|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#21
31-01-2012, 02:45 AM
|
||||
|
||||
ما صدقتوا وانا احكي مش صحبه مع ادم  الوالد رحمه الله عليه السنه هادي بكون صارله 25 سنه . عميد شئون الميتيين  ما بعرفه منيح الكل بحكي كان احسن واحد بالعيله . الله يرحمه ويجمعنا واياه بالفردوس ياارب . طبعا عرفت ادميين بعدد شعر راسي .. منهم المنيح ومنهم العاطل , منهم الي بنشد فيه الضهر ومنهم بطعن وبكسر الضهر . صديق عمري وحبيب قلبي واكتر من اخ استشهد ولما رحت اشوفو كان اكبر قطعه فيه قد كفه ايدي . طبعا تأثرت بأكتر من ادم في منهم الي علمني كيف اعيش وادبر اموري واركن على حالي وفي منهم الي لما بنزكر كلمه رجال على طول بخطر على بالي . بالموضوع هادا مش حابب اذكر مواقف لانه مش على قد حب واحترام في مواقف رجوليه لما بتنذكر بطير فيها رقاب وبتنزل عليا الصواريخ من كل فج وميل ههههههههههههه يعطيكي الف عافيه سندريلا وان شاء الله بموضوع حوا بنقدر نحكي اكتر من هيك . لاني بصراحه مسطل ومش جاي على بالي احكي مع اني برمت شويه  كل التحيه للرجال الرجال وسحقا لاشباه الرجال والنساء هههههه مش حوا بس في بالزلمات نسوان
_______________________________
بــــتــ اور يــــور نــــور
  
|
| عدد 7 عضو بقولولك شكرأ يا المعايطة على هالموضوع المرتب: | ||
|
#22
31-01-2012, 02:21 PM
|
|||
|
|||
|
اقتباس:
انا الموضوع اثر فيي اكثر من الي كنت بدي أحكيه ، خاصة هاي الجملة ياأنس ، وبصراحة خلتني ابكي ، مع اني ما بحب ابكي عادة ،  حتى غسان لاحظ علي مع انه صغير واجى مسح دمعتي ،  سبحان الله كيف هالاطفال بيحسو ، ياااارب اكون الهم قدوة ، حسنة وابوهم كمان ، والله يخليلك الوالدين ان شاء الله ويحفظهم ، وللجميع ان شاء الله سوري يا سندريلا ع المداخلة وشكر ع الموضوع بس كان لازم افضفض الي بداخلي ، 
_______________________________
|
| عدد 4 عضو بقولولك شكرأ يا أم غسان على هالموضوع المرتب: | ||
|
#23
31-01-2012, 03:34 PM
|
||||
|
||||
|
تجربتي مع ادم كاانت تجربة صعبة و قااسية و غير عاادية ,. يمكن لأني عشتـــــــــ و ماا زلتــــــــ بعيش بظروفــــــــ غير عاادية ,.  .,’ .,’ .,’ بالقطع كل واحد فيناا رح يحكي انوا والده هوا اعظم شخص او انساان بالكون ,. ووارد انوا فعلا يكون كذلكــــــــــ ,.. بالقطع كل ابـــــــــ حااول باقصي امكاانيااتهـــــــــ توفير الافضل لبنيهــــــــــــ ,. و علي حسبـــــــ طااقتهـــــــ و امكاانيااتهـــــــــــ ,. و كل واحد فيناا اكتسبــــــــــ من والده ايجاابيااتهــــــــــــ و سلبيااتهــــــــــــــ ,. لانوا بردوا والدكــــــ مو ملاكـــــــــــ ,.  و هااي كل اللي بدي احكيهـــــــــــ عن أدمــــــــــ الاول بحيااة كل انساان ,. عشاان ماا اظلمهــــــــ و اظلمــــــــ نفسي ,. .,’ .,’ .,’ اماا عن حظي مع بااقي جنس ادمــــــ يلي اناا مصنفــــــــــــ بقاائمتهــــــــــــــ ,. مش افضل من بختـــــــــــــ المعاايطة مع بااقي جنسهـــــــــــ ,. هواا حسبــــــــ ماا بقول : ياا بموتـــــــــــ ياا بفاارق البلد ,.  الاختلافـــــــــــ ماا بيني و بينهــــــــــ اني اناا يلي اقفلتـــــــــــ الابواابـــــــــــــــ ,. و فظلتـــــــــ اني كون ادمـــــــــ في بدايااتهــــــــــــ ,. اغلبـــــــــ ادمــــــ يلي تعااملتــــــــ معهمـــــــــ بنواا الصدااقة لاعتباارااتــــــــــــ ,. كاانتــــــــ لغير الصدااقة ,. اللهم الا انوا كاان حظي مع حوااء نسبيا افضل ,.  ماا رح اتحدثـــــــــ بزياادة عن هيكـــــــــ لانواا ظروفي غير عاادية فماا بدي اعممـــــــــــ ,. و لانواا برمتـــــــــ بزياادة ,.
