|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
02-02-2012, 07:32 PM
|
||||
|
||||
معقول فلسطين بصير فيها هيك؟؟
جريمة بشعة جدا لا يكاد يصدقها العقل لشدة ما تحوي من تفاصيل مؤلمة وقاسية، وقعت في قرية "بيت أولا" القريبة من مدينة الخليل، مؤخرا، وظلت طي الكتمان عن الإعلام، وحتى عن الكثير من الفلسطينيين أنفسهم، إلى أن كشفت عنها "للحياة نيوز" ناشطة نسوية فلسطينية خلال زيارتها للعاصمة عمان. تقول الناشطة، التي فضلت عدم ذكر إسمها :" أن فتاة تنتمي لعائلة محافظة جدا في هذه القرية لا تزال في سنّ السادسة عشرة أعدمت من قبل والدتها لمجرد أن الجارة زعمت وجود علاقة بين إبنها وهذه الفتاة، ومع أن الطب الشرعي أثبت براءة الفتاة، إلا أن العائلة- التي أفتضح أمرها في كل القرية - إعتقدت بأن قتلها سيمنع من إفتضاح أمرهم بمجرد أن سمعوا بهذه المزاعم". وتوضح الناشطة:" في القرى النائية، وتحديدا تلك التابعة لمنطقة الخليل، لا يزال التخلف والجهل والتعصب للعادات البالية يحكم تفكير الناس، وهذا ما يبرر وقوع هذه الجريمة، التي جاءت على خلفية شجار وقع بين والدة الضحية وجارتها، سببه خلاف دبّ بين أطفال العائلتين أثناء لعبهم مع بعضهم البعض، وبالطبع تطور الشجار إلى شتيمة ورمي الإتهامات، فما كان من جارة الضحية، إلا وأن قالت لوالدتها (روحي شوفي صور بنتك ع موبايل إبني)، وهذه الجملة التي إعترفت الجارة لاحقا بأنها مجرد أكذوبة أرادت بها إغاظة المرأة في لحظة غضب، كانت كافية لإزهاق روح إنسانة بريئة". هذه الفتاة ، وحسب الناشطة، كانت معروفة بين أهالي القرية بأنها شبه خادمة في منزل أهلها، تقضي غالبية وقتها في الأعمال المنزلية (لا طلعة ولا نزلة)، ولا تطلب من الله إلا الحياة، تلك الحياة التي حصدتها منها نفس الإنسانة التي منحتها إياها، بإرادة الخالق، قبل ستة عشر عاما، هي أعوام لم تشفع لها لأن تبقي ولو أثرا بسيطا من التسامح في قلوب الأشخاص الذين تنتمي إليهم بالدم والسكن والألم والفرح". تقول الناشطة:" في إعترافاتهم في التحقيق الأمني قال ذوو الفتاة أن ما قالته الجارة كان بالنسبة لهم كارثة حقيقية: (البنت مست شرفنا، وواجب علينا غسله، وكمان ستر الموضوع قبل ما ينتشر)، وكانهم تأكدوا من أن الإتهام صحيح، فهم لم يكلفوا أنفسهم حتى عناء التأكد من صدقية الإتهام، قرروا قتلها، وبدأوا يخططون لتنفيذ المهمة!، والغريب أن والدتها، التي تحكمها العقلية الذكورية، وتعتبر الأولاد الذكور مفضلين لديها، قالت في التحقيقات: أنا من نفذت الجريمة، خفت على أولادي يروحوا فيها، فضحيت بنفسي لأجلهم!!!!!!!". وتضيف الناشطة:" قبل يومين من وقوع الجريمة لاحظ سكان المنطقة، وجيران الضحية حركة غير عادية في بيتها وبيوت أعمامها المقيمين في نفس المحيط، وفسروا ذلك، بالإشارة إلى أنهم ربما كانوا يتدارسون بنوع من الإرتباك والقلق كيفية تنفيذ الجريمة دون إلحاق الأذى بأنفسهم". وتبين:" الغرابة في هذه الجريمة تكمن في سلوك الوالدة الجانية، والتي لم تكتف بتنفيذها للجريمة حماية لأولادها الذكور، بل قامت وبكل دم بارد بتوجيه أمر لإبنتها الضحية بتنظيف