منورة بطيخة زوز

وشكرا ً كتير زيزو على هالفرصة الذهبية



النور نوركـ

بس بدون سفك دماء



.
.

هلأ أنا بدي أسألك كم سؤال

طيب
إنتي كنتي تتمني تكوني طالبة فلسطينية زينا ؟ تاخدي منهج فلسطيني ؟

كنت اسمع منكم عن المنهج
وصار عندي فضول كثير اتعلم زيكم
وعنا في مدارس بالقدس بتمشي عالمنهج الفلسطيني
بس بغير القصد لا ممنوع،،

كلو ع منهج الدولة .. منهج نحس
حبيت اتعلم زيكم بس ما في نصيب

شو أسوأ حاجة بالتعليم عندكم في كافة مراحله ؟
انوا البرنامج التعليمي للطلاب العرب بخزي !
ان كان جدول العطل والايام الدراسية

وان كان المنهاج نفسه من ناحية مواد..

كثير مدارسنا مظلومة مقارنة بمدارس اليهود..

الي الها برامج وخطط بتصدمنا ،،

من اسوا الحاجات انو بتحسينا مشتتين،،

مجبورين يعلمونا اشياء غلط احياناً،،

مثلاً تاريخ,, حسب شو الدولة بدها..
مش حسب الصح والمزبوط..

وغير مشكلة الواسطات الي متلبسين فيها..

ونزلت مستوى الطلاب للارض..

صارت معلمة الدين بقدرة قادر معلمة رياضيات

ومعلمة العبري فنون

ومعلمة الانجلش القديرة طارت
واستاد الرياضة هندسة

وطبعاً ما في حد يكافح هالفساد..

بالعكس مكيفين هيك بدهم..

نضيع الله لا يردنا !


شو بتتمني يكون عندكم مواد ؟
بالمدارس مثلاً :

كان زمان تخصصات الخياطة والتصميم والديكورات..
ما عاد في من زمان.. بتمنى يرجع !

كمان تخصصات اللغات !
قليل من المدارس الي بتعطي مجال للغة

غير العربي والعبري والانجلش..

وبدي الي مادة بفن التصوير


وهل بتعتقدي إنه إنتو مظلومين بالمواد اللي بتدرسوها ؟

اه بعتقد وبشدة يا حضرة القاضي
كثير مواد بدها دعم..

ونقص كبير بمواد مهمة..

مثل اللغات !


احكيلنا شوية عن اللغات اللي بتعرفيها غير العربي والعبري

هني العربي والعبري والانجلش..

بس ال 3 على الله العوض!
بنحكي عربي مكسر
لو تشوفي الوضع الي بخزي عنا..
بنكون بنحكي ونص الجملة عبري..

كلمتين عربي كلمة عبري..

الله لا يسامح الي كان السبب..
وحتى احنا بالبيت للاسف..
استبدلنا لغتنا الام..
وبنحكي انو الظروف وهيك لازم لنمشي حالنا
والي ما بعرف عبري علقته سودة..

حتى كتب بالعربي ما في زي الخلق

ولا روايات ولا ما يحزنون.. يا دوب كتب المدارس..

الجامعات والكليات كلو لغة عبرية

اللهم الا اكم كلية جديدة ..فيها عربي وعبري

وما فيها الا اكم موضوع


مممم اللغة الانجليزية ..

الله يعوض علينا بشبابنا..

انا هاي اللغة بعشقها بكل ما تحمله الكلمة من معنى..

بس وضعي في تدهور..
لانو نادراً ما نستعملها،،
واصلاً المدارس ما بتشدد كثثثير عليها،،

بس انا عن نفسي كثير بحبها،،

قراءة وكتابة وضعي بجنن..

اما محادثة لا !

والاغلب هون حتى قراءة وكتابة وضعهم تحت الصفر

وبدي تعرفينا أكتر عن ( البجروت ) لأنه هنا مش الكل بيعرفه ولا حتى سمع عنه !

البجروت وما ادراكِ ما البجروت..

هم ومقت.. نفس شهادة التوجيهي عندكم،،

بس الفرق انو لازم نعمل كمان امتحان بسيخومتري

يعني علامة القبول للجامعات بتكون نسبتها ما يقارب ال 30%-40% من علامة البجروت

والباقي بسيخومتري.. والا هو امتحان صعب كثير
وبحكوا تعجيزي احياناً.. خصوصاً للطلاب العرب

الي ما بتعلموا ولا بتدربوا على طريقته بالمدارس..

والي هو موجود بمنهاج اليهود

البجروت.. امتحانات بالتخصص الي بالثانوية..
وطبعاً كل طالب وتخصصه وقدرتهـ..

وبكون مكون من وحدات .. لازم الواحد يجمع اقل شي
21 وحدة بجروت منها 5 تخصص ليحصل ع
شهادة بجروت (בגרות שלם)..

بنفع توخدي بكل موضوع من 3-5 وحدات..

ال 5 اصعب اشي ..
مثلاً بالرياضيات انا اخدت 4 وحدات
بالانجلش 5
بالعبري 5
تخصصي 5

وعملت كمان تخصص زيادة..