_______________________________
....  في اعمااق كل واحد منا نزفــــــ ذااكرة و مأسااة وطن ..
|
| عدد 5 عضو بقولولك شكرأ يا قوي الشكيمة على هالموضوع المرتب: | ||
|
#24
31-01-2012, 03:54 PM
|
||||
|
||||
|
الآدم التاني هم اصحابي اللي توفوا محمود واسلام وعبد العزيز و خالد هدول الاربعه كانوا اللي اكتر من اخوان عاشوا معي من لما كنت 4 سنين لحد التوجيهي وبالتوجيهي توفى اول واحد منهم بحادث سياره اللي هو محمود  وكانت اول مره بحياتي بفقد حد غالي علي هل شخص علمني شغله حلوه كتير هي الحكمه انا كشخصيه احيانا بندفع بعواطفي بزياده شوي كنت بالفعل حد عصبي جدا وردات فعلي قاسيه هو علمني العكس كان حليم جدا بسببه صرت اكتر حكمه وقدرت الحمد لله اتحكم بحالي بدعمه وبارادتي اني اصير احسن والحمد لله بنظري اني وصلت لمراحل ممتازه بسنه اولى فقدت خالد واسلام الله يرحمهم هدول الاتنين شو ما كان يصير برغم انو حياتهم صعبه بجد كانت من الناحيه الماديه خصوصا الا انهم كانو ضحوكين ع طول وراضيين دايما وعزيزين نفس بتزكر والله عمري ما عزمتهم الا يردوها مع انه المفروض ما في بينا هيك اشي مش هل حساب يعني بين الاصحاب وكانو ع طول ما يحكو الا الحمد لله اما عبد العزيز وبالمناسبه اسم زيزو اللي هو لقبي حاليا كان اسم شهرتو الله يرحمه اما m. ف هي مش مستر متل ما البعض بفكر لأ هي الحرف المشترك الموجود بين اسماء اصحابي اللي فقدتهم عبد العزيز ف ازا حد خلاني اصلي معظم صلواتي بالمسجد هو صحيح اني متربي ببيت متدين ومحافظ لكن بظل غياب الاب حتى لو كان متابع الو سلبيات شو ماكان المهم كان كل يوم ع الفجر يضل يرن علي ويستناني تحت الشباك لحد ما انزل سامحوني اكتر من هيك مش قادر احكي الدمعه سبقتني ازا قدرت برجع اكمل
_______________________________
 أشتاق لأن اعيش في "وطن " طالما سمعت عنه
|
| عدد 10 عضو بقولولك شكرأ يا m.zizo على هالموضوع المرتب: | ||
|
#25
31-01-2012, 06:10 PM
|
||||
|
||||
|
اه نكمل .. وصلت عند عبد العزيز الله يرحمه كان شب متدين وفرفوش بنفس الوقت ما بضيع صلاة الجماعه ابدا وزي ما حكيت قبل كان هو اللي يصحيني ع الفجر ويضل يرن يرن يرن يرن لحد ما افتح الخط واقلو صحيت والله حل عني ويضل يستناني لياخدني ع المسجد ويمر ع باقي الشباب كان حافظ لكتاب الله كمان حفظت معه 6 اجزاء كان محبوب من الكل وشخصيه رائعه بجد صاحب صح كان الله يرحمه ويغفرله الادم التاني اللي بحياتي هو اخوي مالك يمكن البعض منكم بشوفو بحوس بالمقعد احيانا بالرغم من انه توائم الا اننا بنختلف عن بعض شوي اللي بحبه فيه انه طيب جدا قلبه لالله وما بعرف لا مصلحه ولا لئم ولا خبث ومع هيك متهور جدا بس دايما جنبي و ع طول معي اثرو بحياتي بكفي انو عاش معي كل اللحظات وكل المواقف الله يخليلي اياه يارب لهون هاد هو دور ادم بحياتي
_______________________________
أشتاق لأن اعيش في "وطن " طالما سمعت عنه
|
| عدد 7 عضو بقولولك شكرأ يا m.zizo على هالموضوع المرتب: | ||
|
#26
31-01-2012, 06:33 PM
|
||||
|
||||
|