المنزل، والعمل على ترتيب كل ركن فيه، والقيام بنفض الغبار عن أثاثه إستعدادا لإستقبال المعزين بها، حيث كانت نية القتلة تتجه لإدعاء وفاتها الطبيعية بعد قتلها". "نامت الضحية متعبة بعد يومين من العمل الشاق على تنظيف المنزل"توضح الناشطة" وخلال نومها إنقضت عليها والدتها كالذئبة، تلفّ حول عنقها حبلا لم تفلته إلا بعد أن تأكدت من موتها. وفي الصباح ذهب القتلة بجثة إبنتهم لمركز صحي القرية وأدعوا أنهم استيقظوا من النوم فوجدوا إبنتهم ميتة، زاعمين بأنها ربما توفيت على أثر سكتة قلبية". "هنا لاحظ الطبيب علامات الإختناق، من إنتفاخ وزرقة في جسد الضحية، فواجه أهلها بالحقيقة، وسارع لإطلاع الأجهزة الأمنية، وتم ألقاء القبض على جميع أفراد العائلة، والذين خرجوا من السجن بعد مضي شهر فقط على فعلتهم، رغم أن الطب الشرعي أثبت عذرية الفتاة وبراءتها من تهمة الزنا". مشهد مؤثر تصفه الناشطة التي حضرت لحظات توديع الضحية قبل دفنها" قامت جدتها لأبيها بإخراج جديلتها الطويلة من كفنها وووثقتها بشريط أبيض، وأشارت للموجودين قائلة(هذه علامة طهرها)، ومن ثم نظرت إلى حفيدتها بعيون باكية وقلب منكسر قائلة(روحي يا ستي لعند ربك أرحملك منهم، وهوّه القادر على تخليص حقك منهم)، وعلى وقع هذه الكلمات صارت النسوة الحاضرات تدعو الله للإنتقام من الوالدة الذئبة، والتي وصل بها التوحش درجة لا يصدقها العقل |
| عدد 3 عضو بقولولك شكرأ يا لونا باسل على هالموضوع المرتب: | ||
|
#2
02-02-2012, 07:40 PM
|
||||
|
||||
 هاد الاشي صار بقرى الخليل؟؟ايمتا؟!ما بستبعد بس ما سمعنا اشي متل هيك لا حول ولا قوة الا بالله العلي العظيم فعلا في قرى في الضفة تفكيرهم نفس تفكير ابو جهل وزمن الجاهلية التخلف الموجود انو البنت موجودة للشغل ويخرب بيتها امها!!! يعني كيف هيك قدرت تدبح بنتها!لا وخلتها تنضف البيت مشان العزا  يعني لسا الحيوانات ارحم  وشرف شو اللي بتحكي عنو يعني لو البنت كانت هيك هاد لو في اسلوب لمعالجة الموضوع مش انو يروحو يموتوها مشان جارتهم رمت كلمة! والله تخلف الله يرحمها ويجعل مثواها الجنة
_______________________________
.
. .    يسلمو حالة غريبة . . . 
|
|
#3
02-02-2012, 07:49 PM
|
||||
|
||||
|
اقتباس:
انو هلاشفتو الخبر وربي مصدومة مش عم صدق لك وين الانسانية ؟وين عاطفة الامومة مستحيل هادي ام؟ لك ليش قاعدين بشوهو بصورة الامهات هيك؟؟ هي وحدة مختلة عقليا مستحيل انها بشر انو شرف يلي بحكو عنو لك المصيبة انو يلي بيلعبو بشرفهن عايشات حياة ملوك ويلي بروحو فيها الشريفات الطاهرات ليش بعدنا بهاد التفكير ايمت رح نرتقي ونفكر تفكير سليم لك الجارة حكت هيك انت ما بتوثقي شو ربيتي هيك ع طول لا والمشكلة مو الام لحالها كل العيلة الله ياخد كل واحد ظالم هيك 
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
|
#4
02-02-2012, 07:50 PM
|
||||
|
||||
|
"يا أيها الذين آمنوا إن جاءكم فاسق بنبأ فتبينوا أن تصيبوا قوماً بجهالةِ فتصبحوا على ما فعلتم نادمين" يعني شو هالشرف الي يخليها تقتل بنتها قبل ما تتحقق من براءتها تخلف بعيد عنكو , ومن علامات الساعة كلها هالأشياء الي بنشوفها سواء هالحادثة ولا أحداث مباراة بورسعيد مبارح يوم لا يدري القاتل فيما قتل ولا المقتول فيم قتل