ال 5 وحدات عملياً هو 3 امتحانات بكون

امتحان 03
امتحان04
امتحان 05
والصعوبة بتطلع مع كل رقم..


عربي 3 لانو الجامعات ما بتعترف بال 5

فش حاجة

وكمان مليان مواضيع..

بيولوجيا- كيمياء-حاسوب- فيزياء

وكل الهبل..

وكل ما معك وحدات اكثر بعلامات عالية

معدل البجروت بصير اعلى..

عملياً هيك بصير اريح عالطالب بامتحان لبسيخومتري..

وكل 5 وحدات بتوخدي عليهن بونس !

بس الاشي نسبي..
مثلاً الي بجيب 100 بال 5 وحدات

بوخد 25

الي بجيب 90 بوخد 20

وهيك..

بالاخير المعدل بكون من 118..




ويعطيكي العافية لما تجاوبي برجع تاني

شو بتشتغلي صحيح

يا ويلي ع هالسؤال..
لو تابعتي مايك المقعد كان عرفتي

بشتغل ب Mcdonald's


امنورة يا بطيخة والك معزة وغنمة عندي هههههههههههه

النور نورك يا كابتن
وبقلبي الك ملعب


شو رأيك بحصة الرياضية

الله على حصة الرياضة الله

بالابتدائية احنا وولاد صفنا نلعب كل اشي..

بالاعدادية كان ملعب منفصل للصبايا،،

فكنا عنجد نعجب وننبسط بالدرس ونبدع ونطلع طاقاتنا..
بالثانوية واجهت افهم معلمة ع وجه الكون،،

ما شاء الله عنها كانت ملمة بكل اشي،،

ودائماً دروسها اجمل ما يكون

والرياضة تمارين وتعليم عالورق وبعدين شوية لعب،،

طول عمرها حصة الرياضة بعزها

وجامعتك

كيف متأقلمة مع السكن ومع الجو اللي عندكم؟؟



اول سنة اكتئبت،،

انهرت فترة الله لا يعيدها

جيت هون السكن طبعاً مختلط،،

الغرف جنب بعض..

كلو سامع كلة

يهود وعرب وقرف..

اسلام مسيحية ويهود ودروز..

وعلمك عاد

شفت الويل لحتى تأقلمت،،

رغم الاجواء القرف والصدمات الي شفتها

لقيت بنتين نظاف وما في منهن

وضربنا صحبه والايام بلشت تهون معهن

بس بالاول كان موت خصوصاً لبنت ملتزمة..



شو كان حلم حياتك تطلعي؟؟؟

طول عمري احكي محامية واصير قاضية
او عاملة اجتماعية..
او مضيفة طيران

وازا فضيت برجع


اختيار ممتاز يا اننااس

شوف ال البطيخة الصفرا نجيبة ال

اه ولك


من اسمها مبينة الشغلة
مش عاجبك البطيخ ولي


بس انو يعني عنجد انك منورة والله بحكي جد

بعد شو


أسئلتي لالك يا سيدتي القاضية

محكمة

من ثمك لباب السما


اول سؤال بدك تحكيلنا اعلى علامة بالبجروت هاد اللي بتخرجوا منه ع الجامعة اكم فيه
118 اعلى اشي،،



وانتي اكم جبتيه تحكيش مش راح نفهم ما تخافي بنفهم هههههههه

هههه 114.3 .. ينعن ابو الرياضيات


تاني سؤال > لو ما كانت تدرسي حقوق لودتي ان تدرسي ................

وددتي

لوددت ان اود

عاملة اجتماعية عشان اعقد المش متعقدين


تالت سؤال > في كان عندكم مادة تاريخ او يعني متطلب بالجامعة وهل بيحكوا عن تاريخ اسرائيل

وكيف معتقداتهم عن هالتاريخ يعني شو بيحكوا عنو ؟


بخبصوا تخبيص

ولازم حسب منهاج الدولة غصب نمشي

رابع سؤال لو كان اجتك فرصة بعرف مستحيل بس لو انك تدرسي بغزة بترضي > قولي لأ<

اه والله برضى،، اهم اشي عشان اشوف هالناس الطيبة..



خامس سؤال> خلص يعطيكي العافية


رفعت الجلسة

منوورة بطييخة ,,

مُتابعة .. بعدييين جايينكـ كوومة أسئلة

/

يعطيكون العافية ...~

فَ الله يعين هالطلاب عالنجاح !
سؤال مين ايمت بلشتي تاخدي بجروت من عاشر ولا بعد؟

اخدت التاريخ..
اول وحدة بال 4 وحدات رياضيات..
واول وحدة بال 5 وحدات Eng
واول وحدة بالحاسوب

قصدك طلابنا الي بيجوا ع جامعة جنين وهيك؟
لا بس بجروت .. اصلاً هروباً من البسيخومتري الطلاب
الي عنا بطلعوا عالاردن- جنين- المانيا..
رومانيا

بانو جامعة بتدرسي؟
^_^