آدم التاني بحياتي هوه بابا الحبيب والغالي ... وهوه حمايا أبو زوجي ألف رحمة ونور عليه  بس بحبه وبعزة وبحترمه خالص وفعلا كانه بابا الحئيئي وانا بئوله بابا من يوم ما تزوجت لغاية ما ساب الدنيا باللي فيها ولغاية الان كل ما تيجي سيرته بئول بابا برضو تعلمت منه حب الحياة والبقاء من كتر ما كان بيحب الدنيا على الرغم من انه مريض بمليون مرض ولكن كان دايما يحكيلي انا لو سمعت كلام الدكاترة حموت حصرة وحموت بين فرشاتي ومخداتي ولكن انا حابب اموت بين شجراتي وجاجاتي والطبيعه اللي الله وهبنا اياها وكان دايما يحكيلي اوعي تستسلمي للدنيا ولا الدكاتره ابدا وضلك دايما أويه غصب عنها وأحلى حاجه فيه لما كانت حماتي حياتي بتّجُر شكلها معي كان بيئولي لو احتاج الامر انك تكوني معها ضدي عشان تمشي امورك معها ما عندي مانع بهاي الشغله كان رااااااااائع وجد كانت روح الابوه فيه وكأنه بابا جد وعلمني حب الضحك والمزح والجد واللعب بنفس الوئت يعني ساعات كان يكون مئهور من شي ,, ويضل يضحك ويئول لو تركت نفسي للأهر كان متت من 15 سنه عشان كدا خليكي دايما بتضحكي حتى لو اجتك المصيبه من وين ما كان اضحكي واحتسبي وبس وعلمني اكون متهيأه لاي مشكله أبل وجودها وعلمني الصحوة بدري للفجر عن جد هاي كانت لفته حلوة منه كتير وحبيتها خالص كان مستحيل يروح يصلي أبل ما يكسر علينا الباب ويضمن انه صحينا من النوم عن جد بابا هادا بأحمل اله كل احترام وتئدير ومحبة اللهم ارحمه برحمتك الواسعه وأنر له قبره وابعده عن النار وأنزله منزل الانبياء والصالحين هاد أدم التاني وإلي عودة مع الادمـ اااااااااااااااااااااااات اللي ضايلين
_______________________________
             تصميم بنتي الجديد .. زَلْط مَلْط والمستحي يطلع  http://www.g4z4.com/vb/t210630/#post4269450 أنا وأنا عجوز مكركبة تصميم جديد لبنتي http://www.g4z4.com/vb/t210796/#post4275462
|
|
#27
31-01-2012, 09:10 PM
|
||||
|
||||
|
قرات كل الردود واتاثرت بردو بعض من الاعضاء صعب تفقد حد بتعزو ويبعد عنك متل ماحكو اعظم ادم في الدنيا كلها بعد رسولنا الكريم الاب باسل ابي الرائع يلي متل كل اب بيتفانى وبيتعب كرمال اولادو ولاعمري بزكر عصب علي او ضربني حبيت في اسلوب الحوار يلي بيكون بعد اي موقف سيئ بنعملو كل الاءات يلي علمني ياها سبب سعادتي بحياتي لا لكبر لا لنميمة لا لكزب لاولا... مابقدر احكي كل شي عنو لانو هالحروف صماء مابتوصف ...(ربي يخلي ويحماه من كل شر) ادم التاني بحياتي اخي حمزة مابنسى قديش وقف معي وساعدني بكل مراحل حياتي تعلمت منو الصبر والتعقل في الامور علمني انو الحياة بسيطة وسهلة بس مانفكر بتعقيداتها علمني اعيش يومي وامسح اي الم بيصيبني لان اوجاع الدنيا مابتخلص ....علمني ابتسم وانا مجروحة علمني انو الرضا بكل ما قدره الله عبادة.. (ربي يحماه ويسعده ويشفي بنته يارب) ادم التالت بحياتي امين خالي هو سبب هدايتي ولبسي للحجاب هو يلي غيرني للافضل بسيط لابعد الحدو طيوب جدا ..علمني كتير بحياتي اكتر انسان بعد اهلي بوثق في ربي يجعله دائما وابدا بصحة وسلامة ورضا من الله ^_^
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
| شكر من هدول الأعضاء يا لونا باسل على هالموضوع المرتب: | ||
|
#28
01-02-2012, 01:59 AM
|
||||
|
