|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
07-02-2012, 08:20 PM
|
||||
|
||||
بديش اتجوز !؟!
السلام عليكم ورحمة الله وبركاته صباحكم ومساكم سكر يا صبايا ان شاء الله كلكم اتكونو بخير امبيرح كنا قاعدين بجلسة بنحكي بظاهرة شايفينها قاعدة بتزيد وحبيت اطرحها عليكم لنشوف ارائكم او وجهة نظركم بالموضوع بما انها شغلة بتهمنا ك بنات !._ راح ابدأ بالأمثلة اولا :_ فلانة صاحبة منصب عالي بعد ما وصلت الأربعين وهي مش متجوزة راحت اتجوزت واحد اصغر منها بخمسطعشر سنة _بالعشرينات _ مستواه التعليمي والمعيشي والمهني اقل منها بكتير ومتزوج بنت عمرها 18 سنة وعنده منها ولد !. فلانة عملت حالها ملاك ناقصه جناحين لامتصاص غضب النساء التانيات وبررت زواجها منه انو نصيبها وانها مش ضد مرته التانية ولو لاقى بيت كبير يجيبها وهالحكي الهشت الي بيدخلش راسي بتعريفة "الزوجة الزغيرة ساكنة مع اهل الولد بمدينة تانية بعيدة نص ساعة تقريبا عن مكان زوجها وما بيشوفها غير كل ابصر قديش وساكن مع الزوجة الجديدة " مش راح نختلف اذا كان زوجها اتزوجها طمعا بمصاريها او نزوة وما حداش يقولي حب ! لو اله قلب يحب كان بالقليلة عطف عالمسكينة الزغيرة المرمية ! ومش راح نختلف على حكم التعدد ولا راح نحكي فيه لكن الي بدي اركز عليه هو شو الي وصلك لهان !؟ وحدة سألتها يعني وانتي زغيرة ما اجالك خطّاب قالت لا اجاني كتير بس كنت بديش اتجوز وعلمي ووظيفتي همّا حياتي وطبعا بس كبرت حضرتها صحت على حالها وعرفت انّه هاي سنة الحياة ودورت على سعادتها بس للأسف على حساب تعاسة غيرها . وحدة تانية بنفس الظروف المشابهة رضت اتكون الرابعة بعد ما صارت قريبة عالخمسين !!؟ اي هو ضل بالعمر قد ما مضى !؟ وبيحكو انو جوزها كان مراهن صحابه انّه راح يتجوزها ويوخد كل مصاريها "وهي الي ياما رفضت عرسان احسن منه " بس فعلا اتجوزها وباعت الي فوقها والي تحتها وحدة تالتة رضت اتكون التالتة بعد ما صارت بالتلاتين ومع انها معلمة والها هيبة الا انو جوزها بيعرفش يفك الخط وكل اشوي بيضربها وبيهينها . وحدة رابعة صار عمرها 27 سنة بلا جيرة "خلينا انكون اشوي صريحيين هالعمر ببلادنا انتو عارفين شو بيعتبروه وبالتالي قديش بتكون الفرص محدودة " وهي مسكينة مشكلتها شايفة حالها كتير امها كانت تعيط هديك المرة لأمي من تحت راسها وهي اتقول البنت جننتني اخر عريس اجاها السنة الماضية دكتور ومنيح وسألين عنه الكل مدح فيه وهي حضرتها رفضته لأنها سألته قال بتحب بلدك الأصلي قالها اكيد ولو انو عيادتي مش برام الله كان انا ساكن ببلدنا قايلة يااااي ما بدي اياه يجي بعد سنين يقولي بدي اروح على قريتنا ! بالله هاد سبب رفض لشب في صفات منيحة !!!؟؟! والأمثلة كتيرة وعديدة والسبب الرئيسي لكل هدول انهم لمّا كانو بعمر مناسب للزواج "اتجعمصو " اتعالو عن كل عريس لحد ما يفوت القطار .. وبعدين بصيرو يقبلو بأي واحد لو شو ما كان !؟ طب ليش مش من الأول اتكوني عارفة شو بدك وامخططة لحياتك بعقلانية !؟ بجد بحس كتير من البنات ماشيات بلا هدف وغرورهم أعمى لدرجة وعفوا على هالكلمة "بس ع شو  " ممكن المشكلة بتبدأ من الأساس يعني تعالو لبنات المدارس واسألوهم بدكم تتجوزو راح اتلاقو نص حكا اه وكان مبسوط راح يلبس فستان ودبلة ونص حكى نو واي وما بدي ويااااي بدي اعيش حياتي وصراحة ما باخد برأي بنات المدارس بهالقصة لأنهم كلهم لو صحتلهم دبلة راح يقيمو الأفراح والليالي الملاح سبع تيام  بس الي بوقف عنده رأي بنات الجامعة والخريجات الي بيقولن مش وقته  وبدي اعيش حياتي وباقي هالأسطوانة المشروخة  وفي منهن بيتعدين هيك لينفين بالبت القاطع انهم ما بدهم يتجوزو طول العمر والمشكلة الحكي بيكون بين البنات بيوصل لأاهاليهم وبينتشر انّ هاي البنت بدهاش تتجوز ففش حدى راح يغلب حاله ويدق على بابهم وبعدين قصة بدي اعيش هاي وكأنه الزواج مقبرة ! بحسها تقليد أعمى للشباب مع انهم بقرارة نفسهم عارفيين الشب يوصل لأي عمر راح يلاقي مية وحدة تقبل فيه غير عن البنت !؟ ليش لنحط حالنا بهيك متاهة منافية لسنة الحياة وان فعلا وحدة قررت ما تتجوز ,خلص اتخليها على قرارها مش اتعاود ترمي حالها برمية ابصر كيف وتهدم عيلة ! والأهم نحسبها صح وانخطط لقدام منيح بشكل عقلاني بعيد عن التكبر !؟ هاد الموضوع مش عن الي ما بصيرلهم نصيب بهالدنيا لأنهم هاد مش باختيارهم وربنا يعوضهم خير بالاخرة لكن عن الفئة الي بتقدم كل اشي بالحياة على الارتباط وبعدين بتعض الايدين ندم وبتورط حالها بشغلة اقل بكتير من الي كانت رافضتها !؟ بعرفش اذا وصلت فكرتي او لاء لكن خلينا انقول هاي دعوة لكل وحدة فينا تقعد مع حالها _وتصدق نفسها _ هي شو بدها بالزبط !؟ وزي ما قولت بموضوع الهندية الحلم والطموح حلو لكن ان ما اتحول لعقبة لتحقيق الواقع ! منورات
_______________________________
لا حول ولا قوة الا بالله العلي العظيم  
|
| عدد 19 عضو بقولولك شكرأ يا عاصفة فلسطين على هالموضوع المرتب: | ||
|
#2
07-02-2012, 08:24 PM
|
||||
|
||||
بدي احجز اول كرسي وارجع بعدين لانو عندي برم كتير ع هاد الموضوع 
_______________________________
.
. .    يسلمو حالة غريبة . . .
|
| شكر من هدول الأعضاء يا البطة الشلبية على هالموضوع المرتب: | ||
|
#3
07-02-2012, 08:26 PM
|
||||
|
||||
|
بيشرفني بطوطتي على اول كرسي وبنستنى رجعتك بتنوري دايما 
_______________________________
لا حول ولا قوة الا بالله العلي العظيم
|
|
#5
07-02-2012, 08:30 PM
|
||||
|
||||
|
اقتباس:
حلو وامور ومهضوم وابن عالم وناس  <<بحكي عن الكرسي  بتنوري يا سندي مستنيين رجعتك
_______________________________
لا حول ولا قوة الا بالله العلي العظيم
|
| شكر من هدول الأعضاء يا عاصفة فلسطين على هالموضوع المرتب: | ||
|
#6
07-02-2012, 08:34 PM
|
||||
|
||||
|
لااء بدنا ليش ليكون بدناش  فعلاً في كتيير بنات بعرفهم بيضلهم يحكوا ما بدنا نتجوز و بيعصبوا ازا اجت السيرة و ما بيلقوا مزح بهالخصوص إنو مش عارفة بشو بيفكروا .. بالنسبة إلي "أو بالأحرى مش أنا هم أهلي" برفضوا يستقبلوا حدا قبل الشهادة و أنا ما عندي مانع لإنو صعب البنت توفق بين دراستها و الزواج خصوصا بالكليات الصعبة زي كليتي .. بس غير هيك لا مش حيكون عندي مانع طبعاً .. و شايفة اللي اتعنطزوا شو صار فيهم .. زي ما حكيتي بالزبط بالنهاية الله يرزق بنات و شباب المسلمين بالازواج الصالحين .. يعطيكي العافية عواصف
_______________________________
. . . 