_______________________________
لن أعطيك بيضة.. بل ساعلمك كيف تبيض
|
|
#5
02-02-2012, 07:55 PM
|
||||
|
||||
|
اقتباس:
مستحيل هاي ام لك ازا ابني بنجرح بتوجع عنو اقتلووووووووووووو ليش هيك البشر صايرين؟ امبارح كانت مصيبة وكارثة بمصر هزتنا واليوم بسمع هاد الخبر زمانا مرعب صرت اتمنى لو اني طرشة عمية لابشوف ولا بسمع هيك شوفات كانت بلتهي بحالي بس 
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
|
#6
02-02-2012, 08:43 PM
|
||||
|
||||
|
بتحصل بكل الدنيا ياخيتووو ماتستغربي هيك شي بس الحمد لله عنا بفلسطين اخف من بلاوي غيرنا عموما بالنسبة للفتاة كلمة وحدة عند ربنا اكرم الها من عند العبد ويابختها
_______________________________
•\\•//•  •\\•//• غلاك ﺑﻗﻟﺑي ﺛﺂﺑت ﺑ ﺂﻟﺷﺷڕآﯾﯾﻥ̴̲ ۆﻟو ﺂﻟﺟﺑﺂل ﺗزول ﻣﺂھﯙﯙب زﺂﯾل :♥ M ﻓي ﻋﯾﻧي ﺂﻟﯾﻣﻧێ ﺗﺳﺂوي ﻣلآﯾﯾﻥ̴̲ وﻓي ﻋﯾﻧي ﺂﻟﯾﺳرێ ﺗﺳﺂوي ﻗﺑﺂﯾل  مآغيرگ آعشقہ R
|
|
#7
02-02-2012, 09:06 PM
|
||||
|
||||
 اقتباس:
بس انو ام تقتل بنتها انو عقل بستوعبها وعشان شو؟ البنت ارتاحت منا لظلم صح بس ماتتقتل بريئة طاهرةبتفكري الناس بتصدق انها ماعملت شي الله يرحمها
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
|
#9
02-02-2012, 09:20 PM
|
||||
|
||||
|
اللهم امين
انرت اخي شقي
_______________________________
اللهم إني أسألك عيش السعداء وموت الشهداء والحشر مع الأتقياء ومرافقة الأنبياء اللهم إني أعوذ بك من زوال نعمتك ومن فجاءة نقمتك ومن جميع سخطك
|
|
#10
02-02-2012, 09:37 PM
|
||||
|
||||
|
والله شوفت الخبر الصبح وانسم بدني من هالفصل الجديد من جرائم "قلة الشرف " البنت عمرها 16 سنة يعني اي انحراف اخلاقي بتعمله اهلها لازم يعاقبو حالهم اول لأنها بعمر بيحطها قدام اول تحدي حقيقي "لتربيتهم " بس فش تربية خلف وزت وبعدين تعال الطم وبعدين لنفرض انها زنت عقاب الزانية الغير متزوجة مش القتل بس تعالي قولي هيك بيقولولك مية ذريعة وحجة اشي الواحد بستحملش العصبية الي هو فيها <<<وبوكرة بتستحمل نار جهنم ان شاء الله اشي الناس اكلت وجهنا <<<وخايفيين من الناس ومش خايفيين من رب العباد هو ليش في عنا دين وشريعة نمشي عليهم عشان انكون مسلمين بالاسم وانعيش بغابة ولا عشان انطبق حدود الله الي بتنظم حياتنا ! انت لمّا بدك تقتل عشان تشفي غلك وبتقلل من حد الجلد كأنك بتشكك بعدالة الله "سبحانه عمّا يصفون " مفاهيم بالية وعقول عشش فيها السوس بدها شطف من اول وجديد والي بيجلط القوانين الظالمة الي بتخفف من عقوبة هيك مجرمين بداعي الشرف !!! اي شرفك بس تقتل دمك روح لمّه من جورة المجاري  الجرائم هاي بحس كلنا مشاركين فيها المجرم الحقيقي القانون الظالم الشعب الي ساكت او بيشجع على قلة هالحيا حسبنا الله ونعم الوكيل يارب ما يتبرو من دمها ليوم الدين
_______________________________
لا حول ولا قوة الا بالله العلي العظيم 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