||||
|
الله يخليلكم الوالد .. و يطول بعمره و ويرزقه السعادة في الدنيا و الاخرة اللهم آمين ^_^
_______________________________
سبحان الله وبحمده .. سبحان الله العظيم ^_^ اللهم ارزقنا الخير كله في الدين و الدنيا و الآخرة .. ونعوذ بك من الشر كله في الدين و الدنيا و الآخرة اللهم حسِّن الفاسد منا واجعلنا كما تحب و ترضى .. من مواضيعي: * (( علاقة عمل المرأة داخل المنزل بالـ ... )) شاركوني بآراءكم  * حقيقة نبوة نبينا محمد في الإنجيل ..(فيديو ) راااااااائع و مؤثر ..^^ * كن ناجحا وابدأ حياتك من جديد ..(في الصفحة الأخيرة ملخص الموضوع)
|
| شكر من هدول الأعضاء يا B.easy على هالموضوع المرتب: | ||
|
#29
01-02-2012, 09:38 AM
|
||||
|
||||
|
أمممممممم هلاااااا اجينا لأحلى وأروع وأفضل آدم بالوجود هو ... الرجـــــولــة والثقـــــة هو ... الإخـلاص والوفــــــــــاء هو ... المحبــــــة والمــــودة هو ... العطـــــــــــاء والدفئ هو ... راحة البال والسعـادة هو ... السكـــون والسكينة هو ... الهـــــــدووووء والخفـة هو ... الـــوررررد والعطـــــــــر هو ... الضيــــــــاء والبهـــــاء هو ... الشمس والأمـــــــر هو ...نوووور العين والألب هو ... العشـــــــق الأبــــــدي هو آدم نمبر 3 هو ... زوجي وحبيبي وصديئي وصاحبي وكل حياتي وأملي بالكون يمكن هو آدم الوحيد اللي ما تعلمت منه شي أبداً ولكن تعلمت لاجله كل شي حلو بالدنيا تعلمت حبي للمطبخ وتزيني للأكل وترتيبي للسفرة تعلمت حبي لبيتي وتزيني فيه تعلمت حبي لآدم من حبي إله وفيه تعلمت معه الصراحة والوضوح والاحترام بين الزوجين هو عصبي شوي ..شوي !!!!  مين حكا شوي!!!  شويااات مش شوي  بس الحمد لله عمروووو ما عصب علينا  عصبي بس حنووووووووووووون كتير وطيبوووووب خالص ...وألبه أبيض أحلى حاجه فيه ... لما يعصب كل شي فيه يرتفج من شدة العصبيه  وبعد دئيئتين او خمسه بالكتير كأنه ما كان يعني متل الفشار أول ما بترتفع درجة الحراه ويتفاعل معها بيبدا يفرئع ويفشر وبعد خمس دئايئ بتهدى الفرئعه خالص وبيعطينا فشاااار أبيض متل البفته وأطيب وأطعم وأروع طعم ان كان بالملح او بالعسل وهوه كدا فعلااااااا بيعصب وبيرجع بعد خمس دئايئ ياخدنا مشوار وساعتنها نطلب ونتدلل علما بيكون معصب على حدا غيرنا بس بتفشفش في الدار عاد احنا لما يعصب بننبسط وبنبدا نلبس ونحضر حالها على ما يهدى ههههههههههههه بس خلص لهنا عن حبيبي وحياتي عن أحلى زوج بالعالم كله ربي احفظه بألف صحة وعافية وأكتب له السعادة الأبدية واجعل حياته كلها ورد وفل وياسمين وأبقيه على روسنااااا تاج إلى الأبد اللهم آمين اسيبكووو هلأ واكيد حرجع الكووو بآدم جديد
_______________________________
تصميم بنتي الجديد .. زَلْط مَلْط والمستحي يطلع http://www.g4z4.com/vb/t210630/#post4269450 أنا وأنا عجوز مكركبة تصميم جديد لبنتي http://www.g4z4.com/vb/t210796/#post4275462
|
| عدد 6 عضو بقولولك شكرأ يا happy dreams على هالموضوع المرتب: | ||
|
#30
02-02-2012, 11:28 PM
|
||||
|
||||
|