|
| عدد 5 عضو بقولولك شكرأ يا إينر على هالموضوع المرتب: | ||
|
#7
07-02-2012, 08:35 PM
|
||||
|
||||
|
يا لااهوي شو عندي برم انا كمان بس برد مختصر حاليا ً لأشوف الردود انا مش انو بديش ااتزوج بديش اتزوج بس بسراحه لو ما لئيت مواصفات معينه بيلي بدو يكون زوجي واعيش معو .. ركزي ع اعيش معو هاا مش رح اخدو .. واضل ببيت ابوي احسن لأنو بسراحه مش مجبوره ائلب حياتي كلها وبالاخر تنئلب ع راسي وما اكون مبسوطه ! ليه ان شاء الله ؟ مش انو انا صعبه .. لا بالعكس .. بس موضوع الحدا اللي رح احبو .. حساس شوي عندي .. لأنو عنجد الحب اشي بعنيلي كتييييييييير وما بئدر اتزوج واحد واعيش معو وانا ما بحبو ودايبه فييه ع الاخر من هيك الموضوع مأجل حتا اشعار اخر بحياتي .. ومش ببالي موضوع الزواج هلاء
_______________________________
.. Walking gets too boring When you learn how to fly
|
| عدد 2 عضو بقولولك شكرأ يا .. NiNa .. على هالموضوع المرتب: | ||
|
#8
07-02-2012, 08:38 PM
|
||||
|
||||
|
اقتباس:
يعني لا أخفيكِ ياعاصفة إنه أكتر بنت بالنسبالي بتشدني هي الي قدامها هدف و عندها ثقة بنفسها وعندها طموح بس وقت لما أحس إنه هي مش عايشة أنوثتها ولا إنسانيتها و صارت مجرد آلي بس للشغل والعلم وبس بنفر منها وبشوفها من أبشع الناس ، خلص في اشي اسمه توازن ، حلو الطموح وحلو الهدف وحلو الضحك وحلوة العفوية مش لازم يا تافهة ياعاقلة لدرجة بتخنق وبالنسبة للي اتزوجت واحد ازغر منها وهي 40 وخربت بيته ، يمكن مش بعرف التفاصيل بس تلقائي تقززت منها يعطيكِ ألف عافية يارب يا عاصفة يا فهمانة
_______________________________
- وانـتصـرَ أبطـال وجنرالات معـركـة الأمعـاء الخاوية وانتصرت الكرامة - ((وَبَشِّرِ الصَّابِرِينْ))
|
| عدد 5 عضو بقولولك شكرأ يا دكتور بيحلم على هالموضوع المرتب: | ||
|
#9
07-02-2012, 08:40 PM
|
||||
|
||||
|
اقتباس:
جاي احكي نفس الحكي يا احمد يا غشاش الافكار  حبيبي يسلم تمك ما في داعي اعيد صح !! يعطيكي العافيه يا عواضف متميزه كالعاده يما
_______________________________
 أشتاق لأن اعيش في "وطن " طالما سمعت عنه
|
| عدد 3 عضو بقولولك شكرأ يا m.zizo على هالموضوع المرتب: | ||
|
#10
07-02-2012, 08:41 PM
|
||||
|
||||
|
اقتباس:
عاد هدول الي بيعصبو همّا الي ما بيصدقن بعريس لو كان شو ما كان فش مانع البنت اتقول انا بدي اتزوج بس لأخلص شهادتي اول هيك الناس بيعرفو انو البنت مش رافضة نهائي وقطعي وبعد الشهادة يمكن اتلاقي حدى مستنيها لكن الي بيرفضو هالشغلة قطعا وبيندمو بعدين هدول وان علت مناصبهم ومراكزهم تفكيرهم صفر ! وامين يارب نورتي اينر وربنا يرزقك بابن الحلال الي يعرف قيمة احلى دكتورة
_______________________________
لا حول ولا قوة الا بالله العلي العظيم
|
| شكر من هدول الأعضاء يا عاصفة فلسطين على هالموضوع المرتب: | ||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
