضوع المرتب: | ||
|
#10
30-01-2012, 02:19 PM
|
||||
|
||||
|
ادم مش صحبه انا وواياه , لانه كل ادم بعرفه منيح ورجال بضيع يا بفارق الحياه يا بفارق البلد . بديش احكي عنك يا ادم وحرمت احبك 
_______________________________
بــــتــ اور يــــور نــــور
 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