شي اكيد يكون اول ادم في حياتنا هو الاب سواء كان كويس ولا مش كويس لانو هو اول شخص فتحنا عيوننا عليه صراحة انا ابوي كان من الشخصيات اللي بتوه بتحديد ملامحها على قد ما كان غامض بكل شي ما بتقدر تاخد منه لا حق ولا باطل يعني كتووم ع الاخر والحمد لله اكتر شي اخدته منه هي هاد الصفة والكل دايما بيحكيلي انو انا اكتر وحدة بشبه ابوي بصفاته ماخدة كل شي عنه طبعا الحنية هاد شي ضروري تكون موجودة بالاب الا من رحم ربي كان حنون وطيب واحلى شي فيه انو كان يحبنا احنا البنات اكتر شي ودايما يسط ويلط باخوي الولد يعني الكل يستغرب منه انو ابنه الوحيد بيعمل هيك واحنا البنات نازل يدلع فينا كان يقول انو بدو اخوي يطلع زييه ما يكون زي ولاد اليوم وعلشان ما يكبر راس اخوي ويدلع بزيادة بحكم انو الوحيد وبزكر ايام الحرب لما كان كل شي مقطوع ومن ضمنهم الغاز كان يقول من ياخد ابني ويعطيني بدالو جرة غااز عاد اللي بسمعه بقول هاد عندو جيش ولاد طبعا عن مزح ههههههههه كان شخصية مرحة ع الاخر بالدار طبعا لما يكون عقلو فل الفل بس لما يكون متنكد ما حدا يقرب عليه لانو ساعتها مصيره مش معروف اللي بتنفس معه وهو بهيك حالة وكان ما يحب الانتظار وعلى فكرة برضو انا زيوو يعني شغلة عملها بدو نتائجها حالا وكمان تعلمت منو تحمل مسؤولية وعلى فكرة هلقيت انا سلموني خزينة الدولة بعرف كيف اديرها وحتى لو انا بهالعمر ههههههههه بزكر مرة وانا بالثانوية اعطاني راتبه الشهري اخد شوي منهم واعطاني مصروف الدار وقلي يلا دبريها وبالفعل اسبوعين الدار كان ماشي حالها بس ماتوا من الجوع ههههههههه بحكم اني اقتصادية ومش بخييلة علشان تفهمونيش غلط يعني الله يرحمه شخصيته اثرت فيي كتيير في صفاات كتيير كانت تعجبني فيه وفي صفات لاء الله يغفرله يارب ويسكنه فسيح جناته نيجي للشخصية التانية وهي بالفعل اثرت كمان فيي وبشكل كبير بحكم اني لما عرفتها كنت لساتني يادوب بحكي ياهادي بهالدنيا مع انو كنا نفس العمر بس هو كان ولا ابو 25 سنة اللي بسمعه حكيه وبشوف رايه بمواقف كتييرة بالحياة بيحكي هاد لا يمكن يكون بالهسن وهاد بيرجع لانو شااف كتيير بحياته مر عليه اشكال والوان تعلم الاعتماد على حاله ومن هو صغير علشان هيك كان راجل يُعتمد عليه بمعنى الكلمة عنجد تعلمت منو كتيير شغلات منها انو ما حدا بنفع حدا بهالدنيا ما اثق بحدا وبرضو ما اعمل حساب لااي مخلوق الله خلقه جد يعني انا اكتر صفة فيي وبعترف يعني اني كنت اعمل حساب للبني ادمين هلقيت غير الله وامي ما بهمني حدا > وعنجد هاد شغلة كتيير كويسة علمني كيف استفز البني ادمين ههههههههه على قد ما كان يستفزني صرت اعمل زيه واستفز الي حوليي وبرضو انقلب السحر ع الساحر واحيانا كنت استفزه كانت شخصيته قوية وبنفس الوقت قلبه طيب يعني كنت مرات اعمل شغلات انو تكون غلط بحقه بس صح كان ياخد ع خاطره بس كان يرجع يحكي ولا زي كانه شي صاار عنجد هما اكتر شخصيتين تأثرت فيهم واخدت منهم شغلات كتيييرة وعنجد كانوا احلى شي بحيااتي بس للاسف الاتنين راحوا الله يرحم الاول وربنا يوفق ويسعد التاني راح يضلوا اغلى اتنين كانوا ومازالوا بحياتي ولا يمكن انساهم
_______________________________
. . . .  روحك ما يهمها إعتقال !
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
